Ke Alaula, Volume VII, Number 5, 1 August 1872 — Page 18
18 KE ALAULA.
me ke kookoo kona haha ana i pili pono ai i ka aoao o ka puu a me ia no ka hoomaopopo ana i ole e hookokoke loa i kae o ka pali.
I kona nauwe ana, me he la ua kaawale aku ka mauna; o aku ia i ke kookoo i o a i anei, aole nae pa aku i kahi mea, o ka puali ololi wale no kahi ana i ku ai. Kahaha nui oia no keia mea, ano pohihihi; hoomanao oia i ka hale ana i ike ai mamua a ua hookoke paha ia ilaila; hooho nui oiai i kokua, lohe na paahana o ka hale a o ka hele mai no ia me ke kukui e kokua iaia.
I ka haule ana o na kukuna malamalama o ka la ma ka aoao o ka puu, a ma ke kuamoo oololi iloko hoi o na laau, paapu i na lau, a uhiia na lala me ka limu, e ulu ana ma kapa alanui, ike maopopo oia i kona wahi e hele ai. E ku ana oia ma ka uapo haiki loa; malalo ona he kahawai maloo, aa; kahi e kahe ai na wai nui i ka wa ua, mai na mauna mai.
Hele aku na kauwa mamua ona, e paa ana i ke kukui, e haule ana kona malamalama ma ke ala, a ua alakai pololeiia a mawaho ae o ke ao pouli. Alaila hoomaopopo iho oia i ke ano hou. i ka nani no hoi o keia pauku: "He kukui no kau olelo no ko'u mau wawae, a he malamalama hoi ia ma ko'u alanui."
I ko kakou wa pilikia nui, a ike ole ia ke ala kupono e hele ai, a hana ai paha, e kahea ikaika i ke Akua, ka mea nana i kahea i malamalama noloko mai o ka pouli. Nana e hoomalamalama i ko kakou naau me ka malamalama o kona ike. Aole no he hiki ke hele pololei iki ke ole e kokua mai ia. Nolaila ua pono e noho ma ka malamalama o kona maka, a na kana olelo makamae, ke Kukui o ke Ola, e hoomoakaka i ke ala.
He Hana no Iesu.
I ka hele ana o kekahi kahunapule ma na alanui o Dubelina, ua hookokoke mai kekahi keiki
"Ina ua oluolu oe, e haawi mai i hapaha e kuai i popo kuaina ? Makemake au e hana no Iesu."
Nana oluolu mai no ke kahunapule, aole maalo ae a haaleleia ia, no ka mea ua ike lea ia ma kona helehelena he oiaio kana olelo.
Heaha la kana e hana ai me keia popo kuaina, pela kona noonoo ana i ke kuai ana i ke kaula nona.
"E oluolu oe e haawi i keia no Iesu?" Ua hele hou mai ua keiki nei i ke kahunapule, aole e nonoi aka e haawi.
"Heaha kau malaila ?" wahi ana.
"Kanahikukumamalima keneta. Ua hana au i upena me ka popo kuaina au i haawi mai, a o keia ka'u i loaa mai nei ma ke kuai ana."
Kanahikukumamalima keneta! aole ia he puu dala nui ea ? eia nae ua hiki no e kokua ma ka holo ana o na hana maikai.
Aole paha i nalowale loa na pauku himeni pokole e i mai ana penei:
"Kulu wai liilii la,
Huna one no,
Lilo i moana,
Me na aina pu.
Pela na kokua.
Lokomaikai ae,
E ulu nui ana.
Mau ka pomaikai."
Ka Haumana no Suria.
He kanaka, he kauwa, no Suria; ua huli mai ma ka pono. Kauoha kona Haku iaia e hana i kekahi hana ma ka la Sabati. Hoole nae ua kauwa nei aole e hana. Huhu no kona Haku a imi e hoapono iaia iho. Ninau oia i kana kauwa, aole anei i olelo ka Baibala, ina haule ka bipi, ka hoki paha iloko o ka lua i ka la Sabati, he pono ke kii aku a kauo mai ? Ae, pela no, wahi a ke kauwa. Aka, ina ua maa ua bipi a hoki nei i ka haule ana iloko o ka lua i ka la Sabati, he pono ke hoopihaia ka lua, a i ole ia e kuai lilo loa aku ia hoki, a bipi ia hai.
He mea mau no ia i kekahi poe e waiho i kekahi mau hana kupono ke hanaia ma na la noa, a hiki mai ka la Sabati, alaila hana me ka olelo, he pilikia, pono ke hana ma keia la, pono ole ke hoopanee, a pau ka Sabati. Apiki e!
Ka Haawina Hui no ka Hoike Malama o na Kula Sabati no Augate.
Mele—"Aina ma o." Hae Hoonani.
Heluhelu like--Halelu 92.
Na pokii Pule like—E ko makou makua, &c.
Pule ke kahunapule.
Himeni na pokii-"Ka Iesu kamaiki au," 2 pauku."
Na makua--Ehia mauna i haiia mamua ? Owai? owai ?
Owai ka mea i oi ? Mahea i ku ai ka halelana?
Owai ka i ku ma Sinai ? Owai ka i pii e halawai me Iehova ?
Owai ka i hana i kii hoomana malalo iho o Sinai? Heaha ia kii?
Ua ikeia anei ke kino o Iehova e Mose ? Heaha ke Akua?
He mea ike maka ia anei ka uhane ? Ma ka mauna hea i nana aku ai o Mose a ike ia Kanaana?
Ma ka mauna hea i malie ai o Aarona ?
Ma ka mauna hea i kukuluia ai ka luakini o Salomona?
Owai ka mauna i puni i ke ahi ?
Ina loaa ole ke ia mau ninau i na makua na na keiki e hai.
Mele--" Lira gula," 2 pauku.
Na keikikane-- Hai mai i kekahi pauku himeni no Sinai, no Pirega.
Owai na mauna i hoikeia ma Iulai?
Kaulana o Pirega no ke aha ?
Ua ike maka o Mose ia Kanaana, ka aina maikai, ua ku anei kona wawae maluna?
No ke aha ke ku ole ana?
Na kaikamahine-- Owai ka mauna a Mose i makemake nui ai e ike? Lebanona. Penei kana noi: " Ke noi aku nei au e ae mai oe ia'u e hele aku au e ike i ka aina maikai ma kela aoao o Ioredane, i kela kuahiwi maikai o Lebanona." Kanawailua 3:25.
Ua aeia anei kana noi? Aole, ua huhu ke Akua iaia.
Heluhelu mai ma Kanawailua 3:26. A manaoio ole oukou aole anei e huhu mai ke Akua, a hoole, aole oukou e komo i ka aina maika'i maluna? E lilo oukou i mau kaikamahine manaoio, a malama ia Iesu.
Ua kaulana o Lebanona no ke aha? No kona mau laau kekera kiekie, me na laau paina, me na kumu waina.
Mahea i kakauia ai ia? Ma 2 Nalii 19:23. Penei : "Ua pii mai au i kahi kiekie o na mauna, i na aoao hoi o Lebanona, a e kua aku au i kona mau laau kedera loloa, a me kona mau laau paina maikai."
Owai ka i olelo pela ? O Senakeriba, ke 'lii o Asuria, p. 20.
He alii aha ia? He alii kaena loa, a make mahope iho. Hewa loa e, ke kaena ana !
Ua hoohalikeia ka ulu ana o ka poe hea me na kedera o Lebanona ? Ka poe pono.
Mahea? Ma Halelu 92:12. Pela oukou e ulu ai, ina he poe pono oukou, a hiki i ka lani.
Na pokii—He mauna aha o Lebanona? He mauna maikai, he mauna kiekie, ke keokeo kona poo.
Heaha na laau nui malaila? Na kedera ame na paina.
He laau aha ke kedera ? He laau ulaula kekahi, he keokeo kekahi.
He laau maikai anei no na hale ? Ae, he laau maikai loa ia no na hale laau.
Hana o Solomona i hale aha noloko o ka laau Lebanona? I hale auamo. Pela ke Mele a Solomona 3:9.
Paipai o Solomona iawai e hele pu me ia mai Lebanona mai? Kana wahine. Ke Mele a Solomona 4:8.
Ke ala o ke kapa owai ka i like me ke ala o Lebanona ? O kana wahine, p. 11.
He mauna aala ka o Lebanona? He, aala loa no ka nui o na laau aala.
He wai kahe anei no Lebanona mai ? Ae.
Nohea ka wai ? No ka hau hee i ka la.
Pela anei kakou ma Maunakea i kekahi manawa? Ae, hehee ia i ka wela o ka la a kahe ilalo me he kahawai la.
Pualu mai i keia mele :
Nani Lebanona,
Na kedera ona,
Kiekie wale,
Maikai no na hale,
Paina pii paioa,
Oli ae na hoa,
Kei na huhui waina!
Kahe mai ka wai la,
Mauna keokeo.
Piko leoleo!
Nani e ka hana
A ke Akua mana.
Mele--"E hahai ia Iesu." Hae Hoonani.
Na makua-- Aia mahea o Lebanona ? Aia