Ahailono o ka Lahui, Volume I, Number 5, 15 January 1890 — Page 1
THE NATIONAL HERALD
Ka Ahailono a ka Lahui
Vol. I. Honolulu, January 15, 1890. No. 5.
THE NATIONAL HERALD.
Is printed and Published for the Proprietors every afternoon (Sundays, excepted), by the
Elele Publishing Co.
Office No. 63 King St., Honolulu, H.I.
SUBSCRIPTIONS TO
The National Herald: 25cts. A month.
All advertisements must be handed in by 12 M if inserted the same day.
By order of the proprietors of
THE NATIONAL HERALD.
INDEPENDENT TICKET.
Nobles for Island of Hawaii.
------------
FOR SIX YEARS.
SAMUEL PARKER,
J. KAUHANE.
FOR FOUR YEARS.
R.R. HIND,
E.A. BURCHARDT.
FOR TWO YEARS.
J. MARSDEN,
W.H. PURVIS.
Jan15-tf.
------------
Paa Balota Kuokoa.
Na Alii, Mokupuni o Hawaii.
NO EONO MAKAHIKI.
SAMUEL PARKER,
J. KAUHANE.
NO EHA MAKAHIKI.
R.R. HIND,
E.A. BURCHARDT.
NO ELUA MAKAHIKI.
J. MARSDEN,
W.H. PURVIS.
Jan15-tf.
-----------------
Olelo Hoolaha.
Mamuli o ko’u hookohu kupono ia ana mai i Agena no ka Moiwahine, ke kauoha ia aku nei na mea a pau e noho hoolimalima ana maluna o na Aina me na Pa Hale, a i hiki mai ka wa kupono e hookaa ai i ko lakou uku hoolimalima e loaa no au ia lakou ma ka Hale Akala, Pa Alii.
H.C. ULUKOU,
Agena no ka Moiwahine.
Dekemaba, 28, 1889. Dec28-1m.
He Makana karikimaka!
Ua makaukau ka mea nona ka inoa malalo iho nei e kuai aku ma ke kumukuai haahaa i na lako waiwai i kupono loa no na makana o ka La Karikimaka, ma ka halekuai o na lako wahine o Mrs. Good ma alanui Papu, e kokoke ana i ke alanui Moi. E nana iho i keia mau kumukuai:
Na Hulu Papale o $12, ua hoemi ia a i ka $7 a $8. O na Hulu be $8, ua hoemi ia i ka $5. O na Papale i hookinohinohi ia, nona na kumukuai like ole, ua hoemi ia a i ka $10 a $12. He heluna nui o 200 papale e kuai ia aku ana mai ka $2.50 a hiki i ka 6.
E loaa no maanei na hulu o na ano manu a me @@@ pu o na waihooluu like ole, a he nui wale aku na nani e ae . O na wahine e ake ana e hana ia na lole o ke ano paikini hou, he mea pono e helu mua mai maanei.
MRS. GOOD.
Alanui Papu, @@@ alanui Moi.
Nov.9-3ms.
KA MOOLELO O
Daiolena.
O keia mau manu he mau manu keia nana kaua e alakai mai keia aina aku a hiki i ka aina o kana e noho aku ai, a i ole i ka aina paha a ka aloha e noho hoekepue mai nei.
Ae aku la o Ale Miano me ka pane ana aku, he hiki no nae paha i keia mau manu ke kamailio e like ke kanaka?
Ae, he hiki no, oiai he mau manu mana no keia, o ko’u mau wahi kiai iho la no ia e noho nei o ko’u aupuni nei, wahi a ka luahine.
I ka pau ana o keia mau kukai olelo ana a laua, ua hoomaka aku la laua e kuu pau i ka mama i ko laua mau mea lele, he imo ana na ka maka ua nalo aku la laua a elua.
He mau hora loihi wale keia lele ana aku a laua nei honi ae la o Ale Miano i ka aala o kekahi mau pua kanu, a oia kana i ninau ae ai ia Deduma penei:
Nohea la hoi keia aala pua a’u e honi nei?
No kekahi mau aupuni lehulehu, aka, aole no he hewa no kaua ka hele huli ana aku ma na aupuni a pau, wahi a ka luahine Deduma i pane aku ai.
Hoomau hou aku la no laua i ka lele ana a no kekahi mau minute loihi lohe ae la ua Ale Miano ala i ke kani a kekahi manu, a ua lohe pu aku la me ka luahine.
Ia wa i huli ae ai o Ale Miano a pane ae la i kona hoa penei:
E kuu hoahele heaha hoi keia manu kamahao o ka lewa e kani nei?
He manu kena no ka aina o ko kane, na ko kane no kena i hoouna mai la ma ke ano elele, me he mea ala e i mai ana ia oe e hoi mai hele aku imua o make auanei, aia ke aupuni o Maleki ua makaukau e paio mai me oe ka wahine a pehea la kou manao, e hele no anei kaua imua, a i ole e hoi anei kaua i hope?
Kahaha, hoi hou hoi kaua i hope i ke aha, ua kaumaha hoi au i keia wa i ke aloha, ua luhi pu no hoi ke kino a ina hoi kaua e hoi ana, alaila, ua makehewa loa keia huakai o ka hele ana mai nei.
J.H. BARENABA
He Loio a he mea Kakaolelo ma ke Kanawai. Ma ke kihi e na Alanui Moi & Betels, ma na keena maluna apr.13—3ms
2d District, 2d Precinct!
HONOLULU.
---------------
Registration of Voters.
The Board of Inspectors of Election for the 2d Precinct, 2d District, Honolulu, will meet for Registering Voters and correcting the Register, at the Polling Place for said Precinct (Hon. W.H. Rice’s Barn, School street), on FRIDAY, Jan. 17 th , from7 to 9 p.m., on SATURDAY, Jan. 18 th . From 3, to 6 p.m.; at Engine Co. No. 4, on MONDAY and TUESDAY, Jan. 20 th and 21 st , from 7 to 9 each evening.
Meetings will be held at above places on sane days of the weeks and at same hours until further notice.
Voters will please bring their Tax Receipts with them.
JONATHAN SHAW,
14-tf. Chairman.
$10 MAKANA.
UA NALOWALE ko makou Lio Kane Puakea i ka Poalima nei, Ianuari 10, i kani ia penei: 19, a he keokeo ka wawae hema mua, mai ko makou wahi hana aku ma Manoa. O ka mea e loaa ai a hoihoi ae ma ka pa o D. Manaku ma Aala ae nei, e loaa no ka uku makana i hoike ia maluna ae.
Ian13 ,- -dly 1wk SEE YICK WAI.
Kakau Inoa o ka Poe Koho.
Apana 5. Mahele 1. E noho ana na Luna Nana Koho Balota o ka Mahele 1, o ka Apana Koho Elima, o Honolulu, Oahu, ma ka Halekula Hoopololei o Keoneula, no ke kakau ana i na inoa o ka poe koho i na Alii a me na Lunamakaainana a me ka hoopololei ana i ka Papa Inoa, ma ka Poakolu, Jan. 15, mai ka hora 7 P.M. a ka hora 9 P.M., a ma ka Poaha, Jan. 16, mai ka hora 7 P.M. a ka hora 9 P.M . Poalima hora 7 P/M/ ma ka Poaono, mai ka hora 1 P.M. a ka hora 9 P.M.
E hoolaha ia aku ana no na halawai hou aku ma ia halawai hope ana. Ke nonoi aku nei na Luna i ko oukou oluolu e lawe pu mai na kanaka a pau i ko lakou mau hookaa auhau, i pohihihi ole.
O keia wahi a pau e waiho ana ma ka hikina o ke alanui aupuni e holo ana iuka o ke awawa o Kalihi a mauka hoi o Alanui Moi.
F. WUNDENBERG,
Luna Hoomalu Papa Nana Koho, Apana 5, Mahele 1.
Honolulu, Oahu.
Olelo Hoolaha.
KE hoike ia aku nei ma ke akea a i kulike ai hoi me ke kumukanawai, na kula a me kekahi Olelo Hooholo i hooholo ia ai e ke HUI AINA O WAIMEA, (no lakou hoi ke Ahupuaa o Waimea) Waialua, mokupuni o Oahu, e hoomana i ko lakou Kumukanawai a me na Rula ma ka la mua o Ianuari e hiki mai ana M.H. 1890. Ke kauoha ia aku nei na mea a pau i loaa ole ke kuleana iloko o ka AINA HUI O WAIMEA e lawe i ko lakou mau holoholona a pau e hele ana maluna o na aina la, iloko o na la he kanakolu mai keia la aku A o na holoholona kuleana ole a pau i ike ia e hele ana maluna o ke Ahupuaa o Waimea mahope iho o ka hala ana o na la he kanakolu, e manao ia he mau holoholona hele hewa lakou, e hopu ia a e koi ia i hookahi dala no ke poo, a i ole e lawe ia i ka Pa Aupuni, a e na holoholona a pau i kuni ole ia i ka hao, e manao ia no ka Hui ponoi no ia mau holoholona.
P. MAHAULU,
Peresidena a Luna Nui o ka Hui Aina Ahupuaa o Waimea.
Waialua, Dec. 20, 1889. Dec28—1m*
ALLEN & ROBINSON.
Na Mea Hoolako i na ano Papa a pau na Pena, Aila, Kui, a me na Lako kukulu hale o na ano a pau. Malalai ka lanaha maikai loa. Departure Bay.
mei – 1y 12
Olelo Hoolaha.
E ike auanei na kanaka a pau owau o ka mea nona ka inoa malalo nei, ke hoihoi nei au i ka aina o D.W. Pua, Mele Pua, Emma Christian, C. Christian a me John Spencer, oia ka aina e waiho la ma Aiananu, Waikiki-waena, mokupuni Oahu, a’u i hoolimalima ana ka la 30 o Novemaba 1887, nolaila, ke haalele nei au a hoihoi i keia aina me ka pono a me ka poino ole i ka poe no lakou na inoa i hoike ia malama. No ka oiaio o keia ke kakau nei au i ko’u inoa i keia la 31 o Dekemaba 1889.
YOU MAU (Pake.)
O makou o ka poe nona na inoa malalo nei he ae nei makou e lawe i ko makou aina, no ka mea, aole i hookaa ia mai ka uku hoolimalima a ke hoopau nei makou i keia hoolimalima a You Mau a ke hoolimalima nei makou me ka poe makemake mai i keia aina i hoike ia maluna.
D.W. PUA, MELE PUA,
EMMA CHRISTIAN, C.CHRISTIAN,
JOHN SPENCER.
Jan4---2ts*
Olelo Hoolaha.
Ke hoike ia aku nei ka lohe imua o na kanaka a pau, ma keia ua malama ia ma ka la 30 o Dekemaba 1889 he halawai a na poe mea kuleana o ka Hui Pakipika Hawaii Hoomoe Uwea Olelo, ma ke keena o E.O. Hall & Son, kaupalena ia, Honolulu, a ma ia halawai ana au ua koho ia e na poe mea kuleana la e apono e lawe mai i ka palapala hoohui i haawi ia mai ia lakou malalo o ka inoa hui, “Ka Hui Hawaii Pakipika, Hoomoe Uwea Olelo,” ma ka la 15 o Novemaba 1889, a malalo o na palapala hoohui la na hoohui ia ae la ka hui a koho ia hoi na luna nui:
J. Sherman Bartholomew o Honolulu, Peresidena.
Hon. Edgar Crow Baker, M.P. o Victoria, B.C., Hope Peresidena.
E.O. White o Honolulu, Kakauolelo.
Frank Dudley o Niagara Falls, N.Y., Puuku.
Wm. W. Hall o Honolulu, Luna Hooia.
Ke hoike hou ia aku nei ka lohe mamuli o na olelo a ua palapala hoohui la,
“Aole ke ili ponoi maluna o kekahi mea kuleana na aie o ka Hui, no ka huina i oi aku mamua o ka mea e kau ia ana maluna o ka mahele a mau mahele paha i kuleana ia e ia.
E.O. WHITE.
Jan4—1m Kakauolelo.
Olelo Hoolaha.
KE hoike ia aku nei ma ke akea a i kulike ai hoi me ke kumukanawai, na kula a me kekahi Olelo Hooholo i hooholo ia ai e ke HUI AINA O WAIMEA, (no lakou hoi ke Ahupuaa o Waimea) Waialua, mokupuni o Oahu, e hoomana i ko lakou Kumukanawai a me na Rula ma ka la mua o Ianuari e hiki mai ana M.H. 1890. Ke kauoha ia aku nei na mea a pau i loaa ole ke kuleana iloko o ka AINA HUI O WAIMEA e lawe i ko lakou mau holoholona a pau e hele ana maluna o na aina la, iloko o na la he kanakolu mai keia la aku A o na holoholona kuleana ole a pau i ike ia e hele ana maluna o ke Ahupuaa o Waimea mahope iho o ka hala ana o na la he kanakolu, e manao ia he mau holoholona hele hewa lakou, e hopu ia a e koi ia i hookahi dala no ke poo, a i ole e lawe ia i ka Pa Aupuni, a e na holoholona a pau i kuni ole ia i ka hao, e manao ia no ka Hui ponoi no ia mau holoholona.
P. MAHAULU,
Peresidena a Luna Nui o ka Hui Aina Ahupuaa o Waimea.
Waialua, Dec. 20, 1889. Dec28—1m*
OLELO HOOLAHA.
O na mea no laua na inoa malalo iho, ke hoolaha e ku nei ma kela i na kanaka a pau, o maua na ona o kela mau apana aina i hoolimalima ia i ka Hui mahiko o Kipahulu, oia hoi na aina o Makole, Alenoho, Puaola, Papuaa a me Kakanoni, a koe iho he elua mau apana aina aole i hoolimalima ia i ka Hui Mahiko, oia hoi o Puolala a me ka apana halenoho oia o Kalihi, ma Maulili, pili ana ma ka aoao makai o ke alanui Aupuni a hiki i ke kai, a pela ma ka aoao makai o Kakanoni a hoea i ke kai, a ke hookohu nei maua ia J. Kake (Iapana) e lawe ia mau apana aina i hoike hope ia ae la malalo o kona mana, a e hookapu i ke komo wale ia e kela me keia.
J.H. KAMIO.
MRS. MARY KUE.
Honolulu, Nov. 18, 1889. Dec7-3tms.
He laau e ola ai ke anu i ke poo me ka Hupekole ka Kauka Logier’s, he Laau Cherry Cordial Hawaii, kekahi o na laau maikai loa i hana ia no ke kunu, hano, ke anu, ka pupekole a me na mai o ke akemania a me ka anuanu, a he hooluolu no ke kunu kalea a me ka puu eha. E ninau no ka Kauka Logier’s Laau Cherry Cordial Hawaii. E loaa no ma kahi o Hollister ma alanui Papu.
Dec21—tf