Hawaii Holomua, Volume III, Number 143, 20 January 1893 — HOOUNAIA O ELEU. [ARTICLE]

HOOUNAIA O ELEU.

He aneane hookahi hora mahope iho o ka haalele ana o ka mokuahi Kalaudine i keia awa i ke kakahiaka o nehinei, ma kana huakai no ka lawe ana aku i na Komisina o ke Aupuni Kuikawa no ka Ipuka Gula ma ko lakou ala no Wasinetona. ua hoouna la aku la ka mokuahi Eleu me ka awiwi loa e ukali aku mahope o Klaudine. Ua lohe wale ia, he mau palapala ano nui i haule hope ke kumu o keia hoouna heleuluulu ia ana o ua Eleu nei, aka, ke olelo mai nei ka nupepa Kalepa, he puolo nupepa wale no. Pela io paha, aka, hookahi mea ano nui o ka hoouna awiwi ia ana o kela mokuahi no kela puolo nupepa wale iho la no.