Home Rula Repubalika, Volume I, Number 2, 6 November 1901 — Page 8

8  HOME RULA REPUBALIKA, POAKOLU, NOVEMABA 6, 1901.

makua e loaa ia Napoliona a me kona kaikuaana, o Iosepa, e loaa ia laua na hookohu e komoai i  ke  kula me ka uku ole—na ka moi hoi e uku. Mahope o ka laua noi hoomano ua aeia mai la mamuli o na kokua ana a ka Bihopa o Autuna, he keiki na ka hoahanau o ke kiaaina o Rosika. Ua koho o Napoliona e hele oia e ao i ka ike kaua moana, nolaila oia i hoounaia ai i Beriena, a o kona kaikuaana hoi, ua noho no oia ma ke kula nui o Autuna. A oiai, aia wale no a he poe i hanauia mai me ke koko alii alaila hoonaauaoia malalo o na lilo o ka moi, nolaila, oiai laua e hele ana me kona makaukau no Farani, he mea pono no laua e holo mua i Fleorena, ke one oiwi o kona mau kupuna, a ma ka huli ana iloko o na mookuauhau alii i malamaia malaila, ua loaa aku la kona pili i ke koko alii o na Punipake, a ua haawiia mai la kona palapala hooia koko alii, a me ia palapala oia i komo ai ma ke kula koa o Beriane.
                A oiai ua ao wahi olelo Farani mua no hoi oia ma  ke kula o Autuna, nolaila, aole oia i hemahema loa ma ia olelo i kona wa i komo aku ai i ke kula o Beriena.
                Ma ka hiehie o kona kulana a me kona wiwo ole, ua lokahi na poe kakau moolelo a pau. Ua lilo kona kulana ilihune i mea nona e heneheneia ai e kona poe hoa kula, aka, ua paio aku oia me lakou he aloaloa a he alo, a aole loa oia i makemake e hele aku e ahiahi i ka lakou kumu. I kekahi la, ua hoopaaia oia iloko o kekahi keena pouli o ka hale kula me kekahi o kona mau hoaloha, o Buriene, ka mea i lilo mai i kakauolelo nana i na makahiki mai mahope i ko laua wa i kanakamakua ai. Iloko o ko laua nohoana paahao, aole loa laua i kumakaia i ko laua mau hoa kula, ka poe maoli no lakou ka hewa o laua i hoopaaia ai.
                Ma na manawa hoike haawina, aohe keiki oi ae mamua o Napoliona ma ka hikiwawe a me ka pololei o na pane ana. I kekahi la, ua hoopahaohaoia na kenerala a me kekahi poe aliikoa kiekie e ae na lakou e nieniele ana i na haumana, ma o ke kuio a me ka piha pono o kana  mau haina. No keia hauoli o ke komite nieniele ua haawi wale mai la lakou i na ninau mawaho ae o na haawina, a ua pau wale no ia poe ninau i ka paneia. Penei ka ninau hope loa a ka papa nieniele:
                "Heaha la kau e hana ai i na ua hoopuniia kou papu a ua nele hoi kou poe koa i ka ai ole?"
                Eia ka pane i loaa aku me ka hakalia ole: "E like me ka loihi o ka manawa e loaa ana o ka ai i ka enemi aole loa au e nele."
(A hoea hou aku).

                O ka poe a pau e makemake ana e kukulu i halekuai pipi, e hele ae e ike i ko oukou hoaloha oiaio, G. J. Wala, ka lunahoohana o ka Hui Kuai Pipi Metropolitan.

HUI KUAI PIPI
METROPOLITAN, LTD.

108 Alanui Moi.
C. J. WALLER (Wala) Luna Hoohana
Kuai Nui a Kuai Liilii
Hoolako i na Halekuai Pipi
A me na Moku

E NAUE MAI
E IKE I KA MAKOU MAU MEA HOU
O KEIA PULE

E hookuku iho i keia mau Kumukuai:
NA KIHEI O KEIA MAU KUNI—LOCKWOOD, DALLAS
ME KA PEPPERSOLL
42 Iniha Laula.... 10 Keneta
45 Iniha Laula.... 12 1/2 "
50 Iniha Laula.... 15 "
6—4s Laula.... 16 "
7—4s Laula.... 18 "
9—4s Laula.... 20 "
10—4s Laula.... 25 "
NA KUNI BOSTON A ME PEQUOT
42 Iniha Laula.... 12 1/2 Keneta
45 Iniha Laula.... 15 "
50 Iniha Laula.... 16 1/2 "
6—4s Laula.... 18 "
7—4s Laula.... 20 "
8—4s Laula.... 22 1/2 "
9—4s Laula.... 25 "
10—4s Laula.... 30 "
KUIKAWA—10—4s Laula, Keokeo me Puu.... 15 Keneta no ka I-a
NA UHI PAKAUKAU
O na ano hou i ike mua ole ia, Keokeo me ka Ulamau Puu, 72 Iniha Laula, 50c., 65c., 75c., 85c., $1.00, $1.25, $1.50.
NA KAWELE LIMA PAPAAINA
Hooluuia.... 75c., 85c., $1.00 no ke Kakini
Keokeo Kuuwelu.... 85c., no ke Kakini
Keokeo Maoli.... $1.25, $1.75, $2.00, $2.25, $2.50, $2.75 no ke Kakini
NA KAWELE! NA KAWELE! NA KAWELE!
No ka Waiwai I'O o na Kawele—Aohe Oi ae!
Na Kawele Tureke, 75c., $1.00, $1.25, $1.50, $2.00, $2.25, $2.50 a hiki i $6.00 o ke Kakini.
KUAI NUI O NA KAWELE LILINA!
I KEIA PULE
Keokeo 23x38....$3.25 no ke Kakini
" 23x39.... 3.75 "
" 22x38.... 3.25 "
" 23x37.... 3.25 "
" 25x41.... 3.75 "
" 25x42.... 3.75 "
" 25x44.... 3.75 "
Na Kaekae i Hooluuia 21x35.... 2.00 "
" 21x34.... 3.00
" 21x39.... 3.25
Na Mea Ano Hou ma ka Alameda mai
NA ANO APO OPU HOU  NA KAHI KAU AOAO
NA KAHI HOONANI  NA KAHI O
Na ano Kui Papale Hou, Na Mea Hoonani Lauoho, Na Omau Apo Lipine,—Na Lipine Hou me na Ano Lihilihi Like Ole.
Mai Nele i ke Kipa ana mai e Ikemaka
L. B. KERR & CO., LTD.
ALANUI MOIWAHINE