Ka Oiaio, Volume I, Number 93, 11 May 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA

JOHN E. BUSHI, Luna Hooponopono a me P@ku

 

HONOLULU. :  : APERILA 24, 1896

 

HE HOPENA KO NA HANA.

            Ma keia mau mokulawe leta hope mai nei, me he la i ka nana iho ke ulu mau nei na kum e alakai ana i na aupuni ma kahi o ke ka ua huliamahi ma keia mua koke iho, iloko paha o hookahi makahiki.  O na hoolaia a me na kalai aupuni ana a Rusia a me Farani, ke hi'o mau nei ia ma ka hooulu kaua, a o ka laua mau hoohana ana, oia no ka hoomokuahana i na aupuni e kuikahi nei, e ku kuokoa ia lakou iho, a e hookaawale aku hoi i na aupuni o ke a@uu malalo iho a me na lahui i noho hoohakui, e kaua a e kue aku i na aupuni e noho mana ana maluna o lakou.  O ke kumu o keia mau hana ano e loa a keia mau lahui e hana nei, he kupanaha no, i ka na@a mahia wale iho, a he pohihihi no hoi i ka hoomaopopo iho i na hopena o keia mau hana.  O ka poe haipule wale no e heluhelu nei i ka ke Akua olelo a e hooikaika nei e loaa ka malamalama mai laila ae, ka poe i hiki ke olelo ia ua loaa maoli ia lakou ke ki e hoomohala mai ai i ke ano o keia hana.  Aia iloko o kela mau olelo a ka Hak@, ma kana hoike i kana mau haumana, ma Mataio 25, Mareko 13, a me Luka 21, no kona Liki hou ana mai i keia ao, ka kou e hoomalamalama ia ai i ke ano o keia mau hana a na aupuni, a e ao iho ai ia kakou e noho maikai aole e hookaumaha no na hana uhaai wale.  E inaina ana na lahui kanaka kekahi i kekahi, a he mea oiaio loa ua piha a ke ulu mau nei ka inaina a me ka mokuahana o na lahui i keia wa, e like me ia i olelo ia, he mau hoailona no ua la hope.  Ina kakou o nana i ka olelo a ke kaula o ke Akua, e hoike ana i ka moolelo o ke ao a hiki i ka wa o kana Keiki e hele mai ai e hoopio i na enemi a pau o ka pono, e ike no kakou me ka maopopo loa, i ke au a kakou e ku nei.  E nana kakou i na aupuni i oleloia mai ka pauku 40 a ke 45 o ka mokuna 11 o Daniela, ua pili ia i na lahui e hoala nei i ke kaua: Ke 'lii o ka akau o Tureke no ia, o Aigupika, ke 'lii no ia o k@hema, ko Edoma, Moaha, a me na keiki pookela a Amona; ko Libeana, a me Aitiope.  O keia mau olelo a pau na pili no Tureke, ke poo o neia mau lahui a pau, a he oiaio, ma kona inoa Calipa, ke poo o ka hoomana o na Mahometa, oia io no ke poo o keia poe lahui.  Ke hoomokuahana nei o Rusia a me Farani i ka noho ana o na lahui o Europa, ma o ka paipai ana i na aupuni hikina a me Tureke e kue ia Enelani, a e hookaawale ia kona noho mai kai ana Geremania a me Auseturia, a me Italia, a me Amerika, o@ai, oia wale @o ka mana hookahi nana e kaohi nei i ke @aua huli@mahi a ke Kaula i hoike ai ma Daniela 12@, mamua ponoi iho o ka hiki ana mai o Mikaele, ke 'Lii o na 'Lii.  E li@ me ka olelo o ka pauku 44, mokuna 11, "no kona lon@ ua olelo (paipai) mai ka hikina mai, a me ka akau," pela oia e hoopilikia a e hoouluku ia nei e Rusia, ke aupuni ma ka akau a me ka hikina ana, ma na hana a Rusia, e hoeneu hoomokuahana la i na Karistiano o Amerika, a me na lahui Mah@meta ma ka Soud@ ka puka o ka Aitiopa o ka Baibala.  Moakaka loa ko kakou ikena, ina aole i pouli a i lil@ hoopapau mahope o na hana uh@uha o ke ao nei.  Ma ka pauku 45, mahope o ke kupaa ana o Tureke i kona huhu, e kipaka ia ana oia mai Europa aku, a e like u@ hoi me ka olelo nona ma ia pauku, e lawe ana kona noho aupuni "iwaena o na kai a ma ka mauna nani hoano," oia o Ierusalema, a he maopopo loa, "aole mea hana ia e kokua," no ka mea, ua hana ano e aku oia ia Enelani, kona hoaloha a na puni hoi i kona enemi maalea i kauoha ia e Petero ka Nui, e hooikaika e lilo o Rusia o Constantinopala, ke ki o ke alanui o ke Hikina a me ke ao holookoa.  He oiaio ke ko nei ke au e hookoia keia kuko o Rusia a me Farani, aka, he kuhihe wa nae keia no kanaka; oiai e hooko ana lakou i ka mea i oleloia ma Daniela 12:1 - 4, a oia wa ua kokeke mai, a ke lana nei ko makou manao o makou no kekahi e ike maka ana ina mea i olelo ia malaila.  Nolaila, e kiai kakou a e noho me ka makaukau, i hiki ole mai ai keia mau haawina me ka noho palaka.

 

KELA A ME KEIA.

            Ua paani ae ka bana ma ka home o Peresidena Dole i nehinei, no ka hoohanohano ana aku i ka piha ana o ke 52 makahiki o kona ola ana.

            He $500 ka hoopai @ ekolu Pake no ka hewa kipe imua o ka aha hoomalu inehinei.

            He ike wale ia aku no ka ula o ke ahi o Mokuaweoweo iluna ae nei o Laeahi.

            Mamua iho o h@lealii i nehinei, ua puiwa ae ka lio o Kapena Cluney a kiola aku la iaia iluna o ke one a ua laki nae i ka eha ole ana.

            E kuai kudala ia aku ana na lio kaa o Kauka Borode i make, ma ka hale kudala o Mogana.

            Eia o Ilamuku mua E G. Hikikoki i ke taona nei mai Hilo mai me ke ola kino maikai.

            Mai poina e na hoa'loha i ke kipa ana ae ma ka halekuai o N. S. Sach.

            Mai poina i na kuai @oemi ma kahi o B. F. Ehlers (Bainaba).

            He 25 ia o ke dala no na lole pio kalakoa ma kahi o L. B. Kerr.

            Ua hooemiia na lole merino a me halua ma kahi o B. F. Ehlers (Bainaba.)

 

Na Lole:

:  :Kohukohu!

            Oia hoi ka mea a na lede a pau e ake ana e loaa a he meahiki wale no ke hookoia.

 

E HELE MAI OUKOU ILOKO O KOU HALEKUAI A E HANA AKU AU IKA

KA MEA KUPONO I KO OUKOU MAKEMAKE.

            Ua loaa mai nei a'u kekahi ano piha o na

            LOLE AAHU HOU LOA@

 

Crepon, (he like me kanika@)

            Na Lole Farani.

                        Na Lole Ulana Waihooluu Like Ole

                                    Na Lole Awiliwili Lopi Silika me @ulu hulu.

 

Na Lole Alabatosa,

            Na Lole Casmia a me Huluhulu         

                        Na Lole Hulu Kao Lama

                                    Na Makalena

 

                                                Na Lole Diminite

                                                            Na Lole Pongi,

                                                                        Na Lole Satina

 

                                                Na Peersucker@

                                                            Na @liss,

                                                                        Na Lole Anuunuu Crepe

 

Na Keokeo Manoa@oa o na ano a pau, etc, etc.

            Aia no hoi ma ko'u Halekuai ka

                        LOLE FIBERELABRICA.

 

He mea i oi akupih ka ma i lo@ L OE NAAUHULU.

 

            Aole no oe i ki@k@ ke ole iika hoi loaa ia oe kekahi o kuu

 

            PALEKOKI KOHU MAMALU.

 

A e halo iho hoi i ke K@liki (@rilby) ano hou, kupono i kau e iini nui nei.

Aia hoi ma ko'u halekuai na Lole Moepoli i ka hikonoeau ia, a kupono o ka hana ana iho i@ Adamu.

Na Pale ili o na kani i kupono hoi i ko Eva makemake, i huki ai ka Ulua i Malamanui.  Uwese oe.

Na Kaliki o na ano maikai loa, i hiki ke hoopuanikiia ka poe aluhee, na kakini kupono no ka poe paiho a me ka poe pauhananuu o na a-u, na mikinalima na hainaka, a pela aka

E hauoli loa au e hoomakaikai aku i keia mau mea nani i na Lede o Honolulu.

 

J.J. E@an

 

Alanui Papu Mei 21, 1895.  Mei@ 12