Ka Wai Ola - Office of Hawaiian Affairs, Volume 38, Number 2, 1 February 2021 — Pahu Hopu Ho'oholo Makahiki Hou- A'o mai i ka 'Ōlelo Hawai'i [ARTICLE]

Pahu Hopu Ho'oholo Makahiki Hou- A'o mai i ka 'Ōlelo Hawai'i

j KA NAAUAO O NĀ KŪPUNA v > THE WISD0M 0F THE KŪPUNA f

Na Kalani Akana, Ph.D. He makahiki hou kēia a ua kau kou no ' ono ' o ma ka pahu hopu ho'oholo e a'o mai i ka 'ōlelo o kou mau kūpuna Hawai'i. Eia kā, ua kūpono nō ia pahu hopu no ka mea 'o ka mahina 'ōlelo Hawai'i 'o Pepeluali! 'Ōkē, ma hea anei 'oe e a'o ai? Ma ke kula nui? Auē, pa'akikī paha kēlā iā 'oe. Pehea 'oe e ho'okō ai i kāu pahu hopu hou? 'Eā, inā makemake 'oe e a'o mai i ka 'ōlelo Hawai'i e no'ono'o i kaho'ona'auao 'ana ma o nā papahana pāpaho. Manuahi no ka ho'oili 'ana ma ke kelulā a i 'ole ma ka lolouila. Eia kekahi, hiki iā 'oe ke ho'okonukonu i kou manawa me ka peki o ka holomua. Eia ma lalo nei kekahi o ka'u mau papahana a'o a ho'onanea punahele. Duolingo. 'Ōlelo 'ia ma kēia papahana, 'o ia nō "ka 'oi loa o nā papahana a'o 'ōlelo o ke ao nei." '0 kā lākou nu'ukia ke a'o 'ana o ka 'ōlelo me ka le'ale'a a no ka manuahi. Hiki iā 'oe ke a'o mai i ka 'ōlelo Hawai'i a ho'olohe i ka leo o kekahi kanaka e 'ōlelo ana a koho a i 'ole haku 'oe i ka pane me ka loa'a wawe i hāpane pololei/'a'ole pololei. Instagram. He pāpaho ho'opili kanaka kēia no ka mahele 'ana i ki'i a i wikiō i ka lehulehu a hiki iā lākou ke waiho i mana'o a e ka'ana aku i ko lākou mau hoa ma ka pūnaewele like. '0 Kumu Kahanu Solitario kekahi kumu a'o 'ōlelo Hawai 'i ma Instagram ma #ehoopilimai. '0 kona makuahine 'o Cappy kāna haumana helu 'ekahi. Ma nā lā a pau, a'o

mai 'o Cappy i kekahi hua 'ōlelo hou a i 'ole i kekahi māmala 'ōlelo hou e like me, "Hau'oli Makahiki Hou." Hiki iā 'oe ke ho'onanea i ka hula 'ana a Cappy a i 'ole i ka hīmeni 'ana o Kahanu me kona mau hoa pu'ukani. Ho'okū'ike 'ia e 'oe, aia 'o Kahanu i loko o ka pū'ulu hui hīmeni 'o Keauhou. Nanea wale kēia 'ano a'o 'ana! TikTok. He pāpaho ho'opili kanaka kēia 'o TikTok no ka mahele 'ana i wikiō pōkole - 'ekolu kekona a i ka ka ho'okahi minuke ka lō'ihi. 'O nā wae'ano ma'a mau o nā wikiō ka hulahula, ka ho'omāke'aka, a me ' ' ka ho'ona'auao 'ana. Ho'ohana 'ia 'o TikTok e @ka.alala, 'o ia _ 'o Maluhia States, no ke a'o 'ana i ka 'olelo. 'Ōlelo 'o ia, "I mea kēia papa hana e kōkua a kāko'o ai i ka po'e e a'o nei i ka 'ōlelo Hawai'i. I mea nō ho'i e ho'okikina ai i ka po'e i mākaukau e 'ōlelo me ka wiwo 'ole i ma'a ka lehulehu i ua 'ōlelo Hawai'i nei." No'eau kāna hana keaka 'ana no ka mea 'o ia ho'okahi nā hoa e kama'īlio ana kekahi i kekahi - ka hoa i ka hoa, ka makua i ke keiki, ke kumu i ka haumana a pēlā aku. Pēlā 'o ia e hō'ike ana i ka ho'ohana 'ana o ka 'ōlelo i loko o ke ola ma'a mau. Hiki i ka mea hoihoi ke ho'olohe i kona leo 'olu'olu a waipahūma Spotify me Apple. He mau pū'ololeo kēia. Drops. Inā hoihoi 'oe e ho'okā'oi i kāu 'ōlelo, pono e ho'onui i kāu huina 'ōlelo. Maika'i kēia papahana 'o Drops no ka ho'onui 'ana i ka waihona hua 'ōlelo. 'O ka 'ōlelo Hawai'i kekahi o nā 'ōlelo ma kēia papahana. Hā'awi manawale'a 'ia 'elima mīnuke o ka lā pākahi. ■