Ka Loea Kalaiaina, Volume III, Number 51, 6 January 1900 — Ka Puuwai Wiwo Ole. [ARTICLE]

Ka Puuwai Wiwo Ole.

E LULU ME NA KOKUA MANAWALEA. NO KA NINAU O HAWAII. Na Lede a me na Keonimana o ka puuwai hookahi e ala [alu] like i hookahi ka manao. E wehe ae i na Kokua Manawalea e haawi i na Komite a ka Lahui. No na lilo o R.W. Wilikoki ma kona alahele no ka Ninau o Hawaii. E poloaiia aku nei kou hanohano me ka malie o ka manao imua o kou laahia o ka puuwai hookahi. He aloha ae nei @ i ko kakou Aina hanau, a i ko kakou Moiwahi ne, a i ke Kuokoa O Ko Hawaii Pae Aina, a i ka Hae Hawaii oi ke aloha pumehana. Ina peia he aha kau Kokua Aloha no ka Elele kaulana a ka Lahui, e hele ala no Amerika no ka pono ou e Hawaii. Me ka ulumahiehie o ke aloha waipahe o na Lede a me na Keonimana a Kamehameha i paio ai no ka pono o ka Aina hanau. I eha ai ka ili o na makua i hala mau. Ke hea hou mai nei ko lakou leo Walohia o ke aloha i palima ia iho i ke Gula a me ke Daimana e anapa ana. E lokahi ka manao i keia mea maikai, pono oe, pono @@@@ i ke aloha i ka Aina hanau. E Lulu a nui.