Ka Oiaio, Volume I, Number 34, 18 February 1896 — Page 3

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA HOOMANA KARISTIANO NAAUAO.

 

KO IESU EKALESIA MA KE AO NEI, AUHEA LA IA?  HAINA – O IA NO KA EKALESIA O KA HOOMANA KARISTIANO NAAUAO.

 

BAPETIZO

MOKUNA VI.

Poha ka Olino o ka Bapetizona – Ka Meahuna Pohihihi o ka Euanelio – Ke Ki o ke Aupuni Hiwahiwa.

MAHELE II.

Anuu Eha.  BAPETIZO KOKO.

            Ma keia anuu i kahe iho ai ko Iesu koko, i loaa’i ka maemae me ke ola i na lehulehu a pau e manaoio ana i nei mea he Akua.

            He pakela i ko ka holoholona, ko na manu a me na mea e ae, i na o ko ka Lani piha a me ko ke Ao Nei.  Ma keia anuu ke koko, (aole o ke oki iho a hu mai ke koko), aka, ua wahiia na luuluu kulipolipo a pau ma ke ano he koko ia.  Ma keia anuu i piha’i na mea ekolu o ke kino, [wai, koko, uhane,], aka aole nae i bapetizoia i ke koko Maoli, a, nokamea, ua pio ia Luakupapau, a ua lanakila ole hoi.

            Nolaila, e ili ‘ku ke koko Maoli no Iesu, a o ke koko a ka Uhane Hemolele o ka apu-awa-hia, o ia hoi ko kakou, elike me ia i hala’e maluna.

            Eia kekahi:  I na he wahine kau, a he kane paha, he aina, he mau mea kanu maikai, aka ua komo-e ihola i ka hoolaha Euanelio, i ka hana a Iesu; ma keia komo-e ana, ua make-e oe.  Malia paha he mau keiki kau e hoohua mai ana, aka ua nele nae.  O kou olioli ikau wahine, ua nele no:  o kau mau mea kanu hoi, aole oe i ai; a me na mea like, a make-e ihola.

            Nolaila, ua kapaia, ua uhaki aku o Pono Karistiano ia Pono Kumuhonua: pela ka haipule Paulo i olelo panepine ai, O Karisto ka piha o ke kanawai.  He make’na Hiwahiwa ka olelo’na o keia anuu:  o ka Haku Iesu kekahi maretire, a he moliaola no ka Euanelio, he pupu, a he noa ke koi’na a ke kapu a ke kanawai o ka MAKUA ia kakou nei, aole he mea okoa.

            Ma keia anuu no hoi i hoohalikeia’i ka Lunaolelo Mataio he pipi keiki, o Mareko he liona, o Luka he maka kanaka, a o ka haipule hapauea Ioane he aeto lele.  Hoik. 4:7-8.

            A ua ili iho ka ilihia o ia mau ouli no kela me keia haipule Karistiano, e hoomanawanui ana a i ka Hopena: i bapetizoia’i kakou, i loko o ka inoa o ka MAKUA ke KEIKI, ka UHANE HEMOLELE.  Ekolu ouli hoike ma ka Lani, ka MAKUA, ka LOGOU, ka UHANE: ekolu no hoi ma ka Honua Nei, ka wai, ke koko, ka Uhane: keia mau mea ekolu, hookahi no ia.  No keia anuu ka panina o na mohai, me kanawai Umi; nokamae, he koko a he wai ko ka mohai: ua lawa, piha ia Iesu, aole hemahema i koe.

            Aole i piha o Bapetizona maanei, aka, ua kokoke kakou e hiki.  E na haipule, i mua ka umauma – A ia ke hoaka mai la!

 

MAHELE III.

Anuu Elima.  ALA HOU ANA.

            1 – Eia ke ano:  Pua Hou, Uli Hou, Ano Hou, Honua-Lani Hou, a me na mea like.

            “Ike ‘ku la au i ka Lani Hou, a me ka Honua Hou; nokamea, ua nale ‘ku ka Honua Mua me ka Lani Mua, aole he kai ‘ku ma laila.”  Hoik, 21:1.  20:11.  Isa. 65:17. 66:22. 2 Petr. 3:13.  Hal: 92:14.

            Ke niele hou nei: O wai ke kanaka i loko o na ekalesia o ke Ao Nei, i bapetizoia, a ua hiki aku i nei anuu?  Haina, aole.  Nele loa no?  He kanaka no, eia nae, nana no i kukulu ma loko o ka Lani kahi i hoomaika’i; hoomaka Alua, i waena o Adamu me Eva, a haule laua, alaila o ekalesia Hookama iho a hoopau ia aku  Epes. 2:15.  Kol. 1:22.  2 Kor. 5:17.

2 – I ka A. D. 30 a oi i hoomakala’i ka ekalesia, o ka mua loa ia i waena o ka lehulehu; a pela ihola.  A o kana bapetizona he Uhane Hemolele.

            Alaila, e bapetizo ia aku kakou i loko o ia haawina, i loa’i ka hoailona e Pua Hou mai ai kakou i ua Ala Hou ‘la.  E huli 1 Pet. 3:21

Aole i pau

 

MAKANANI

MA K@ KIHI MAUKA O ALANUI PAPU A ME KALEPA.

AOLE O MAKOU MALAMA I NA KAMAA hiki ole ia makou ke hooiaio aku i kona pa@. a i hiki ole ke kuai no ke kumukuai makepono a i kupono hoi no keia mau la mamake o ka aina.  I mea e hiki ai ia makou ke malama i na kamaa maikai wale no o na ano a pau, a e kuai aku hoi no na kumukuai haahaa loa.  Ua kuai pololei aku hoi makou i ko makou mau kamaa mai na hale hana kamaa nui a kaulana no ka maikai, ka paa a me ka nani.

NO KEIA KUMU UA LAKO MAU MAKOU I NA MEA MAIKAI WALE NO NO NA KUMUKUAI EMI LOA E HIKI AI KE KUAI HAAHAA AKU I NA MAKAMAKA A PAU.  MAI HAWAII A NIIHAU

 

Eia ma keia kii kamaa aulii e ike ia iho ai na ano o na kaniaa NANI ma kahi a MAKANANI

HE EKUA WALE NO DALA ME HAPALUA KO KEIA KAMAA!

I’ela iho la ke ana o ke kuai ana o na ano kamaa o ko makou hale.  Nolaila, e hoomanao oukou e na makamaka mai Hawaii a Niihau i kahi e loaa ai na Kamaa Paa, Na Kamaa Emi, Na Kamaa helu Ekahi o k@@ehie, E LOAA NO MA KA Ka Hale Kuai Kamaa o MAKANANI

Honolulu, Jan 2, 1896

 

Na Lole Kohukohu!

Oia hoi ka mea a na lede a pau e ake ana e loaa a he meahiki wale no ke hookoia.

E HELE MAI OUKOU ILOKO O KOU HALEKUAI A E HANA AKU AU I KA KA MEA KUPONO I KO OUKOU MAKEMAKE.

Ua loaa mai nei ia’u kekahi ano piha o pa

LOLE AAHU HOU HOA.

 

Crepon, (he like me kanikau)

Na Lole Farani,

Na Lole Ulana Waihooluu Like Ole

Na Lole Awiliwili Lopi Silika me Hulu hulu.

 

Na Lole Alabatosa,

Na Lole Casamia a me Huluhulu

Na Lole Hulu Kao Lama

Na Makalena

 

Na Lole Diminite

Na Lole Pongi,

Na Lole Satina

 

Na Peersucker,

Na Rliss,

Na Lole Anuunuu Crepe

 

Na Keokeo Manoanoa o na ano a pau, etc, etc.,

Aia no hoi ma ko’u Halekuai ka

LOLE FIBRE FABRICA.

He mea i oi aku ka maikai i ko ka LOLE NAAU HULU.

Aole no oe i kahiko piha ke ole i hoi loaa ia oe kekahi o kuu

PALEKOKI KOHU MAMALU.

A e halo iho hoi i ke Kaliki (Trilby) ano hou, i kupono i kau e iini nui nei.

Aia hoi ma ko’u halekuai na Lole Mo@, @ii i ka hikonoeau ia, a kupono o ka hana ana iho m Adamu

Na Pale ili o na kane i kupono hoi i ko Eva makemake, i huki ai ka Ulua i Malamanui.  Uwese oe.

Na Kaliki o na ano m@ikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima, na hainaka, a pela aku.

E hauoli loa au e hoomakaikai aku i keia mau mea nani i na Lede o Honolul.

 

J. J. Egan.

Ala@ni Papa Mei. 21, 1895.  Me 12 tf