Hawaii Holomua, Volume III, Number 142, 19 January 1893 — KELA PALAPALA HOOPII. [ARTICLE]

KELA PALAPALA HOOPII.

Ma kekahi kolama o ka kakou pepa e puka aku nei i keia la e heluhelu iho ai na makamaka i na manao o kekahi mau palapala hoopii e noi aku nei imua o Peresidena Harisona o Anerika e hoohui aku ia Hawaii nei me ia Aupuni. O keia na manao iloko o na palapala hoopii e lawehele ia nei iwaena o na makaainana o ke Alii e noi ana e kakau inoa mai lakou ma ke ano e apono aku. No makou iho, ke kauleo aku nei i na hoalahui e hoolohe i ka makou e uwalo aku nei, oia hoi. e noho akahele loa, e mumule a mai lawelawe wale na lima. Mai ae wale a hoopaa i ko oukou mau inoa maluna o na ano

palapala hoopii a pau e lawe ia aku aua imua o oukoo. O ke au keia o ka noho malie me he mau bebe hanau hou la. ka poe hoi i oleloia, no lakou ke Aupuni o ka lani Nolaila, e hoolohe kakou. a e hoomanao; a mai kakau inoa i na ano palapala hoopii a pau.