Ka Oiaio, Volume I, Number 70, 8 April 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA

JOHN E. BUSH Luna Hooponopono a me Puuku

HONOLULU APERILA 8 1896.

 

HE MALU ANEI?

 

            Aole paha he aupuni ma ke ao nei, koe aku o Amerika Huipuia, i oi aku ke kau nui no ka maluhia mamua o Beritania Nui. He oiaio, he nui no na kaua liilii a keia aupuni i komo ai iloko o keia mau makahiki hope mai nei, aka, o ka@@ kaua nui hope loa i komo ai, oia no ke kaua nui ma ke Karaimia i ka 1854, me Rusia. He mea oiaio loa no ka ike ia o keia kulana hilinai aku o Beritania Nui ma ka maluhia, ua hookohukohu iho na kalai aupuni o na aupuni e o Europa, i ka manao aole loa e hiki o Enelani ke hooniia e kaua, a ua hoolala hoi lakou i ka lakou mau alakai hooponopono aupuni ma o ia ano manao.

            Aka, malie paha, e hoohana aku ana lakou a ka lakou ano hooponopono aupuni a oi loa aku i kekahi manawa, alaila ike iho hoi ua kuhihewa lakou.

            Ua hoike ae na mea i hoohana ia e na aupuni e, i ke aupuni Enelani, ua piha loa lakou i ka lili ia ia, i kona kulana inoa koikoi a me ka holopono o kana mau hoolala nai panalaau ana a me ka pookela o kona mana a ka@a moana.

            Me he la ua hoole oia i ke komo pu ana aku iloko o na kuikahi hoohui me na aupuni e o Europa, a ano ke nana kea mai la na mana kukahi pukolu a me pulua o Europa ia ia, a ke hoopuka liilii nei i ko lakou hana kue ia ia. No keia kumu, ua hooikaika hoi o Enelani e ku kaokoa nona iho, e noho lako a e makaukau mau e malama ia ia iho.

            No keia hopena, ua waiho aku ke Kuhina o na Aumoku kaua o Enelani, Mr. Goshen, i kekahi papa hoolala o na hana a me na hoolilo @@ kekahi o @a kukuli mokukaua nui ana no ka makahiki hookahi i ike ia i keia au hou o ka manawa o na moku o ke aumoku kaua o Berittania Nui.

            Ma ka mea i hoike ia aku imua o ka Ahaolelo o Beritania e Mr. Goshan, ua ike ia he hookahi haneri a me elima mokukaua a he kanaonokumamalua moku topido i pakui ia aku i ke aumokukaua nui hewahewa o Enelani mai ka 1839 a ka 1896. Ano hoi ua hoolala oia e kukulu hou ia i keia makahiki he elima mokukaua nunui o ka papa ekahi, he eha mau mokukaua kaahele helu ekahi o ia ano moku, he ekolu o ka helu elua, he eono o ka helu ekolu, a ke iwakaluakumamawalu mau moku kinai topido. O ka hoolilo dala no keia mau moku hou a me ko lakou mau lako ka@a, he $15,6000,000. He elima tausani ke nui o na kanaka hou aku e lawa ai no keia mau moku hou.

            Eia ka ninau heaha la ke ano o keia mau hoonui ana i na ikaika kaua i ka ikaika hewahewa e ku kaokoa nei i hiki aku i ka ehiku haneri a oi, me ekolu tausani mau mokumahu kalepa i kukulu ia me ka makaukau e hooliloia i poe aumoku lawe koa, a me kaua pu? Hookahi no haina, he kaua. aole paha he lele kaua aku, aka, he pale ana aku i ke kana ia mai. Nai na olelo a kekahi poe no ka maluhia, ka hooponopono aha uwao, @a mana @@ o ka hoomana Karistiano, na nohona naauao kiekie, a e hooalakai lalau hoi kanaka ia lakou iho ma na manao kuhihewa hoonanea e waiho ana na aupuni i na lakokaua, no hoomakaukau kaua, a e pio ana keia mea he kaua ma keia hoe aku, aka, he mau hihiomoeuhane hoopunipuni wale no ia mau noonoo ana. He kahua hoomoana o Europa a puni no na puali kaua o na lahui. Ua hooholo a ke hoomakaukau nei o Enelani, a eia hoi ke lele mai nei ka fiva kana i ko Amerika. Me he la ua hiki aku iwaena o no lahai a pau o ka honua nei ka leo hanehane, e hoomakaukau no ke kaua, e like me ia i olelo ia e ke kaula no keia mau la.

            “E hai aku oukou iwaena o na lahui kanaka e hoomakaukau oukou no ke kaua, e hoala mai i ka poe ikaika, e hookokoke mai na kanaka kaua a pau, e pii mai lakou.”

            Ma keia mokumahu lawe le@a mai nei, ua hiki mai ka lohe ua kuikahi o Enelani a me Italia, a e hoomau ia aku no ke kaua ma Abisinia, e ka hope, a ma Aigupika hoi e ke aupuni Aigupika me na kokua o Enelani; ke hoohui la na Repubalika o Transvaal a me Congo e makaukau e kaua. Ua hiki mai ka lohe ua kuai aku o Enelani ia Delagoa a me ke kai kuono ma ia inoa mai ke aupuni Pukiki no $25,000,000. Ke hoomakaukau nei o Rusia a me Farani, a ua kuikahi malu hoi laua me Tureke. E like me ka olelo a ka wanana a na kaula no na la hope pela no e hoike mai na hana o na lahui kanaka no ia manawa. Ke pokole nei ka manawa, ke kokoke mai nei ka la o na kanaka ikaika e kaua ai, e hoohanini ia ai ko ke Akua inana maluna o ka poe hookuli a e hoike ia mai ai ka nani o ke Akua, a me ka manaolana o kona poe kanaka. O ka mea ike e nana i ka Daniela a me ka Ioane, a me na wanana a ka Haku, a e hookuku i na ouli, a e hoonaau iho, o hiki mai anei keia mau mea a lakou i ao mua mai ai e hiki mai ana, e noho hemahema ana kakou. Iwaena o na kaua me na olelo kaua” e ae aku kakou e noho mai ka malu o Karisto iloko o ko kakou naau a e pule aku i ke Akua e kaohi iki aku i na kikiao o ka mokuahana a pau na kauwa o ke Akua i ka sila ia, a pau hoi ka hana hope loa a kona lokomaikai ma keia ao. Alaila, i ka manawa o na ino o ke ao e paio ana, aia hoi kakou malalo o na eheu a me ka malu o Iehova.

 

L.B. KERR,

ma

NAE O KA HALEKUAI O MOGAN.

Alanui Moiwahine. Honolulu H.I.

 

KE KALEPA POLOLEI MAI NA HALE HANA MAI.

E kuai ana i kekahi mea okoa a e kuai ai ma ka ma a ke kumu-kuai kukaa.

 

He kupono i na lede e hele mai e nana mua maanei i ko makou pua waiwai nui mamua o ke kua O KA HOOKAHI DALA I KUAI IA MA KAHI O L.B. KERR. UA LIKE IA ME ELUA MA NA HALEKUAI E AE.

 

OIA HOI, UA LOAA IA OE NA LOLE

nona ke kumukuai Elua Dala HOOKAHI DALA WALE NO.

NA PAPALE,

Na Lipine

Na Pua Papale

Na Hulu

Na Lihilihi

Na Mikinilima

Na Lole

Na Paku

Na Keokeo Uhi-moe

Na Kihei Huluhulu

ECT ECT.

 

L.B. KERR,

 

ALANUI MOIWAHINE

Waikiki iho o ka Hale Kudala o Megan