Ka Oiaio, Volume I, Number 29, 11 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE 1.                     HONOLULU, FEBERUARI 11, 1896.        HELU. 29

 

OIAIO PUKA LA

NA HANA MANA O KA MANAOIO

 

            Ua hoike mai na hua malalo iho mai na hua malalo iho mai Hebera 11:1---19 ae, i ka hana i hiki i ke Akua ke hana ma o ka poe manaoio i kaua olelo me ke kanalua ole. E hoike pu mai ana no hoi keia mau olelo i ka hoapono ia ana o ka poe kanaka i ke au o ke kauoha kahiko a ua pakele hoi lakou ma ke alanui hookahi i apono ia ai kanaka a i pakele ai i ke au o ke kauoha hou.

            Ua like a like na alakai ana, a he hookahi no euahelio, maloko o ka euanelio o ka hoola, ua hoike ia aku i ko Epeso, “Hookahi haku, hookahi manaoio hookahi bapatema. Na ka manaoio, aole he mau olelo i oi ae o ka hoomalamalama i ke ano oia mea mamua o keia mau olelo.

            “O ka manaoio, o ka hilinai ana no ia ma na mea i manaolanaia’i a o ka hoomaopopo ana hoi o na mea i iki maka ole ia.

            No ia hoi, i hoaponoiamai ai ka poe kahiko.

            Ma ka manaoio ua ike kakou ua hanaia ka lani @ me ka honua e ka olelo a ke Akua, o na mea i nanaia, aole no loko mai o na mea i ikeia.

            Ma ka manaoio i kaumaha aku ai o Abela i ke Akua i ka mohai maikai aku i ko Kaina, malaila hoi i hoaponoia’i oia he pono, oia ka ke Akua hoike mai ana no kona alana; malaila hoi ke olelo nei oia ka mea i  make.

            No ka manaoio i lawe ola ia’ku o Enoka, me ka ike ole i ka make; aole ia i ke hou ia, no ka mea, ua lawe ola aku ke Akua ia ia. A ua hoaponoia oia no kona hooluolu ana i ke Akua mamua aku o kona laweia’ku.

            Aka, he mea hiki ole ke hooluolu i ke Akua me ka manaoio ole; no ka mea, o ka mea e hele ana i ke Akua, e pono no e manaoio oia, he mea io no ia, a he mea hoi e uku mai ana i ka poe i imi ikaika ia ia.

            Ma ka manaoio o Noa i aoia’i e ke Akua no na mea i ike maka ole ia, na hoomakaukau oia me ka makau, i halelana e ola’i kona hale; ma ia mea hoi ia i hoahewa aku ai i ko ke ao nei, a na loaa ia ia ka hoapono ana no ka manaoio.

            Ma ka manaoio hoi i hoolohe ai o Aberahama, i ka wa i heaia mai ai e hele aku i kahi e loaa mai ai ia ia ka noho aua; a hele aku la ia me ka ike ole i kona wahi i hele ai.

            Ma ka manaoio i noho malihini ai oia i ka aina i olelo mua ia’i, ka aina o ka poe e, e noho ana ia iloko o na halelewa, me Isaaka a me Iokoba, na hooiliua pu me ia no ka mea hookahi i hai mua ia mai ai; No ka mea, ua ini aku ia i ke kulauakauhale i hookumuia, a o kona mea nana i hana, a i kukulu hoi, o ke Akua ia.

            Ma ka manaoio i loaa’i ia Sara ka ikaika e hapai keiki ai, a hanau mai, mahope iho o ka mauawa maoli o kona ola ana, no kona manao ana i ka oiaio o ka mea nana i hai mua mai.

            Nolaila i laha mai ai mai kela mea hookahi a o na mea la me he mea make la, ka poe mamo e like me na hoku o ka lani ka lehulehu, a me ke one ma kahakai aole pau i ka heluia.

            A make aku la kela poe a pau, iloko o ka manaoio, aole hoi i loaa ia lakou na mea i oleloia mai, aka, i ko lakou ike ana ia mau mea i kahi loihi, n@ manaoio a paulele ilaila. a ua hai aku ia lakou iho, he poe kanaka e, he poe malihini ma ka honua.

            A o ka poe i hai aku pela, ua hoike maopopo lakou i ko lakou imi ana i wahi e noho ai. No ka mea, ina i manao lakou i kela ai na a lakou i haalele ai, na hiki no ia lakou ke hoi aku ilaila.

            Aka, ua makemake lakou i aina makai aku oia o ko ka lani. No ia mea, aole ke Akua i hilahila ia lakou ke kapaia oia he Akua no lakou; no ka mea, ua hoomakaukau oia i kula nakauhale no lakou.

            Ma ka manaoio i kaumaha aku ai o Aberahama ia Isaaka i kona wa i hoaoia mai ai: a o ka mea nona ka pono i hai mua ia mai, ua mohai aku la oia i kaua keiki hookahi.

            Ia ia hoi ka olelo ana mai, E kapaia’ku kau mau mamo mamuli o Isaaka.

            Ua manao hoi ia, e hiki i ke Akua ke hoala mai ia ia mai ka make mai; mai laila mai hoi, i loaa ai oia ia ia ma ke aka.”

 

HAAWINA HELUHELU BAIBALA

KA HOAO O KA MANAOIO

1. Oiai aole he keiki a Aberahama, pehea la oi i manao ai e hookoia ai ka ke Akua olelo hoomaikai ia@? Kin. 15:2,3.

Ua manao o Aberehama ma ka hookama ana i kekani o na keiki a kana mau kauwa, i hooilina nona, pela no e hookoia ai.

2. Heaha ka olelo hoopomaikai pololei no ka hooilina keiki a ke Akua i hoike ai iaia? Kin. 15:4.

“Aia hoi, hiki mai la ka olelo a Iehova iaia, i ka i ana mai, aole keia o kou hooilina; aka, o ka mea e hele mai @a mailoko mai ou iho, o kou hooilina ia.”

3. Pehea ka nui o kona hanauna i hanau ia mai ai? Kin. 15:5.

“Kai aku la oia mawaho, i mai la, e nana aku oe i luna o ka lani, e helu i na hoku, ina e hiki ia oe ke helu: i mai la kela iaia, pela auanei kau poe mamo.”

4. Heaha ka mea i helu ia aku no Aberehama ma kona manaoio ana i ka ke Akua olelo hoopomaikai iaia? Kin. 15:6, (Rom. 4:3).

“I hoonani aku oukou me ka lokahi o ka manao, a me ka leo hookahi i ke Akua, i ka Makua hoi o ko kakou Haku o Iesu Karisto.”

5. Ua hooliloia anei o Aberahama he kanaka pono, e like me ko ke kanaka o keia wa? Rom. 4:4,5.

“A o ka mea e hana ana aole i manao ia kona uku no ka lokomaikai ia, aka no ka aei. Aka, o ka mea hana ole a i manaoio aku i ka mea nana e hoapono mai i ka mea pono ole, ua hoolilo ia mai kona manaoio i pano nona.

6. Pehea ke Akua i hoopaa aku ai i kana olelo no ke keiki? Kin. 15:8. (Heluhelu i na pauku 9, 18)

I aku la ia e ka Haku e Iehova e, pehea la au e ike ai, e ili mai ana keia aina no’u?”

7. Oiai ua manao ka wahine a Aberehama aole loa he mea hiki iaia ke hanau aku i ke keiki, pehea oia i hana ai? Kin. 16:2,3.

“I mai la o Sarai ia Aberama, aia hoi ua pa au ia Iehova; ke nonoi aku nei au ia oe, e komo ae oe iloko o ka’u kauwa wahine, i loaa paha ia’u na keiki ma ona la. Hoolohe aku la o Aberama i ka leo o Sarai. Lalau aku la o Sarai o ka wahine a Aberama ia Hagara i kana kauwawahine no Aigupika, i ka umi o ka makahiki a Aberama i noho ai ma ka aina o Kanaana, a haawi mai la ia ia i wahine na kana kane na Aberama.”
8. Ua loaa anei he hopena maikai ma keia mare lehulehu ana o Aberehama? Kin. 16:4,5.

(Hoomauia mu ka aoao 4.)