Ka Oiaio, Volume I, Number 82, 24 April 1896 — Page 1

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 50 keneta o ka mahina.

 

KA

PUKA LA OIAIO

 

Hoopukaia i na la a pau koe ka la Sabati a me Lapule no 50 keneta o ka manina.

 

BUKE I.                     HONOLULU, APERILA 24, 1896.              HELU. 82

 

OIAIO PUKA LA

NA

Keehina io Karisto La.

 

HAKUIA E MRS. E. G. WHITE.

 

KA MEA E HANA AKU AI I KEKANALUA.

 

(Hoomau ia).

 

            O ka poe e imi ana i na ano kue iloko o na palapala, aole lakou i ike mamuli o ka uhane.  Me na maka keekee e ike ai lakou i na kumu e kanalua ai a e manaoio ole ai ma na mea i maopopo maoli.

            Aole e hiki ke hunaia, o ke kumu maoli no o ke kanalua a me ka hooinaloka oia ka makemake i ka hewa.  Aole i maikai na ao ana a me na hoohalike ana o ka olelo a ke Akua i ke kanaka hookiekie, a me ka mea puni lealea, a o ka poe hoole ana i kana ao ana ua kanalua i kona oiaio he pono ia kakou e makemake maoli e ike i ka oiaio, me ka ae aku o ka naau e hoolohe.  O na mea a pau e imi ana i ke ano o ka Baibala me keia manao, e loaa no ia lakou he nui na mea e maopopo ai oia no ka ke Akua olelo, a e loaa no ia lakou ke hoomaopopo ana i kona oiaio a e loaa pu ka naauao e ola‘i.

            Ua olelo mai o Karisto, "Ina e makemake kekahi e hana i kona makemake, e ike no ia i ka mea a‘u e olelo nei, na ka Akua mai ia, aole na‘u iho."  Ioane 7:17.  Mai ninaninau a a hoohalahala, no na mea au i hoomaopopo ole ai, aka e hoolohe i ka malamalama i loaa, a e loaa hou mai no ia oe ka malamalama hou ae.  Me ke kokua ana mai o Karisto e hana aku i na mea e maopopo ana, a mahope no e maopopo ai na mea hou aku.

           

NO NA AINA KAHIKO

 

NA KULANAKAUHALE I NALOWALE A

LOAA HOU AKU.

 

MOKUNA VI.

 

Assonana---Na luakalai pohaku o Syene---Ke

            ano o ka hooneenee ana i na Pohakununui---

            Na waimimilo o ka Nile---Aitiopa Kahiko---

            Mokupuni o Philae---Kahi hope loa o ka

            hoomana Kii---Na Kii pohaku--kalai anoe---

            Aboo Simbela---Ke ko ana o ka wanana.

            I na keia luakini i oleloia ae nei, oia kekahi o ko lakou luakini kahiko loa, a o na kii kalaiia no ka manawa aku hoi mamua o ka pukaana o na Iseraela mai Aigupika aku, alaila, ua hiki wale no ke wehewehe ia keia mau kii hoike ano he mea i loaa mai ma kekahi hoike ana pololei no ia mea he aka hoi e hoike ana i ko Karisto hele ana mai.  Aka, oiai hoi he mau heiau keia aole no ke au kahiko loa, a o keia mau kii hoi no ke keneturia ekolu a eha paha o ko kakou au nei, aole hoi i lilo he mea pohihihi ka ike ia ana o ko lakou hoea ana ae.

            Aole hoi he mea ano nui e komo ana i ka maka o ka mea makaikai maluna aku o Philae a hiki aku hoi i ka luakini pohaku i kalai maoli ia ae mai ka pali pohaku ae, i kapaia Aboosimbela me ke kii oiwi nani o Ramese II, e palua la ma ke komo ana aku o ka ipuka, kekahi mau kii pohaku nunui kino kanaka kalai ia ona kii i oi o ka nani a me ka nui o ia ano ma Aigupika.  E like me ia ma na heiau kahiko a pau, ua loaa aku hoi na papa pohaku moolelo hoomanao a me na kii kalai nani ia, aka, no ka paeli ia ana aku hoi iloko o ka aoao o ka mauna, a no ka paa i ke one o ka waha o ka ipuka e komo aku ai, aole hoi he ike ia kekahi o na mea o loko ke ole ma ka lamalama, a no ka uwahi ae hoi ua lilo he wahi anoano keia.

            Ua hoopiha moakaka loa hoi ke kulana o Aigupika i keia wa i na olelo o na wanana nona, a me ka mae i oi aku io o ke kamahao oia na olelo wanana, e lilo ana keia aupuni he mea ole, mamuli o na mokuahana kuloko iho.  "E kahiko aku no au i ko Aigupika e kaua i ko Aigupika, a e kaua no lakou, o kela a me keia i kona hoahanau iho, o kela mea keia i kona makamaka iho, o kekahi kulanakauhale i kekahi kulanakauhale o kekahi aupuni i kekahi aupuni. * * * E haawi aku no au i ko Aigupika, ma ka lima o ka haku oolea, a e noho no kekahi alii makonakona maluna o lakou, wahi a ka Haku." Isaia 19:2,  "E lilo ia i haahaa loa iwaena o na aupuni, aole ia e hookiekie hoi iluna o na lahuikanaka, no ka mea, e hoemi au ia lakou, aole hoi lakou e hooalii maluna o ko na aina. * * * aole loa hoi he alii hou o ka aina o Aigupika."  Ege. 26:15;30:13.  A o kekahi wanana kamahao hou aku i hoopiha ia, oia no e pili ana i na naku a me kaluha i ike ia mamua e ulu ana ma kona mau alawai, oiai ua ike ole ia ia mea i keia wa ma Aigupika. * * *  E mae wale no hoi kanaku a me ke kaluaha * * * a me na mea hua a pau ma ka muliwai, e maloo no ia mau mea, e puehu liilii a e nalo aku. Isa 19:6,7.

            Pela hoi i hoike ia mai ai ka oiaio o ka Olelo Hemolele a ke Akua, ma ka hooko piha ia ana o keia mau mea a pau i wanana ia a me ka like a me ka pili pololei o na olelo o ka baibala me na hana akamai a me na mea i hooulu a i hana ia, ke ano o kanaka a me ke ano o ka noho ana o keia lahui kahiko loa, a o ka poe a pau i hoohenehene, he hapa keneturia i hala aku, i ka Baibala me na olelo, e i ana he buke olelo nane, aoao, a he piha i na olelo kohu ole, a he hoopunipuni wale no, ke huli nei lakou a ke hooia nei i ka Baibala, oia maoli no ka hoike a ke Akua i ke kanaka, o kana olelo a me kona ike naauao palena ole.

            Aole i pau

 

            No ka poe pena a pia i ka helehelena e loaa no ka pia aala "Ramona" ma kahi o Ho@ na