Ke Alaula, Volume VII, Number 11, 1 February 1873 — Page 42
42 KE ALAULA.
kai, i ka papale maikai, i na kamaa, hoohalahala paha au, a ukiuki i ke Akua.
Ina kaa mai ka mai ino, a ino ko'u helehelena e like me ko Misiama, ane hooino paha au i ke Akua.
I na hoomaauia a'u, a hana inoia mai no ka pule a malama ana ia Iesu, ane kupau ole au, a haalele ia Iesu.
Ina kokoke mai ka make, eehia loa paha au, a piha i ka makau; a me ka weliweli.
No keia mau mea anei kou kanalua ana e Kini, aole oe he haumana na Iesu ? Ae. Poina paha ia oe kekahi hapa o kau himeni;
"Ma o na la e lanakila
A mau ke kupaa ou."
Mai nana, a noonoo i na mea e hiki mai ana, aia a hiki mai, alaila e kokua mai ke Akua, a hoalanakila ia oe.
Pehea la e maopopo ai he haumana oiaio au na Iesu ? wahi a Kini Maukaa.
Penei, e makaala, e kiai ia oe iho, e ae oluolu e hanaia ko ke Akua makemake - e kokua oluolu i kou makuahine ma ka malama ana i na keiki liilii - e noho oluolu me na hoa kula - i na hana ino, a olelo ino mai kekahi ia oe, mai hoomauhala - e kala aku, a olelo, a hana maikai aku. E ae oluolu i ka makemake o ke kumu -e hoolohe i kona mau rula, e hoole oe i kou makemake - e ae i ka makemake o hai, ke pono ia makemake.
Auwe! mahuahua ko'u kanalua ia'u iho, i ko'u haipule, aole paha hiki ia'u ke hana pela, aole pela kau e hana nei. E pule oe no'u i loaa mai ia'u ano haipule io, wahi a Kini.
Ae, aole au e hooki i ka'u pule no'u.
E Iesu la, e kokua
I koonei haumana hou,
I pau ae ke kanalua,
I kupaa mamuli o'u.
EKOLU KAIKAMAHINE BAIBALA.
I. - He kaikamahine uuku, ua pee ma waena o na kaluha ma kapa o ka muliwai, e nana aloha ana oia i kekahi mea e waiho ana ma kahi kokoke, me he kiai la oia no ia mea. Aole i liuliu a hoea mai la he kaikamahine alii; holo koke ke kaikamahine mua iona la, a hoopuka i kekahi mau hua olelo ia ia, a nalo aku la. A emoole hoi mai oia me kekahi wahine Hebera, a ae oia e lilo i kahu hanai no ke kaikamahine alii. Owai ke keiki hanai ?
II. - He kaikamahine mahuahua iki ae, ua lawe pio ia mai kona aina hanau, a home, a hoahanau aku i kekahi aina ma kahi loihi aku a noho oia i kauwa maloko o ka ohana o kekahi, generala nui. Ua loohiaia kona Haku i kekahi mai nui a pilikia loa. Ua lapaauia oia e kona mau kauka me ka loaa ole nae o ke ola. I ka ike ana o keia kaikamahine pio i ka pilikii nui o kona haku, hu ke aloha iloko o kona naau, a ae oia e hai aku i ka mea e ola'i oia, oia hoi kekahi kauwa a ke Akua, e noho ana ma kona aina hanau, a kaulana no ka hana ana i na hana kamahao. Ma ka paipai ana o na kauwa a keia generala, ua ae oia e hele aku i ua kauwa a ke Akua ; a hiki ilaila, ua hoolaia oia.
III. - Ma ke aumoe, ua akoakoa kekahi poe haipule ma kahi hookahi e pule i hookuuia kekahi paahao i aloha nuiia e lakou. A, mawaena o ua poe haipule nei - he wahi kaikamahine kekahi. A, ia lakou e pule ana, aia hoi, he kikeke ma ka puka malalo kai loheia; o ka iho wikiwiki no ia o ua kaikamahine nei ilalo e wehe i ka puka, i komo ua malihini e kikeke ana. I ka wehe ana i ka puka, pihoihoi oia i ka ike ana i ua paahao aloha nei e ku ana imua ona. He pihoihoi olioli, nae kona. No ka nui o ka olioli, aole oia i kali a hookomo ia ka paahao i hookuuia, waiho oia ia ia mawaho, a hoi iluna a hai aku i ka nu maikai i kana mau hoa haipule.
E noonoo oukou, e na kaikamahine o na Kula Sabati, a e huli, a e hai mai i keia mau kaikamahine ekolu. Owai ka mua? Owai ka lua? Owai ke kolu ? Owai kai oi o lakou ekolu? Owai ke 'lii, ka makua o kekahi? Owai ka generala nui i hoolaia ? Owai ka paahao i hookuuia? Owai ke kaikamahine loa e kiai ana ? Pono anei ke lilo keia mau kaikamahine i mau kumu hoohalike ke na oukou ? He mau kaikamahine haipule anei oukou ?
NA PUNAWAI A LUAWAI.
He mea nui ka punawai, he mea i makemake nui ia ma ke kauwahi. Nolaila mai ka wai inu o kanaka i ka wai kahe o na kahawai.
He nui ke ano o na punawai. Loaa pinepine hoi ia huaolelo iloko o ka Baibala. E lawe oukou, ka poe heluhelu ALAULA, i ka Baibala, e huli i kuhi i kakau muaia i ka punawai: Kinohi 21:19 paha. He waiwai malaila, ua like nae ia me ka punawai. Owai keia wahine i hookaakaaia kona maka, a ike oia i ua luawai nei? Heaha kekahi pomaikai i loaa ia ia me kana keiki ? Inu a pohala mai ea. Owai ia keiki i pohala maila?
Kinohi, 21:30. Nawai eli i keia luawai? Owai na hoike? Owai ka inoa o ka punawai ? Beesiseba ke ano luawai hoohiki. He mea nui ia ka hoohiki. Pono ke hooko ke hoohiki oe e Mose e malama i ke Akua. Malama, ua nui na hoike maka.
Owai kai pule ma kekahi luawai, a hookoia kana pule ? Kinohi 24: 13, 4, 5.
He lala hua ma ka punawai, owai ia lala? Kinohi 49: 22. Heaha ka punawai e hua mai ai ia oukou i ka hua maikai?
Hai mai i kekahi mele punawai.
"E huahua'i mai, e ka punawai,
E mele aku oukou ia ia,
O na luna kai kohi iho i ka punawai,
O na'lii o na kanaka i eli iho ia,
Mamuli o ka Lunakanawai me na kookoo o lakou." (Nahelu 21:17 - 18.)
Owai ka inoa oia punawai? p. 16. Nohea ka wai oia punawai ? p. 16.
He wahi maloo loa keia, aohe wai iki, ma ke Akua no i haawi kupanaha mai ka wai.
He luawai ka pahale o kekahi kanaka, ma 2 Samuela 17:18, heaha kekahi pomaikai noloko mai oia luawai ? Pakele na mea elua i ka make, owai laua? Ma ka punawai hea e pee ai kakou a pakele i ka make? He punawai ma Betelehema, owai ka i noi i wai noloko mai olaila? 2 Samuela 23:15. Heaha ke kauoha ma Solomona 5, 15. "E inu oe i ka wai noloko ae o kou punawai." He punawai maoli anei keia? he punawai nane paha ? I na he punawai nane heaha ke ano? p.18.
Heaha ka punawai hoola? Solomona 10:11. Hai mai ke Mele a Solomona 4:15. Mai hea mai ia punawai?
Mahea i kakauia i ka punawai o Iakoba? wai e haawi mai i ka wai e lilo ana i wai puna piipii mau ana ? Ioane 4: 14.
Mahea kahi o na punawai he 12? Puk. 15: 27. Owai kai pomaikai no ia mau punawai ?
Heaha ka pauku 3 o ka mokuna 12 o Isaia ?
"E huki no oukou i ka wai me ka olioli.
Mailoko mai o na punawai ola."
Heaha ia mau punawai?
Mahea kahi punawai i kapaia he wai auau?
Heaha kona waiwai ? Ioane 5.
Heaha ka punawai ola ma Solomona 16:22.
Nana hoi ma Solomona 18:4.
Owai na punawai wai ole ma 2 Pet. 2:17.
Owai ka punawai nui no kauhane ? Ka Baibala. Ma ka punawai hea e auau ai a pau ka hana, a maemae? Ke koko o Iesu. O ka poe make wai e hele lakou i hea, i kena ka makewai? I o Iesu la, nona ka wai o ka ola mau.
HAAWINA KULA SABATI POKII NO FEBUARI 1873.
Helu 5 - Febuari 2.
Kumuhana - NOA ME KA HALE LANA. Pauku Baibala - KINOHI 6:13 - 18.
Ma ka nana ana, ma ka Mokuna 5 o Kinohi. Ua ikeia, ua loihi loa ka ola ana o na kanaka ma ia wa. Ehia na makahiki apau o Adamu ? 930. Pela anei ke ola ana o kekahi kupuna o oukou ? Ehia 10 iloko o 930? Ehia ou mau makahiki, e Ana? Uuku, ea! Owai ke kanaka i oi na makahiki o kona ola ana? Metusala. Ehia na makahiki ona? 969. Kokoke kausani ea!
Na keikikane - Ua ola na kanaka a loihi loa mamua, pehea.
Ua maikai anei ko lakou noho ana ? Aole, ua nui loa ka hewa. Heluhelu Kinohi 6:5, 13.
Heaha ko lakou hewa ? Ka hui kau ana, ka poe pono me ka poe hewa, a pau pu i ka hewa.
Na kaikamahine - I na hui pu ke ko me ka paakai, mau anei ka ono o ke ko ? I na hui pu na keiki pono me na keiki hewa, pehea na keiki pono? Aole ma ke e launa nui ka poe pono me ka poe hewa.
No ka hewa loa o na kanaka me na kamalii, manao ke Akua e luku ia lakou, me keaha e luku ai? Me ke kaiakahinalii. Kinohi 6:13, 17.
Na keikikane - E luku koke ana anei ke Akua ia lakou? Aole, e kali iki ana no. Ehia makahiki ? 120. p. 3. Ahonui ke Akua, e. Ahonui anei oia ia oukou ? Hoike ke Akua i kona manao e luku i ka honua iawai? ia Noa. p. 13. No keaha? p. 9. He kanaka pono oia, he mau keiki pono anei oukou, a alohaia e ke Akua? Owai ka makuakane o Noa? Kinohi 5:28, 29.
Na kaikamahine - Kauoha ke Akua ia Noa, e hana i hale aha ? no keaha ? p. 14, 18. Ehia ka poe e ola ana ? E hai mai ike ano o ua hale lana nei, p. 14-16. Ma keaha e lukuia i ka honua? Owai na mea e luku ia'na? Owai na mea e koe ana ? No keaha ke koe ana o Noa ma? No ka manaoio, a hana i hale lana, a komo iloko. Hebera 11:7. 1 Petero 3:20. Ua like ka hale lana me keaha? Me ka moku, aole