Ka Oiaio, Volume I, Number 72, 10 April 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

JOHN E. BUSH, Luna Hooponopono a me Puuku

HONOLULU,            APERILA, 10 1896.

 

HOOHALA.

            O ka poe hoopono a manaoio hookuonoono a pau, e ake ana e imi home a hookanaka makua i ka noho ana, e noho nele nei, a e noho pilikia nui mamuli o ka nele aina a nele hana, ke poloai ia aku nei lakou e hele mai i ko makou Keena hana ma Alanui Paipalapala a e lohe no lakou i na mea e pili ana no na aina a me ka hana e hookuonoono a hookuokoa ai i ka noho ana o kela a me keia ka na@a a me kona ohana piha.

            Jno. E Bush.

            Honolulu, April, 10 1896.

 

E HULI HOI ANA.

            Ma ka la onehinei, i kipa aku ai o Kuhina Willis, e ike ia Peresidena Dole, me kona mau Kuhina, i ukali ia hoi e Mr. Mills, Kanikela Amerika.

            He ike hope ana keia ina poo aupuni o keia aupuni, a huli hoi aku hoi oia no Amerika no ka hoomaha ana i kekahi mau mahina.  A ina hoi he oiaio na olelo a na nupepa o Wasinetona, e olelo ana, e hoi aku ana oia, a e pau ana kona noho Kuhina ana no nei.  He mea maopopo ole nae keia, oiai o ka hana no ia a na nupepa o ka hoolaha i kela a me kiea mea me ka maopopo mua ole ia lakou, a i na no hoi e ku iho ana i kahi o ka laki, e ulia ae ai pololei iho la ia mau ano olelo. Ua nui no hoi na olelo oia ano e wa ia nei maanei, e hooiaio ana i ka oia mau olelo a na nupepa o Amerika, aka, na ke au no paha o ka manawa e hoike mai i ka mea oiaio.  E kau aku ana oia me kana wahine i keia la maluna o ka mokuahi Gaelic.

 

OLELO HOOHOLO NAAUAO.

            Nui ka mahaloia o ka Olelo Hooholo a ka Luna Hoomalu o ka Aha-hui paio o ka Hoomana Naauao ma ka halawai i malama ia ma ka po nei.  Oia hoi, ua oi aku ka Oihana Lawaia mamua o ka Oihana Mahiai, no ka mea; he mua ka oihana lawaia, a he hope ka mahinaai o Edena i hana ia ai.  Oia hoi ka hoopunana ana o ka uhane o ke Akua maluna o ka wai.  Nui ka noeau a me ka hihiu o keia olelo hooholo o ka loaa ana i kekahi lede.  No ka momona no paha kekahi o keia lede, pela no i puipui pu ai me kana olelo hooholo.  Mahalo ia Mrs Ah Leong

 

KELA ME KEIA.

            Mai poina e na hoa'loha i ke kipa ana ae ma ka halekuai o N. S. Sach.

            Mai poina i na kuai hoemi ma kahi o B. F. Ehlers (Bainaba).

            Mai poina i ka hele ae ma ka halekuai o Kerr, e kuai ai i mau lako no ke kino, oia i he emi na mea kuai ma ia halekuai.

            Aia ma ka halekuai o J. J. Egan e kuai ia nei keia mau la, he ano kaliki hou o na wahine, a he mea maikai no hoi ke kipa ana aku o na lede e ike maka, no lakou iho.

            Aia ma kahi kokoke i ko Brewe's ma Halekuai kukaa, ma ka aoao ma ewa, e paikau mau nei na koa o ka mokukaua Adamu i na Poalua a pau.

            He mau hoahui ae nei o W. A. Kini, a me S. M. Bailon ma ka oihana loio.

            I keia la e hele aku ai o Kuhina Kini me kona mau hoa, e makaikai ina pono o ke kukui uwila.

            I ka Poaono ae nei ike ia ai ka mea e lilo ai o ka piano nanai ma kahi o L. B. Kerr.

            Ua pau aku ko Allan Wright noho makai ana, a pela hoi me Elle Crooke, kekahi makai kau lio.

            Ua ku mai nei ka Alameda mai Kapalakiko mai a e holo aku ana i ka hema i keia ahiahi.

            I ka la o nehinei i hoopai ia ai kekahi makai kau lio no ka hoeha ana i kekahi o kona hoa, he $10 me na koina.

            He anaina ike ke haawi ia ana ma luna o ka mokukaua Adamu i keia auina la.

            Ua lawe mai o Pailata Sanders i ka Warimoo, oia kana moku mua i hookomo mua mai ai.

            He keiki Hawaii kekahi i noi aku e lilo i Pailta i oi aku ka makaukau i na mea i noi no ka pailata, aole nae i ae ia.  Oia mau ke loaa ana i na Hawaii ka haawina i loaa ia Lakaro, he nele loa ma keia ao.  Imi ia aku ka pono i kahi popo a mu ole

            He hui noho'na aina ka J. E Bush e hoo ala nei  Ua loaa ka aina, ame ka hana; ina ua makaukau ka poe nele a me ka poe hana pono e lawe i na lokomaikai a e hoohana aku no lakou.

            Ua hiki mai i o makou nei ka "Winchester Journal," mar. 18, o Wichester, Indiana, me kekahi mau olelo ma ia nupepa no na keiki Hawaii o ka Bana Lahui.  Nui ko lakou mahaloia, a ua hoohalike ia ka lakou paani a mele ana mahpoe koke aku o ka aha-mele i haawi ia he mau makahiki mamua aku malalo o kela loea mele a alakai kaulana Thomas Gilmore.

            Ma ka nupepa P. C. Avataisa o keia kakahiaka i ike iho ai makou i ka olelo hoolaha a Mrs Walakahauki, ua lilo aku ka hale kuai helu 10 ma alanui Kalepa o J. T. Waterhouse ia Mr E. W. Jordan.  He keiki keia i hele mai, mai Enelani e hana no Mr Walakahauki makua, a eia oia ke komo iho la ma ke kulana o kona makua hana.  Ka haawina keia oi ka hoopono a me ka hoomanawanui; aole i pokole ko Iehova lima e kokua mai ika poe i nana aku Iaia.

 

L. B. KERR,

ma

NAE O KA HALEKUAI O MOGAN.

Alanui Moiwahine.     Honolulu H., I.

KE KALEPA POLOLEI MAI NA HALE HANA MAI.

            E kuai ana i kekahi mea okoa a e kuai ai ma ka ma ake ku mu-kuai kukaa.

            He kupono i na lede e hele mai e nana mua maanei i ko makou puu waiwai nui mamua o ke kua

O KA HOOKAHI DALA I KUAI IA MA KAHI O L. B. KERR, UA LIKE IA ME ELUA MA NA HALEKUAI E AE.

OIA HOI, UA LOAA IA OE NA LOLE

nona ke kumukuai Elua Dala HOOKAHI DALA WALE NO.

            NA PAPALE,

            Na Lipine

            Na Pua Papale

            Na Hulu

            Na Lihilihi.

            Na Mikinilima

            Na Lole

            Na Paku

            Na Keokeo Uhi-moe

            Na Kihei Huluhulu

            ECT ECT.

            L. B. Kerr,

            ALANUI MOIWAHINE.

Waikiki iho o ka Hale Kudala o Mogan