Ke Alaula, Volume VII, Number 12, 1 March 1873 — Page 48
48 KE ALAULA.
HELE IO IESU LA.
Leo: "LITTLE CHILDREN, COME TO JESUS." -- Pure Gold.
1. He-le mai, e na ka-ma-i-ki; He-a Ie-su ia ou-kou. Ma-ke o-ia ma ke kea, I lo-aa ke o-la mau. Ha-na-i-a na ka-mai-ki, No Ie-su e no-ho ai. No-ho po-no, a ma-la-ma I ko ia-la ka-na-wai. Hui.—He-le mai, e na ka-ma-i-ki; He-a Ie-su ia ou-kou. Ma-ke o-ia ma ke ke-a, I lo-aa ke o-la mau. Hopena. D. C.
2. Hanaia na uhane iki
E aloha ia Iesu;
Hanaia na lima iki
No Iesu e hana mau;
Hanaia na maka iki
Ma ka buke e nana'i,
Buke nani ma i ka lani,
Ka Olelo e ola'i.
Hui---Hanaia na uhane iki, &c.
3. Hanaia na pepeiao la
E hoolohe ia Iesu,
Kona leo hea aloha,
Kona paipai ia oukou,
Hanaia ua leo iki
E hosana ia Iesu;
Hanaia na wawae iki
Me Iesu e hele pu.
Hui---Hanaia na pepeiao la, &c.
4. Ma ka lani he lei iki,
Lira gula iki e,
Na kahiko aiai iki,
Hele mai, e na kamaiki;
Hea Iesu ia oukou,
Nana no e haawi wale
I ke ola oia mau.
Hui---Ma ka lani na lei iki, &c.
kona home lani, he home pau ole, a malu loa. E pau kou kaumaha, e maha kou naau, e ka makuwahine e uwe nei no Ata.
He aloha ko Iesu
I ke keiki liilii no;
Ke ae nei e komo ae
I ke aupuni maluna'e
Kei ke aloha,
Kei ke aloha,
Kei ke aloha,
Ke aloha o Iesu.
MAUNA TABORA.
Mahea i ulu ai keia mauna kiekie? wahi a Lilia. Aole paha he mea ulu ka mauna—o na mea ola ke ulu. Ulu oe, e Li ia, ulu ka laau -ka mauna, ka pohaku, aole ulu laua. Aia mahea keia mauna kiekie, ka pololei.
Mauna Tabora keia; aia no ia ma Palesetina, ma Galilaia, eono paha mile mai Nazereta aku, kahi i noho ai Iesu me Maria i kona; wa uuku. Mahalo Iesu i na mauna--ua nana pinepine paha oia ia Mauna Tabora me ka mahalo nui aku.
I kekahi la lawe Iesu ia Petero, Iakobo, me Ioane meia i kekahi mauna kiekie—ma ka manao ana, o Tabora ia mauna. Heluhelu Mataio 17:1, 5. Hooano e ia Iesu, alohilohi kona helehelena, e like me ka la, a keokeo mai la kona aahu e like me ka malamalama.
Elua malihini mai ka lani mai ka i kamailio pu me Iesu. Owai laua? Owai ka mea o laua i make ole? Ke kino kupapa owai ka i huna ia e ke Akua? Ia lakou e noho pu ana, he leo ka i pae mai mailoko mai o na ao alohilohi e uhi mai ana. heaha ia leo? Eia: "O ka'u keiki punahele keia, ka mea a'u i olioli loa ai; e hoolohe oukou iaia."
Pili keia kauoha ia oukou, na keiki-- e hoolohe i ke leo o Iesu e hea mai ana ia oukou." E hele mai oukou io'u nei i loaa ke ola:
Hea Iesu, hea Iesu, hea Iesu, ano no--
Ano hea Iesu, hea Iesu ano ao,
E hoolohe, e hoolohe, e hoolohe, ano no;
Ano e hoolohe, e hoolohe ano no.
MEA MAKAMAE.
Nani! Nani loa!! Nani mau!!! O keaha? ka pomaikai o ka poe i manaoio aku ia Iesu Kristo. Mahea la? Ma ka lani la. A hea hoi? Mahope iho o keia ola ana. Heaha la kela pomaikai? E noonoo kakou, e ka mea e heluhelu
E noho pu lakou me Kristo, a ike i ka maka o ke Akua, a nana'ku i ka nani o Iesu, a e hoonani pu ia me ia ma kona wahi hemolele mau.
E lilo lakou i mau Alii, a ia lakou ke aupuni i ke ao pau ole, a e loaa mai ka lei o ka pono; ka lei nani loa; ka lei o ke ola; ka lei mae ole.
He poe hooilina pu me Kristo, a e ili mai na mea a pau no lakou; a ia lakou ka hooilina mawaena o ka poe i hoomaemaeia, a he hooilina mau; mae ole; Ua hoana e ia ma ka lani no lakou.
E alohilohi auanei lakou me he malamalama la ia ao aku ia ao aku, a e pau auanei na la o ko lakou kumakena ana, a e loaa mai ia lakou ke ola pau ole i kela ao aku; o ke ola mau loa ia.
Aia i ka lani ka waiwai maikai aku, popo ole
ka hale na ke Akua, he hale hana ole ia e na lima. Ua mau loa : he kulanakauhale nae i hookumu ia, a o kona Mea Nana i hana, a i kukulu, O ke Akua; he wahi maha i hoomaha lakou i ko lakou luhi, a nui wale ae ka olioli, a me ka hauoli mau loa i ike maka ole ia.
Aole anei he mea makamae keia? Ke makemake nei anei oe i ke kuleana iloko o keia pomaikai? Ke pane mai nei paha oe, ae, ko'u mea ia i iini nui ai. Ina pela, e hele koke aku i o Iesu la, a Nana e hoolilo aku ia oe i keiki, na ke Akua, a i hooilina pu me ia, no ka mea, Nana i olelo mai: "O ka mea e hele mai i o'u nei aole loa wau e kipaku aku iaia."
HE KAAO HIKINA.
O kekahi Rabi ma ka Hikina, elua ana keikikane, i aloha nui ia e ia me kana wahine. No kekahi hana, ua hele aku oia i kekahi aina mamaoloa, a oiai oia e kaawale ana, make aku la ua mau keiki nei elua. Halii iho la ka makuwahine i ka moe me ka naau kaumaha, waiho aku la ia na kino make o na keiki malaila, paku ae la i ka paku lole a paa ; alaila, kakali iho la oiai ka hoi ana mai o ke kane.
A hoi mai la kana kane— o ka po ia. Ninau koke aku ia, penei; "Auhea, na keiki o kana? e ike au." I aku la ka wahine, "Alia iki, ua pilikia loa au ; e hoolohe mai oe i kua pilikia, a e hai mai oe i ka'u hana e pono ai, penei no ia, he mau makahiki mamua aku nei, ua haawi mai kekahi o ko'u poe makamaka, he mau gula milimili ia'u, me ko kauoha ana mai e malama pono au a hiki i kona wa e kii mai a . No ka loihi o ka waiho ana o ua mau gula nei ia'u, ua makemake loa au. Ia oe nae i hele aku nei, ua kii mai kela i na gula, aole o'u makemake e haawi aku. Pehea la kou manao ?"
Pane aku la ka Rabi, " E kuu wahine, kupanaha no hoi oe. Aole no kaua na gula, e pono e hoihoi koke aku kana i keia po."
Alaila, alakai aku la ua wahine nei i kana kane a i ka moe, kahi i waiho ai na keiki make, wehe ae la ia i ka paku, a i aku la, " eia ua mau gula nei."
Kulou iho la ke poo o ka Rabi, a uwe iho la oia.--Lau Oliva.
KELA MEA, KEIA MEA.
KA MOI HOU.—Noho Moi ole Hawaii nei he 28 la. Malalo nae o ka malu o ka Moi o ka lani, ka mea make ole. Ma ka la 8 o Ianuari, 1873, ua loaa ka Moi hou, oia hoi ka mea kiekie, William C. Lunalilo, ma ka balota like ana o na Luna Alii a me na Lunamakaainana
Makena wale ka hoohauoli ana o na kanaka maoli me na haole, me na kamalii, no ka loaa ana o keia Moi hou, he Moi aloha i ma kanaka. He nuhou loa keia; akahi no a kohoia ma ka balota ka Moi no ke Aupuni Hawaii. Make hooilina na Moi mamua. Make hooilina ole Kamehameha V., nolaila, ma ke koho balota ana i loaa'i keia Moi hou. E ola ka Moi hou i ke Akua.
Ua malamaia, ka hebedoma haipule ma na wahi he nui a puni keia pae moku. Uuku nae ka poe hele i na halawai ma ke kau wahi-- nui paha ma ke kau wahi.
Ua huli mai kekahi poe opiopio ma kau wahi, a komo no iloko o ka ekalesia, a ua lilo lakou I mau koa liilii no Iesu. Elima o ia poe ma Waimea, Hawaii; ehiku ma Hilo; ehia la ma na wahi e ae?
Nani ka malie ma Waimea, Hawaii, i keia mau malama ! Aole ua, maloo ka mauu, ane maloo na kahawai, ane pilikia na holoholona, na kanaka, na mea ulu. E pule ka poe pono i loaa ka ua.
AUWE! AUWE! ALOHA INO E!!!
No keaha ho? No ka make! Owai la ka i make? O ke Alaula nei. Heaha la kona mea i make ai? Ka pololi maoli no. Ua hoopololi ia ae keia makamaka o na kamalii, a wiwi, a make loa. Nawai keia hana ino? Nawai la? E noonoo oukou, e ka poe nona ka lawe wale ana iaia i kela a i keia malama, aole nae hookaa mai i ka hapaha. Ua olelo ia nao, e hoopuka ia mai auanei he wahi nupepa nui iki ae e pani ae i ka hakahaka o keia Alaula. Ina i makemake kekahi kanaka, wahine, keikikane, a kaikamahine paha i ka nupepa hou, Lau Oliva kona inoa, e palapala koke mai ia Rev. H. H. Pareka. Honolulu, Oahu. J. F. POKUE, K. P. H.