Ke Aloha Aina, Volume I, Number 8, 13 July 1895 — Page 8

KE ALOHA AINA

 

8                                  KE ALOHA AINA, POAONO, IULAI 13,  18@5                                               

 

He Ane-Karisto Anei?

 

            Ua ike iho makou i na olelo pane ano Ani-Karisto a ka Leo o ka Poakolu nei. Iulai 3, e hoole ana i ka oiaio o ka makou mau olelo wehewehe e pili ana i ka ninau a makou i hoopuka ai, oia hoi:

            "Heaha ma o aku o ka Luakupapau?"

            Ke olelo nei ka Leo me ke koho wale, ua manao makou, ina e make ke kino o ke kanaka, ua komo koke aku. no kona uhane iloko o ka lani. mamuli o ko makou hoike ana aku i ka moolelo o Lazaro ma.

            Mahea ia wahi a makou i olelo ai pela? O ka makou olelo, ua ikeia he mau uhane e kamailio ana ma o aku o ka luakupapau. Ina ua ikeia o Lazaro a me Aberahama ma ka Lani, alaila, ua haalele laua a i elua i ko laua mau luakupapau ma ke Honua nei. a ua hala aku laua a elua ma o aku o ka lua kupapau.  (E nana ma Luka 16:19 31. a e heluhelu pono iho.)

            He mea okoa loa ke komo ana o ka uhane o ke kanaka iloko o ka lani, a i ole ia, ka iho ana paha iloko o ka lua-pa, ina no i keia la, a i ka la apopo paha, a iloko o na tausani a me na miliona makahiki paha ma keia mua aku. Aole malaila ka minau, aka, aia ka ninau ma o ka hiona la e ikeia ana ma o aku o ka luakupapau?

            O ka luakupapau, oia no kahi o ke kino make o ke kanaka e waihoia ai, a e kanuia ai hoi. O ka ninau i hoouluia e KE ALUHA AINA. oia no keia: Heaha ma o aku o ka luakupapau?

            I mea e hooiaio ai i ka makou pane, ua lawe koke mai makou i ka moolelo o ko kakou Haku o Iesu Karista, kona hanau ana. noho ana, make ana, a me ka waihoia ana ma ka luakupapau, kona ala hou ana mai ka luakupapau mai, a me kona pii ana aku i ka lani, i hoikeia ma ka euanelio a Mataio, Mareko, Luka a me Ioane.

            Ma ia mau euanelio e maopopo ai, ua puka aku o Iesu Karisto ma o aku o ka luakupapau ma ka mala o Gesetemane. A heaha ka mea i ikeia nona? Eia: Ua noho pu oia me kana poe haumana, ua hele pu, ua ai pu. ua kamailio pu. a mahope loa, ua hoomaikai mai la oia ia lakou a pii aku la i ka lani

            E hiki anei i ka Leo ke hoole mai i keia? O kona hoole ana, he hoike ia e maopopo ai kona hoole Akua, a he AniKaristo maoli oia.

            Ua lawe mai hoi makou i ka moolelo o kekahi Lazaro no Beritania, ke kaikunane o Maris ma, ka mea i make a i hoola hou ia mai e Iesu Karisto i ka eha o ka la.

            Ina na ala hou mai oia ia wa,aole anei na haalele aku oia i kona luakupapau, a ua hala aku ma o o ua luakupapau la ona i kanauia i? Alailak, hoea iho la ka ninau, Heaha ma o aku o ka luakupapau? Olelo ae la o Iesu ia lakou, E kala aku iaia (Lazaro) a e kuu aku iaia e hele, (E nana ma Ioane 11:1  46.)

            Ua loaa pono ka pane o ka ninau, aole e hiki i ka Leo ke hoole iho.

            E hoomanaoia hoi na olelo o ka pauku 52 me 53 o ka mok 27 o Maraio, alaila, e maopopo loa na mea a makou e kamailio nei, ua oiaio a ua pololei maoli no. penei na olelo ma ia mau pauku:

 

            52. Hamana ae la na makupapau, a he nui na haipule e hiami e ana i e a hou mai.

 

            53. A hele mai la iwaho o na hau kupapau @ e iho o kona @ hou ana ma, a kona aku la iloko o ke ka makauhale hoano, a ua ikela e na mea he nui loa.

 

            Ua maopopo, ua haalele keia poe haipule i ko lakou mau hale luakupapau; a ua pau nui aku la i ka hele i ke kulanakauhale o Ierusalema.

            Aole anei e hiki ia makou ke pane me ka noonoo maikai. no ka haina o keia ninau, mamuli o na mea maoli i hoikeia mai ma ka Baibala? Ua hiki ia ma kou ke pane a oia pane ana. ua ku no i ka oiaio a me ka pololei maoli, a oia iho keia.

            Ma o aku o ka luakupapau; he kino no he ola no he hele ana, kamailio ana. paina ana me na hoomaikai ana. (E nana ma Luka 24:36-51.)

            Mai manao ka Lunahoopuka o ka Leo, oia wale no ka mea i loaa na wehewhe ana o ka Baibala, a ua nele loa hoi kekahi poe e ae. Eia aku a he nui wale na poe ike wehewehe o ko lakou mau manao? hooluia iluna ponoi o ka ke Akua olelo.

            Pela makou e pane nei me ka naau haahaa a me ka manaoio, ua pololei ka makou mau olelo hoakaka.

 

OLELO PAPA!

 

            E ike auanei na kanaka a pau ma keia, ke papa ia aku nei lakou, aole loa e hele a komo aku maluna o na Aina [1.] PUULENA: [2.] ALAMIHI, [3] a me KAAHALOA, ma Manoa, Mokupuni o Oahu. Aole e lawe wale i na halakahiki. na ma@, ke kalo, a me na oa e hilo ana mahina o ia mau aina me ko makou ae ole.

 

He Umi Dala Makana!

I ka mea nana e hooiaio imua o ka Ahahookolokolo i ka hoopana o ka mea hana hewa.

                                                                                    SUN HOP SING & Co.

                                                                                                ma o TONG YAN ia

 

            Honolulu, July 5, 1895.                                               2wds-dw

 

 

Halekuai a me - - -

            - - -   Inukope.

 

            UA WEHE AE NEI AU HE HALEkuai me Inukope hou, aia mauka o Kapalama, ma ke Alanui Moi, kokoke no ma ko J. Alapai wahi.

            He emi ke kumukuai o ka'u mau lole a me na lako o na ano a pau. Maloko o kekahi rumi, malaila e inu ai i ke Kope ono loa no Kona mai. Malaila no e loaa ai na i'o hipi ua moa, a he lawe wale aku no a ai iho me ka pumehana, he makepono loa hoi.

                                                                                    Lum Hee.

            jun 3-Imo@

 

HE AINA KUAI

 

            AIA MA KUNAWAI, ma kahi @ kokoke ana a ka Mapunawai, ma ko Mr. Paalaa wahi, hou ana @ kua@ku Moloko o @apana he mea @ kal@ a me kahi pa hale pa  He @ mal@a mua k@ ia wahi e pau ana iloko o hooahi ana kahiki. He maikai ke kulana o kua apana aina aole wahi i @ki e hoohau @ia ai.

            Na ka mea kuai mai e aka i na lilo no aka palapala hoolilo. a pela aku.

            E mau ia Sam K. Akima Honolulu nei a i oia @ e waiho ae i ko oukou mau manao ma ke keena o KE ALOHA AINA.

                                                                                    SAM @ AKI

            Honolulu, Iune 19, 1895.                                                                    3mos

 

HOOALAHA!                       HOOLAHA!!

 

            E ike auanei na kanaka a pau, ma keia, ua makkaukau ai mea hona ka inoa ma@a iho nei no ka huki ana i na hal@ a i ole, kuai hale hoi ma ke kumukuai makepono. Lawe o na pohaku no ka hoopihamoku, a kukulu hale lawe one (eleele a keokeo) no ka haili alanui ana, kawii, puna hale, lawe i na @ kipulu mea @, a hoopiha aina paha. O ke kumu kuai, he oluolu a haahaa loa. E loaa no au na Kapala@ ae nei, a i ole, ma ko'u keena hana ma ke alanui Pauahi manwaena o na alanui Kamika me Nuuanu, ma kahi keena ka hale o C. R. Maile. E hooko ia ou na kauoha me ka eleu

                                                                                    U. K. ALAPAI

my23--3ms.

 

KAUKA

 

Yong Kam Pang.

[APANA.]

Helu 306 Alanui Hotele

 

 

KAUKA LOEA O KA AINA PUA.

 

Ua hiki ke hoolaia kela a me keia ano

ma'i. mai ko na kane, na wahine a

na keiki liilii. O na ma'i Hano.

ua hiki loa ia ke hoola ia, na

ma'i Akehiama a me na ma'i

Puuwai a me na ano ma'i

a pau. Pela hoi na

ma'i lele, Kolera,

Hebera. @ Le

naena, Lepeta

Maialii ke

Oki a me

ka hoola ana

 pau pu me na

mai koko ino. Ua

mai loa i ka'u laau

ke hoohemo i ke keiki

i ka wa nahuuahu me ka

poino ole. He laau no ke

kahi ao ka hooponopono ana

ka waihona keiki. a i ka wa e

ine ai i keia laau me ka malama i

ka rula e loaa no he keiki i ka poe i

loaa ole he keiki mamua aku.

 

            E NAUE MAI I IKE MAKA. He @ maikai nui keia no na makamaka i hooneleia me keia                        haawina ma kamae. E hauoli no au ke ike aku i na makamaka e kipa mai ana e                                kuka pu me au ma na ano a pau e pui ana i ka'u oinana.

 

E kipa mai o ka poe i hooluuluuia me na haawina pilinua a ka ma'i, a ha'u oukou e hooluolu aku.

my27-1yr.

 

 

E@ia Kaululaau.

 

KAUKA HANA NIHO.

 

            Ke hoike hou aku nei au imua o ko'u hoa makaainana a puni ko kakou nei Paeaina, eia no au ke hoomau nei ma ka'u oihana hana niho, ma ko'u Keena ma ke k@hi o alanui M@ me Betela, ma ke alanui Moi ka puka e komo mai ai.

            Ke kono aku nei au i ka poe a pau i loaa ko lakou mau niho i ka eha. a na'u no e hoopau aku i na haawina ohaeha iloko o ka manawa pokole loa, me ka'u mau laau i kaulana iwaena o ka poe a pau hele i mai io'u nei.

            He wai anau no'u ka huki ana i ka niho, a iloko o ka imo ana a ka maka me ka palenehe launa ole ua hemo ia niho eha, a ua hiki hoi ke hoopiha i na niho me ke Gula, Kala a Iwi paha, me na uku haahaa a oi loa aku o ka maikai o ka hana ia ana me ka ma au nui.

            E kipa mai o o'u mau makamaka, a e loaa no au ma ko'u keena hana, me ka makaukau mau e haawi aku i na ao ana i ka mea kuponu e hana ai i ko oukou mau niho, me ka auhau ole aku a oukou no ia ao ana.

Elia Kaululaau,

                        Kauka Hana Niho.

            @@Keena Ilana, kihi o Alanui Moi me Betela.

 

my99--@

 

Nalowale.

 

            He WATI GULA Wahine me ke @ kekahi puu@ e paa pu ana. E oaa @ he aku makana kupono ke hoihoi ae ma ke k@ oihana o                             F. J. TESTA

            127  Alanui Moi.                                            @

 

Hoolaha PaPa.

 

$10  HE MAKANA --$10

 

            E ike manei na kanaka a pau loa @ ke papa ia  i ku nei na kanaka o na ano @ pau aole lakou e hele wale maluna o @ kou mau kai lawaia, oia hoi ke Kai Law@ HONUKU a me MOKAUEA, a me ia L@ Ka Ekolu, ma o ANANOHO NUI, ANA NOHOIKI a me PAHOU NUI, e waiho la ma Kalihikai, mokupuni o Oahu. Ua k@ loa ka hele ana. ka lawaia ana maluna o la mau wahi. O ka mea a @au mea e ku@ana e h@op@ la no ma ke Kanawai. O ka mea @ e hoike mai a e hoo@ hoi i ka hana @ maluna o na wahi i hoikeia, a hoahewana @ i mua o ka Aha Hookolokolo, e haawina @ uku makana he lio nana.

                                                            UNG WO & Co.

            Honolulu, Iulai 1, 1895.                      @

 

 

HOOLAHA!    HOOLAHA!!

 

            Owau o ke mea nona ka inoa malalo iho @ ke hoike aku nei au i na kanaka a pau loa @ makaukau w@ na wa a pau loa, no ka hana ana i na pula a me na paipu wai a pau @ loaa mai na kanoha ia'u, he oluolu ka uku a @ mau ka paa o ka'u mea e hana a@  E loaa ia au ma Lei@ kokoke i ke alanui Kaa A@

 

                                                                                                S. K. KILA

my27-3@

 

 

$10 Makana !

 

            Ua nalowale maka auina la o Iune 24 1895 ma loko a ka pa mai Manoa mai, he Lio ka ne keokeo, he wawae keokeo hema a kuni @ me ka ha        13

            O ka mea e loaa ai. e hoihoi ae la See @ Chan ma ke kihi o Alanui Liliha e pili ana ke Alanui Moi na ka hale hana Poi.

                                    SEE VICK CHAN

            Honolulu, Iune 27, 1895.                                1w@

 

YAU FAT & Co.

 

HE HALE HANA PALAOA HOU

 

            Ua kukulu ae nei o YAU FAT & Co, ne Hale Hana Palaoa Hou, aia ma kahi kokoke i ka Uwapo a Kamika, ma ka aoao mauka o ke Alanui Bertania ma Honolulu nei.

            He hiki hoi ke hoolako i na omoomo paia@ ono a me na berena hou loa e pahee ai ka pau m@ ai.

            E hoomoa ia ana na palaoa me na ber@ ma ka hora 4a. m., hora 12 m., a me hora 4p. m. o na la a pau loa. O ke kuai ana h@ makepono loa. Elua omoomo palaoa, he @ keneta ia. He 10 papaa berena no 5 keneta

            E hele nui ae e kuai a ike pono i ka no ka makou palana.

Yau Fat & Co.

mai 17-1m

 

 

PEPA HOONANI HALE

 

            A no mai nei i hiki mai ai ma Pepa Hoonani Hale ano hou loa ma ka Hale Kuai o Waila ma, ma ke kihi o na alanui Papu me Moiwahine. He oluolu loa ke kumukuai, no ka mea, he nani maoli no na Pepa o na ano waihoo@ like ole.

            E kipa nui ae, a e kuai makepono ia na Pepa i mea Hoonani no ko oukou mau home.                                   WAILA MA

my 20--3m@

 

Halekuai Hou !!

 

E IKE IA KAKOU HAWAII.

 

            Eia ka Halekuai makepono a na Hawaii e kipa mai ai. Ianei e loaa ai ia oukou na lole o na waihooluu like ole, i like ko lakou alohilohi me ko ke Kamiliona. Maanei na ano Kalakoa he nui wale, na Makalena, na Apa Nahenahe Vitoria, na Halula, na Keokeo he nui wale aole e pau i ka helu ia.

 

E Nana Pono i keia Halekuai!

Mahea? Auhea?

Ihea e Loaa ai?

 

Aia mauka o ke Alanui Moi, kokoke

ke Kihi o Alanui Konia.

 

            @@ E au, e hele a kipa, a e komo e wae a e kuai no oukou iho me ke dala koike, a ma la ano he emi loa na kumukuai.

 

M. E. SILVA.

jun26 3ms                                                        Luna Nui.