Ka Oiaio, Volume I, Number 106, 27 May 1896 — Page 2

Ka Oiaio/Ka Oiaio Puka La/

Hoopukaia i na la a pau koe ka la Sabati a me Lapule no 30 keneta o ka mahina.

 

KA OIAIO PUKA LA.

JOHN E. BUSH, Luna Hooponopono a me Puuku

HONOLULU :  :   :   :  MEI 27, 1896.

 

ULUNUI O KE KARAIMA.

     Aole paha he aina i pii ino ae o ke Karaima iloko o keia hapa keneturia mamua o Amerika.  Ua olelo mau makou ke ulunui nei ka uhane kanawai ole iloko o keia aina, e like me ia i wanana ia nona, a he oiaio eia ke hooia mai nei na hoike buahelu i ka oiaio o keia mea i olelo mua ia nona.  (Hoik. 13:11-17).  Ua hoike mai o Kauka Waita, Peresidena o ka Hale Kula Nui o Cornell, a he Comisina hoi no ka Papa Comisina o Venezuela, eia ke pii nui nei ke Karaima ma Amerika Huipuia, penei:  I ka 1850, 300 ka nui o na hana Karaima iloko o ka miliona o ka hela lahui; i ka 1860, he 600 a oi,; i ka 1670, aneane 900; a i ka 1880, ua oi aku i ka 1,200.  Ka nui o na pepehi a lawe ola no ehiku makahiki e pau ana i ka 1895, he 47,469.  He 10,500 no ka makahiki hope o keia helu.  Ua ahona o Europa i keia, a me he la mawaho o na kaua, aole no paha na aina pouli i oi aku mamua o keia.  A o keia ka aina i kaena nui i kona pookela ma ka naauao a me ka malamalama a o he hoole ana i ke kulana mua o keia aupuni i kona wa aole i hoopiha ia mai e na lahui haahaa a ano inoino o ka noho ana mai Europa mai.  Hoka o keia hoike, he elua mea nui i ike ia, oia hoi na malu ole ka hewa i ka hoomana Karistiano, a i ole ua hookamani a lalau ke ao ana a na Karistiano i ka olelo a ke Akua i manalo ai, e like me ia e ike ia nei ma na wahi a pau o ke ao; a ma Hawaii nei, imua ponoi o ko kakou mau maka.  Ua hiki loa ia makou ke olelo ae, ua uhiia na noonoo o na alakai o ka euanelio a Karisto, e ka mana o ke ao, a ua hemahema ke ao ia ana o ka uhane a me ka hoopono o ka noho ana o kanaka.  Ua haalele ia keia olelo, “e imi mua i ke aupuni o ka lani,” ua hoopapau kanaka i ka imi loaa, i ka pono noho ana kino me ka hoohemahema i ka pono o ka uhane, a o ka hopena, ua ahuwale lakou i na ino a me na hana hoowalewale a me na pahele a ka enemi o ke kanaka.  Aole no hai ka hewa, aka no ka hoomana, a me na kumu, i lilo mahope o mamena a hoohemahema i ka hana a ke Akua.  Aka, a ke ao ke poino ana, aole o ke Akua, a aole o ka poe i hahai ia Karisto a hooliho oia ko lakou ana, ma ka hooko ana i na kauoha a pau a ke Akua.  Aole he alanui e ae, e pakele ai, a e malu ai, o ka poli wale no o ka Makua, a o ka hoolohe i kona makemake.

 

KA NU HOU O NA AINA E.

   Ua hoouna ia aku o Latanela Peary no ku Akau, no ka imi pono ana i ka hoku welowelo, i ikea ma ka lae Cape York, ana no hoi i imi ai a loaa iaia i ka makahiki i hala  Na ka hui Iwaiakamai o Piledelepia oia e hoouna ana.

   Ma ka huakai hoao mai noi a @@@@@@@@@@@@@@@@ gona, ua holo ia eia 19.13 mile  l ka @@@@@@@@@@ uk@@@.  O keia ke kiekie o ka holo o ka moku e like me kona ano.

   Ua kelegarapa ia ae ma Ladana no ka puhi ia ana o ka home o na misionari Pelekane. ma Kiangyni, e na Pake.  Ua pakele aku ko lakou ola, ma ka lihilihi.

   He 30,000 ia sila i ae ia aku e Kuhina Carlisle i ka hui laweia sila o keia kikina.  O ka palena o kela kau. he 15000.

   Ua papa ia aku ka hoouna ia ana o na lau paka o Cuba i Amerika.

   Ua kuai ia mai la na bona o Cuba, e ke aupuni Farani, nona ka huina o $27,000000.

   Iloko no o ke kiai ia o ka moku filibuster, e ka moku kaua Amerika Forward ua holo malu aku la no nae oia no Cuba, me ka lako i na mea kaua na ka poe kipi.

   Ua kauoha ia aku he ekolu mau mokukaua Amerika, e hoi koke mai, ua manao ia no ke kueo i loaa mawaena o Amerika me Sepania.

   Ua hoike ia ae, ua hoike aku o Sepania i ka lohe i na mana nui, no kona uhaki i ke kuikahi mawaena o Amerika me ia, ma o na hana kokua hoi a Amerika i ka poe kipi o Cuba.  O ke kaua aku ka hope o keia mau aupuni.

   Ua nui ka poino i loaa i ke kulanakauhale o Quite a me kekahi mau taona e ae o ka Repubalika, ma o ka hana a ke olai.  Ua nui hewahewa na ola i poino.  Ua ulopa pu aku no hoi kekahi makani ikaika i ke awa o Bahia, a ua hamama ae la ka honua ma kekahi mau wahi.

 

KELA A ME KEIA.

   Ua haule na keneta o ke kopaa a ka 4 keneta.

   O ka la onehinei ka la hoihi a na senetoa e noho ai ma ka lakou apana haua, no ka aneane e hiki i ka pahu hopu.

   Ua hoopai ia ka ona o ka “ipuka bolu,” he $175, no ka malama hale hana lapuwale.

   Ma ke Kinau onehinei, i kau aku ai kekahi mau malihini no ka hoohala ana i kekahi mau la ma Lanai, me ka ohana o Kipikona.  Me he la he makemake laua e koho ia mokupuni no laua.

   I ka po o ka la apopo e haawi ai o J. W. Kaulia, he haiolelo ma ka hale hui o na Hawaii opio, Y. H. I.

   Oiai ka mokuahi China ma keia awa no ka holo ana aku no Kapalakiko i kela huakai hope aku nei ana, ua hookui aku ka hope o Eleu i ua moku la a ua poino hoi kekahi o kona mau pale hao a ua pani ia mai nei ma Kapalakiko ma o ka lilo o $500.  Ua lohe ia e hoopii poho ia ana ke aupuni no keia poino i oaa i keia mokuahi.

 

NO NA AINA KAHIKO

NA KULANAKAUHALE I NALOWALE A LOAA HOU AKU.

---------------oooooooooooo--------------

Mah@le II.

MOKUNA . III

@@@@@@@@M@UA@@@@@

@@@@@@@@@@@@@@@@@@@@ o ke awawa H@@oua, a me @ l@@@@@@ Galilaia, a me ka muliwai o Ioredaua.  Pela no me ka puuawai o Lakoba, ke kiowai o Seloama, a me ka ilina o Lahela He mau olelo kanalua kekahi i oleloia e pili ana i kahi maoli o ko kakou Haku i hoehaeha ia ai, i make ai, a i hoi hou ai i ka lani; e ike iho ana no oe ia oe e kipa ana i keia mau wahi me he la aole oe i mamao aku ma haki ponoi i oleloia.

   O na mea a pau e hele makaikai ana i ke Awawa o ke Kai Make, -- ina no aole oia i ike i ka Baibala mamua, a aole hoi i heluhelu uo Kokoma a me Gomora – e hiki ana no ke heluhelu i ka moolelo o ko ke Akua hoopai ana maluna o na kulanakauhale, o ke kula i lukuia ai, maluna o na ano a pau, o ka aina, na pohaku i ania ia e ke ahi a me ke kuanea o na kuahiwi e hoopuni ana hoi i keia awawa anoanohe hoailona kupono maoli no o ka loko ahi e hiki mai ana, a o ke ahi mai ka lani iho nana i luku ka poe hana hewa i hoowahawaha i ke Akua.

   A o ka malihini hoi mai kahi mamao mai i ike a i lohe ole i ka luakini kilakila o Solomona, iaia i ku iho ai maluna o Mauna Moria, e ike ana i ka manoanoa a me ke kiekie o na paia o ka pa e hoopuni ana i ka pali-pohaku laahia, e makaikai ana i ka moana wai a me na luawai i hoolala ia malalo ponoi o keia puu, a me ua lumi i eliia malalo o keia ilihonua a iloko o ka pali-paa, e makaikai ana i na ipuka alahele, ua kii pohaku, a me na ipuka hoopioia o ke ano o ka wa kahiko loa, a me na hoolala kelakela o ka noeau a me ka maikai o ka hanaia ana o na awai, i kukuluia maluna o ua kiapohaku e hookahe iliwai ia ai ka wai ma na awawa hohonu no ka hoolawa ana i na wai huihui maikai; mai na powai o na kuahiwi mai, no na hana o ka luakini, he iwakalua a he kanaha mile ka mamao aku, e hoolawa koke ia ana hoi kona manao, he kahua io no kahi kiekie palahalaha o luna ponoi iho o keia ahua kiekie no kekahi luakini kelakela i kukuluia e ka poe kahiko he wahi no lakou e hoomana ai.  A e manaoio aku ana ua hoi na mea a pau e heluhelu ana i ka Baibala, o ka pohaku i uhiia iho e ka luakini Mahometa o Omer e ku nei i keia wa, aole no ia he mea okoa aka o ka papakele pohaku kaka-hua palaoa no ia o Arauna, kahi hoi a Aberahaina i kukulu ai i ke kuahu uo ka mohai aua i kana keiki hookahi, kahi no hoi i kukuluia iho ai ka luakini nani a Solomona i kukulu ai i na makahiki mahope mai.

                                                                                                            Aole i pau.