Ke Alaula, Volume V, Number 7, 1 October 1870 — Page 28

Page PDF (406.09 KB)

View this newspaper issue

28 KE ALAULA.

E HUI MAI A NAUE PU.

Leo: "COME JOIN OUR BAND."- Fresh Laure's,

Ke nau-e nei ma-kou i o I ke ao mai-kai, mai-kai a mau, E

ha-i mai a nau-e pu Ia ao mai-kai a mau. E ku, ku, ku A

nau-e la-na-ki-la pu: Ko-ko-ke no e hi-ki io, A ma-ha mau ka no.

2. Na Iesu no i hanai mai.

I haawi aloha, aloha e

Ka wai maikai noluna mai.

Ka mane e ola'i.

HUI- E ku, ku. ku. &c.

3. Pomaikai wale ma ia ao,

He kiai oli, oli mau;

Memele no a halelu

Me na anela pu.

HUI- E ku, ku. ku. &c

4. Na kumu no na alakai

Hoolohe pono a hahai

I hiki pu na kamalii

I kela ao maikai.

HUI- E ku, ku. ku. &c

KO IEMI WAHI MALA PUA.

He wahi mala pua ko Iemi Pakona. Ua kanu no oia i na pua a nui. A ua ulu mai na pua. Aka, ua palaka iki o Iemi, i ka hana, a nolaila, ua ulu pu mai ka nahelehele, a paapu kahi mala. Ike aku la no hoi oia i ka nahelehele e paapu ana, hooikaika koke aku oia i ka hana a ku ke ahua o ka waele ana. Iaia e hoomaha iki ana i kona luhi, ike iho la oia i ka maka oluolu o kekahi makamaka, o Kauka Wesetona kona inoa, e maalo ae ana. I mai la ua Kauka nei, "Makepono kau hana o keia kakahiaka, aka, mai pono loa ma ua malama e oe, alaila aole loaa i keia luhi." Pane aku la o Iemi, " O ka'u ia i noonoo iho ai. Mai pono loa ina kinai aku wau i na nahelehele i ko lakou wa uuku."

"Ua oi ka pono," wahi a ke Kauka, ina aole loa oe i ae aku ia lakou e kupu iki."

Pane aku la o Iemi, " Aole paha e hiki. Ua waiho e ko lakou mau anoano iloko o ka lepo mamua o kuu kanu ana i na pua. Aole paha e nele ko lakou kupu ana. Nawai e papa aku ia lakou aole e kupu ?"

Ninau aku la ke Kauka, "Ua hoopalupalu pono anei oe i ka lepo ?"

Pane aku la o Iemi, " Ka, aole. Aole i loaa ia'u ka manawa kupono e elieli ai. Aole no hoi au i mana'o e hikiwawe ana ka ulu ana o ka nahelehele e like me keia."

"Oia kahi i hewa ai," wahi a ke Kauka.

" Aole oe i kokua i ka ulu ana o na hua maikai, a nolaila, hikiwawe ka ulu ana o na mea ino, no ka mea aohe mea keakea aku ia lakou. Ina ua elieli mau oe i ka lepo ina ua ikaika ke kupu ana o na pua kanu, a ina no hoi ua make e na nahelehele i ko lakou wa i i kupu mua ai. Alaila aole oe e loaa i keia luhi."

Noho ekemu ole o Iemi. Hoomau aku la hoi ke Kauka i kana olelo; "Ua loaa anei ia oe ka noonoo, e Iemi, i ka like o kou naau me ka mala pua? Ua kanuia malaila na anoano maikai o ka pono, a he makaala mau ka hana, i keakea ia ke kupu ana o na nahelehele ino, a i malu pono ka ulu ana o na mea kanu. Ina e ae ia na nahelehele o ka hewa o ulu malaila, e popoi aku auanei lakou i na laau maikai i kanu ia. Alaila, e mae auanei ua mau laau kanu nei, a e nui ka luhi o ka waele ana a me ke kipulu ana i mea e ulu hou ai a pua maikai hoi. E kinai e i na nahelehele oloko o kou naau ; he hana mama wale ia mamua o ka uhuki ana i ko lakou wa i ulu ai a ikaika.

Pane aku la o Iemi, " He wahi manao hopohopo ko'u, ua palaka wau ma ia mea, a ua ulu no kekahi mau mea ino iloko o kuu naau."

Kuhikuhi aku la ke Kauka i na nahelehele e ahu ana ma kahi a Iemi i kiola ai, a ninau aku la oia, "No ke aha kou kiola ana ia mau mea malaila, aole no hoi e uhiia i ka lepo a hunaia, i eha ole ka maka ke nana'ku?"

Pane aku la o Iemi, " Ka, ina e huna wau ia lakou malalo o ka lepo, mamuli kupu hou lakou. Nolaila, kiola aku la au ia lakou iwaho, i pa mai ka wela o ka la, a mimino lakou, a make."

"Ae, pono oe," wahi a ke Kauka. " Mai huna i kou mau hewa iloko o kou naau; e uhuki, a kiola aku iwaho, i ole e kupu hou iloko ou."

Ua oi ka ono o ka puna ko hookahi mamua o ko ka barela okoa i piha i ka pinika. Pela hoi, aole ma ka nui o na waiwai ka pomaikai, aka ma ka hoomaikai ana mai o ke Akua i na haawina i loaa mai.

KA HUA INIA A ME KA IPU PU.

E noho ana kekahi kanaka hoomaloka, aia, malalo o ka malu o ka laau Inia, e hooluolu ana no ka wela o ka la. Ike aku la oia i kekahi ipu pu e ulu ana iloko o ka mala. I iho la oia, "Naaupo ka hana a ke Akua. Kohu ole keia ipu nui. kaumaha, i hua na ka mea hihi, palupalu, e like me keia kumu pu. A eia keia laau nui, kiekie, oolea, a he hua liilii, mama wale no kana. Kohu ole no. lna owau la; ina ua hoololiia na hua, a na ka laau nui ka hua nui, a o ko ka mea hihi hoi, he hua liilii." Iaia e hookohukohu manao ana pela, haule mai la kekahi hua Inia mailuna mai o ka laau, a pa i kona ihu. Ehaeha no hoi ka ihu i ka pa ana o ua wahi hua liilii la mai kahi kiekie mai. Noonoo iho la ua wahi kanaka nei: " Ina no hoi he ipu pu keia i haule mai mailuna o keia kumulaau kiekie, ina ua hai loa kuu ihu, a ina paha ua pa ma ke poo, nahaha auanei kahi puniu, make loa wau. Eia ka, ua noonoo o ke kanaka. Nani no hoi ka lapuwale o kuu noonoo o ana i hua nui ko ka laau kiekie." Oiaio no he pololei loa ka ike a me ka hana o ke Akua, a ua like ole hoi kona mau mai ao me ko ke kanaka.

Ua hoike mai ka Luna o ka halepaahao nui o ka Mokuaina o Masekuseta, iloko o na makahiki he umikumamakahi ana i malama ai i ua halepaahao nei, he iwakalua-kumamakahi mau kanaka i hoopaaia iloko olaila no ka pepehi ana i ka lakou mau wahine a make, a elua i hoopaaia no ka pepehi ana i ko laua mau makuakane a hookahi no ka pepehi ana i kona makuwahine. Noloko o keia poe pepehi kanaka he iwakalua-kumamaha, he iwakalua-kumamakolu o lakou i lilo i ka inu ona, a o ko ona no hoi ke kumu o ko lakou kamima. Mai pono loa no hoi ina ua hoopai like ia ka poe i kuai aku i ka wai ona i ua mau mea nei, no ke kokua a hookonokono i ka pepehi kanaka.

O ka nui o na dala i lilo i ke kuai wai ona ma ke Aupuni o Beretania, i ka makahiki 1868, he $514,431,400 ; o ka nui o ka waiwai i hoopohoia ma ka hana ana a me ka hoolaha ana i na wai ona, ua heluia ma ka $265,000,000; o na lilo a me na poho ma na karaima i hanaia, na kanaka i hooilihuneia, a me na ino e ae noloko o na wa ona, ua heluia ma ka $365,000,000. A ina ua houluuluia keia mau dala a pau, ua like me $1,144,481,400. Weliweli ka nui o ka poho.

Ma Waledeka, ma ka aina o Geremania, ua hooholoia ke kanawai e hoole ana, aole e loaa ka palapala ae mare i kekahi mea inu ona. Pololei maoli no.

"E hoonani ia Iehova ma kou waiwai, a me na hua mua o na mea a pau au e loaa'i. Alaila, e hoopahaia kou waihona waiwai a hu."— Solomona 3:9, 10.

E hooikaika oe e hooluolu aku i ke Akua ma na mea a pau, aole e auwana nui kou mau kapuai.

O ke ao ana i ka mea palaualelo, ua like me ka ninini ana i ka wai iloko o ke kanana; makehewa.