Ka Oiaio, Volume VII, Number 34, 1 November 1895 — Page 2

Ka Oiaio.

 

NUPEPA KA OIAIO.

 

J. E. BUSH, Lunahooponopono.

 

O KA PONO KA AIALII E OLA AI KA AINA.

 

POALIMA : : : NOV. 1, 1895

 

HANA IO O PELEKANE.

 

            Ma ka mokuahi China mai o ka Poakahi nei, i loaa mai ai ia makou na mea hou makamaka loa e pili ana i kela hoopaapaa kule ma mawaena o Enelani a me Amerika, ma ua aupuni o ka Hema, oia hoi o Venezuela a me Guia@.

 

            Ua hoomaka liilii mai la keia kue ana, mai ka wa mai o Lord Saraisbury e noho Kuhina Nui ana no Eneleani, a hiki i ka mahuahua loa ana oia hoi keia wa a laua e aumeume mai nei, me ka manao o kekahi, e oi mamua o kekahi.

 

            Mamuli o ka hoike a ka mea kakau nuppa o ka New York World, i hoomaopopo loa ia ai, ke hele aku la lana e hookui ka ikaika hoohana o kekahi a me kekahi, a i mea e hoomaopopo io ia ai ko Enelani kuleana maluna oia mau wahi e hoopaapaaia `la, na loaa koke mai la ke kauoha mai ke Keena Kaua mai o Enelani, e hoolele kokeia na pualikoa o luna o ua mokukaua e kiai ana ma ia mau wahi iuka o ka aina, a e lawe puia mo na pukuniahi a me na mea a pau e pili ana i ka oihana kana, ma ka noho paa ana aku ma Beritania Guiana a me Venezuela, me ka hoohaklia ole.

 

            I keia la a kakou e heluhelu nei aia na pualikoa Pelekane iuka o ka aina kahi i haulani ai, no ke kali ana mai i ka Amerika Huipuia mea e hana aku ai maluna ona, ina no ka pono, a i ole no ka hewa paha. Aole no i maopopo na ai a laua, no ka mea, he mau aupuni hookelakela ikaika nae wale no a elua, a o ka mea naeia e maopopo ai ka mea ikaika o laua na ka “Yankee paha, a i ole na Jack ma no paha!”

 

AIA I Wasinetona.

 

            Ma na lono hope loa i loaa mai nei ma ke China o ka Poakahi nei, aia aku la ke Kakela o Hawaii, i ke kulanakauhale Poo Aupuni o Wasinetona kahi i luakaha ai i keia mau la, ua waiho aku la oia i kona palapala hookohu imua o ka Peresidena Kalivalana, ma ka Poakahi aku nei, Okatoba 21, maloko o ke Keena Oihana o ka Peresidena ma ka Hale Keokeo. Ua kukaiia na olelo e like me ka maa mau i na Luna upuni Kiekie, ma ia aina.

 

            Nolaila ua noho pono aku la ke Kakelu, aole hoi e hiki ana ka Haki ke hoi aku e pani ma kahi i mauaoia, aole e aponoia mai ana.

 

            O keia ka mea i loaa mai ma ke telegarapa i ka nupepa “Kahea” o Kapalakiko, i hoopukaia ma ka la 22 ae. Ke oiaio nae hoi kana mau olelo, a ina aole oia iho la no.

 

NOHIA NA KAI O KA HEMA.

 

            Ei ae ma ka Warimoo, a i ole ma ka Alameda o keia mahina ae, kekala haole nona ka inoa o Archie Hughes, kekahi o na loea ma ka oinana lawaia Sila, ma ua kai popolohua o Arita. E holo ana oia e nana pono ma na kai o ka Hema, a e huli hoi a noii, ina paha ua noho no lakouma ia mau wahi, e like me ko na kai o ka Akau.

 

            Ua hoomaopopoia, he 50 a oi ae nei makahiki i hala, na ikeia o na wahi hoolulu nui o keia ano holohelona i`a, oia no na kai o ka Hema.

 

            O keia hoounaia ana mai o Archie Hughes, e kekahi poe Hui oia ano hana, he hoakea ana aku keia i ka pomaikai o ka poe nana e noho hana la na kai lawaia o ka Berina, a e komo ole mai ai hoi kekahi aupuni okoa aku e keakea mai a hoopilikia paha i ka lakou hana i hooulu ai no ko lakou pomaikai iho. Noii no hoi ka haole, a hala ole no hoi ka olelo haole aliiaimoku kaulana, oia hoi o Vanekoua i pane aku ai ia Kamehameeha, “mai malama oe i ka haole, he mea hoomakaulii aina,” ua ko a ua pololei ia mau olelo, a ke ikemaka nei kakou i keia la.

 

UA MAKE MAI NEI

 

            Mamuli o na ulia o ka manawa, ua haule iho la mailuna iho o ka lio a make loa o John W. Mackay Jr, ke keiki hiapo a J. W. Mackay o Amerika Huipuia, kekahi o na keiki ahua pohaku nui oia aupuni, maloko o ke kulanakauhale uluwehiwehi o Parisa ma ka la 18 o Okatoba nei ma ke ahiahi no oia la oia i pauaho mai ai i keia ola ana.

 

            Ke ole makou e kuhihewa, o ke kumu nui, o kona hiki ana i Parisa, oia no kona mare ana i kekahi kaikamahine o kekahi lii o Farani oia paha ka Oreana a me ia ano oia l hookamaaina ai me na pohai oia kulanakauhale pookela o ke ao nei.

 

            Ua hiki mai keia lono kaumaha i kona makuakane, a me kona mau hoaloha ekolu oiai lakou e noho ana ma ke Keena hana o ka Paciic Postal Telegraph, ma ke Alanui Makeke.

 

            He keiki opiopio wale no o J. W. Mackay, o 25 makahiki, a he oi iki`ae hoi kona mau makahiki i ko kona hoahanau Clearence.

 

            Ua hoonaauao pihaia oia ma na kula kiekie o Ladana a me Parisa, a ua loaa iaia kekahi kulana ike a holomua ma na mea pili i ke kalepa, a me na oihana e ae e hiki ai ka holopono na hana ana.

 

            Me he mea la, e hoihoi ia mai ana no kona kino lepo ma Amerika e kanu ai, kona one hanau ponoi.

 

UA PAU AKU LA

 

            E like me ka olelo hooholo hope loa maluna o na kino o Han Hansen a me Thomas St. Clair, i haawiia e ka Aha Hookolokolo nana i noonoo i ko laua mau hihia, a mamuli hoi o ke noi pinepine a ko laua mau pilikana a me na kamaka, ua hoopanee mau ia ka hooko ana i ka hoopai i kania maluna o laua, a hiki iho la i ka Poalima, Okatoba 18, akahi no a hookoia maloko o na paia pohaku o ka halepaahao o San Quentin, Kaleponi.

 

           

Aole i lehulehu loa ka poe i konoia, no lakou ka huina he 20, i ka manawa i pau ai na hana a ke kahunapule maluna o ko laua mau kino, o ka wa koke no ia o ka mea li i hoomaka koke aku ai i kana hana, a aia laua a elua e lewalewa ana, a e pakaawili ana io a ia anei no eiwa wale no minute, ua pau loa ae la ko Han Hansen kuleana ma keia ao, a o kona kokoolua hoi, ua kamau iki aku la oia no umikumamaha minute. O ka kookoia ana iho la o ka lana hewa i hana ai maluna o ko laua hoakanaka.

 

UA PAEWA@KI

 

            Ua hoike aku la makou mamua aku ua hoonoaia ke kai mai Laeahi a Kakooko o ka pololnei, mai Leahi a Piinaio, ma o aku o Kalia. Nolaila, i mea e maopopo ai na mea a pau, ke mau ala no ke kapu o ke kai o Kalia a Kakaako, a me he la, he mau la wale no koe a hoonoaia aku no mamuli o ka make ana o Bapela ke kumu i hakalia ai ka noa ana, pela no hoi ma Kalihi, aka, e noa aku ana no.

 

            O kekahi o na eepakeke a ka mokuahi i lawe mai ai, ua noho lakou iloko o keia kulanakauhale, e hoomaha iki, no ka hooluolu ana i ke ola kino

 

HAINA BAIBALA

 

            “Owai ke kanaka i hanauia mamua o kona mau makua i make e mamua o kona mau makua a i kanuia iloko o ka opu o kona kupunawahine?”

Haina Abela

 

Hoakaka:--O Ahela, oia ka lua o na keiki a Adamu a me Ewa, i pepehi ia e kona kaikuana ponoi, Kaina, Kin. 4:2 11.

 

            O Adamu, aole ona makuakane aole makuahine, aka, ua hoohaania mai la oia mai ka honua mai, a ua lilo o Honua i makuahine no Adamu, a i kupunawahine hoi no Abela. No Ewa, ua maopopo kona moolelo i na mea a pau.

 

            Nolaila, ua maopopo loa mamuli o ka pepehiia ana o Abela ke kanaka mua loa i hanaia e ka wahine (Ewa) e kona kaikuaana ponoi Kaina, ua make mua oia iloko o ka Opu o ka honua kona kupunawahine, a makuahine hoi a Adamu.

 

            Penei ka mahelehele ana:

 

            1. O Abela ke kanaka i hanau kino kanaka ia mamua o kona mau makua, Adamu a me Ewa a i make mua hoi mamua o laua.

 

            2. O Adamu, o ka honua kona makuahine.

            3. O Honua (earth) oia ke kupunawhine o Abela.

 

            Ua lawa ae la kela mau wahi hoakaka pokole.

Me ka mahalo

A.S. KALEIOPU

Kannwai Oct. 25, 1895.

 

KALEO O KA HINIHINI

 

            Imua ou e ka Ipukukui Uila Oiaio, ka mea nona ka Malamalama i hoike ae i na Kaiaulu o ko Hawaii Pae Aina nei, KA LEO O KA LAHUI:

 

Aloha oe,

 

            Ano, ua hiki mai ia`u he wahi manaolana e noi aku i ka oluolu o kou Lunahooponopono, no ka1u wahi puolo uuku e panee aku nei imua o kou kulana hanohano ma kahi kaawale o kon kino lahilahi.  A nau hoi ia e kalana pono ae imu o na Kaukani Lehulehu i ka moeuhane a Kamohoalii, ka Ui kaulana o Hawaii i ka la puka ma Haehae, e hooipo ia ae la e Maunakea, kela kuahiwi alo pu me ke kehau. A e haina ia mai la e Kaililauokekoa, ka hiialo a ka wai halau i Wailua, a oia iho keia malalo iho:

 

            Oiai au e walea ana i ka olu kohai o kuu wahi lumi hoolimalima ma “Kikihale Lawn,” o ka “White Gate” hoi o na kaiaulu puiwa hikilele ae la au i ka pa-e ana mai o kekahi leo ia`u, a ua like loa me ke poo manao e kau ae la maluna. A i ko`u hoomaopopo ana aku i ka mea nona ua leo ala, eia ka o ka rosebut Makaamana, me na ono a ka puu o ka malihini, a i kuukilohi pono ana iho, ua ike iho la i na haolelo o ka rosebut a kuu makamaka maikai i hoike ae ai i ke akea imua o na kaukani lehulehu o maua. A oia iho keia: Ke kuaku nei au imaa o na kaukani o kuu mau hoaloha oiaio mai Hawaii a Kauai, imua o ke akea me ka wiwo ole, a kanalua ole no hoi ma na ano a pau o ke ao nei no kekahi kumu, a oia iho keia malalo:

 

            Ua heluhelu au i ka Makaainana mai ka mua a hiki i ka hopena, a aia iwaenakonu o ka mahinaai, oia hoi ka Makaainana. Ua ike iho la au i ka hoolaha e pili ana no kuu hoopaapaa ana, kuu olelo ino ana me ko`u kokoolua a ma kahi wahi e olelo ana, he puaa ke kumi i ka anehe ana ka e eku i ko hai kuauna me na mea e ae; na pololei kekahi a ua hewa kekahi. A eia ka pololei i ka hora a me ka manawa a`u i moeuhane mua ole ai, he wa hoopaapaa ia no`u me ko`u kokoolua hapaha hora i pau o ka hora 9 o na hora kuliu o ke aumoe o ka no Poakolu ua loaa iho la ia`u he hora hoopaapaa ia no`u me ko`u kokoolua mawaena iho no ia o ka noho hoaloha ana he aikane i ke aikane me ko mana ohana. A aohe no hoi he puaa kahi ia hora, a aohe kuauna loi kale e loko nei o ke Kikihale Lawn, a o ka White Gate hoi ma Kikihale mai mua a hiki i keia hora a`u e hoouna akunei imua ou e kuu milimili oiaio, a nau hoi ia e wehe maopopo ae imua o kuu lahui oiaio iloko o kela hora i ulupuni ia ai au e ka inaina o ka huhu, a olelo i na mea pono ole, he oiaio ia ma ka mea hiki ia`u ke olelo imua no o ka`u aikane, aole loa au i ike he puaa kekahi elike me ka hoolaha, a i ole hoi ia, he kuauna loi paha Aole, aole loa pela ka oiaio, o ka mea wale no a`u i ike maanei he poe kanaka, he poe wahine a me na Makai Kiu o ke aupuni i hele mai ai e papa e hoopau i ko maua walaau ana, oiai maua e hoopaapaa wale ana no ma ka waha, aole lakou i ike mai e hakaka kuikui lima ana maua, a i ole e aumeume ana paha,a oiai maua iloko o ko makou kuleana he rumi, aka ua kapa mai nei oe i ke kanaka i puaa, kela holoholona nona na wawae 4, heaha la ka like o ke kanaka, a owai la kau kuauna i ike ai i ua hora la?  Nolaila, he pahaohao ko`u i ka lilo ana o ke kanaka i holoholona, ina paha ua loli ano e ae kou kino kanaka i puaa i kahi manawa, he keu aku ke kupanaha ma ke ao holookoa nou no ia kino eepa he kanaka makou he uhane na ke Akua i hana mai.

 

Aole i pau.

 

Nu Hou Kuloko,

 

            I ka ponei, he puhi one ko Maki Ailana, no ka pomaikai o na mea a pau.

 

            I ka hora 10 o ke kakahiaka onehinei, i holo aku ai ka mokuahi Kina, me ka lawe pu aku he 300 Pake, a 500 Iapana, a o ka uku moku he $8,000. E-a nui kela.

 

            Aia o Iapana ke ku ala me ka makaala loa ma ke kiai ana i na palena a pau o Tai Wan Tu ko Kina kulanakauhale poo aupuni ma Formos, aole he malama i pau i ka iole.

 

            E loaa ana he Eono HAINAKA MANUAHI, i ka mea e piha ai o kela a me keia 10 poe i komo a kuai maloko o ka HALEKUAI HEIAU o na Paikini, e ku nei ma ALANUI PAPU,  Helu 519; ma ka POAONO apau o ka malama o Sepatemaba. No ka manawa KUAI HOOPOHO wale no keia.

 

            He 30 wale no la o keia Laikini ma`i kolela ou e mana ai, nolaila, ke kono aku nei au ia oukou a pau loa e hele koke mai iloko o keia mau la, i loaa aiai oukou ka laau lapaau kupono o na kumukuai ha a haa, au e kuai ai i keia mua la.

M. G. SILV.

Alanui Papu Helu 519.

 

            A keia Poalua ae e hoomaka hou aku ai o Silva o ka HEIAU o na PAIKINIHOU, ma ka aoao wa o ke Aalanui Papu, e kuai hooemi ai i na lole a me na kahiko kino a pau o ka oiwi kanaka, nani, maikai, me ke kaulua ole. Nolaila, o ka wa kupono loa keia o na makamaka e hele ae ai i kona hale kuai, i loaa na anoai nani, a me na lole paa, na huluhulu, na marino, a pela aku, i like ke kuai ana me ka haawi wale. He hookahi mahina o keia mau hana kohu manawalea maoli no, a i hooloihi ia i lawa a ka lono i na kuaaina, a me ka manawa hoi e hele mai ai e ike maka i keia lokomaikai palena ole o ko oukou hoaloha.

M. G. SILVA

 

            E haalele aku ana ka mokuahi Aslouu ia Pokalana, i Novemapa 7. Ao ka hoike no ka mokuahi Warrimoo, ua haalele aku oia i Kikane i ka la 21, a e hiki mai ana i keia pule ae Novemaba 4.

 

            Ma ke kakahiaka Poalua nei, i hopu ia ai e Kapena Scott he eha Pake, no ka hewa malama opiuma, a puhi hoi, he elua i hemo malalo o ka pela ia ana, a elua i hoaumoe ia Kalakaua Hale.

 

            Ma ka halawai o ka Repubarika Hawaii, no ke kokua ana i ka wahine kanemake, Mrs. J. U. Kawainui, ua koho ia na komite penei: Charles Wilcox, J. N. K. Keola, a me Jonn Kea, mai a lakou aku e loaa ai na kokua ana, e like me ka mea i loaa mai ia lakou.

 

            He wahi kii ano hoohenehene ko ke kakahiaka onehinei iloko o kekahi nupepa, me na hua palapala iluna o ka papale kapu, Japan, me kekahi puloulou o 4 hoku, a me kekahi papa hoolaha huina ha, me na hua palapala i kau ia penei

N.B.

 

This is not

A

Free Lucnh.

 

            A mai ka waha aku o ke kii, he ano laau, a e kau ana keia mau hua palapala, Sandwich Islan. O ka manao maoli o keia hana, ma ke koho aku, e omo aku ana o Iapana ia Hawaii nei, ke hiki mai ka wa pono.

 

            E hoomau ia aku ana ke kuai makepono a emi loa o na lole huluhulu nani a ku i ka maemae ma ka HEIAU O NA PAIKINI, mai keia la aku a hiki i ka piha ana o ka mahina E naue mai.

 

HOOLAHA! HOOLAHA!!

 

            @ au o ka mea nona ka inoa ma @ nei, ke hoike aku nei au i na kanaka a pau loa, ua makaukau wau i na wa a pau loa, no ka hana ana i na piula a me na paipu wai a pau loa ke loaa mai na kouoha ia`u, he oluolu ka uku a he mau ka paa o ka`u mea e hana ai. E loaa no au ma Leleo kokoke i ke alanui Kaaahi o Dilmahema.

S. K. KILA,

Aug28 3mnsd.

 

Olelo Hoolaha

NA MAKAMAKA HAWAII.

 

            Mamuli o ka pomaikai nui i loaa mai ia`u ma ko`u hanau hou ana i ke keiki, mahope o iwakalua makahiki o ka noho pa ana, ua ulu ae ko`u manao e hoike aku i ke kumu o keia pomaikai o keia mau la, penei: He iwakaluakumamalua ko`u maumakahiki hanau iho la ka`u hiapo, aole nae i ola ke keiki. Mai ia wa mai no ewalu makahiki, e noho mau ana ka ehaeha o ko`u kino,--e nanahu ana ka opu, e aaki ana ke kikala, a e loli ano e ana ka wa mai o na wahine, me ka heleiki ana mai o ka wai No keia kumu ua hele au ia

 

Kauka Akina Alanui otele Helu 817.

 

A ua lapaau ia au e ia, a ua heoi hou mai ko`u ola kino maikai, me ka like o ka manawa mai wahine a me ke ku pono hoi. Mahope o kana lapaau ana ua hoowaiwai ia mai la ko`u puhaka, a ua loaa ia`u kekahi keikikane maikai me ka`u kane mane. Nolaila, ua nui ko`u mahalo ia kauka Akina, a ko paipai aku nei au i na wahine a pau i poino e like me kolu noho ana mua, e hele ia KAUKA AKINA, ma ALANUI HOTELE e pili la me Kepahoni, HELU 347, a e hoopau ia no ko lakou pilikia me ka lohi ole a e pomaikai koke no hoi lakou i ka hua hooulu e like me ko kauoha ma ka Buke Hemolele, e hoolaupai i ka honua me ke kanaka. @ wau no, ko oukou makamaka aloha,

 

MARY KAM CHUNG, Alanui Maunakea, Honolulu Mar. 10

March 19-3m

 

HUI IMI WAIWAI O KA NOHONA PONO.

 

E na makamaka a       }

Me na hoaloha.            }

                                                Weliha kakou –

 

            UA KUKULU  ae nei ka mea nona ka inoa malalo iho nei i HUI MALAMA WAIHONA DALA A IMI POMAIKAI no na nea a pau e komo ana ioko o keia hui i kanaia ma ka inoa, KA HUI AMI WAIWAI O KA NOHO`NO PONO elike me ka mea i hoikeia maluna.

 

            NOLAILA, ke kono a kepoloai aku nei au ina makama a me na hoa`loha a pau e makemake ana e hui pu a e komo like mai e lulu a hoiliili ina wahi dala uuku a kela a me keia mea ma ka waihonu o ka hui i mea e hiki ai ke hapai i kekahi hana nui e holomua a e pomaikai ai na poe a pau i hokahi iloko o ke apo o ke aloha a me ke kuikahi i loaa ai ia kakouka noho na kuonoono o keia mua aku

 

            O NA mea a pau e makemake ana e komo mai iloko o ka hui i oleloia maluna ae, e looa no ia lakou ka ike a me ka noonaauao ia ana aku no na kumuhaka, na aiakai hana ana a me ha hoolala a pau pei`i ana i ka hui, mamali o ko lakou hele kino ana mai e hui a e kuka pu me ka mea nona ka inoa malalo iho nei, a nana e wehewehe aku i ke kulana, ke ano a mo na mea a pau i makemakeia e hoohana i mea e holomua ai, a e pomaikai ai ka hui.

 

            E loaa no au ma ke Keena hana o ka Moiwahine Kanemake Kapiolani, Honuakaha, Honolulu, i kela a me keia ia ona hebedonia, koe ke Sabati.

           

MS. KAINANA UAHI,

Lunahoohana a Puuku.  Peresidena.

Sept26 lmd &wkly.

 

Na Mea Kahiko Noeau o Iapana.

 

            Ua wehe ae nei au i na mea hou i laha mua ole maanei nei mai Iapana mai,

 

Na pahu iw-ea maikai loa,

Na kahi iwi-ea a me Pine lauoho

A pela aku, kumukuai haahaa

Loa.

 

KNA EA IWI PALAOA

 

            E laa hoi na balaki noho, na ani ani lima, na Kahi lauoho, na pahu luhi, a pela aku.

 

Na Lako Dala!

 

Na Hua Pupu Momi Maoli

Na Lole Silika,

Hainaka Silika!

 

Na Lole Keokeo Iapana,

Na Papale Helemeta mama loa,

Na Silika Mauu.

 

Na Pakana Wahine emi no--$150

Na Moena Iapana nani,

Na Kookoo me ke au dala,

Na Huewai waihooluu

Like ole.

 

Na Pola a me Kilu—ai,

Pa holoi hana,

Na Kiaha i kahiko

Lau ia

Me ke gula

 

Me na mea he lehulehu wale.

 

            E kipa mai ma ko`u Halekuai ma ka aoao Ewa iho o kahi o Daimana, Alanui Moi.

 

A. BARNES,

Iulai i5, 1895.  Jai15 1 mo.l

 

Halekuai Kamaa

O MAKANANI,

 

Alanui Papu

 

            O keia iho ke Kamaa haahaa hila Kiani nani loa o na Wahine i kapaia ‘Oxford Tie.”

 

            O ke auo kuea a me ke ano uuku oioi omua no $2.50 wale no.

 

            O keia iho hoi ke kamaa ili Kao

 

            Farani o na Irede e pihi ana ma ka aoao.

 

            A he $3.00 wale no kona kumukuai

 

            He $4.50 ke kumukuai o kei ka mea maua.

 

            Ma kahi keia e loaa ai o ka

 

jun 13 tfd

 

Aina no Ke Kuai.

 

            O na poe a pau e makemake ana e kuai i ama no lakou, e ninau ae ia

S.K. KILA

Leleo, Honoluu, Augate 27, 1895

Aug28 3 mnsd,

 

OLELO HOOLAHA

 

            Owau o Kapea Mu, he mea i loohia i na poino a ka mai, he mau puu elua ma ko`u mau uha, aole manaolana no ke ola, aka, mamuli o ka Dr. L. Akina lawelaweana, ua loaa ia`u ke ola Nolaila, ke hoike aku nei au i kuu lahui aloha, e naue mai e ike iaia, i pau kuhihewa

 

            E loaa no ia ma ke Alanui Hotele Helu 317.

 

Kou oiaio,

KAPEA MU@

Iulai 24, 1895

Jul243mnsd.

 

OLELO HOOLAHA.

 

            I ka manawa e hiki mai ai o na mokumahu o ka Hui Mokumahu Waila. (i kaupalenaia) aole e ae ia kekahi mea e pii aku iluna o ka moku a pau mua na ohua iuka o ka aina, me ka loaa ole o ka palapala ae mai ke Keena au; ke ole hoi ua loaa ka ae ia e na luna moku.

 

C. L. WIGHT,

Peresidena o ka Hui Moku Waila.

Jun12tfa.

 

Ilio Nalowale.

 

            Mai ka home noho aku ma ke Kihi o na Alanui Kauka a me Liliha, ho elua ae nei mahina i hala, ua nalowale he iho hulu melemele i awili pu me ke keokeo o ke ano ilio alualu hol@holona.

 

            He $25 ka uku makana, (aohe mau hoohuoi e ninainau la aku ana ma ka aoao o ka mea nana e hoihoi mai ana), e haawi koke ia aku no ka uku makana i ka wa e hoihoi ia mai ai, aia ke kihi o Alanui Papu me Kalepa,

E. A. McINERNY.

Oct15 3tsd

 

AINA KUAI

 

He aina kuai kupono no na Hale Noho ma ke Kaona nei.

 

            Ke poloai ia aku nei ka poe makemake i ana pa hale no lakou, ua makaukau ka mea nona ka inoa malalo e kuai aku i kekahi mau apana pa hale ma Alanui Liliha no ke kumukuai makepono  Aia keia wahi ma ka aoao hema o Alanui Liliha, oia kela pa hale i nohoia iho nei e J Simonson i make iho nei, mauka ponoi o kahi o Kapena Tripp. Ua mahele ia he elima pa o keia wahi i hiki ai i ka poe uuku o ka loaa ke auai i aina no lakon.

 

No na mea e pili ana,e ninau oa

TERESA OWANA CARTWRIGHT,

Honolulu, Augate 7, 1895

aug 7 tfd.

 

WAIU MAIKAI

 

            Ina oukou i makemake i ka waiu maemae, waiu momona, waiu hou, a waiu ono, a i waiu i oi aku i ko ka niu haohao, e lawe oukou i ka waiu mai ke kaa waiu o

 

“KIPAHULU DAIRY”

 

o ka apana o Waikiki. E hoolawa ana hoi keia wahi Uwi-Waiu ia Honolulu a me Waikiki me ka waiu oi akn o ka maikai a me ka pa`ipa`i ole ia me ka wai elike me kekahi poe lawe waiu e aku.

 

            Ua hanai ia na kumulau bioi laha ole, uwi waiu ia, iloko o ka hale me na mea ai kuhikuhania a ono hoi, elike me ka mauu SORGHUM a me HUA-PALAOA a e inu ana hoi i ka wai maemae loa ole o ka punawai wai aniani. Ma keia ua alo ia na kumu a pau o ka ma`i e ino ai ka waiu mai na ai hamu o ke kula a mo na wai inu olepolepo kumau. Aole he pilikia e hopohopo ia ai ma o Kapahulu Dairy, o ke Korela a ma`i e ae paha.

 

            Eia ke hanaia nei ka WAIU BATA, ke hanaia nei ka moa, ka palehu, ka hua moa, a o keia mau mea a pau e loaa ana me ka maemae a me ka hou loa. A he wa pokole e loaa aku no he puaa iailii o na ano maikai loa.

 

            Na na opio Hawaii Ponoi e hookele a e malama nei keia wahi hanai holoholona i kapaia ke “Kipahulu Farm” a ke nonoi aku nei lakou i na kuai ana o ko lakou mau hoakanaka o ke one o wi hookahi, e kuai mai me lakou, o “Kipa hewa anei ke aloha i ka ilio”

 

            Na Joe Richards e kalaiwa nei ke kaa lawe-waia, e kiai oukou iaia e kiai i kana waiu, a e lilo ana no ia he mea e ola maikai ai o na opio, a e ikaika ai hoi ko oukou mau kino, me ka holo pono o ko lakou, mau hoonoo ana.

HENRY F. POOR

[W. M. BUSH]

Kipahulu Farm. Sept. 30, 1895

sept 30, 6mdly.