Ke Alaula, Volume VII, Number 12, 1 March 1873 — Page 45
KE ALAULA.
BUKE VII. HONOLULU, MARAKI, 1873. HELU 12.
HE KII AHA KEIA?
E nana i keia kii, e Ani, a e helu i ka nui o na mea au e ike ana. He laau i oki ia na lala--he mea kaawale, heaha? he lala maloo paha— he kupunakane—he mau moopuna— a he keiki paha e mihi ana no kona hookuli.
He kupuna maikai paha keia, e ao ana na moopuna i kekahi mau kaao Baibala, a no ke kolohe paha. Maikai ia, ke ao na kupuna i na moopuna i na mea e pili ana i ke ola o ka uhane. Mai ukiuki nae a paupauaho ke lalau iki na moopuna.
Oukou hoi, na moopuna e hana maikai i na kupuna, e hoolohe i ke ao ana —mai hana ino, mai olelo ino aku. I na hana hewa i na kupuna, e mihi no, a e noi aku e ka'aia mai.
E Hati, owai ke kumu waina? Iesu. Owai hoi na lala? Ka poe pono, na keiki pono.
Pomaikai na lala ke pili i ke kumu. E hua mai no lakou i na hua maikai. Pehea nae na lala pili ole i ke kumu? Hai mai Ioane 15:6. "I na e pili ole mai kekahi ia'u, ua hookaawaleia'ku ia e like me ka lala, a ua maloo; a e hooiliiliia lakou, a e hooleiia iloko o ke ahi, a ua pau i ka puhiia."
E pili mau oukou ia Iesu i hua mai i na hua pono, a loaa ka hua o ka laau ola ma ka lani Owai no Iesu?
Ano e lilo ai makou
I mau pokii maikai,
I mau haumana na Iesu,
Ke kumu maikai nei.
Iesu—Iesu—ke hoa maikai nei—
Iesu-Iesu—Iesu ke Alakai.
PEHEA KE ALAULA?
Ke pau nei ka makahiki Alaula, ka helu 12 keia o ka Buke VII. O ke kapena mua, Rev. O. H. Gulika aia no ia ma Iapana. Kona hope, Rev. A. O. Forepe, aia no oia ma Lahainaluna. A o kona hope, eia no ke hooikaika nei no e oia me kona kino nawaliwali e hoopuka i ke Alaula i kela a i keia malama me ka imi nui e hoopiha ia i ka ai ono e kupono ana i na kamalii Hawaii.
He nupepa kamalii keia. Aole nae i papa a na kanaka makua, aole make e lawe, e lawe no ke makemake. E lawe no na kahukula Sabati me ko lakou mau kumu, no ka mea, eia maloko na Haawina Kula Sabati Pokii. A pehea e hiki ai i na kumu ke ao i na pokii ke lawe ole i ke Alaula? O na keiki nae ke lawe nui i ke Alaula. Maii hooneleia kekahi keiki i ike i ka heluhelu palapala. E kokua na makua, e kokua na ekalesia, e kokua na Kula Sabati i ka hookaa i na hapaha o ke Alaula. E hui a kokua like i pau koke i ka hookaaia. I hookahi Sabati e kokua like ai, a pau no i ke kaa. E hoakaka e nae mamua, i ka Sabati e kokua like ai.
Ina ua koe kekahi poe luna Alaula, aole i kaa ka uku, e wikiwiki no e hookaa mai.
Nui kuu aloha i na keiki Hawaii. Nolaila ko'u hooikaika ana iloko oukou i ka nupepa nui oukou. Na'u, ka LUNA HOOPONOPONO.
Nui no na pule. Eia nae, aole mana ka pule no ka mea, aole i hui pu ia ka manaoio, ka iini nui, ke aloha nui. Pela ka nui.
Pule no ka waha, lalau ka I ma i ka hewa,
Pule hookamani--lanakila ole.
Wahi a kekahi kaikamahine, "Ina i makemake ke Akua e komoia na gula pepeiao e na wahine, ina ua hana oia i na puka ma na pepeiao." Lau Oliva.
HAAWINA KULA SABATI POKII NO KA MALAMA OKOA O MARAKI.
Helu 9--Maraki 2.
Na Pauku Baibala-- KINOHI 19:15--26--Ka Holo ana mai Sodoma aku.
Mele--"Ke Kahuhipa maikai." Hae Hoonani.
Pule like-- E Iesu, o oe no ke Kahuhipa maikai--makau no na keiki hipa—e aloha mai; kokua mai, kiai mai, hanai mau mai, alakai pono —e kala mai i ko makou mau hewa, a e hoola mai ia makou ma o Iesu. Amene.
Na keikikane--Heaha Sodoma? He kulanakauhale i piha i ka hewa? Heaha ko ke Akua manao nona? Manao ke Akua e laku ia. Hai ke Akua ia manao ia wai? Ia Aberahama. Mok. 18:16--1. A, pehea Aberahama? Pule a uwao nui i luku ole ia Sodoma. Mok. 18:23--32. No keaha kana pule pela? No ka mea, aia paha i aila kekahi poe pono. Owai kekahi kaa ka pono malaila? Lota. Owai Lota? Ina he 50, 40, 30, 20. 10 kanaka poao, e aha ke Akua? E hoopakele. Ua loaa anei he 50? Ua loaa anei he umi kanaka pono? Aole no. I na he 10, hoopakele anei ke Akua?
Na kaikamahine--No ka loaa ole o na kanaka he 10, ua oki anei Aberahama i kana pule no Sodoma? Ae. Heaha ka manao paa o ke Akua? E luku no ia Sodoma. Nawai i hai ia Lota. e luku ana ke Akua ia Sodoma? He mau anela. Mok 19:13. Heaha ka manao hoeueu? p. 14. E ala'e, a holo aku iwaho o keia wahi no ka mea, e luku mai ana o Iehova i keia kulanakauhale. Ua hoolohe anei na hunona o Lota? Pehea hoi Lota, ua wikiwiki anei oia i ka holo iwaho? Nawai i hoolalelale, a lalau i kona lima, a alakai a hookuu aku iwaho? Na na anela, p. 15, 16.
No oukou a pau-- Heaha ka mea i pau ai Sodoma ma? Ke ahi me ka luai pele. p. 24, 25. Ehia kulanakauhale i pau i ke ahi? Eha, Sodoma, Gomora, Adema, Zeboima. Owai ke kulanakauhale i hoopakeleia? Zoara. p. 23. No keaha i hoopakeleia'i ia? No ka lilo ana i puuhonua na Lota. O Lota wale no anei ka i hoopakeleia? p. 30. Owai ka i lilo i kukulu paakai? No keaha? p. 26.
E na keiki— Ua ike oukou i ko ke Akua