Ke Aloha Aina, Volume I, Number 12, 10 August 1895 — Page 1

KE ALOHA AINA

 

"UA MAU KE IA O KA AINA I KA PONO."

HONOLULU, POAONO  AUGATE 10, 1895 HELU 12.

 

Ka Makai Kiu

O KE

@ Waihona Buke o

Nu Yoka.

 

SALIUKA OPIO,

A O

@ KAPENA MAKAI HAWADA.

 

KE PIHI I NA HA HA.

 

MOKUNA IX

 

KUMAKAIA IA.

            Paa ae la ke kaikamahine ma kona mau poohiiwi, kukuli iho la oia ilalo a olokaa ae la i ka pohaku e waiho iliwai ana me ka papahele.

            I ka pohaku no i kaawale ae ai, @iki koke mai la ka malamalama o ka la.

            E kolo mai hoi oe i kahea ae ai ke alakai.

            Manao anei oe, e hiki ana ia oe ke @ili ma o?

            E hoao mamua!

            Oi @ hoi ha! wahi a ke alakai.

            Kokolo aku la o Maud a hoea aku la ma kahi aoao me ka pilikia ole@

            Iloko o kekahi manawa hou aku, hoea aku la ke alakai a ku iho ia ma ka aoao o ke kaikamahine.

            A@lawa ae la o Maud ma o @ nei, a ike iho la oia eia @ mawaena o kekahi awawa pohaku i noho ole ia e ke kanaka.

            Ua napoo aku ka la iloko o kela manawa, a hoomaha pu me la laua waena o na laau a me na pohaku.

            He mau minute wale no koe elua, wahi a ke alakai me ka hoomau ana aku:

            Aia a poeleele iho, alaila, hele hou aku kaua o Nu Ioka ka pahu hopu.

            Lalau ae la oia i ka lima o ke kaikamahine, a alakai aku la ma ke ala e hiki aku ai i ke awawa.

            Aole i emo, hoea aku la laua ma kekahi mala waina e hihipe'a ana.

            Alaila, hookuu aku ke alakai i ka lima o Maud, a kauoha aku ia e kolo.

            Ia laua e kolo ana, ike iho la o Maud eia laua ma kekahi ana e noho ia kanaka.

            E waiho ana na bela, moe a me ka huluhulu, a he wahi ipu kukui uuku ka mea nana e hoo malamalama ana.

            Iaia no e nanea ana i ke kolo, paa koke aku la oia i ke alakai me ka muki hoomau ana iho ma kona mau papalina, a ua hele wale a @

            Ia wa papale ae la oia me ka ikaika, me ka olelo pu ana ae i ua ino la.

            Heaha keia hana rula ole au ia'u?

            Akaaka iho la ua kanaka la me ka halo'ulo'u.

            A liuliu, pane iho la ua kana ka la ia Maud me keia mau huaolelo.

            Aole i lawa kela taurani dala na'u e lawe ai, ke ole oe e lilo i wahine mare na'u alaila, moe pono ko'u po.

 

MOKUNA X

 

HOOKUI ME KA WELIWELI.

            Ia Saliuka opio i lohe aku ai ke kahea e ku, ua hoolohe koke loa oia.

            Ua maopopo loa iaia e hana io mai ana kela kanaka ina oia e hoole aku ana, he mea makehewa wale no ka hoopaakiki ana aku.

            Paa pono iho la oia i kana pu panapana, e kiai ana me ka makaala loa i ka wa a kela kanaka e hookuu iho ai i ke kiko o kana pu.

            O kona noonoo i kela wa, ina he mea hiki, e hoopau loa aku i kona kiai ana.

            Aole anei oe i lohe i ka'u olelo?

            Aole! wahi a ka makaikiu i pane aku ai.

            Alaila, o keaha la kau e hoao la i pakele ai oe?

            O ka poka o kena pu, ina oe e hoao mai ana e paani lealea me a'u.

            Pela io no kuu manao.

            E manao ana ka oe pehea?

            Alaila, e noonoo iho; e hookuu mai ia'u e pii aku.

            E hele ana oe ihea?

            E hoao aku ana au e huli i kahi o keia alanui e hele ai.

            Heaha kau mea i makemake ai e ike?

            I ke kupanaha!

            E hoolohe mai, i pane mai ai kekahi. E hoopau kaua i keia wa.

            E hoopau i ke aha?

            I keia kualehelehe ana.

            Ua pono ia, aka, no keaha oe  e kamailio hoiu mai nei?

            Ua maopopo no ia oe ko'u manao?

            Aole i maopopo ia'u.  

            Ua ike anei oe, owai la au?

            Aole.

            O Mr. Marshall ko'u inoa.

            O! E Mr. Marshall, he mea ehaeha no'u ke olelo ae, aohe o'u makemake e hookamaaina pu me oe.

            Aole paha pela, ke makemake nei au e kamailio aku ia oe me kekahi mau huaolelo kakaikahi.

            Kuha ia mai iwaho.

            O ka mua, ua ike no au ia oe.

            Ua ike oe?

            Ae.

            Aole o'u manao pela?

            Ua ike no wau.

            Owai wau?

            O Saliuka opio oe.

            Ua pono au ke olelo ae, he keu oe a ke koho lalau loa.

            Pau ae la ia, e hana kaua i aelike.

            Heaha ia aelike?

            Ke makemake nei au e kamailio kaua no kau oihana i keia wa.

            Kamailio mai.

            Ina au e hoalu iho ana i ka'u pu ilalo, e hoohiki mai ana anei oe, aole e ako ae i ko'u ola, a hiki i ka wa a'u i makemake ai e kamailio?

            Noonoo koke iho la o Saliuka opio, aole kela kanaka i makemake e apuhi mai iaia, aka, he mea io no kana e kamailio mai ai.

            Nolaila, pane aku la ka makaikiu i ua kanaka la me keia mau olelo:

            Ina oe e waiho ana i kau pu ilalo o ka honua, e hoohiki io no wau.

            Waiho koke iho la ua kanaka la i kana pu.

            Ua ae au i kau hoohiki la.

            Ua ae oe?

            Ke ike nei au aole oe e hahaki ana?

            Ae. Aka e hoomau aku i kau mea e kamailio ai.

            O ka mua, aole anei oe o Saliuka?

            Heaha kau ilaila, ina owau io ia?

            O oe no anei ia?

            Ae.

            Alaila, o oe io no ke kanaka a'u i makemake loa ai e ike i na wa a pau.

            Ahe! E ike mai oe.

            Makemake anei oe e loaa ke kaikamahine?

            Owai ia?

            Ua ike, no oe ia Maud Kilimana?

            Ae.

            E uku mai ana anei oe?

            Aole.

            Aole oe e uku?

            Aohe o'u mana e hana aku pela.

            Alaila, aohe a'u mea e kamailio hou aku ai. O ka'u wale no ia i manao ai.

            No keaha hoi? wahi a ka makaikiu i ninau aku ai.

            No ka mea, e hoomale ia ana oia i keia po.

            Hamau iho la o Saliuka opio no ke kahi manawa no ka noonoo ana i kana mea e hana ai i mea e loaa ai kana mea e huli nei.

            Aole ona kanalua iki, e haawi ana no ke kaikamahine i kekahi pomaikai nui ina oia e hookuu ia ae ana mai ka umii ana ae a na poe powa.

            E mare io ana anei oia i keia po?

            Ae.

            Aole oia e ae.

            Ua makaukau oia.

            Alaila, ina ua ae oia, aohe mea hou i koe e kamailio ai.

            Aole oia e hooko ana.

            No keaha ia oia i ae ai?

            Ua hookikina ia oia e ae, i pakele ai kona ola mai kekahi hana ekaeka loa i manaoia.

            Hooholo iho la ka makaikiu he mau olelo oiaio kela i hai ia mai la, a oia kana i pane aku ai:

            Ina au e uku ana no ke kii ana iaia a lawe mai na lima mai o ka poe e paa ana iaia, pehea?

            Alaila, e kaua pu no.

            E kokua mai ana anei oe ia'u?

            Ae. E kuhikuhi no au i kona wahi i hoopaapio ia ai, a e hoopau pu i kou hemahema i hiki ai ia oe ke komo a lawe mai iaia iwaho nei.

            Ehia dala au i makemake ai?

            Elima tausani.

            He pupule oe!

            Aole auu i pupule.

            Elima tausani dala, O! i hooho ae ai o Saliiuka.

            Oia ka huina/

            Ua holo ae la.

            Nau anei e uku mai?

            Aole.

            No keaha?

            Aole e hiki ia kaua ke hana, ano ke kauoha nei au ia oe e hookuu aku ia'u me ka maalahi.

            Ua hoole oe i ka uku ana mai i kela heluna?

            Oia ka'u i olelo ai ia oe.

            Ke makemake nei oe e nee mai imua?

            Ae.

            Hele mai, aka, ke manao nei au aole e pakele ana kou ola no ke kolu o ka manawa.