Ka Oiaio, Volume I, Number 73, 13 April 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

BUKE I. HONOLULU, APERILA 13, 1896 HELU, 73

 

OIAIO PUKA LA

NA

Keehina io Karisto La.

HAKUIA E MRS. E. G. WHITE.

 

KA ULU ANA AE ILOKO O KARISTO.

(Hoomau ia).

 

        E like me ko kakou noonoo ana ma ka nani o ka Hoola, pela e iini ai kakou e hoololiia a hoohanauhouia ma ke ano o kona maemae.  E pololi a makewai ka uhane e hoohalike me ka mea a kakou i hoomana aku ai.  E like me ka mahuahua ana o ko kakou noonoo ana no Karisto, pela e mahaahua ai ko kakou makemake e kamailio pu me na mea e noua a hoike aku ia i@ li ke ao nei.

        Aole i kakania ka Baibala no na mea naauao wale no, aku, ua hanaia no na mea haahaa kekahi.  Ua hoikeia na mea e pili ana i ke ola a laelae e like me ka awakea, aole hoi e nalowale ke alanui o kekahi a kuhihewa ke hahai i ka makemake a ke Akua i hoikeia, koe wale no ka poe hele mamuli o ko lakou manao iho.

        Aole he pono ia kakou e hahai mamuli @ ka olelo o kekahi kanaka e pili ana i @ ana o ka Baibala, aka, he pono ia kakou ke imi i na olelo a ke Akua no kakou iho.  I na ae aku kakou na hai e noonoo no kakou, e emi mai ko kakou ikaika a e oopa ko kakou hele ana.

        E hiki no ke hoonawaliwaliia na mana hanohano o ka noonoo ana ma ka nele i ka noonoo ma na mea kupono, a pela e hiki ole ai ke noonoo ma na mea hohonu o ka olelo a ke Akua.  E mahuahua ka ikaika o ka noonoo ana i ka Baibala, e hoohalike ana i kekahi pauku me kekahi pauku, ma na mea o ka uhane.

        Aole mea i oi aku mamua o ka imi ana i ke ano o ka Baibala e hoikaika ai i ka noonoo o ke kanaka.  Aole buke e ae i like me na mea oiaio o ka Baibala ma ka hapai ana i ka noonoo a hooikaika i ka @leu o kona uhane.  I na i imi ia ka olelo a ke Akua e like me ka pono e laula ae ana ka noonoo o ke kanaka, e maikai ae ke ano a oi aku ke kupaa mamua ae o na mea ikeia i keia wa.

        Aole nae he waiwai ke heluhelu hopuhopualulu i ka Baibala.  E heluhelu ana kekahi i ka Baibala a pau, aole nae ike i kona nani a me kona ano i huna hohonu ia.  Ua oi aku ka waiwai o ka pauka hookahi i imiia a maopopo ke ano mamua o na mokuna he lehulehu i heluheluia me ka hoomaopopo ole i ke ano a me ke ao ole ia.

        E malama i kau Baibala ma kou aoao.  E heluhelu i kou manawa kaawale, e hoopaanaau i na pauku.  Oiai e hele ana ma na alanui e hiki no ia oe ko heluhelu i kekahi pauku a noonoo ma kona ano a hoopaa,

        Aole e loaa ana ia kakou ka naauao me ka imi ole, me ka pule ole.  No ka maopopo o kekahi hapa o ka Palapala aole no e kuhihewa ma ke ano, aka, o kekahi hapa @ hunaia ke ano, aol@ e ikeia ma ka nana hopuhopualulu ana.

        He pono ke hoohalikeia kekahi hapa me kekahi hapa.  He pono ke imi akahele ia me ka noonoo a me ka pule.  He waiwai ka imi ana o ia ano.  E like me ka loaa ana i na metala waiwai malalo o ka ili o ka honua, pela no e loaa ai na waiwai huna o ka olelo a ke Akua ma ka imi hoomanawanui ana, na mea i hunaia mai ka maka imi me ka ikaika ole.  E liko auanei na huaolelo mai ke Akua mai, ke noonoo p@@@ @a, me he muliwai e hu ana mai ka punawai o ke ola.

        Aole pono ke imiia ka Baiala me ka pule ole.  Mamua o ka hoohamama ana i kona ma@ aoao he pono ke noi aku i malamalama mai ka Uhane Hemolele mai, a e haawiia mai na.  I ko Nataneaela hele ana io Iesu la, i aku ka Hoola, "e nana i ka Iseraela oiaio, aole he hoopunipuni iloko ona."  I aku la o Natanaela.  "Inahea oe i ike mai ai iau?"

        Pane aku la o Iesu, "mamua o ko Pilipo kahea ana'ku ia oe, ua ike au ia oe e noho ana malalo o ka laau fiku."  A e ike no Iesu ia kakou ma na wahi nalo o ka pule, ina e imi kakou i ka malamalama mai ia ia mai e loaa ia kakou ka oiao.  E kokua no na anela mai ke ao malamalama mai i ka poe e imi ana me ka haahaa o ka naau i ka ke Akua alakai ana.

        Ke hookiekie nei a ke hoonani nei ka Uhane Hemolele i ka Hoola.  O kona oihana ia e hoike mai ia Karisto, kona pono maemae, a me ka ola nui i loaa ia kakou ma oua la.  Ke i mai nei Iesu.  "E lawe no ia i ka'u, a e hoike aku ia oukou."  1 Ioane 16:14.  O ka Uhane o ka oiaio wale no ke kumu hoomaopopo i ka oiaio mai ke Akua mai.  Kai ke aloha o ke Akua i kanaka, no kona haawi ana mai i kana keiki e make no lakou, a hoonoho i kona Uhane i kumu a i alakai mau no kanaka.

 

KA POMAIKAI O KA PULE

 

        Ke kamailio nei ke Akua ia kakou ma na mea o keia ao a ma kana olelo, ma kona lima a ma ka mana o kona Uhane.  Aole nae i lawa keia mau mea, he pono ia kakou e ninini aku i ko kakou mau naau imua oha.  I mea e loaa ai ka ikaika o ke ola uhane, he pono ia kakou e kamailio pu me ko kakou Makua ma ka lani.  E noonoo ana paha kakou ia ia, a e noonoo no paha ma kona mau hana, ma kona lokomaikai, kona hoopomaikai, aole nae keia he kamai@io me ia, ma kona ano nui.  I mea e pule ai kakou i ke Akua, he pono ia kakou e hai aku ia ia i na mea e pili ana i ko kakou ola.  Aole i pau.