Ka Oiaio, Volume I, Number 42, 28 February 1896 — Page 2
| This text was transcribed by: | Naomi Ajello |
| This work is dedicated to: | to my Hawaii Hamachi Ohana |
Ka Oiaio/Ka Oiaio Puka La/
Hoopukaia i na la a pau koe ka la Sabati a me Lapule no 30 keneta o ka mahina.
----------------------------------------------------------------------------------
KA OIAIO PUKA LA.
--------------------------------------------------------------------------------
JOHN E. BUSH, @ @ Puk@
HONOLULU, FEBERUARI 28, 1896.
-------------------------------------------------------------------------------
NUI KA POMAIKAI.
Mamuli o ka pii o ke kumakanai o ke kopaa, na hiki ke ike ia aku ka maokai o na helehelelena o na ona mahiko i keia mau la.
----------------------------------
-----------------------------------
KE KANU HOPE MA PUNA.
----------
Ke nui mai nei ka poe kanu koope e komo nei mai na aina e mai ma Puna, maluna o na aina i hoolimalima ia malalo o ke kanawai o na home liiilii. O na haole wale no nae ke ku nana nei, e like me ke “lii Agaripa, ua aneane ake e komo aka aole nae. I ka wa nae e kunana ana ke pau ake la na aina maikai i ka lilo.
---------------
---------------
KA AHAOLELO.
----
Eia ka Ahaolelo o ka Repubalika, ke hana nei i ka lakou hana i keia wa. Ma ka nana aku he elua ano o ka Hale Senate; ua mahae ka manao o na hoa, ma kekeahi mau kumuhana. Pela no paha ma ka Hale Lunamakaainana, e mahae aua no ma ka likini ana i ka oopiuma a me ka hooponopono ana i ke ano o ke kuai ana i na Waiona.
--------------
---------------
EIA KA HEWA KE ULU NEI.
----
Ma ka ao ke a ka Lunakanawai Kiekie Alapaki, ua hoike mai oia ua pii ae ka hewa ma keia Paeaina, i oi ae i ko na la i hala hope aku. Ke noi ia nei e hoonui ia aku ka helu o ma Makai no na kuaaina. O keia kekahi i ka pii ae o na hewa a me ka ulu nui aku paha mahope. Aole keia he mea hou i kekahi poe, ka poe haipule o ke Akua i hilinai i kana mau hoike ana no keia mau la. Ua olelo ia he wa nui keia o ka popilikia, nui ua hana hewa o kanaka, na hookiekie, na kue, a pela aku, ma keia poepoe honua. E like me na la ia Noa, pela hoi i na la hope, a pela io no e ike ia nei.
He nui no na hooikaika a na kauaka hoopono, e kinai aku i ka hewa, ana, e like me na i eleloia, aole e pio ana ka hewa, aka, e ulunui ana oia i keia mau la, e hele ana hoi iwaena o kanaka ne he lioaa hae la. E like me ka pii ana o ka hooikaika ana o ka poe manao hoopono, pela e pii iho are ai ka hooikaika ana a ane-Karisto, e uhi paa ana i ka honua i ka pouli a o kulai ai i ka lahuikanaka e anai ia lakou e make palena ole.
He hoailona manaolana hoi ka ike aku i na ekalesia e hooikaika ana e kiuai i a hewa, aka, eia laua ke hele like nei ma ka aoao o ka hewa. Paomaikai kakou ke hoolohe i ka olelo a ke Akua, a malama i kana mau auoha,a me ka manaoio ana i kana Keiki, ia Iesu karisto ko kakou Hoola.
--------------------------
KELA ME KEIA.
-----
Ua hopu is he 14 poe Pake no ka paani Fantau.
Ua hopu ia kekahi Pake no ka aihue ana i ka uwate a kekahi Iapana.
Ua paa ae ke Kula Punahou inehinei no ka hoomanao ana i ka make o P. K. Parker.
Ua ha a aku i Makiki ka pualikoa i ka po nei e paikau ai.
Ua hoonaukuiki loa ke kahi poe i ka hana kuli o ka hana Pukiki ina po a pau ma Puowaina e nei.
Ua moku o A. S. Mahuka me kana wanine a nahaawi aku ka Aha ina keiki ia ia.
He 300 Pake me 94 Iapana a ka China i lawe mai no keia awa.
He hula ka Comepene Di i ka po nei ma ko lakou hale paikau.
@ a hoi mai o Prof. Koehele mai Kuna mai me na holoholona liiilii ai eleao.
He anaina hulahula kai wehe ia e maluna o ka moku Babaoe, i ka po Poakahi nei.
E kulukulu ia ana he hale pohaku hou ma ka aoao o ka hale banako o Bihopa ma.
Welawela ke ao a huihui ka po e ikea nei i ke a mau la.
He $10,000 ka bela o na Pake he mai i h@ao ai e h ana ino i na makai ma Mouleia.
Ua holo aku o Mekia E. Seward ma ka Australia no kona home ma ka hikina.
Ke kunu kalea, ka ulalii me ka fiva na ma’u e pahola nei i keia mau la.
He eiwa la holo o ka makuahi China mai Iapana mai no keia awa.
Nui na apana aina e kuai ia mai nei malalo o ke kulahakau hale Momi, ma Ewa ae nei.
Maikai ka mele solo a Prof. Herrell i ka po nei, a pela no hoi ka haiolelo a Rev. Romig.
No ka eha i loohia ia makai kui Hammer, m akona lima holaila, ua hoi aku oia i Haukipila.
E malama ia ana ma Waialae he paiua hoomanao no ka la hanau o Paulo Isenberg makua.
Ua hiki aku ka huina ma’u fiva i ka la onehinei i ka 126. E inu ka wai i hoomaoaia, oia ke ao a na Kauka.
Na “Lepera naauao” ke poomanao a Rev. Romig i keia po, ma ka halepile Karistiaon, ma alanui Alakea ae nei.
Ua haiolelo ae o Dr. Y. S. Sun, ma ka h ale halawai o na Pake, no ka mkea pili i ke kino o ke kanaka. Ua hiki au kekahi mau Kauka malaila e hoolohe ai i kana mau wehewehe.
Ua hoihoi aku ka puali makai ina sela holo malu elima o ka moku Babcock. He ahui ke ano o keia poe sela a oia no ke kumu e kue mau ai i ke akuoha a ko lakou Kapena.
He leta kai hoopuka ia ae e kekahi o na makuahine Misionari he leta ma ka Avatisa e hoike ana i kona minamina i ka hoolaha ia ae o ka opiuma mawaena o ka lehulehu.
Eia kekahi o na kaikamahine opio a Mr. me Mrs. James Campbell, ia iloko o ka mawaliwali loa e waiho mai nei ,a ua pule ae nei kona waiho ana me ka pau o kona ike.
Ua nui na hoaloha me na makamaka i hiki aku ma ka hoolewa o Pama Kaihelani Parker, a i keia la e L@ ia aku @ kona kino ma ke Likelike no @ana Hawaii.
---------------------------------
L. B. KERR,
---ma---
NAE O KA HALEHUAI O MOGAN.
Alanui Moiwahine. : : : : Honolulu, H., I.
---.---
KE KALEPA POLOLEI MAI NA HALE HANA MAI
-----------
E kuai ana i kekahi mea okoa a e kuai ai ma ka i-a ma ke kumukuai kukaa.
------------
He kupono i na lede e hele mai e nana mua maanei i ko makou puu waiwai nui mamua o ke kuai ana aku i kahi e aku.
O KA HOOKAHI DALA I KUAI IA MA KAHI O L. B. KERR UA LIKE IA ME ELUA MA NA HALEKUAI E AE.
----------------
OIA HOI, UA LOA IA OE NA LOLE
Nona ke kumukuai Elua Dala HOOKAHI DALA WALE @O.
NA PAPA@
Na Lipine
Na Pua Papale
Na Hulu
Na Lihilihi
Na Mikinilima
Na Lole
Na Paku
Na @eokeo Uhi-moe
Na Kihei Huluhulu
ETC. ETC.
L. B. KERR.
ALANUI MOIWAHINE.
Waikiki iho ka Hale Kudala o Mogan.