Ke Aloha Aina, Volume I, Number 2, 1 June 1895 — Page 8 Advertisements Column 1 [ADVERTISEMENT]

Hoolaha Hou. NA HOOKAAU O KA MANAWA MEI 20, 1895. 0 ke Kau Kuikawa o ka Ahaolelo, e hui ana ia ma ka la 12 o Iune ae nei. O ka ninau ano nui e lawelawe ia ana i keia kau, oia no ka mea pili i ke kanawai no na aina. O ka manao nui o ke aupuni e wehe i na aina aupuni waiho wale no ka noho hookuonoono ana ma ke ano oluolu loa. O na aina e haawiia aku ana, he like ole na ano, a ua kupono no na ano hana like ole. O na aina hanai holoholona, aina kope, ko a me na hua-ai, a me na aina kupono no na ohana mahiai, a me na pa hale, e waiho ia aku no ia ma ka makete. Ina i holopono ke aupuni ma na mea i haawi ia, alaila, he mea maikai loa ia i kupono loa i na mea o ka ninau o keia "wa nele," e kau nei maluna o ke anaina kolookoa. Aka, o ke kupono ana o ka aina no ke kope a no ke meli guava, hookahl mea pono loa oia no ke kukulu ana i ka Enamakani e hoolawa ai i ka huki ana i ka wai no na aina. E kuai aku ana makou i ke ano Enamakani maikai loa, e like me ke ano e ikeia nei ma ka Lunalilo Home, a o W. O. Smith ka mea i kauoha mai ia mea, ua haawi mai i kona mahalo nui. Oiai makou e kamailio ana no na aina, ua hoomanao ae e kuai aku ana makou i na Uwea Pa. Ua kupono keia no na pa hanai holoholona, a ua loaa nui na kauoha i na la a pau. Oia mau uwea ua uhi ia me ka hao kepau, ua kupono ia i na ano kau a pau loa. Oia ke ano (Jones Loek Fence) uwea makepono loa i hookomoia mai i Hawaii nei, a i ikeia kona maikai. Hawaiian Hardware Co., Ltd.