Ka Oiaio, Volume I, Number 70, 8 April 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA

 

PUKA LA OIAIO

 

Hoopukaia i na la a pau koe ka la Sabati a e Lapule no 50 keneta o ka mahina.

 

BUKE I.                     HONOLULU, APERILA 8, 1896                 HELU, 70

 

OIAIO PUKA LA

 

NA

 

Kaeh@aa io Karisto La.

 

HAKUIA E MRS. E. G. WHITE

 

KA ULA ANA AE ILOKO O KARISTO

 

(Hoomau ia)

 

            E like me Pilipo i kona loaa ana i ka Haku, e kono no kakou ia na mea e ae e hele io na la.  E imi ana kakou e hoike aku ia lakou ia na mea nani o Karisto, a me na mea i ike ole ia o keia ao aku.  E nui ana ka makemake e hahai ma ke ala a Iesu i hele ai.  E nui ka iini ana ike na mea e maliu ana ia kakou i nana lakou i ke keiki hipa a ke Akua, nana e lawe aku ka hala o ke ao nei.

 

            A e hoi mai ka hooikaika aua e hoopomaikai ia hai me na pomaikai maluna o kakou iho.  Oia ka manao a ke Akua i kona haawi ana ia kakou i kekahi hapa o ka hana hoola.  Ua haawi mai oia kanaka e komo pu me ia iloko o ke ano Akua a ma ko kakou aoao e hoolaha aka i na pomaikai no na hoakanaka.

 

            O keia ka hanohano kiekie loa, ka haueli kiekie loa i hiki ai i ke Akua e waiho mai m@ kanaka.  O na mea i komo pu pela iloko na hana aloha kai kokoke loa i ko lakou mea nana i hana.

 

            Ua hiki no paha i ke Akua ke haawi aku i ka hai ana i ka euanelio, a me na hana aloha e ae i na anela o ka lani.  Ua hiki no paha ia ia ke koho i na mea e ae, e hooko i kona manao.  Iloko nae o kona aloha palena ole na koho oia e hoolilo ia kakou i mau hoa hana pu me ia, me Karisto a me na auela, i hui pu kakou ma ka pomaikai, ka hauoli, ka hapaiia’na o ka uhane ka hua o keia hana aloha.

 

            Ua hui pu ia ko kakou manao aloha me Karisto ma ke komo pu ana iloko o kona ehaeha.  Ua hooikaikaia ka naau o ka mea haawi me ke aloha a me ka hoole ia ia iho no ka pomaikai o hai, e hoohui ana ia ia me ka pili loa i ka Hoola o ke ao nei.

            “Ua waiwai oia, a no oukou i lilo nai ai ia i mea ilihune, i waiwai ai hoi oukou ma kona ilihune,”  2 Kor. 8:9.  A e like wale no me ko kakou hooko ana i ko ke Akua makemake i ka hana ana ia kakou e lilo ai ko kakou ola ana i mea e pomaikai ai.

 

            I na oe e hana aku e like me ko Karisto makemake no kona mau haumana, a hoohulimai i na uhane nona, e ike no oe he pono ia oe ke komo aku iloko o ka ike hohonu ae a me ka ike i ke Akua i mahuahua ae, a e pololi a makewai oe no ka pono.  E koi aku oe i ke Akua, i hooikaikaia kou manaoio, a i inu nui ae oe ma ka punawai o ke ola.  O ka halawai ana me ke kue a me na mea hoao ka mea e huliae ai ia oe i ka Baibala a i ka pule.  E nlu ae oe iloko o ke aloha a me ka ike ana ia Karisto, a e mahuahua kou komo ana iloko o na hana waiwai.

 

            Ke haawi uei ka hana aloha no hai i ke ano hohonu, luli ole, a me ka nani o ko Karisto ano, a ua lawe mai i ka malua me ka pomaikai i ke kanaka nana ia hana.  Ua hookiekieia na iini ana.  Aole wale i koe no ka molowa a me ka alunu.  E ulu ae na nea hooko i na ano aloha o Karisto a lilo i poe ikaika e hana ke Akua.  E maopopo ko lakou ike ma na mea pili i ka uhane, e kupaa a e ulu ae ko lakou manaoio, a e mahuahua ka mana ma ka pule.  Ke kahea nei ka Uhane a ke Akua, i kona hana ana me ko lakou mau uhane, i na mea lokahi lani o ka uhane, oiai e pa mai ana kona lima.  O ka poe i hoolaa ia lakou iho no na hana aloha no ka pomaikai o hai, o lakou ke hooko nei i ko lakou ola ponoi.

 

            Eia wale no ka mea e ulu ai kakou ma ka pono, oia hoi e hana me ka manao ole i ko kakou pono iho i ka hana a Karisto i waiho ai ia kakou, e kokua e like me ko kakou ika ika i ka poe nele.  Ke mahuahua nei ka ikaika ma ka hana, o ka hooikaika ana ka mea e mahuahua ai ke ola.  O na mea e hooikaika ana e malama i ke ola Karistiano mauli o ka loaa ana o na mea e lako ai, oiai aole lakou i hooikaika ma ka Karisto hana.  O ka hope o keia ma na mea o ka uhane ua like no me na mea o ke ao nei, oia hoi ka hoi i hope a me ka popo.

 

            O ke kanaka i manao aole e hana me kona mau lala, mahope no aole e hiki ke hana.  Pela no, o ke kanaka Karistiano i hooikaika ole me ka ikaika a ke Akua i haawi mai ai e lilo aua kona ikaika, aole no e ulu ae iloko o Karisto.

 

            O ka ekalesia a karisto, oia no ka hui a ke Akua i hookaawale ai no ke ola o kanaka.  O kona oihana no ia e lawe aku ai i ka euanelio i ko ke ao nei.  Ka kau nei keia hana maluna o na Karistiano a pau.

 

            O kela me keia mea e like me kona ikaika a me ka wa kupono, he pono ke hooko i ke kauoha a ka Hoola.  Ke hoolilo nei ke aloha o Karisto ia kakou a pau i poe aia i ka poe a pau i ike ole ia ia.  Ua haawi mai ke Akua i malamalama, aole no kakou wale iho no, aka, e haawi aku ia lakou.

 

            I na ia ala mai na haumana o Karisto e like me ka pono, e oa tausani ana na mea e hoolaha ana i ka euanelio i ka poe pegana, i ko keia la.  O na mea aole i hiki ke hele, e kokua ana lakou me ko lakou waiwai, me ko lakou aloha, a me ko lakou mau pule.  E mahual ua hoi ka hooikaika ana no na uhane ma na aina Karistiano.

 

            Aole waiwai ko kakou hele aua i na aina pegana, a haalele i na hana ma ko kakou mau nome, ina malaila ko kakou hana kupono, i mea e hana ai no Karisto.  A hiki nA ke hana kakou ia mea ma ka home, ma k@ ekalesia, iwaena o ko kakou mau hoa, a me na mea a kakou e halawai ai ma ka hana.

 

Ao@(word unreadable)