Ka Wai Ola - Office of Hawaiian Affairs, Volume 39, Number 2, 1 February 2022 — Ua Kūkulu 'ia ke Kumuhana: He Ala 'Onipa' aika Meheu [ARTICLE+ILLUSTRATION]

Ua Kūkulu 'ia ke Kumuhana: He Ala 'Onipa' aika Meheu

Na Kekaianiani lrwin Enā hoa ho ola 'ike a olelo Hawai'i mai kēlā pe'a a kēia pe'a o ko kākou pae aina i aloha nui 'ia, aloha kākou! I ka mahina 'ōlelo Hawai'i o kēlā makahiki aku nei, ua hō'ike au i ka pala 'ana o kekahi mau hua o ko ka Hale Kuamo'o pāhana 'o Kūkulu Kumuhana i ho'omaka i ka makahiki 2017. Aia ma ia mo'olelo ma Ka Wai Ola i helu papa 'ia ai nā hua like 'ole o ia pāhana.

Ua kō aku nei 'o Kūkulu Kumuhana a ua māhuahua ho'i: he 60,000 kope puke i pa'i 'ia a he 46 po'oinoa 'ōlelo Hawai'i hou loa; he mau kino puke uila o kekahi mau puke a me nā "puke lohe" kahi e lohe 'ia ai nā leo wali ma ka ha'i mo'olelo, ka hlmeni, a me ke oli; he 23,700 kope pelaha 'ōlelo no'eau (he 35 pelaha hou e kālele ana i ka nohona 'ohana a me ka 'ōlelo ho'okā'au); he 9 papa ho'onui 'ike no nā 'ohana mai Puna paia 'ala a i Kekaha 'āina hie i i ka leo Ni'ihau; he 3 papa ho'onui 'ike kumu i komo 'ia e 60 a 'oi mau kumu kula kaiapuni; a he 17 mau 'ōpa'a ha'awina i ho'omohala 'ia e nā kumu; 'o ia ihola kekahi o nā hua pala o ka pāhana. He aha na'e ka 'āina momona i pa'a ai ka mole o ia māhuahua nui 'ana? He aloha 'āina, he aloha 'ōlelo, he aloha 'ike kuamo'o! Mai kinohi i ka lipo ho'okumu honua a i ka wā 'ānō, he ala ka mo'omeheu i waele mau 'ia e kēlā hanauna kēia hanauna, he ala ho'i i ma'a i ka hele nui 'ia. 'O ia ihola kekahi kumuhana nui i kūkulu 'ia a'e ma ka ho'omohala 'ana i ka 'Ohina 'Ike 'Oihana, he 20 hou puke no ka po'e 'āwili 'ike kuamo'o a me ka 'ōlelo Hawai'i ma nā 'oihana o ke au nei. Ma ia mau puke, ua ho'omāla'e 'ia ke kuleana (papa M), nā hua o nā hana a nā mō*ī (papa l), ka welo noelo (papa 2), a me ia mea he 'onipa'a i ka meheu (papa 3) He pololei 'i' o nō kā Liholiho no ke ala i ma'a i ka hele 'ia: 'a'ohe mea nāna e hō'ole i ia helena i kuluSEE UA KŪKULU 'IA KE KUMUHANA ON PAGE 15

Kamakakehau Fernandez is ū graduate of the Hawaiian immersion schools of Pō'ia, Kalama and Kekaulike on Maui. He is steadfast in his efforts to give new life to 'ōlelo and 'ike Hawai'i in the entertainment industries.

UA KŪKULU 'IAKE KUMUHANA

Continued from page 14 ma i ka po'e kupa o ka 'āina. Ma waho ala o ka hua 'ana 0 kā mākou pāhana, ke popohe nei ho'i ka mohala o nā pua kaiapuni a me ko lākou po'e hoa ho'oikaika like. Ua komo 'ia nā 'oihana like 'ole e ia mau hanauna me he mau 'oumuamua lā lākou e waele hou ana i nā ala 'ike, 'ōlelo, a kuana'ike Hawai'i ma 'ō a ma 'ane'i o ka nohona kanaka. Ua pa'a iā lākou ka mana'o nui ma ka 'ōlelo panina o kekahi puke Kūkulu Kumuhana: "'A'ole na nā kūpuna wale nō ka waele 'ana i nā ala 'ike. Na kēlā me kēia hanauna pū aku ho'i ka waele 'ana ma ka 'imi noelo, ka mālama, a me ka ho'omau 'ana a ola a māhuahua hou a'e ma nā pō'aipili hou o ke ao. Pēlā e alahula ai ia ala 'ike mēheuheu 1 ka hele like 'ia e nā hanauna hou e hiki mai ana! Na ia mau hanauna e ho'omau a ho'olaupa'i aku nō i ka 'onipa'a i ka meheu." No ka po'e hoihoi, hiki ke 'oka 'ia kekahi o nā hua hou ma hope o ka ho'omalele pau loa 'ia i nā kula a me nā 'ohana kaiapuni ma Malaki 2022. Aia kā mākou kaha pūnaewele a me ka hale kū'ai uila hou ma www.halekuamoo.com. ■ Ua ao 'o Kekaianiani Irwin ma nā kula kaiapuni o Paia, Puōhala, a me Samuel M. Kamakau nol2 makahiki. I ka makahiki 2005, komopū'o ia ma ke kime ho'omohala o ka Hale Kuamo'o, Kikowaena 'Olelo Hawai'i, ma ke koleke 'o Ka Haka 'Ula 0 Ke'elikōlani ma Hilo.