Ka Oiaio, Volume VII, Number 7, 19 April 1895 — Page 4

NUPEPA KA OIAIO

J. E. BUSH, Lunahooponopono.

O KA PONO KA AIALII E OLA AI KA AINA.

POALIMA, APERILA 19, 1895.

            Aole o KA LEO kai hele maoli e noi, wahi a ka hoopunipuni, o ka poe Kemite aloha aina kai hele aku i na mamo misionari a puua ka waha a hawahawa na lima i ke kanaha dala, me ka hoino no nae mahope koke iho. He eha wale no ia la, pa umi ka iho ana iho. Hoino no na waha kii aku no e hoomalimali a e aihamu.

UA HOOLE.

 

            Aia hoi o V. V. Akepoka ma ka Halemai Moiwahine e noho 'la i kona omaimai. Ua waiho ia aku kona palapala hookuu ina oia e haalele loa mai ia Hawaii nei, aole hou e ike i na pua onaona o keia aina. a e hanu i kona mau ea maikai. Ua ike iho makou, ua hoole iho la oia i keia huikala no keia kumu haalele loa.

 

PERESIDENA HARRISON.

 

            Ua manao ia o keia keonimana aku ana no kekahi moho Peresidena ma ka aoao o na Repubalika ke  hiki mai ke kau koho i keia makahiki aku. O keia ke kanaka i ae i ka hoohui-aina i kona wa he Peresidena, a me he la pela hou aku ana no paha oia ke koho hou ia ae. ke ole e loaa kekahi kumu koikoi e keakea ana.

 

AOLE I HIKI MAI.

 

            Ua nana aku makou, me ka manao e hiki mai ana ke Kamaliiwahine Kaiulani ma ka moku Arawa, e like me ka olelo kanalua a kekahi poe moeuhane moe ole i lawe haanui mai ai i ke makou keena hana. Ua makani no ka olelo. Ua ninau makou, a ua oleloia mai e ka poe i pili i ke ali. opio, aole oia e haalele ana ia Ene@mi. aka, ua hookuonoono loa iho a kona noho ana, a ua kauleo mai i kona makuakane eu hoi aku ilaila e noho pu ai.

 

KAMANA MISIONARI MA HAWAII.

 

Ua olelo o Thomas G. Shearman na haule a ua lilo he mea Hookaumaha.

 

E KAANA IA ANA KA HANA A KEIA MANA.

 

UA HOINOINO IA KA MANAO HOOHUI AINA HE HANA PIHA I NA ULIA POINO

 

(Mai ka Nu Ioka Manawa mai)

 

            "Ano hoi eia hou no keia poe kanaka, ka poe ma ka pahaneri a me ka pa-tausani i kue me na olelo huhu o ka inaina hoopono i na mokuaina o ka Hema no ko lakou hoonele maoli ana, ma ka hoohana ana aku, i na negero o ka Hema mai ka pono koho balota, kekahi ano lahui kanaka malalo loa iho o ke kulana, wahi a ke kaena a na misionari mai mua mai a hiki wale iho nei i keia mau la pokole mamua aku nei, i o ua kanaka Hawaii a lakou i hoohuli ai i ka pono. o keia no ka poe i pil a i ka hauoli kiekie mamuli o ka mea i kapaia, me he pahenehene la, he aupuni repubalika.

            "Kekahi repubalika, io hoi, kahi i hiki ole i kekahi kanaka ke koho ina aole he kumu waiwai kona i hiki aku ke kumu waiwai e like me ka hele waiwai like me $5000 . ma Brooklyn, a o ka aina i hiki ole i kekahi kanaka ke koho i kekahi Sir Luna Senate ina aole he $3000 kona helu waiwai, ke mea hoi i like me $20;000 ma ke kulanakauhale o Brooklyn.

            "Aka me keia kaupalena ia no o ka pono koho ke makau nei no ko kakou poe misionari repubalika i ka hilinai aku i ka poe repubalika koho balota o lakou. No keia kumu aole loa hoi lakou i makemake e ae i ka lehulehu, malalo o kekahi ano ana koho, hookahi, e koho i ka Peresidena, aka, mamuli o ka lilo ana o ka mana o ka Aha Hana Kumukanawai, ua hookohu aku lakou ia Mr. Dole i Peresidena, e noho no eono makahiki, a e like hou aku hoi ka loihi e noho Peresidena ai me ka loihi o ka manawa o ka loaa ole o ka like o ke koho ia ana o kekahi mea e noho Peresidena e ka Senate a me ka Hale Makaainana; a ina no e kohoia ana, ua hoohaiki ia no ke koho ana a me ka lima o aneane elua haneri wale no o ka poe waiwai e noho la ma ka Paeaina.

            "A aole no hoi lakou i hooki iho i ka lakou hana ma keia wahi. Ua hooholo hoi lakou i na kanawai e hoopai ana i kekahi mea i aa e kamailio maikai ole hoi i kekahi o ko lakou poe kiekie mana nui hoi. O kekahi kanaka, ina ia he Hawaii a he Amerika paha, i aa e olelo ae aole keia aupuni repubalika he repubalika, a aole hoi i kupono maoli kekahi o na keiki misionari i oluolu e noho hoomalu i ka poe Karistiano barberiana o Hawaii, ua ku oia i ka hoopaahao ia no kekahi manawa loihi a me kekahi uku hoopai koikoi.

            "Aka no hoi me keia mau mea a pau, oiai aia ke aupuni a me ke kanawai a me na aha hookolokolo a me ke jure a pau iloko o ko lakou mau lima, ua makau no nae lakou i ka hilinai aku i kekahi o keia mau mana oihana aupuni, a i ka ike mua ia ana o kekahi wahi hoailona e hopo ai a mamua o ka hana ia ana iho, ua pani ia hoi na aha hookolokolo a ua kukala ia ae ke kanawai koa. A o keia iho la hoi ka kakou repubalika a na haipule Kalawina. O keia iho la hoi ka hua o na kanahiku kumamahiku o na ao'na Kalawina a me hookele'na aupuni misionari.

            "Ano ua makemake ia e hoohui ia aku keia mau mokupuni, me ko lakou mau lahui kanaka ahiu, hoomana-kii. kapulu, haahaa, pegana Kalawin, hoomana-kii Karistiano, a me na 100,000 lahui Monogolia a me na hapa Pukiki pu hoi, a o keia opala a pau e lawe ia mai iloko o ko kakou repubalika nei ma ke ano he mokuaina o ko kakou mau hui mokuaina e komopu mai e hooponopono pu i kokakou noho aupuni ana. Ua hooholo e ae nei hoi kekahi lala o ko kakou Hale Ahaolelo e hoolilo aku he $500,000 i mea e hookumu ai no ka hoomoe ana i kekahi laina telegarapa no keia kumu hana, kekahi hana, he mea maopopo, e hookomo aku ana ia kakou iloko o kalilo hoi ana he aneane $3,000,000 hou aku, mawaho o ka mea i hoolilo mua e ia, i mea e hiki ai i na Hawaii ke mahi-ko ma ke kumu lilo i keia aina o $50,000,000, he puu dala e lawe ia ae ana mailoko ponoi ae o ka waihona Amerika a hookomo ia aku iloko o na pakeke o ua kanaka mahiko i hiki ai ia lakou ke hoohana i na lahui Monogolia a me na hapa-Pukiki.

            "Aka e hoolilo ana kakou he mau miliona lehulehu hou aku i ko kakou hoohui ana mai ia lakou. E kukulu ana kakou i mau mokukaua e malama ai i keia waiwai o kakou i ka wa e loaa ai ia kakou.

            "Ua manao au o keia kekahi o na hana oi o ka pilikia a me ka hoopoino nui i kamailioia iloko a keia aina. Ina e holopono ana e panee ia ana lakou maluna o kekahi au hoohui aina panalaau a me na kaua liilii hoohilahila kuwaho. E lawe mai ana iloko o ko kakou hui mokuaina i an repubalika hoomeamea inoa wale no. kekahi mea nana e hooi hou aku ai i ka popo o ko kakou aupuni popopo mua no, a e hoohiolo hikiwawe ai hoi i ke ano oiaio maoli o na ano repubalika maoli.

            "Eia kakou ma ke kae o kekahi leina pali, a he wahi hooikaika uuku wale no koe e onou mai a haule aku hoi kakou. Ina owau paha ke ku hookahi ana maluna o keia mahele poepoe honua e kue aku no au a e holno aku i keia kumuhana holookoa o na kaua kuwaho, hoohui-aina, a me na kukulu panalaau ana, a hiki i ka palena hope loa.

            Ua pane ae o Kauka R. M. Raymond e apono ana i ka Mr. Shearman mea i kamailio ai, koe aku na olelo e hoahewa ana i ka aumoku kaua. Aole hoi o Kauka Abbott i like me Mr. Shearman, ma na mea i hoike ia, aka ua like oia me ia ma kona kue ana i ka hoohui-aina.   S. F. March 20.

 

KA HUA KAI I KA HOME.

 

Laiku ka Moana, malino ke kai.

 

Na Kuhina elua o Hawaii.

 

Ma ka oneki o ka Arawa.

 

HE HOIKE NA KEKAHI EEPAKEKE.

 

            (Mamuli o ka lokomaikai o kekahi eepakeke maluna mai o ka makuahi Arawa o ke kakahiaka Poaono nei, ke hoonuanua aku nei makou no ka pomaikai o na makamaka heluhelu o KA LEO a me KA OIAIO, a na kela  a me keia e wae nona iho, oiai. o ua eepakeke la, aole ia no kekahi aina okoa, aka, no na kaiaulu no ia ou e Hawaii, a o kona aina hanau no hoi keia.--L.H.)

            Ua noho au ma Okalana, Kaleponi, he 6 makahiki, iwaena o ka huikau o na lahui like ole o ka honua, e hoonuu ana i na hua ia ono oia makuaina, i hoohua ia me na lau makamae o ke dala a me ke gula, ka mea hiki ole ia'u ke hoohalike ae me na waiwai makamae o kuu aina hanau nei.

            Aka, iloko o ka nui o ka loaa, ka makolukolu hoi o ke ahua o ke dala, aole no oe e lohe aku ana hookahi huaolelo e kahea mai ana ia oe e hele e ai, oiai e ku-ku ana ka mahu o na mea ai iluna o ka papaaina; a e hulali ana hoi ka maka o ka pahi a me ke o iloko o na mea ai i hoomoa ia.

            Aia he lehulehu o na kane, na wahine a me na kamalii e maau hele ana ma na alanui o ke kulanakauhale, me ke noi hele ana i na hunahuna materia o na apana dala, i mea e loaa ai ke ola o keia noho ana.

            A o kekahi poe no hoi, he mimo loa lakou ma ka aihue ana, i oi aku ka maalea i ko ka Popoki akamai i ke poi ana i ka iole.

            He mea makehewa paha ia'u ke kamailio wale ana aku no, no ia mau mea, oiai, ua liliha ko oukou mau pepeiao i ka lohe ana mai ka poe maoli i hele a ikemaka na ano hana o ua aina kaulana la, a o ka'u mea wale no e hoike aku, oia na mea e pili ana i ko'u hoi ana mai, a me na Kuhina Hawaii elua e hoi pu nei me a'u.

            Mamua ae o ko'u manawa e makaukau ana e huli hoi, ua hoike aku la au i ko'u wahi kokoolua i hana pu ai malalo o kekahi haku, no ka manawa, kokoke eha makahiki, me ko'u hai pu ana aku hoi iaia, me keia mau huaolelo e naueue ai kona puuwai.

            I ka la apopo e haalele iho ana au i ka ulu wehiwehi nei o Okalana, a e hoi aku ana au maluna o ka mokuahi Arawa, no na aekai o Hawaii, ua lawa ae la ko'u aea ana ma keia aina malihini.

            O keia mau olelo a'u i hoopuka aku la, ua like ia me ke kui kele e houhou ana i ka puuwai o kuu hoaloha, a pane mai la oia ia'u, e hoomanao, e hiki aku ana au e ikemaka i kou home aloha, mamua hoi o ka lohe pepeiao wale no.

            I ke kakahiaka o ka la 6 o keia mahina, ua liuliu ae la au i ko'u wahi paiki, me ko'u hele ana ho e ike i ko'u mau haku oluolu, me ko laua ana pu mai hoi, aole au e hoi, he nui ko laua aloha no'u, mamuli o ko'u malama pono i na kauoha a pau me ke pakike ole.

            Aka, ua paa kuu manao, e hoi e ike i kuu wahi pokii, ka hua hope loa hoi a ko makou mau makua i hookoe iho ai ma keia ao, oiai, ua ohi aku la make a pau. a koe o mana wale no, a mamuli o kona kakau leta ole na'u i kono ia ai au e hoi i ka home, he aha la ke kumu?

            Ua kau iho la au maluna o ke kaaahi, e kamoe ana ke alahele no ke kulanakauhale nani o Kapalakiko, e kau ana hoi maluna o na waapa-kao hookui, a me he mea la, aia i ka ama maloo kahi i hele ai, a ke nana ko oe i ka holo a ke kaaahi, poina ka ike i na maka, i ka ua mea o ka holo.

            He manawa pokole wale no keia holo ana aku la, a hiki aku la makou i ka uwapo, kahi a ka mokuahi Arawa e pili ana, i loa no a ku ke kaa, o ko'u lele koke aku la no ia ilalo, a komo koke aku la iloko o ka rumi ohi tikiki, no ko'u uku moku, a i loaa hoi he wahi rumi kupono no'u e hooluolu ai i ko'u wahi kino, oiai na la ma ka moana.

            Ua loaa io mai la ko'u tikiki uku moku, a o ko'u wa no hoi ia i hoihoi aku ai i ko'u wahi paiki iloko o ko'u wahi paiki iloko o ko'u rumi, a lele hou aku la no iuka o ka uapo, no ke kali ana no ka wa holo o ka moku.

            Aole no i liuliu iho ka'u ku ana iho i ka uwapo, ike aku la au i kekahi  wahi haole pilalahi wale no, a he mau maka oolea hoi kona, i ka maalo ana iho mamua o kuu aol, a ma kona lima e paa ana he bila gita hookani, i paa iloko o ka pahu me he mea la he ili bipi paha, a me kekahi wahi kokoolua hou iho no ona, a me kona wahi opeope no hoi e hii ana no.

            Ua ninau aku la au i kekahi poe e kuku ana, owai hoi kela mau wahi haole i pii aku la iluna o ka moku? Ua pane mai la kekahi, o Kakina ka mea i pii mua aku nei me ka bila gita, ke Kuhina Noho o Hawaii ma Wasinetona a ua pau hoi kona noho Kuhina ana no laila, a e hoi ana no kona aupuni. A o ka lua iho, o Samu Demona, ke Kuhina Waiwai ma Hawaii.

            I keia wa a makou e kamailio nei, ua kapalulu ae la ke oeoe o ka Arawa, a o ko'u wa no hoi ia i pii aku ai no luna o ka moku, a aole no hoi i liuliu iho, hemo mai la ka laina, a kaa mai la ko makou alakai ana malalo o ke pailaka, a o ka hora 2:45 p.m. ia o ka auwina la o ka la 6 nei, a aia hoi ko'u mau maka ke nana pono nei i ka nui hewahewa o na moku e ku ana iloko o ke awa, a e hoopuka aku ana hoi, a e hookomo mai ana me na hae like ole o ko lakou mau aupuni pakahi.

            Ma ka hora 3:35 p.m., ua haalele mai la ka moku o ke pailaka ia  makou, a huli hoi aku la no loko o ke awa, a eia hoi makou ke kakele nei iluna o na ale lipolipo o ka moana, ke nana iho oe ma kekahi wahi, he eleele loa ke kai, i ane like paha me ka uliuli o ka inika kakau, a ma kekahi wahi hoi, he maila  ke kai, a ma kekahi wahi hoi, he hakeakea a ane like me ka puna.

 

KA OIHANA NUPEPA.

 

            O ka Oihana Hoolaha Nupepa oia kekahi o na oihana maikai loa, a he waha olelo hoi ia na ka lahui, mai o a o ka aina, e hoike ana i na mea a pau ana i ike ai, e like me ka mea i ike ia oia ka pono.

            A ma ia ano, ke hoike aku nei makou i ke akoa i kekahi poe Keonimana Hawaii e ake nei e lawelawe i keia oihana ano nui, e like hoi me ka makou i lohe ai, ina nae he oia io ia, a oia keia.

            Mr. J. Nawahi, Polikapu, J. Kanui, J.K.Kaunamano, J. Alapai, a me kekahi poe e ao paha he nui, e hoao ana e kokua i keia hana.

            Nolaila, mamulii o ko makou lohe ana, i ka inoa o keia poe, e ake nei e hapai i keia hana iho nui, nolaila, ua komo iloko o makou ka mahalo ana aku i na keonimana o keia ano, a ua makaukau makou o kokua aku ia lakou ma na ano a pau.

            Aka, hookahi wale no mea nui e hiki ai ke holo pono kana hana imua oia hoi, e lalau i ke ala o ka huna. e like hoi me ka olelo a ka Buke Nui, he ololi ke ala e hiki aku ai i ke ola mau loa, a he palahalaha hoi ke ala e hiki aku ai i ka make mau loa.

            No laila, e na keonimana e kapae i na manao pili kino, a e kalai malui a o na olelo naauao, a kaulike hoi ma na aoao a pau. A he mea maikai no hoi ia, e hiki ai ka lahui ke ike mai i na kalai olelo ana ma keia waha olelo hou, a pela pu hoi ka poe nana e ku nei ka hoe o ko kakou waa a puni.

            Oiai hoi, ke ku nei kakou e ka lahui i keia wa, aia i ka-"wa" a oia kulana ka makou i kaohi paa ai a hiki i keia la.

            Nolaila, e na kini o makou, na makua o makou na kupuna o makou, eia he waha olelo hou nou a puka aku, aka aole nae i maopopo ka la e puka ai, a malaila, nae paha i ka malama ae nei o Hinaiaeleele e hiki mai ana, aka e nana aku kakou imua.

            O ka inoa o keia nupepa a makou i lohe ai, ke oiaio ia, "Ka Ahai Lono" aka, o ka oiaio loa ana, aia no a puka ae.

            E ka Lahui i nui ke alio umia ka hanu, nou e Hawaii Ponoi.

                        Ko oukou hoaloha oiaio,

                                                D. M. PUNINI.

            Aperila 15, 1895 Honolulu Oahu.

 

NU HOU KULOKO

 

            Ua hoomaka ae ka Hale-wili ko o Kealia e hana-ko no ke kikina 1895

            I keia Poakolu ae e ku mai ai o Peresidena Dol. me kona mau hoa, mai Kauai mai.

            Eia o Lunakanawai H. E. Cooper ke waiho nei iloko o na umii ana a ka mai Lagaripa, i keia mau la.

            Ua hoouna ia aku kekahi Makai kau lio no ka Lae o Makapuu. i ka auina la Poaono nei. a ua huli hoi mai me ka nele o kana huakai hele

            Eia ke hana hou ia nei he pa hou. no ka hoopuni ana i ka pa o St Anaru, malalo o ka hoohana ana a Mr. E. B. Thomas.

            He mau la ano maluhia keia o ke kulanakauhale nei, oiai, mai ka Poaono a ka la pule nei. aole hookahi lawehala i hoopaa ia i ka halewai.

            Ua hiki mai o Mrs, Ella Smith. kaikamahine a Ilamuku Hitchcock. mai Kaleponi mai maluna o ka R. P. Rithet.

            Ma o kekahi ulia i loaa i na paipu wai o Nuuanu, nolaila, ua hoonele ia ae ke kulanakauhale nei me ka malamalama o na kukui uwila, i ka po nei.

            He paka ua eloelo kai hoopulu iho i ka lihilihi o na pua onaona, o ko taona nei, ma ka po nei, a he ola no hoi no ka poe e uwe mai nei i ka mele i ka wai ole.

            Ua hoeha iho la kekahi wahi haole hoehoe waapa i kekahi Pake, a o ka hopena ua uku aku la oia he elima dala, no kona hoeha ana i ua Pake la.

            Kukuluaeo, Aperila 3, ua hanau he kaikamahine nui nepunepu na John Pulu (k) ma Kauhi (w) ma ia wahi hookahi no, la 9 o Aperila nei, ua hanau he keikikane na Hahale (k) ma Kahau (w).

            Ua lono wale ia ae ua ike ia aku ka halaoa mai o na kia moku i ka moana, a nolaila manao ia ai, o na aumoku paha e upu ia nei e hoea mai ana. O ka oiaio maoli, he mau waapa lawaia no kekahi poe Hawaii.

            Ma o ka oluolu o ke aupuni, ua haawi ia mai la i na wahine a me na keiki, a ka poe i hoopaa ia, he home no lakou makai ae nei o Kakaako. Ua hoau iho la lakou i ko lakou home hou ma ka la iho la o nehinei, a ua hoonoho pu aku no hoi ke aupuni i kiai no ka nana ana aku i ko lakou mau mea hemahema.

            Wahi a Kanui, aole e puka aku ana ka Ahailono a makou. O ka inoa keia o ka nupepa hou, aohe lono, aohe puahiohio olelo e loe iho ina e puka iho nei. Aka, ua hoopomaikai ia ka lahui i kona puka ole ana mai a malie.

            Ua hoeha ae kekahi haole ma ka Hotele Hawaii. I kekahi aoao palupalu; a o ka hopena oia kona lawe loa ia ana aku ma ka Halewai, a i keia la e hookolokoloia ai. Ua ulu ae keia pilikia ma o na keiki hoi a ka mea i hoeha ia, a ua manao ia no hoi. ua opulerule ia keia haole oiai aole keia o ka makamua o kona hana ana pela. O ka hana a keia haole he malama mea kanu  no ka hotele.

            Ua hoopai ia iho la e Lunakanawai Pere o ka Aha Hoomalu ma ka Poaono nei. kekahi kaikamahine Geremania o 16 makahiki, he 48 hora hoopaahae ma ka hana oe lea. He ekolu ae nei no pula o kona mare ana. a haalele koke iho la no i kona wahi hoa, a pii ino iho la ke kai o ua kaaka la, a haawi aku la na ke kanawai e ao mai iaia. Ua ae oia e hoi hou e noho pu me kana kane mare.

 

He Moolelo Kaulana

 

------NO------

 

OPERIA.

 

Ka Eueu o Aitiopia

 

----A ME----

 

 

APERODITE

 

Ka Mahina Piha o Iopa--Ka Oiwi nona ka Ui a me ka Nani, i oi aku i ko

 

ALIOPE

 

Ka Moiwahine o na @a o ke Kai.

 

            O keia mau huaolelo a Operia e kaukau nei no kana lei aloha he wahine, aole ia he mea oiaia ole, aka oia maoli no ka mea oiaio, a ke hoomaopopo io iho no kaua e ka mea heluhelu oia maoli no ke kumu o ka pilikia.

            He manawa loihi no hoi keia kali ana o Operia, oiai kona kino ua hele a piha i ka haalulu mamuli o ka nui o ka nui hewahewa o ke aloha hana io e loku la iloko o kona puuwai. me he mea la ua eha oia i ka eha lima ole a ke aloha, ka mea hiki ole hoi iaia ke pale ae ia manawa.

            Oiai oia e kali malie ana no ka pohala hou ae o kana aloha mai keia haawina i kau aku maluna ona, a e iho mau ana hoi na omaka waimaka e hoopulu i ke kino maule o Aperodite.

            Ia wa i kaakaa ae ai kona mau maka a ike ae la oia i kana aloha e kalele iho ana malulia o kona mau poohiwi, me ka manao makee io o ke aloha wahine, oia hoi ka wa i moe hou iho ai o kona mau maka no ka lua o ka manawa.

            Me keia ano, i puili hou ae ai o Operia i kona mau lima, a haule iho la oia ma ka aoao o kana wahine, a noke haaloulou iho la i ka uwe. me ke kaukau pu ana iho hoi, aole oia e haalele ana iaia.

            I ka hoi hou ana mai o ka ikaika i loko o ko Aperodite kino, ua kaakaa ae la kona mau maka a apo mai la oia ma ka a-i o kana aloha, a uwe iho aua me ka ehaeha nui.

            I ka pau ana ae o na kokoia ana o ke aloha mawaena o laua, ua hoi aku la laua maloko o ka rumi hookipa o ko laua halealii, a e kamailio ana hoi no na mea i hala.

            Ua noho iho laua me ka maikai, a i ka piha ana o na mahina ekolu o ko laua naho ana me ka maikai, aia hoi ua pane aku la o Aperodite i kana kane me keia mau olelo, i ka i ana aku.

            Ua loihi na la i hala ae nei, aole nae i hoano e ia ko laua noho ana, aka i keia manawa, ke kau mai nei i luna ou na hoilali o keia mea he keiki, a ke makemake nei hoi au e noi aku i kou oluolu, ina paha e loaa ana ia oe, oia hoi, ua makemake au e ai i hua ohelohelo o ka Apala.

            Ina ia he mea e hoopau ae ai i keia ono e kokoi nei iloko o kuu puu.

            Okeia na huaolelo a kana wahine i pane aku ai mua ona, ina ia he mea hiki ke loaa mai.

            Aoia hoi ka Operia i pane aku ai imua o kana wahine, ua makaukau au e hooko aku ma na ano a pau, a ua ike pu no hoi au i kahi nui o keia mea he Apala oia no ka aina haaheo o Aitiopia, ka home oiwi hoi o kau kane nei.

            E ae koke mai oe ia'u e hele aku no kahi e hoopau ia ai o kou ono e kuu aloha a e hoi koke mai no au iloko o na la pokole.

            O keia noi a kuma kane, no ka hele ana e hooko i kona makemake ua lilo ia he mea maikai i ka manao o kana wahine, a oia hou hoi kana wahine i pane aku ai.

            Ano, ua loaa ia'u ka wa kupane e hoike aku ai i ko'u manao, a ke manao nei no hoi au. aole no oe e hoahewa, mai ana ua'u, a e lilo ana hoi ia manao i mea e hoohauoli like ai i ko kaua mau puuwai pakahi.

            Oiai hoi. eia no kana a elua iloko iloko o na kokoia o nei mea he aloha ke kaula gula paa loa hoi e hiki ole ai ia kaua ke mawehe ae.

            Ua manao au o kaua pu no ke hele mamuli o ko'u akenu. e halawai me kou makuahine aloha. a ma o na ala paha e loaa hou mai ai ia'u na hauoli a oi aku mamua o keia a kaua e noho nei iloko o keia wahi mehameha kanaka ole.

            A i ole ai hoi e lilo kau huakai kaahele i mea e hoopopilikie ai i kou noonoo. oiai au e noho hookahi iho ana iwaenakonu o ka moana laukanaka ole.

            Nolaila. ke nei aku nei au i kou ahonui e kuu hoa kakele o na po huihui o ka hooile, o kaua pu no ke hele.

            O keia noi a Aperodite ia Operia, ua lilo ia he mea maikai loa i kona noonoo. a ua ae koke aku la hoi oia i ke noi a kana wahine me ka hookaulua ole.

            Ua hoonauea iho la laua i na hai a oia auina ia. ma ka hoomakaukau ana ia laua iho ma keia huakai kaahele no ka aina hanau o ka kakou Operia, a no ka ike hou ana aku hoi i na maka o kona makuahine aloha e kau mai la na maka o ka ike hou aku i na helehelena o kana keiki aloha.

            I ka uhi ana mai o ka pouli o ka po maluna o ka aina, ua paina iho la ko laua wahi aina ahiahi me na mea ono i hoomakaukau ia

            I ka pau ana ua hoi aku la laua ma ko laua rumi moe ponoi, e hoaumoe ai me Niolopua.

            Ua pane aku la o Operia i kana wahine me keia mau olelo.

            Eia kaua ke liuliu nei no ka huli hoi i ko'u one hanau. a i ka wa e ike mai ai o ko'u makuahine a me ko'u lahui aloha he opuu rose makamae ma ko'u lima hema e hauoli auanei lakou, a e olioli ana hoi.

            No ka mea he mau makahiki loihi ae nei ko'u kaawale ana mai ia lakou mai me ka maopopo ole ia la kou o ko'u wahi i hele ai.

            Nolaila hookai wale no a'u mea e minamina nei oia ko kaua haalele iho i keia halealii nani me ke kanaka ole a e ku mehameha hoi oia iwaena o keia moana me ke kanaka ole nana e kiai i kona maluhia.

            Pane mai la kana wahine iaia me keia mau olelo.

            Mai minainina oe no keia mau mea au e ike nei. no ka mea i ko kaua wa e hiki aku ai i kou one hanau, e kukulu hou aku ana au i kekahi halea ii oi aku o ka kani mamua o keia, a he mea hoi e hoopaliaohao ia ai ka noonoo o kou lahui ke ike ia mea kamahao, e ku ana iluna o kekahi kahua palahalaha.

            A e piha auanei na mea a pau i ke pahaohao, me ka ninau ana mai hea mai la. i hoea mai ai i keia mau mea kamahao.

            Mahope iho o na kukai loihi ana o laua, no ka laua mau mea e hana ai ke hoea aku i ka home. ua haule aku la laua e hooluolu i ko laua mau kino.

            Mamua ae o ka wehe ana mai o na kukuna malamalama o ke alaula o ke ao, ua ala mua ae la laua no ka hoomakaukau ana ia laua iho.

            A oia hoi ko Aperodite i pane aku ai ia Opoeria, e noho malie no laua i loko o ka hale, a hiki i ka wa e hoea mai ai o ke kupunawahine ona mai ke Kai Melemele mai.

            Ua pono keia manao imua o Operia nolaila, ua liuliu ae la laua no ka aina kakahiaka, a oia hoi ko Aperodite wa i hele aku ai a ku iho la ma ka puka aniani e huli pono ana i ka hikina, a kahe aku la oia i kona kupunawahine me keia mau huaolelo kaukau.

            Mamuli o ko'u makemake iho, ke kauoha aku nei au ia oe, o keia hale alii a maua e noho nei, e hooi hou oku ae i kona nani, oi aku mamua o keia a'u e ike nei, a e kukuluia maluna o ka lepo o Aitiopia, ka aina hanau o kuu kane aloha.

             E hoomanao oe aole kekahi mea mawaho ae o keia i nele ka hiki ia oe no ka mea he oi aku kou ike a me ka mana e uiki ke hoonee i na mea paa mai kekahi wahi a kekahi wahi.

            O ko'u ano kupua, oia auanei ko maua alahele pokole e hiki aku ai i ka aina o kuu kanae, a he kanalua ole ko'u e hooko mai ana oe i ka'u e noi nei i keia manawa.

            I ka pau ana o keia mau olelo kaukau a ua kaikamahine nei i kona kupunawahine aloha.

            Aia hoi ua ike ia aku la ke kupikipiki o ke kai e hookuakea ana hoi i ka ilihualala o ka moana.

            Pii pu mai la hoi me na nalu nunui e hiki ole ai ke hoopakele ia ke ola o kekahi mea kino kanaka, a uhi mai la maluna o ka aina, kahi o ka halealii e ku ana.

            I keia wa, ua nalo aku la na mea a pau iloko o ke ehu a ke kai, a ua pau aku la hoi ka ike ana aku a na maka o ka mea kakau i na opio, oiai, ua uhi mai la ka malu hekuawa i na pali.         

            Oiai ka maa o ke kupunawahine e alai la me ka mama i na opio no ka lepo aloha o Aitiopia, aia hoi, ua pane aku la ka wahine ia Operia me keia mau olelo.

            I ke ku pono ana o ke kaha awakea i ka lolo e ike ai oe i na lalani kuahiwi o kou aina hanau, hoonoenoe mai ana iloko o ka ohu halii e pahola mai ana maluna o ka aina.

 

KA BANAKO O BIHOPA.

 

            Ua olelo ae la kekahi wahine Hawii i ka holo ana aku nei o S. M. Damon, ua hawanawana ia mai la oia e ke Kuhina Waiwai, ua pilikia ia o C. R. Bihopa a no ia kumu e holo ana oia e kokua iaia. Laha anei i keia wahine a i kana kane hou. a mai a laua aku. e holo ana o Damon e hoopakele ia Bihopa mai ka hopu ia ana no ke kipi i na Luna Senate. aka, mai mua mai a keia wa, ua koho hewa  wale aku la no keia wahine i ke ano o ko Damon hele ana a me ke ano o kaua olelo ana mai iaia, oiai aole loa he mea i hana ia e like me ka mea i hoowawa ia. He ole loa no. Ua holo aku la o Mr. Damon e hui me Mr. Bihopa e kuai aku i kona kuleana i ka Banako o Bihopa, a e h@aie aku i ka $800,000 maoli ana. Ua hookeia keia mea. Ua pau ko Bihopa kuleana holookoa ia Damon, a nona iho la ka Baneko i keia wa, a aia hoi iaia ka malama ana o na mea a pau o Bihopa. O keia ka moa oiaio O na olelo e ae he makani a he moeuhane na ka naau kuke me. Ahea la kekahi poe hoopau i na noonoo ano ole, a hoi ae ia a ka hoopono a me ka hoopololei?