Hawaii Holomua, Volume III, Number 164, 20 February 1893 — "O KE ALOHA KA MEA NUI, AOLE O KA MOHAI." [ARTICLE]

"O KE ALOHA KA MEA NUI, AOLE O KA MOHAI."

He mea makahehi ia ka leo honehone oka pila—o ka vaiolina, ka ohe fuluta, ka pila gita. a o ka oi aku no paha o ka leo hanehane o ka u-ke-ke Hawaii ke hoene mai i ka aluna aumoe. a pela no hoi me kekahi mau mea kani nahenahe e ae. 0 kakou ka iahui Hawaii, he poe kakou i okomo ia me ka puuwai makee piha iko kakou mau mea kaulana o ka aina. a e hooikaika ana hoi e hoomau ia aku ia kulana i pilipaa ia e ko kakou aloha pau ole, a me ke ake e paa mau na hoohanohano ana. Ua lohe ia mai no hm i keia mau la iho nei, eia kekahi poe a kela Puali Pnhi Ohe o ko kakou Moiwahine Liliuokalani i hoopau ia, ke hele nei me na palapala noi i na kokua ana no ka hoala hou ana i ka Puali Puhi Ohe nana i hapai ae ia kakou me kela moto hanohano o ‘‘Hawaii no ka Oi,” aole nae e like me mamua, aka, ma ke kulana kuokoa nona iho. Oka makou wale no i ka lahui oi»i i makuhehi i na mea kaulana o kona.aina, a i kuni paa ia hoi ko lakou aloha ina mea a pau, mai au’a ika oukou mau mohai ia lakou —“O ke aloha ka mea nui—aole o ka mohai.”