Nupepa Puka La Kuokoa, Volume I, Number 146, 5 October 1893 — "He Omole ke Awa o Puuloa" wahi a Spreckels. [ARTICLE]

"He Omole ke Awa o Puuloa" wahi a Spreckels.

0 kekahi olelo lapuwale keia a ka Ona Miliona i kukala aku ai ma Wasinetona. Ua like ke awa o Puuloa, ka mea a Amerika Huipuia i makaleho nui ai me ka omole. Ina e komo aku kekahi aumoku nui o na aumokukaua o Amerika Huipuia iloko olaila. ikawa kaua me Beritania, alaila, ua hiki no i ka mokukaua hao nui hookahi o Beritania ke kalewa mawaho a papa loa ia lakou, aole e puka mai iwaho. He umoki no ia moku Beritauia e pani ai i ka nuku o ua omole la o Puuloa, nolaila, aohe waiwai o kela awa o Puuioa ia Amerika Huipuia. Pela no ua Spreckels, loea nei i ao aku ai i na Luna Kiekie o Amerika no ko lakou kuhihewa loa la Puuloa he awa kuonoono iloko, akea a me ka maluhia e kupono ai e lilo i pukaua no ko lakou aumokukaua ma ka moana Pakipika. Ua nana mai lakou me ke kau nui i kela wahi no na makahiki he iwakalua i hala. Ua hoouna mai lakou i na G-enerala kaulana, la Schofield a me Alesander, na laua e makaikai, a ua hoapono aku. Ua hoouna no hoi i na Adimarala Kiekie, na Kapena a me na Lutanela mokukaua akamai, ka poe ike lea i ke ano kupono o na wahi e maluhia ai na mokukaua. Ua ana lakou i ka hohonu o ke kai mawaho a maloko o Puuloa. Ua kaha i na kii akamai o na kai a me na kahakai a pau o kela awa. Aohe mea i koe ia lakouika huli ole ia, a ua hoike aku i na j mea a pau i na poo ma Wasinetona. Ua hooholo kela poe mamuli oia huli akamai āna, a o Puuloa no hoi ke awa makee loa ia no Amerika. Aka no hoi, he lalau loa no a me ke kuhihewa ko lakou noonoo ana! Ua hele aku nei o Spreckels ma Wasinetona e kuhikuhi aku i ka lapuwale o kela awa o Puuloa, he omole wale no ia, e hiki ai ke pani wale ia ka nuku, e puka ole ai na moku a e paa loa ai maloko. | E hu loa aaa paha ka aka o !ka poe luna Senate loea ma Wasinetona ke lohe lakon i na olelo pupule a Spreckels, ke kanaka ike ole i na loiua o ke kaua. He mea maopopo loa i na mea a pau, ua oi aku ka ikaika o ka moku maloko o ke . awa raa kahi kai malie i ke kipu ana, mamua o ka moku kalewa wale ma ke kai kupikipikio, e hiki ole ai ke kipu

pololei no ka onioni. Aole no hoi e uele ana o Puuloa ina pukuniahi nunm hoolele ai i na poka pahu i na mile 5 a 10 paha ka mamao, a poha maluna o ka moku o ka enemi e hookokoke mai ana. He mea keia e hauoli ai ka aoao hoohuiaina, i ko Spreckels hoike wikiwiki ana i kona ano naaupo imna o na Luna Senate noeau hanohano ma Wasinetona, e hoohenehene ai lakou iaia. Aole lakou e maliu ana i na olelo o ke kanaka e hoike pupuahulu ano ole loa ana pela i ka haiki o kona noonoo ana.