Ke Aloha Aina, Volume I, Number 4, 15 June 1895 — Page 5

KE ALOHA AINA

POAONO, IUNE 15, 1895.

 

            @ iloko o na hoomanao a auamo pu ana me oukou @, ma ke kanikau ana @ makou Hoahanau Miss @ Kanahele, i hala e aku a kela aoao i keia ola ana.  Hooholo hou ia:  Ke nonoi nei makou i ke Akua @, Nana, iloko o lokomaikai nui, e hooia mai ia oukou mai na ka@ a me na luuluu i hoaahu @ maluna o oukou a pau makou iho no me ka pau@

KUAIHELANI CAMPBELL, Peresidena   

KAHALEWAI CUMMINS, Hope Peresidena,       

JANE CLARK, Kakauolelo

 

MEMORIALA NO HANAIAKA@ MALAMA KANAHELE

@ hanau ia o Hanaia Ka@ Haneoo Hana-Uala-@ ma Maui Hikina, i @ o Mei, A.D. 1859, a hoi ma Kapalama Honolulu, Oahu, ma ka hora 11 a.m. @ Puaha, la 6 o Iune A.D. i ka hoomaka ana hoi o @ mua o ke 37 o kona mau @kahiki o keia ola ana.

@ kona wa opiopio loa he hoo@ wale no makahiki ua lawe @ hanai ia oia e Hanaia Ka@, ke kaikuaana ponoi o @anaia opio makuahine a @ kapa i kona inoa Hanaia ka hoopokole ana) ana e o @ a hala aku la.

@ Maui mai ko lakou holo mai a noho i Honolulu nei;  @ mua ma Honokaupu ia mahope mai ma Haliimaile;  @ kamaaina loa ai o Hana@ poe makamaka a me @ aloha ma Honolulu nei, @ makahiki loihi loa.  Ma makahiki hope iho nei o ka@ ana, ua noho pu oia me @ hoaloha Mrs. Nawahi, me @ o Joseph Nawahi, ma @ wahi noho ma Mauna@, Kapalama, Honolulu, @.

He wahine opio o Hanaia mahele i hoopihaia me ka ola, ka heahea ka lokomai@ me na hookipa pumehana @ o ka hoaloha oiaio.  He @ ona i hamama akea no hookipa ana i na makamaka na hoaloha, a me na mea a @ loa e kipa aku ana iaia, a luna ae o na mea a pau, he @ha nui oia i kona mau ma@ i hala aku a me ka ohana @ ola nei.

Mamuli o kona oluolu, ua @ he mau hoaloha, a he @ aikane, a he mau hale kipa o keia ola ana.  Pela i lau@ ai o Mrs. Nawahi a me @hau pokii ia Hanaia, a @ i kamaaina ai o Kana@ kiai o ka aina ua lu@ o Hilo Hanakahi.

@ hoomau ia ia noho aloha @ hiki wale i ka ike hope loa ana i ka ehukai o Niihau, a huli hoi mai no Honolulu mei.

            He oia mau kona manao a me kona aloha no kona aina hanau.  Oia kekahi o na hoa hooikaika kino no na hana i kukuluia e na wahine o ka Hui Aloha Aina o na Wahine ma Honolulu nei, iloko o, Maraki A.D. 1893, ka wa e hakoko ana no ke kulana o ko kakou aina.  Pela hoi i ka wa i hoala ia ae ai o ka hui kokua manawalea no na poe pio kalaiaina, ua hele kino oia e hooikaika i loaa na kokua no ko lakou mau ohana e noho nei.

            He mea hiki ole iaia ke noho wale, a ke nana maka wale aku i na hana ku i ke aloha no kona lahui ponoi.  Ua nui na keakea ia mai a me na hana e alai mai ai i kona alahele, aka, ua pale ae oia ia mau mea, a ua moni iho i na luhi a me na inea a hooko aku la i ka hana a ke aloha no kona poe o kona lahui popilikia.

            Ua hala aku oia ma kela aoao o keia ola ana, aka, ke waiho nei no kana hana a me kona inoa, he kia hoomanao no na hana aloha i kona lahui Hawaii.

            Ua waiho iho oia he makuahine a me hookahi kaikaina opio, a me hookahi wahi kamaiki uuku loa, e o ana i ka inoa o kona makuakane Kanahele.

            He nui no na ohana pili ia Hanaia Kanahele ma Maui e ola nei, a ke lohe aku, e ilihia ia ana lakou e ka ehaeha makolukolu a me ka minamina nona.

            Ke komo pu aku nei makou i ke kumakena me ka ohana o ko makou hoaloha i hala aku, a ke uwe pu nei hoi iloko o na kaumaha a me na luuluu no ka hooneleia ana mai i ka makamaka a hoaloha oiaio.  Me ka pule i ka Makua Lani, e hooluolu mai ia kakou iloko o keia wa popilikia e kau nei maluna o kakou.

 

NA HOOMAIKAI

            Ke haawi aku nei ka ohana o Miss Hanaia Kanahele i na hoomaikai he nui, i na makamaka a me na hoaloha, na lakou na makana-pua, i hoowehi ia iho ai maluna o kona kino wailua, a me na poe a pau i komo pu mai e kokua a e lawelawe iloko o kona huakai hope loa.

 

KA HUA O KA HILIIA ANA.

            E hoike ana kekahi ulia no Nicaragua (kela wahi aupuni o Amerika Waena) mamuli o na koi ana a kekahi poe Beritania i noho ma Hawaii mamua loa aku nei: a penei ka moolelo i hoike ia ma ke Clasgow Mail.

            O John James Mago, he kanaka opio noho malie, a nona ka moolelo kaao kupaianaha mamua loa, i ano like aku me ka Monte Cristo.

            O Mago i keia wa, he ona miliona oia no Guatemala, e noho mai nei eiwa mahina o ka makahiki ma Parisa.

            He iwakalua makahiki mamua aku nei, he kanaka Enelani lilihuna loa oia, e hooiliili ana i na mea ola makalii ma ka aina o Guatemala; a ia wa no hoi, e noho Hope Kanikela Bertania ana oia ma San Jose.  I kekahi la, ua kauoha ia mai la o Mago e hiki kino aka imua o ka Lunakoa Gonzalez, ua pane aku la o Mago, e hiki aku ana oia iloko o ka wa pokole.  He mea hoonauki loa keia i ke Aliikoa, a nolaila, ua hoouna aku la oia he pualikoa e kii ia Mago, a i kona wa i hiki mai ai;  ua haawi ia mai la ke kauoha, e hiliia kona kua i kaua hikukumamalima (kaula) manawa.  Ua hookoia keia kauoha, a i ka pau ana o na hili ana he kanahikukumalima, ua kahea hou aka la o Gonzalez;- “E hili hou ia ia i iwakaluamamalima hou kaula.”

            I ka pau ana o ko Mago hiliia ana, mahope iho o kona nana ia ana, ua eha loa ia kona kua, ia wa, ua waiho aku oia i kana hoopii i ke aupuni Beritania.  O ka hopena i loaa mai, oia no ke kau oha i ke aupuni o Guetemala e hoopai ia Gonzalez, a e uku hoi ia Mago i 100 paona dala (oia hoi $500), Beritania no kela a me kela hiliia ana ona.  Ina e hooko ole ia keia koi, alaila, e kinoka pahu ia o San Jose a me na kulanalauhale pili kahakai.  Ua ae koke o Guatemala e hoopai ia Gonzalez, aka, ia hoao nae e hoole i ka uka ana he umi tausani paona dala ia Mago.  Ia wa ua pii koke ke kai o Beritania, a ua hookoia na hana i ukuia ke koi, a i ka la hookahi, ua loaa ia Mago kana koi, a ua waiwai loa oia ia wa pokole.  A no ka nui o kana dala ia wa, na lilo oia i hoahui no Peresidena Barrios.

 

NUUHOU KUWAHO

Ka Wa o ka Onene Kaua ma ka Hikina.

Ua Nakaukau na Aumoku no ka Hooili Kaua ana.

            Ladana, Mei 29-He hoike kai loaa ae i ka mea kakau o ka nupepa “Pall Mall Gazette,” mai Sanahai mai, e olelo ana, ua hoea hou mai na hiona hooweliweli o ke kaua ana.  Ua manaoia o ka Viceroy o ka mokupuni o Foamosa, ua manao oia e kipu i ke aupuni o Kina.  Ua makaukau loa no aumo kukaua a pau loao Iapana no ka hoouka kaua aku.  A ua oleloia no hoi, o na aumokukaua a pau o Farani e ku ana ma ke awa o Tamasui, ma Foamosa, ua makaukau lakou no ka hooili kaua ana.

            Ua hoomahuahua hou ia ae na lono no ka Rusia mau hana hooweliweli e upu la.

            Ua paiia kekahi palapala mai Sanahai mai, e olelo ana, ua ala ae ka hakaka nui ma Tamasui ma ka aoao akau aku o Foamosa.

            Sanahai, Mei 23-O haku Li Chang Fang, keiki ponoi a Li Hung Chang, a me John W. Foster, e hele ana laua no Pescakores i ka la apopo, e haawi aku i ka mokupuni o Foamosa i na Iapana.  Ua hoopae ia aku na Iapana ma Tapiehfer, he kulanakauhale nona na kanaka he 70,000, he 11 mile ki mamao ma ka akau aku o ka muliwai o Tamsus, oia hoi kahi noho o ke Kiaaina o Foamosa, a ua hoike aku lakou i ka mana aupuni, he manao paa ko lakou e lawe i ka mokupuni o Foamosa.

 

KELA A ME KEIA.

            Sana Lui, Mei 27-Mai ka nupepa “Examina” mai ka lono e olelo ana, ua haule mai luna mai o ka baluna he 500 kapuai ke kiekie mai ka ili lepo ae, o Toni HEalle, a ua make loa oia.  Ua holo pono kona hoomaka ana e lele me ka baluna, a i ki hiki ana i kela kiekie i hai ia ae la, ua loaa iho la oia i kela uha poino.

            Ua hoopaiia mai nei kekahi haole ma ka inoa o Oscar Wilde he elua makahiki hoopaahao me ka hana i na hana oolea.  O kona hewa i hoopaiia ai, oia no kona hoopuka i na manao e hhooino ana i kekahi ohana-alii maloko o kekahi nupepa.

            Victoria (B.C.)-O Kstophaet nona na makahiki he 94, ua haule oia a make loa, oiai oia iloko o kekahi anaina hulahula e malama ia ana.  Ua make oia i kona wa e hulahula ana.

 

KA MOKU POINO.

Kau i ka Apapa ka Mokuahi Lawe Leta “Co@ma” o ka Pakipika

            Kapalakiko, Mei 30-Ua ili ka mokuahi lawe leta Culima oiai e holo ana mai keia awa aku no na kulanakauhale o Amerika Waena, ma ka po o ka la 28 o Mei.  Ua ili oia ma kekahi ahua ma kahi mamao loa mai ka aina mai.  O John F. Taylor kona kapena.  He 200 poe ohua maluna o ka moku.  Hookahi wale no mea i hooomaopopoia no ko lakou poino, oia no ko la kou ee ana maluna o na waapa, a hookahi o ia mau waapa he 18 poe o luna i loaa pono a pakele.

            O na hoaloha o ka poe ohua, he manaolana ko lakou no ka pakele, aka nae, ua poino kekahi mau ola.

            He moku kuluma mau keia i ka loaa i na ulia poino mamua aku nei, a pela hoi keia ulia poino ana mai la.  He mea oiaio no ka olelo, aia ka poino ma na wahi a pau loa, ma ka aina, a ma ka moana.

 

L.B. KERR,

MEA HOOUNA MAI’I NA WAIWAI

 

Europa a me Amerika.

Ua hiki mai he mau Waiwai ho’i o

 

Na Lole Aahu Hou

Na Lole Nahenahe, na Liliha o Iaia, Nana suka, Ponaiki Pulupulu, Pahoehoe.

 

GINAMU SEKOTIA

Na hainaka, na ribine, na lihilihi, na pua a me na hulu papale nani.

 

NA PAPALE SELA

Na Lole lahilahi, na palule Gilona, Karitone, Paku, na Makalena; Paku Makiko, na kuila, a me na Lole Pulupulu hou.

            Me na lole kaulana MADAPOLAMA paleili no na Lede a me na Kamalii.  Me na Waiwai i waela no na Paemoku.

 

He Agena no ka Mikini Humuhumu Kaulana ka MOMI.

 

 

            He kuai makepono nui ke haawlia ana maloko o hookahi mahina, i mea e emi ai na waiwai.            may21 3me.

 

Chas B. Dwight

(Kale Kuaika.)

KE KANAKA ‘AKAMAI

            Oia nei ka oi o ke kanaka Hawaii akamai a loea i ka hana ana, kukulu ana, me ka plaina ana iho i na alanui pili aoao o ke kapi@ nei o Honolulu.  Pela no ma na ano kukulu pohaku @, pohaku kupapau etc.

            E ike ia kakou Hawaii ke loaa ka oukou hana e haawi ae i kou oiwi o ka aina.  E loaa mau no oia ia oukou ma Honolulu nei, a i ole, e waiho mai i ka oukou mau kauoha ma ke Keena o “KE ALOHA AINA.”  myry-7ms

 

AHUNG

HE TELA LOLE.

            Ua makaukau loa oia e hana i na paa lole aulii, e linohau ai ke aahu iho.  He oluolu loa a he oi aku o ka makepono o kana lole e hana ai mamua o kekahi poe tela e ae.

            Hale Hana.  Alanui Nuuanu   my20-6ms