Home Rula Repubalika, Volume I, Number 15, 25 February 1902 — Page 6

6  HOME RULA REPUBALIKA, POALUA, FEBERUARI 25, 1902.

 

Ka Nupepa
Home Rula Repubalika
NUPEPA PUKA PULE.
KEENA, POKA HALE, ALANUI NUUANU

No Hookahi Mahina,.... $ .40
No Ekolu Mahina,.... $1.20
No Eono Mahina,.... $2.25
No Hookahi Makahiki,.... $4.00
KUIKE KA RULA.

MRS. R. W. WILCOX, Ona me Puuku
SOLMON MEHEULA, Lunahooponopono

HONNOLULU, POALUA, FEB. 25.

KE KAKAUOLELO PILI KINO A KA ELELE WILIKOKI.

                Aia no ke kakuolelo pili kino a ka Elele Wilikoki me ia ma na wa apau. Nui ka mahalo ia ona no kona eleu ma na ano hana apau, oia no o David Kalauokalani opio. Ua kakau mai nei ko kakou Elele e hai mai ana i ka nui o ka mahalo ia o kana kakauolelo e ka poe o Wakinekona, i ka eleu ame ke akahele, a i ka paa rula nohoi kekahi. Wela ka hao la i ka Home Rula!

KA LONO MAI KA ELELE WILIKOKI MAI.

E Mama ame Keoua ame Kapu,—
                Aloha oukou:—Ua ola a maikai loa au, aka aole ae ke kauka ia'u e hele koke iwaho, nolaila, e mahalo i ka Haku i kona haawi ana mai i ke ola kino maikai ia'u, i hiki ia'u ke hana i pono nou ame au mau keiki ame ka Lahui Hawaii, ka mea nana i haawi mai ia'u i keia kulana kiekie loa. Ke hana nei no au i ka'u mau bila, a ke hooponopono nei no maua me Kalau. Ua nui ko'u olioli i ka ike ana i ka piha akamai o Kalau i keia wa. Aia a ola loa au, alaila, e hookuu ana au ia Kalau e hele mau i ke kula Loio i ka po, oiai ua ake loa au iaia e imi i ka naauao. Eia no o Kalau ame Kealoha ke malama nei ia'u i na wa a pau. Nui ko laua ahonui ia'u i ka po a me ke ao. Nolaila, mai pihoihoi mai oe, eia no ka Haku me kakou. E alakai i ka Lahui me ke akahele. E hele mau oukou i ka Hui i na po Poaha apau a e hana i na mea e holomua ai ka Hui. E a'o pono oukou i ka Lahui, aia no au a hoi aku, alaila, hana i na hana ano nui. Mai hoolohe i na mea ano ole. E hoomanawanui oe—e hana no ka Lahui, oiai ua nui ko kaua aie ia lakou.
                Ua nui ka mahalo o na hoa o ka Hale Kaukanawai no ka'u mau bila. Ua nui no hoi ka'u mau aikane nana au e kokua mai. He maikai no ke ola kino o ko kakou Moiwahine Liliuokalani ame Kaipo ame Aimoku ame Myra. Nui ka maikai o na poe a pau ia'u. I ka ike ana o ka Peresidena ia Kalau i ka la hookipa o ka Peresidena, ua ninau koke mai la ka Peresidena iaia, Pehea ka Elele, a ua olelo aku o Kalau, ua ola loa au; a ua hai mai iaia i kona olioli ame kona aloha pu mai. Nolaila, e makaala mau oe i ka Hui a e alakai pololei i ka Lahui.
                E honi ia Keoua ame Kapu, a nou no hoi ke aloha pau ole. Aloha ia mama a me Iva. E haawi i ke aloha i ka Lahui.
Na'u na kau kane,
ROBERT W. WILCOX.

NO KA ELELE A KA LAHUI.

                He maikai no ke ola kino o ko kakou Elele, ka Mea Hanohano R. W. Wilikoki e noho mai la ma Wakinekona. Ua hiki iaia ke noho iluna o ka noho a holoholo iloko o kona rumi moe.
                He nui na Bila ana e hana mai la me ka noeau loa i pono no kakou e ka Lahui Hawaii.

NA NUNE KIAAINA.

                Nui na lono no na mea e pili ana no ka hookohu kiaaina.
                Ua manao makou ina he oiaio e hoopauia mai ana ke Kiaaiana S. B. Dole, alaila, e hookomo no kakou i kanaka hoopono,  i kanaka e hana i ka mea kaulike no ka pono o ka Lahui ame ka aina.

E MAU KE ONIPAA.

                Aole ka Home Rula Repubalika iloko o na hana hoouluku o ka makuahana a me ka manao ino wale aku, aka, aia mau oia ma ka aoao o ka pono a me ka pololei e hana hoi i ka pono kaulike no na mea a pau e noho ana maluna o Hawaii. O ko makou iini nui o ka hoomauia o ke nipaa o ke aloha aina oiaio iloko o na oiwi a pau o ka aina, aole loa hoi ma ke ano hookamani me na lehelehe papalua. He enemi no makou na hana poholalo o ke kulana haahaa loa e lawelaweia nei e kekahi poe me ke kahua ole, a oia mau ano hana aole loa ia he mea e mau ai ke onipaa o ke aloha aina iwaena o  ka  Lahui, aka, he mea ia e hoomokuahana ai no ia mea e ka Lahui oiwi no lakou na manao i kukuni paa ia e ka manao aloha no ka aina kulaiwi, e hoomau i ke onipaa no ka mau o ke aloha aina oiaio ko makou kahua e ku nei a oia auanei ka mea nana e hoolanakila maluna o na enemi.
                Mai hoolohe i na walaau ano ole.

                I ka la 15 o Feberuari i hala, oia no ka la hanau o ko kakou Elele Hon. R. W. Wilikoki, a ua malamaia he wahi paina liilii ma kona home. Ao na poe i hiki ae malaila oia no ko kakou Moiwahine Liliuokalani, Major Seward, David Kalauokalani, Jr., Miss M. Heleuhe, Mr. Joseph Aea, Mr. John Aiomku ame Mr. Elia Long. Nui na mea ai ono i hoomakaukau ia oiai elua kuke akamai loa nana i hana na mea ai, he kuke Italia a he kuke Palani, aka, aole i hiki ka Elele ke ai pu, oiai oia malalo o ka malu o na kauka, aka, o ka nana wale aku no ka la. Ua nui na lealea oia la me na leo lea. O na pila, o ka nani o Wakinekona. Wela noka hao i ka Home Rula.

                Ke kauohaia aku nei na poe apau e lawe nei i ka nupepa Home Rula Repubalika e hoouna mai i ke ola o ka nupepa ma ka lima o ka Puuku.
MRS. R. W. WILIKOKI.

J. M. Maunakea
Loio, Luna Hooiaio

Keena Helu 20 me 21
Hale o ka Ona Miliona
Huina o na Alanui Papu
a me Kalepa
Honolulu, T. H.

J. W. A. Redhouse
MEA HANA UWAKI HOLO MOKU

Na Uwaki Pakeke ame Kauhale.
206 ALANUI KALEPA,
Honolulu, H. I.

Hui Kuai Pipi
METROPOLITAN, LTC.

108 Alanui Moi
G. J. WALLER (Wala) Luna Hoohana
Kuai Nui a Kuai Liilii
Hoolako i na Halekuai Pipi
A me na Moku

HUI CITY MILL
[KAUPALENAIA.]

Hale Kahi Laau ame Wili Raiki
Na pono a me na Lako Kukulu Hale
E KUKULUIA NO NA HALE MA KA AELIKE E UKU LIILII MA KA MAHINA.
He Haahaa na Kumukuai
A he oluolu i na Hawaii
KEENA HANA:—Kihi o na Alanui Moiwahine ame Kekaulike
5-tf  Pahu Hale Leta 951

B. F. EHLERS & CO.
(PAINAPA MA.)

Kuai Hiehie Hoemi Nui!
O na
LOLE WAHINE a me NA PAKU PUKA ANIANI.
E hoomaka ana ma ka Poakahi,
Novemaba La 25.
NO HOOKAHI PULE WALE NO.
Lole Keokeo.... 20 I-a, $1.00
Nahenahe Alapine.... 30 I-a, $1.00
Kalakoa Amerika.... 25 I-a, $1.00
Kinamu.... 25 I-a, $1.00
A me na waiwai e ae he nui ma na kumukuai emi loa.
B. F. EHLERS & CO.
Alanui Papu