Ka Oiaio, Volume I, Number 34, 18 February 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

BUKE I.                                 HONOLULU, FEBERUARI 18, 1896.                                HELU 34

 

OIAIO PUKA LA

 

KA PONO O KA MANAOIO.

______

 

         Ua hoike mua mai ke kanawai i ka ike no ka hewa. E kukulu ana hoi i ke ana hemolele o ka pono, a ma ke kanawai i hoakaka ia ai ka makemake o ka pono; aole nae e hiki i ke kanawai ke haawi i ka pono i kekahi mea. Aia ma ka euanelio i hoike ia ai ka pono (Rom. 1: 17). Ko wai pono keia?---Ko ke Akua pono. Owai la ke kikowaena o ka euanelio? ---o Karisto? Heaha hoi oia?---ke kanawai ma ke kino ola. Ke kanawai o ke Akua i hoike ia ma ke kino ola. O kona ola ana ma ka honua oia ka hoike ana ma na hana a ke kino i ka i ka pono a ke, kanawai o ke Akua i hoomaopopo ai , a ua hooko ia i na ano a pau o ke ana o ka pono.

         Ua hoomaopopo aku ke kanawai i ke ano o ke Akua, I ka wa @ ka Uhane e hoouna ia ai e hooia aku no ka hewa, o kana hana mua loa, oia no ke kau mai i ke kanawai imua o ko kakou noonoo, ia wa ua ike koke kakou aole ko kakou ano i like me ua ana la o ka pono. Ua hoaai loa ia ae hoi ka oiaio o keia mea, oiai, mahope o ko Karisto hoike ana mai, ua ike ia aole ke kanawai e pahola ana maluna o na mea i ike ia mawaho o ko ke kanaka noho ana, aka, ua komo aku ka mana o keia kanawai a na mea e pili ana i na mea i ike ole ia e hoopue ana iloko o ka naau o ke kanaka. Ua unuhi mai oia i ke ano o ke kanawai ina ua inaina wale no he pepehi kanaka iho la no ia; o ka mea i noonoo haumia he moekolohe no ia. Ma keia e ike ia ai he uhane ke kanawai, ua komo e ana i na mea o ka uhane (Rom. 7:14). Ua hoike mai i ko kakou like ole me ke Akua ma ke ana o ke kanawai ma o Karisto la, ka hoikena o ko ke Akua ano ma ke kino a ma ke kanawai (Ioane 15:8,9). Aka, ua hiki ole hoi ke kanawai ke haawi i ka pono ana, i koi ai e hooko ia. Aole i hoolilo mai i ke kekahi i mea hewa, aka, na hoike mai nae i ka hewa. Aole e hiki ke haawi mai i ka pono; aka, o ke Akua, ka mea i makemake e hookoia ka pono ma ke kanawai iloko o ko kakou ana, oia ka mea i hoolala ai i kekahi hana e lawe ia mai ka pono ia kakou ma o Karisto la, ke kikowa hoi o ka euanelio. E heluhelu i na olelo ma Rom. 3:21 a ka 28.

______

 

HAAWINA HELUHELU BAIBALA.

 

KA PONO MA O KARISTO LA.

______

 

1       Heaha hoi ko ke Akua pono?

Pane:---Oia no kona ano, kona ola, oia no kana mau hana.

 

2       Heaha hoi kona ano? 1 Ioane 4:8.

"O na mea e aloha ole ana, aole ia i ike aku i ke Akua; no ka mea, he aloha ke Akua."

 

3       Aia mahea kahi i hoakaka ia ai o kona ano? Mat. 22:36---40.

"E ke Kumu heaha ke kauoha nui iloko o ke kanawai? Maluna o keia mau kauoha elua, ke kau nei ke kanawai a pau a me na kaula."

 

Maloko o kona kanawai. He aloha kona ano, he aloha ke ano o kona kanawai, a pela o Iesu i olelo aia maluna o ke kanawai i kau ai keia manao kumu he aloha i ke Akua a healoha i ke kanaka

 

4       Ua olelo pololei mai anei ka Baibala o ke Akua pono oia ke kanawai? Hal. 119:172, hapa hope; Isa. 51:6.

*  *  * No ka mea, ua hemole e kau mau kauoha a pau," "a *  *  * e oia mau ana no ko'u ola, aole hoi e pau ana ko'u pono."

 

5       Ua hiki anei i kela kanawai ke haawi ia kakou i kona pono Gal. 2:21.

"Aole a@ e hoolilo i ka lokomaikai o k@ Akua, i mea ole; no ka mea, ina ma ke kanawai ka pono, ina ua ano ole ko Karisto make ana"

 

6       Ehia ka nui hoike ia mai ua hewa ma ke kanawai? Rom. 3:19.

"Ua ike no lakou, o na mea a ke kanawai i olelo mai ai, ua olelo no ia i ka poe malalo o ke kanawai; i paa na waha a pau, a i lilo hoi ko ke ao nei a pau i hewa imua o ke Akua."

 

7       Ua hiki anei i kekahi e kuhikuhi ana i ka hewa, ke apono i ka mea hewa? Rom. 3:20.

"Nolaila, ma ka hana ana ma ke kanawai aohe kanaka apono ia imua ona; no ka mea, ma ke kanawai ka ika ana i ka hewa"

 

He mea maopopo, o ke aniani nana e hoike ana i ka leop o ka helehelena, aole oia ka mea e hoomaemae ia ai o ka helehelena maka; aka, o ke kopa a me ka wai (Iakoba 1:23, 25).

 

8       Alaila, pehea la ko ke Akua hoopono ke kau ia ae maluna o kakou. Rom 3:21 hapa mua a me 22

"Ano hoi, ua hoakaka mai ko ke Akua hoapono ana aole ma ke kanawai  *  *  * Oia hoi ka hoapono ana o ke Akua, ma ka manaoio aku ia Iesu Karists, no na mea a pau, a maluna hoi o ka poe a pau e manaoio ana; aole mea okoa." Ma keia kakou e ike ai i ko ke Akua pono (kona ano kona ola), ua kau ia aku maluna o ka poe i manao io aku maluna o Karisto.

 

9       Heaha na hoike no ia pono? Rom. 3:21 hapa hope.

"Ua hoike ia mai ia e ke kanawai a me na kaula"

 He pono ke kanawai, aka, mamuli o ka nawaliwali o ke kino, ua hiki ole ke haawi i ka pono i ke kanaka (Rom. 8:3); aka, oiai ka pono o ke Akua, oia no ka pono o ke kanawai (Rom. 8:4), nolaila, e ku hoike ana ke kanawai ua loaa aku hoi ke koi a pau a ke kanawai iloko o ke kanaka ma o ka manaoio i ko ke Akua pono.

 

10     Pehea la o Paulo i hooholo ai ua apono ia ke kanaka (ua hooponoia)? Rom. 3:28.

"Nolaila, ke manao nei makou, ua h@apono ia mai ke kanaka ma ka manaoio, aole ma na hana a ke kanawai."

 

11     Ua pau anei ke kanawai ma o ka apono ana ma ka manaoio? Rom. 3:31.

"Ke hoohiolo nei anei makou i ke kanawai, ma ka manaoio? Aole loa: ke kupaa nei no makou i ke kanawai."

______

 

         Ua hoemi iho o J. J. Williams i kana mau kii pai mai ka $8,u00 a ka @ono.

         Ua lohe mai makou ua hoao kekahi o na wilik@ e hana ino aku ia Kapena Helana o ka Malulani, ma ka holo hoi ana mai nei mai Kona.

         Iloko o keia mau la kupilikii o ka aina e ikea ia nei, oia ka wa oi oa aku o ka ai ahuai hoi o na lahui Hawaii, me ko kakou ike iho no hoi i ka ehaeha o keia mau la a kakou e noho nei, ahea la oe e Hawaii a noonoo kanaka ae. Mai hoomau aku