Hawaii Holomua, Volume I, Number 47, 11 April 1894 — Eia mai ka Pane. [ARTICLE]

Eia mai ka Pane.

Mauiuh o ko !Mr. J. Nawahi makemake ia makou e pane aku no ko lakou kapa ia he “poe makapaa” eto., etc., ma kekahi o ko makou manaopepa i hoopuka ia aku o ka Poakahi nei, malalo o ke puo “Pehea keia?” no na hana pauaka a me ka hoopunipuni ino a Kakina me Emekona i haiolelo aku nei i Amerika me na olelo hoohaahaa i ke kulana lahui o na kanaka Hawaii ma ko laua kulana pili iloko o ka ipukai hookahi ine ke aupuni pi gi, a na laua keia mau olelo—“Ua law'a no na kauaka Hawaii i ka poi a vu ka i'a, a ke piha ko lakou mau opu a maona, aole o lakou manao nui no na mea pili hookele aupuni.” Malalo o keia manao makou i pane aku nei ia Nawahi, Buki, Pua & Co., ma ko oukou ano, he mau kakoo a me alakai o ka aoao lahui, a o ko oukou kuleana ia o ka haua o ke kue i kela mau olelo ino o ke kulana eleele loa, a e pane akea aku oukou oiai

he mau poo alakai no ka Hui Aloha Aina. He mea waiwai ole ko oukou lilo ana i mau poo alakai no kekahi ahahui aloha aina, ina aole oukou e kiai a makaala i kona mau pono; aole ma ka noho wale iho no, aka. ma ka hana pu kekahi. Ina e pa’i ia mai ana kona mau maka e ka enemi, o kou wahi ia o ka haawi like aku ia ano haawina hookahi, Ina oka Mr. Kakina hana ia oka haiolelo hoopunipuni i kela mau olelo i Wasinetona, o ko oukou wahi ia o ka hoole aku ma o oukou la na poo o ka Hui Aloha Aina Hawaii, a o keia aupuni pi gi ke hilahila ana ma o na hana haahaa o ke ano kamalii a ko lakou elele.

O ke kumu nui i puka mai ai o keia mau olelo, mamuli no ia o ko oukou lele oi wale ana aku mawaho o ka palena kupono iloko o ka manawa kupilikii o ka pihoihoi no ko kakou ninau lahui, me na kauoha ana o ka manao lili i ko kakou mau hoa makaainana “aole e hele i ka halawai—e haunaele ana ia po—e hili ia ana na poo i ka laau—a e kuhikuhi 5a mai ana e Amerika no kakou ka hewa,” a pela wale aku. Ho mau olelo makani wale no kela i hooko ole ia kona oiaio, koe wale no ka maluhia o ka halawai a me ka hooholo lokahi ia ana o ke kumuhaua i kahea ia ai ka lehulehu e akoakoa aku. Ua olelo mai kekahi mau hoa o ka Hui Aloha Aina ia makou, “aia wale no ia Amerika ka hana o na ano a pau no ko kakou pono.” He mau olelo oiaio kela, aka, aole nae o keia mau olelo ino a Kakina ka ninau e noonoo ia nei e Amerika—a me ke kanawai

hoohikikina hoohiki inoa a na Pi Gi e onou poo nei i ka lahui Hawaii, malalo o ia kunm makou i lili ai i ko kakou mau pono lahui, e pane ia a e'hoike maoli aku na kanaka Hawaii, ma ko lakou ano lahui ma o kona mau pono alakai la, aohe hana e ae a Hawaii e hana ai mawaho ae o ke kali aku i ka hopena e loaa mai ana ia kakou mai ia Amerika, ma o kana olelo hooholo la. Ke noi aku nei makou i na keonimana i hoopuka ia ac la ko lakou mau inoa, e hoopau ia kela mau manao kulike ole o kakou maluna o ke kumuhana hookahi, no ka mea, o ka hana i hala—ua hala ia, a o na hana o mua, oia ka kakou e nana aku iloko o ka manao hookahi a me ka puuwai hookahi, a pela auanei e loaa ai ia kakou ka ikaika naue ole no ka pono o ko kakou aina aloha—ka lahui —a me ko kakou Moiwahine hoomanawanul