Ka Wai Ola - Office of Hawaiian Affairs, Volume 13, Number 6, 1 June 1996 — ʻO ka Waiwai o kaʻ Ōlelo HawaiVi i koʻu Ola [ARTICLE]

ʻO ka Waiwai o kaʻ Ōlelo HawaiVi i koʻu Ola

Waiwai loa ka 'ōlelo Hawai'i, no ka mea, aloha nui loa ka po'e Hawai'i i ko kākou 'ōlelo. Pono kākou e mālama i ka 'ōlelo Hawai'i, no ka mea, loa'a kekahi mau po'e e hiki 'ole ke 'ōlelo Hawai'i. Makemake au i ka 'ōlelo Hawai'i 'ana, no ka mea, ua makemake ko'u tūtū kāne a me ko'u tūtū wahine ma ka 'ao'ao o ko'u pāpā i ka 'ōlelo Hawai'i 'ana a me ko'u tūtū wahine ma ko ko'u māmā 'ao'ao kekahi. Makemake lākou i ka 'ōlelo Hawai'i 'ana. No laila, pono au e 'ōlelo Hawai'i iā lākou ke hele au i ko lākou hale. Inā aia au ma ko lākou hale, 'ōlelo Hawai'i wale nō lākou ia'u. Hele au i ke Kula Kaiapuni Hawai'i 'o Kapa'a. Hō'ike ko'u kumu iā mākou i ka waiwai o ka 'ōlelo Hawai'i i ka mākou hana, pā'ani, ho'okani pila a me ke kama'ilio 'ana me nā keiki, nā mākua a me ka po'e mai Ni'ihau mai. 'Olu'olu loa ko'u kumu 'o Kumu Kaleimakamae Ka'auwai a me ko'u mau kumu 'ē a'e 'o Kumu Kaleo a me Kumu Kalei. 'Olu'olu kekahi 'o Kumu Noe. Aia ka waiwai o ka 'ōlelo Hawai'i i kā mākou hana. Mahalo, Maiā Ka'imi Kaneholani Ke Kula Kaiapuni Hawai'i 'o Kapa'a, 'o ke keiki lanakila mua loa i ka papa 5 o "He Ho'okūkū Kākau Mo'olelo"