Home Rula Repubalika, Volume I, Number 4, 13 November 1901 — Page 8
8 HOME RULA REPUBALIKA, POAKOLU, NOVEMABA 13, 1901.
ma ka puka aniani ua paa i na kipi, ua pii koke ae la kona inaina a hiki ole iaia ke uumi iho. Ua hoike ae la oia i kona inaina me ka leo nui ma ka olelo ana: "Kela wahi ho-he wale! Pehea la oia i ae wale mai ai i kela poe apokaka e komo aku? Ina oia i pulumi ia elima a eono haneri paha o lakou me kekahi o kana mau pu kuniahi he pau loa ae ko lakou nei i ka naholo!" He hoowahawaha loa o Napoliona i na hana hoohaunaele ma ke ano lima nui. Ua olelo ae oia, he hookahi wale iho no laau lapaau no keia poe hoohaunaele a oia na hua'le kepau. "O ke ki poka mamua," wahi ana, "a mahope aku hooponopono no ka maluhia."
Ma ka la 10 mai o Augate ua ike oia i ka lua o na hana hoomanaonao a keia poe lima koko. Ua komo hou ia ka halealii, ua lukuia na koa kiai. O ka puali koa lahui hoi keia ua hui pu aku la me na hana hoohaunaele. "He ku maoli i ka manaonao," wahi ana, "ka ike ana aku i poo ua ula pu i ke koko." Aole oia i poina i kela haunaele. Iaia e nana nei i keia uluaoa aole paha oia i moeuhane mua he mau hana kela e kipapa ana i kona alanui e hiki aku ai i ka nohoana Emepera.
Mahope iho o keia ua nele oia i kahi hana, a e kuewa hele wale ana no oia ma na alanui o Parisa, a maloko o na hale aina emi loa e ai ai.
Iloko mai o ka mahina o Sepatemaba ua holo aku la oia me kona kaikuahine, Elikapeka, e ike i ko laua makuahine ma Kosika. Akahi no lakou a hui hou mahope iho o ko lakou kaawale ana no na makahiki he umikumakolu. He nohoana ilihune loa ko lakou, i ahona wale no i ko Napolina wahi uku alii koa pu-kaa.
I kekahi makahiki mai, oiai no o Napoliona e noho ana ma Kosika, ua hiki aku la kekahi puali koa mai Farani aku no ke kipaku ana aku ia Kenerala Paoli, ke kiaaina o Kosika no kona olelo ana he enemi no ka Ahaolelo Lahui no Farani. Ua hoao iho la ke kiaaina e lilo aku o Napoliona ma kona aoao, me ka waiho mai i kekahi mau olelo pelo e pai ana iaia, aka, aole loa i puni aku o Napoliona iaia, e kupaa mau ana oia mahope o Farani. Ua olelo aku la oia i ke Kiaaina me ka i ana: "He nawaliwali loa o Kosika e hiki ole ai iaia ke malama iaia iho, a he mea pono nona e noho aku malalo o ka hoomalu ana a Pelekane, a i ole ia a Farani paha, o ka oi loa aku no nae malalo o Farani."
O kana hana pili oihana koa mua loa i lawelawe ai no kona aina hanau oia no kona lawe pio ana i kekahi wahi papu uuku i kapaia o Tore di Kapitelo, e kokoke ana ia Aiakio. Iaia nae maloko o ua wahi papu nei ua hoopuniia oia me kona wahi puali koa maloko olaila. Mahope o kekahi mau la loihi o ko lakou kiai wiwo ole ana i ua wahi papu nei, he io lio ka lakou ai, ua uluhua oia a haalele lakou i ua wahi papu la a holo i ke kai. Ua loaa mai la ia Paoli na kokua ana mai ia Pelekane mai a ua kipakuia ka ohana Punipake mai Kosika mai. I ka wa o keia wahi kaua kuloko ua mahae lua ka manao o na makaainana owai la mawaena la o Pelekane a me Farani ka mea kuleana ia Kosika.
[Aole i Pau.]
E hoouna koke mai i na kauoha nupepa a pau i ka Puuku, Mrs. R. W. Wilcox, a mai nana maka i ko kakou wahaolelo o keia mua aku.
E NAUE MAI
E IKE I KA MAKOU MAU MEA HOU
O KEIA PULE
E hookuku iho i keia mau Kumukuai:
NA KIHEI O KEIA MAU KUNI—LOCKWOOD, DALLAS
ME KA PEPPERSOLL
42 Iniha Laula.... 10 Keneta
45 Iniha Laula.... 12 1/2 "
50 Iniha Laula.... 15 "
6—4s Laula.... 16 "
7—4s Laula.... 18 "
9—4s Laula.... 20 "
10—4s Laula.... 25 "
NA KUNI BOSTON A ME PEQUOT
42 Iniha Laula.... 12 1/2 Keneta
45 Iniha Laula.... 15 "
50 Iniha Laula.... 16 1/2 "
6—4s Laula.... 18 "
7—4s Laula.... 20 "
8—4s Laula.... 22 1/2 "
9—4s Laula.... 25 "
10—4s Laula.... 30 "
KUIKAWA—10—4s Laula, Keokeo me Puu.... 15 Keneta no ka I-a
NA UHI PAKAUKAU
O na ano hou i ike mua ole ia, Keokeo me ka Ulamau Puu, 72 Iniha Laula, 50c., 65c., 75c., 85c., $1.00, $1.25, $1.50.
NA KAWELE LIMA PAPAAINA
Hooluuia.... 75c., 85c., $1.00 no ke Kakini
Keokeo Kuuwelu.... 85c., no ke Kakini
Keokeo Maoli.... $1.25, $1.75, $2.00, $2.25, $2.50, $2.75 no ke Kakini
NA KAWELE! NA KAWELE! NA KAWELE!
No ka Waiwai I'O o na Kawele—Aohe Oi ae!
Na Kawele Tureke, 75c., $1.00, $1.25, $1.50, $2.00, $2.25, $2.50 a hiki i $6.00 o ke Kakini.
KUAI NUI O NA KAWELE LILINA!
I KEIA PULE
Keokeo 23x38....$3.25 no ke Kakini
" 23x39.... 3.75 "
" 22x38.... 3.25 "
" 23x37.... 3.25 "
" 25x41.... 3.75 "
" 25x42.... 3.75 "
" 25x44.... 3.75 "
Na Kaekae i Hooluuia 21x35.... 2.00 "
" 21x34.... 3.00
" 21x39.... 3.25
Na Mea Ano Hou ma ka Alameda mai
NA ANO APO OPU HOU NA KAHI KAU AOAO
NA KAHI HOONANI NA KAHI O
Na ano Kui Papale Hou, Na Mea Hoonani Lauoho, Na Omau Apo Lipine,—Na Lipine Hou me na Ano Lihilihi Like Ole.
Mai Nele i ke Kipa ana mai e Ikemaka
L. B. KERR & CO., LTD.
ALANUI MOIWAHINE