Ke Alaula, Volume V, Number 6, 1 September 1870 — Page 23

KE ALAULA. 23

 

KE KOHOLA.

            Aia na muku e imi ana i na Kohola. Aia hoi ke Kohola e nanea wale ana ma ka ili o ke kai me ka noonoo olo ua kokoke mai na enemi. Kupaianaha keia i-a nui a ke Akua i hana ai iloko o ka moana. Ua kapaia oia ke Alii nui o na i-a. Aole i like loa ke Kohola me na i-a e ae. He ili pahee kona, aohe unahi. He koko wela, e like me ko ke kanaka. Aole pela ka nui o na i-a; he koko huihui ko lakou. He puka ihu, a he hanu maoli ko ke Kohola. Aole pela na i-a e ae. He mahamaha ko na i-a e ae; aohe mahamaha o ke Kohola.

HE OLELO NANE. KA HAAWINA MAIKAI.

            Eha keikikane makua ole i kenaia e noho i kahi wa mamua o ka holo ana i na aina e, ma ka home o kekahi makamaka kahiko o ko lakou makuakane.

            Hauoli lakou i ka hiki ana ilaila, no ka manao he lealea wale no ia noho ana. Ma ia hope iho ua alakaiia lakou ma kekahi keena akea, a e ku ana he pakaukau iwaena konu, i piha i na mea maikai, kumukuai nui, aia iloko o na pahu nani e ku hamama ana. Manao iho la lakou he mau makana keia no lakou, a olioli loa i ka nana ana. Aka, hoomaopopo ke kahu o ka hale ia lakou me ka oluolu, aole i manao ia mau mea i makana e lilo loa no lakou; aka, e haawiia no ia mau mea ia lakou no ka wa e noho pu ai malaila, a haalele ia wahi e waiho no i keia mau mea malaila.

            I mai hoi oia, "Aole he makana lilo loa keia mau mea, aka, mao ma ka pakaukau ma ka paia o ka hale, eha mau pahu, a ina oi ko oukou makemake no ia mea i ko kekahi mea a oukou i ike ai ma keia pakaukau, e lilo no ia na oukou e malama, e lawe aku, aole nae e haawi ia hai."

            Huli koke ae na keiki e nana i na pahu. Aia no lakou, he ikaika, aole hoonaniia o waho; a eia hoi, ua panipaniia, "Noi na keiki e weheia ae, aole nae ae ia. "Aole," wahi a ko lakou makamaka, "ua kiia na pahu; aole no e haawiia na ki a haalele oukou ia nei. oiai e koho ana oukou i keia mau pahu."

            "Malia paha e hai mai ia makou ka mea o loko," wahi a lakou. "Aole loa e hiki, eia nae e hapai ae, i maopopo iki paha no ke kaumaha he waiwai no iloko."

            Hoao na makaikai opio e hapai i kekahi pahu, aka ma ka hapai pu ana, he hapa iniha wale no ke kaawale mai ka papa ae. Aka, ike ka haku hale no ka hiki ole, a i aku penei, "E hoomaopopo auanei oukou i ka waiwai nui o loko ma ke kaumaha nui; aka e waiho no au ia oukou ke koho ana mawaena o na makana lilo loa, a me na mea e laweia ana no ka wa pokole a hoihoi hou ia mai; mawaena o na mea ike maka ia, a me na waiwai makamae i wehe ole ia. E haalele iki au ia oukou, i hiki ia oukou ke nana, a noonoo pono mamua o ka hai ana mai i ka oukou koho ana."

            Kuka pu na keiki. "E nana mai i keia mau mea e lealea ai kakou, i haliiia ma keia papa,"

wahi a Imi Lealea , "i na mea paani, i mea e holo ai ka manawa o ka noho ana ia nei."

            "Aka," wahi a Kanalua, " he mea e kaumaha ai ka naau, no ka hoihoi ana i keia mau mea, a e hele wale aku me ka waiwai ole."

            "Owai ka mea i ike i ka mea iloko oia mau pahu? " wahi a Imi Lealea.

            "Aole paha e ku wale ana, me ka piha ole," wahi a Imi Naauao. "Aole paha ; malia ua piha i na pohaku waiwai ole. Ua loheia i ka hana

ana i na hana oia ano, a ina"

            "Alia," wahi a Manaoio, " mai manao ino no ko kakou hoaaloha. Hoopunipuni anei oia ia kakou?"

            " Kapa aku ka oe iaia he hoaaloha," wahi a Kanalua, "oiai he malihini wale no ia ia kakou. Aole maopopo kona manao ana ia kakou. E imi lealea paha ia ma o kakou nei, a e ike auanei kakou i ko kakou paniia e ia ma keia hope aku.

manu elua ma ka nahele. E waiho au i na pahu i kiia no ka poe hupo e manao ana e uku ke loaa ke lawe i keia wa."

            Huli ae ia e imi i ka mea ana i makemake ai iwaena o na mea makana i lulu wale ia. Aole liuliu a hoi hou mai ke kahu. I mai ia, "Heaha ka oukou mea i koho ai, e kuu mau keiki? He mea no keia noho ana paha, he makana lilo loa paha ; he waiwai e waiho akea ana, a o ka mea i wehe ole ia paha?"

            "E kuu haku." wahi a Imi Lealea, "na koho au i keia pahu i piha i na mea kani, na mea hoolele kii a me na mea ku i ka lealea e ae- o na kini-popo o kela ano keia ano, o ka pepa, o ka domino, ka bagatelle, a lehulehu wale aku. E lealea mau ana au ma keia mau mea."

            "Ua koho au," wahi a Kanalua, " i keia mau ope mea ono, me na kii nani mawaho, a me na olelo akamai e pili pu ana—na pahu pua, a me na kii keokeo maluna'e o ka barena ko a o na kaao lealea a me na mele lea."

            I mai o Imi Naauao, "Manao au ua naauao kuu koho ana. Ke makemake nei au i pahu mea hana a ke kamana, i keia pauma ea, ka ohe nana hoku, keia aniani hoonui, a me na mea hana, e ae o ka poe akamai. Me ia mau mea e naauao ai, a lilo kuu hana i waiwai."

            O ka ha o na keiki koe. O Manaoio keia. Me ka manao haahaa, a paa nae, ua manao oia ua oi ka maikai o ka pahu i pani paa a kiia, i ko na mea e ae a pau. "Aole no ka mea he makana wale no," wahi ana, "aka ke manao nei au ua piha i na waiwai makamae, e oi ana ke kumukuai i ko na mea a pau i ikeia ma ka pakaukau.

            Ua akaka lea ua apono mai ka haku hale i kana koho ana, a nana oluolu mai ia, me ka i ana , " E kuu keiki, ke manao nei au aole e loaa ana ke kumu e loli hou ai kou manao."

            Lilo keia keiki i mea hooheneheneia e kona mau hoahanau. Ane paupauaho oia i kahi wa, aka ma ka launa mau ana me ke kahu hale, manao no ia e paulele no iaia. Eia hou, ua aeia oia e hele pu me ia ma kona hele makaikai ana, a ma kana mau hana kekahi, a ua oi kona hauoli ma ka launa ana me ia mamua o na hoahanau ona ma ko lakou imi lealea iwaena o lakou iho. Eia hou, ua lokomaikai loa keia makamaka aloha, a i kahi wa, haawi no i ua keiki nei i na mea hana nana, a me na mea paani, a me na mea kani, a pau kona makemake ua hoihoiia no.

            Ma ia hope iho hiki mai ka la e haalele lakou ia wahi, me ka lohe ole ia mamua ua kokoke mai. Nui ka uwe ana o na keiki ekolu i ka ike ana e haalele ana i na milimili a lakou. Ua maopopo mai mua mai e ili hou ana keia mau mea i ka haku hale, aka manao lakou, malia paha e loli ae kona manao, a e ae no ia lakou e lawe aku i kahi mea.

            Aka, i ka mea i koho i ka pahu i pani paa ia, ua haawiia ke ki i kona wa i hele ai. Aole i maopopo loa ka mea o loko o ka pahu, aka ma kona olioli nui ana ua manao ia he waiwai makamae a nani loa ko loko.

            Piha kona naau i ke aloha, a nui na olelo hoomaikai ana i olelo ai i kona makua aloha i haawi lokomaikai mai i keia makana makamae. Penei

kau paulele ana iaia, aole au i hilahila i kuu mea

na waiwai me keia i ka mea hawawa, e like me a'u— he keiki nele, makua ole. Nani wale kuu pomaikai i keia makamaka o'u."

            "Hookahi no mea e pono ai," wahi a Iesu ia Mareta. "A ua koho o Maria ia mea maikai, aole loa ia e laweia aku mai ona aku."

KE KANAKA HOOHENEHENE.

            E kamailio ana kekahi haipule me ke kanaka hoomaloka. Pane mai la ua hoomaloka nei me ka henehene, " He lapuwale kau e olelo mai nei ia'u. Ke i mai nei oe na ke koko o Iesu Karisto e holoi aku i ka hewa a maemae. Aole au e manaoio i kela olelo. He lapuwale maoli no. He mea maemae anei ke koko? A he mea kino maoli anei ka uhane o ke kanaka, i hiki ai ke holoi maoli ia a maemae ? Lapuwale! " Pela ka hoohenehene a ua wahi hoomaloka nei.

            Pane aku la ka haipule, "Kulike loa kau olelo me ka Paulo."

Kahaha loa kahi hoomaloka, me ka ninau aku. " Pehea la ke kulike ana o ka Paulo olelo me ka'u ? "

            I aku la ka haipule, " E nana oe ma Korineto I. mokuna 1, pauku 18." A i ka nana ana, heluhelu iho ua hoomaloka nei i na huaolelo i kakauia, "No ka mea, o ka olelo no ke kea, he mea lapuwale ia i ka poe make, aka, ia kakou, i ka poe ola, oia ka mana o ke Akua." Paa ka waha o ka hoomaloka.

 

            Ua makemake nui ia na kanaka ui i ike ia ka oiaio a me ka pololei o ka lakou mau hana, mamua o na kanaka ui akamai, makaukau, a kolohe nae.