Ke Alaula, Volume VII, Number 4, 1 July 1872 — Page 13

KE ALAULA.
BUKE VII. HONOLULU; IULAI, 1872. HELU 4.

KA POHAKU MA KE ALANUI.

HELU 2.

                A hala na pule ekolu mai ka manawa i hele ai kela kanaka kiekie, me ke koloka loloa, e waiho i kela pohaku ma kahi i ikeia e kakou.

                Kauoha aku ke Duke i na kanaka a H, e akoakoa ma Done t au , no ka mea he wahi mea hoakaka kana ia lakou. A puka mai ia la, ua akoakoa mai kanaka a nui wale ma Donetau. Piha na aoao elua a me na welau elua o ke alanui. Aia no o Hane me Berekplo ka mea kalepa.

                Penei ka olelo a Hane, "e ike ana ke Duke e noho alii ana oia maluna o n a kanaka molowa,'' "He mea hilahila ia," wahi a Berekolo." I kela wa lohe lakou i ka pu kani, nana na kanaka ma kahi o ka hale alii, a e holo kiki mai ana ka huakai i Do netau .

                Holo ke Duke iloko o ke alanui a hooke mai na kanaka ma na welau elua, a, ku kokoke mai ma na aoao elua. Lele iho la ilalo o Oto ka Duke, a hoomaka i ke kamailio me ka aka liilii. "E na kanaka, ua akaka no ia oukou, ua maa no au ma ke ao ana ia oukou i kekahi mau mea, a like ole kau ao ana me ke ao ana a kekahi poe. No ka makemake e ao ia oukou no kekahi Iesona me nela, nolaila ka'u olelo ia oukou e hele mai i keia la. Owau no ka mea i waiho i keia pohaku maanei, a i keia mau pule ekolu i hala aku nei, a o ka poe e hele ana a pau loa, ua waiho lakou maanei a nuku aku i na hoalauna no ko lakou lawe ole aku ia."

                A pau kana olelo, kulou oia ilalo a hapai i ka pohaku iluna, a wehe i ka puka poepoe i hoopuniia me na ala keokeo, aia maloko kekahi eke ili. Lawe ka Duke i ikeia eke a hapai iluna, i hiki i na kanaka a pau ke heluhelu i ka mea i kakauia mawaho o ka eke, penei:" No ka mea nana e hapai ae i keia pohaku." Wehe oia i ka eke a hookahuli, a haule mai he iwakalua apana gula me ke kakani maikai.

                Nana o Hane ia Barekolo a olelo, "kahaha!" Nana o o Barekolo ia Hane a olelo, "kupanaha !" Nana ka Duke ma kela aoao a ma keia aoao me ka aka liilii, penei kana olelo: " E na kanaka, e hoomanao oukou i ka pohaku ma ke alanui.''

                E na keiki a me na makua heluhelu ALAULA, e hoolei oukou i na pohaku ma ke alanui, e like me ka aihue, pepehi kanaka, olelo wahahee ; a mai ae oukou i keia mau mea e waiho maloko o ko oukou alanui; a nuku aku i ko oukou hoalauna no ka waiho wale ana. Ina hoolei oukou i keia mau pohaku na ke Akua e hoopomaikai oukou, a loaa ia oukou a pau loa na lei gula me na lira maikai ma ke aupuni o ka lani.

MAI PAUPAUAHO.

                Ua ike pinepine au i na kumu kula Sabati ua paupaaho, aneane maule ka manao no ka hana e manao ana e haalele. I mai la kekahi kumu kula Saba ti ia'u, "ehiku makahiki o ko'u pule ana i ke Akua no ka'u poe haumana e huli lakou i ka pono, aole nae ka'u pule i hooloheia, a ua pilikia loa ko'u manao ." Ninau aku la au, ua pilikia ia anei oe ? " Ae , ua pilikua loa ." Ina pela e hoonaniia ke Akua no ka mea aia a pili kia ke kanaka o ko ke Akua kokua no ia. Mai paupauaho oe e ke kumu kula Sabati. E like me ko Iakoba hakoko ana me ka anela pela oe e pule ai a e lanakila no.

                E hoopaa i keia pauku himeni:

Mai paupauaho oe,
Iesu kou hoa mau,
Mai paupauaho oe, I Iesu kou hoa mau.
Ma o na la e lanakila, Ma o na la lanakila A mau ke kupaa ou. HUI—Oli au e ku a paio,
Oli au e ku a paio; Oli au e ku a paio,
No ke kula Sabati; Ma o na la e lanakila, &c.

IKAIKA ILOKO O K R I S TO.

                Ua kiiia mai a u i kekahi mau la i hala iho nei e hele e ike i kekahi keiki uuku e waiho ana i ka m ai , a ua manaoia e m ake ana. Ua haiia mai ia'u ke ano o keia keiki, a me ka moolelo o kona mai ana, he ano e. He umikumamakahi ona mau makahiki, a he ekol u ,makahiki o kona, waiho ana i ka ma i ; e ha loa , a ole hookahi la i oluolu ai ko na kino. Hookokoke aku la au a olelo aku la i kekahi mau huaolelo kupono . Nana pono mai la oia ao le hiki ke oni, o ka po ia mamua o kona make ana, a i mai la, " Ua ikaika au iloko o 'Kela.' Piha iho la k o'u naau i ke aloha a me k a olioli i keia ma u olelo a ke keiki uuku. Ikaika kela w ahi keiki iloko o Kristo. Pela kakou a pau ikaika ai.