Ke Alaula, Volume V, Number 1, 1 April 1870 — Page 2

2 KE ALAULA.

 

O DAVIDA, KE KAHUHIPA OPIOPIO.

            Aole i maopopo ia Samuela, ka ke Akua mea i manao ai e hoolilo i Alii Ma ka hakahaka o Saulo. Mahope aku, olelo mai la ke Akua iaia, " E hoopiha oe i kou pepeiaohao i ka aila, a e hele ou io Iese la, i ka mea e noho ana ma Betelehema, no ka mea, ua wae iho au i kekahi o kona mau keiki i Alii no'u."

            He elemakule no o Iese, ua nui no hoi na keikikane iaia, ua kanaka makua no lakou. Loaa iho la o Ie se a me kana mau keiki o Samuela ma Be telehema . Nana aku la o Samuela i ko Iese keikikane mua, e ike ina paha oia ka ke Akua mea i wae ai i Alii.

            O neia keiki la, he kanaka loihi; maikai ka helehelena, a i ka nana ana'ku, he kupono loa e lilo i alii. Noonoo iho la o Samuela, " He oiaio no, o ko ke Akua mea no paha keia i wae ai, na'u e poni iaia."

            Aka, ua hai mai o Iehova ia Samuela, aole ia i wae i kela kanaka. Aole no e manao ana ke Akua i ka helehelena o kekahi me a, aia no i ka naau, ko ke Akua manao. O ka naau o ka Iese hiapo ea, aole i oluolu ke Akua malaila. Ua hooholo hoi ke Akua e wae i Alii nona ia manawa, e aloha ana iaia maloko o kona naau.

            Alaila nana aku o Samuela i ka Iese keiki muli aku. Aka, a ike iaia, i iho la ia, "aole I wae mai o Iehova i keia." Nana iho la o Samuela i ke kolu; aole nae i ae ke Akua iaia. Alaila, nana aku o Samuela i ka ha, a i ka lima aku, a i ke ono, nana aku hoi i ka hiku, a pau ae la ka nana ana. Aole nae i wae mai o Iehova i kekahi mea o lakou a pau.

            Ninau iho la o Samuela ia Iese, "Aole anei au keiki i koe?"

            Pane mai la o Iese, "He keiki no koe, o ka pokii, aia hoi, ke malama nei ia i na hipa." I aku la o Samuela, "E kii, a lawe mai iaia. Ua makemake au e ike koke iaia." Hoouna koke ae la o Iese e kauoha iaia e hele mai.

            O Davida ka inoa o keia keiki. Aole ia he kanaka nui, he keiki opiopio wale no, He keiki ehu, maikai ka ula o na papalina, nani ka helehelena, oluolu na maka.

            Pehea la hoi ke ano o kona naau? He aloha anei ia Iehova maloko o kona naau? Ae, ua aloha loa no o Davida i ke Akua.

            A komo ia i ka hale ia lakou, olelo mai la ke Akua ia Samuela, " E ku ae oe, a e poni iaia, no ka mea, oia no ia." Lalau aku la o Samuela i ka pepeiaohao aila, a poni iaia. Ku mai la kona mau hoahanau ehiku.

            Alaila hoi aku la o Samuela i Rama i kona hale.

            Nui auanei ko oukou mau mea e lohe ai mahope no Davida. Aole i manao ke Akua e lilo koke ia i Alii. Ua maopopo nae ia Davida kona lilo ana i alii mahope.

            Hoomau no ia ma ka malama ana i na hipa o kona makuakane. Iaia e noho kiai ana i na hipa, hookani ae la ia i kona li r a , a hoolea aku i ke Akua ma na mele maikai. Ua kapaia na mele a Da vi da , he mau Halelu.

            Pehea ko oukou manao, ua makemake nui anei o Davida e lilo i alii ? I ko'u manao, aole ia i iini aku e noho hanohano maluna o ka noho alii, a e hookomo hoi i ka lei alii, a me ka aahu nani, a e kulou mai no hoi na kanaka imua ona. Aole ma ia mau mea kona manao. Aka ua makemake ia e hoakoakoa i na kanaka e hoomana i ke Akua, a e hoolea aku iaia ma na Halelu. Ua makemake no hoi ia, e kauoha i ke ao ana'ku i na kanaka a pau ma na kauoha pono a Iehova. Ua makemake, no hoi o Davida e kokua i ka poe ilihune, e hoopakele i na kanaka i hookaumahaia, a e hoopai i na kanaka hana hewa. Nolaila, ua makemake loa ia i ko ke Akua haawina maikai iaia, e lilo i Alii maluna o ko Iseraela poe kananaka.

            I ko Samuela ninini ana i ka aila maluna, o ke poo o Davida, kau mai ke Akua i kona Uhane Hemolele maluna ona, e hoolilo iaia i naauao loa, a i koa loa, a i kupono i Alii. Na ke Akua no e hoolilo i na kanaka a pau i poe naauao a i poe wiwo ole, e like me kona makemake.

 

KE KUMU NUI A ME KANA MAU HAUMANA LIILII.

            Ma ka manawa a Iesu i noho ai ma ka honua nei ua ao aku oia, aole i na kanaka a me na wahine ui a makua wale no, aka i na keiki hoi kekahi. I ka wa i hoopuka aku ai oia i kana mau olelo-ao hope loa i na kahunapule, ua olelo oia, " E hanai i ko'u mau keiki hipa." A ano ma ka lani e loaa ana oia i na keiki he nui loa, no ka mea he lehulehu na keiki liilii i make, a ua olelo oia, "No ka p oe me neia ke aupuni o ke Akua."

            I kekahi manawa ua makemake kekahi keiki alii opiopio e noho haipule. Ua olelo oia i kona kahui malama a kumu hoi: " E ao mai oe ia'u e noho haipule a malama i ke Akua." Pane aku kona kahu malama: "Ua opiopio loa oe; kupono ole ke loaa ia oe kela ike." " He opiopio kupono ole anei au?" wahi a ke keiki alii. "Ua hele no au i ka pa kanu kupapau, a malaila ua ike no au i na lua moe keiki pokole iho i ko'u loa. E ao mai oe ia'u e noho haipule." E ko'u mea heluhelu liilii, aole loa oe he keiki opiopio kupono ole ke imi i ka Hoola, oia o Iesu, a e hoolohe i kona leo.

 

HE MANAO PAIPAI NO KE ALAULA.

            E na makamaka a pau, mai Hawaii a hiki i Niihau, aloha oukou. Aloha na makua, aloha na pokii, aloha na kahu Ekalesia, na kahu kula Sabati , na kumu a me na haumana .

            Ua minamina pu kakou a pau i ka hele ana o ka Luna Hoopuka nana i hookele i nei wahi waa kaukahi o kakou me ke akamai a me ka mikiala iloko o-na makahiki eha i kaahope ae nei—oia hoi o Re v. O. H. Kulika. A no kona hele ana i kahi e, ua waiho mai oia i keia hana i hope nei. Ua ike iho nei oukou i kana mau olelo aloha hope iloko o ka helu 12 iho nei o ke ALAULA. O kona aloha ka i noho mai i hope nei me na kula S a bat i o Hawaii nei, a o ko kakou aloha ke hahai aku iaia ma kahi ana e hele ai a e noho ai. He kaula gula moku ole ke aloha oiaio. A ua hooiliia mai ka hookele ana o ke ALAULA maluna o ka puulima nana e kakau nei i keia mau huaolelo. He oihana nui, kaumaha a hanohano no keia, aka, he oihana hauoli a makamae no hoi. A eia ka olelo paipai, e na makamaka: E hapai like kakou-e alu pu i ka hana no ka Haku. Imua kakou, e Hawaii imi loa. E lilo ko kakou ALAULA i La okoa no na kula Sa b ati , a no na oihana Karistiano ma Hawaii nei. Aia nae a hapai ikaika pu kakou, biki. Nolaila, ke haiia'ku nei, ua ae mai o Rev. H. H. Paleka, ke Kahu o Kawaiahao, e kokua mai ma ka hoopuka ana i ke ALAULA, a ke paipaiia'ku nei na kahu Ekale si a , a me na kahu kula Sabati a pau o kakou, e wiki, e eleu, e hoomahuahua'e i ka poe lawe ALAULA no keia makahiki hou, oiai o keia ka helu akahi o ka makahiki ALAULA. E imi, a e hai koke mai i ka nui o na ALAULA i makemakeia ma kela wahi keia wahi. O na rula o ka lawe ana a me ka uku ana, e mau ana aole like me ia mamua iho nei. Aloha oukou a pau.

  A. O. POLEPE.

Honolulu, Aperila 2, 1870.

 

NO WILI A ME KA HOOLA.

            Ma Amerika i ka makahiki i hala iho nei, ua noho kekahi keikikane, o Wili Me son a kona inoa. Ua hele oia mai kona home ma ke kulanakauhale a i ke kuaaina e hooluolu kino a e makaikai. Iaia e hele ana i kekahi la, ua hiki aku oia i kahi kahawai hohonu. Ua hoao oia e hele aku a i kela aoao maluna o kekahi papa l oloa e moe ana mai keia kapa a i kela kapa. I kona hele ana ua kulou iho kona mau maka e nana i ka wai. Ia manawa loaa ka poniuniu, a ua haule oia. Aloha ino ke keiki! Aloha ino! Heaha la kana e hana ai ? Ua hohonu ka wai ma kahi ana i haule ai; aole ona ike i ke au; aole hoi mea no kona lima e lalau ai. Auwe! auwe! E piholo ana oia. Aia ua laha mai, a ua piholo hou. Aloha ino o Wili! Auwe o Wili! Aia a ane piholo o Wili ke kolu o na manawa, aia hoi ua hiki mai kekahi keiki makaukau i ke au, a ua ike oia i ka pilikia. Ano la ua hoolei aku oia i kana kuka, a lele iloko o ka wai, a lalau ia Wili, a hukiia oia iwaho. Ua lawe oia ia Wili i ka h ale e ku kokoke ana, a malaila loaa ia Wili ke olu. O kela keikikane ka hoola o Wili. Nui loa ka aloha o Wili i kela keiki no keia hoola ana. E ka pokii kula Sabati,e noi oe i kekahi e hoomaopopo ia oe, pehea la o Iesu e hoola ai ia kakou? Oia ka inoa a kela elemakule a Simeona i kapa ia Iesu.