Ke Aloha Aina, Volume I, Number 4, 15 June 1895 — KA AHAOLELO MUA LO. [ARTICLE]

KA AHAOLELO MUA LOA.

Ma ka hora 12 o keia la i wehe ia ai ke Kau Ahaolelo mua loa o ke Aupuni Repubalike o Hawaii nei. Aohe hoi he mau hoike kipu ana no ka hoau mua loa ana o ka hana nui a ka lehulehu (uuku), e like me ka maa mau o na Kau Ahaolelo Aupuni Moi o Hawaii, oiai, aohe mau kipu ana mai na batari o uka nei a me ko na aumoku kaua hoi o ke kai. Oia neo pu wale iho la no, a kohu hekili pamaloo loa hoi. Haohao kekahi poe a ninau mai, no ke aha i hoihoi ia ae ai ka hae Aupuni mamua mai o ka Haleakala? O ka pane,

aole makou i ike i ke kumu o ia hoonee ia ana. Mai ia paha no ke kiekie loa o kona wahi e welo ai! Pehea la?