Ke Aloha Aina, Volume I, Number 19, 28 September 1895 — Page 8

KE ALOHA AINA

 

8                                  KE ALOHA AINA, POAONO, SEPT 28, 1895

 

Ka Makai Kiu

 

O KE

 

Keena Waihona Buke o Nu Yoka.

 

SALIUKA OPIO

 

AO

 

KE KAPENA MAKAI HAWADA.

 

KE PIHI I NA-HA-HA.

 

MOKUNA XVI.

 

LOAA KE PIHI I NA-HA-HA - IMUA O KA AHA HOOKOLOKOLO - HUIPU I KAHI HOOKAHI - KA AHAAINA MAKE HANOHANO.

 

            Ma ka mokuna i hala aku nei, ua ike kakou i ka moolelo a Magarata i hoike ai imua o Kaliuka no na mea e pili ana i ka pepehiia ana o Keoki Kilimana.

            Nolaila, e pa makamaka heluhelu o ka moolelo o ka kakou hiwahiwa o Sahuka Opio, ke kaeaea o na hana karaima, a o ka hoopakele o na poe i komo iloko o na hoehaeha ana a na hana puuwai eleele o ka pakaha e like me Mauda ke kaikamahine a Kilimana i komo iloko o na pilikia he nui wale aku.

            Aka, mamuli o Saliuka Opio, he mea hiki wale no ia ke hooponopono ia me ka noeau o ka hana Makai Kiu o ke kulanakauhale o Nu Ioka, kahi hoi a kakou e lohe nei i na hapa karainia weliweli.

            I ka hala ana aku o Magarita no kela aoao mau o na mea a pau o keia ao mauleule.

            Ua noho iho la ka Makai Kiu a me kona mau hoa maioko o ua keena kupanana la.

            No kekahi mau minute keia noho aua a lakou.

            Ua ku ae la o Saliuka Opio a hele huli aku la ma o a maanei, a ike aku la oia i kekahi koloka, a haupu ae la oia no kela koloka i na-ha-ha ai ke pihi ma kela po a ka Makai Kiu i aumeume ai me Mado.

            I kela wa i kii aku ai ka Makai Kiu i ua koloka la a lawe mai la imua o kona mau hoa.

            I ka huli ia ana iho keia, ua loaa aku la i ua koloka la a Mado i aahu ai ua na-ha-ha kekahi pihi o mua o ke alu.

            I kela manawa i akoakoa mai ai na mea a pau.

            Iwaena hoi o na wakai e kuku ana, o ke kanaka pu kekahi i hana ai i ka aelike no $5,000dala a me ka Maka Kiu Saliuka ma na pali kahakai o ua wahi nei.

            Me ka leo olu waipahe ka Makai Kiu i kamailio aku ai ia Mauda ke kaikamahine.

            E kuu mea i buli hoomanawanui ai no kekahi mau mahina i hala wale aku nei.

            O keia keonimana e ku nei, he mea ka kaua e hooponopono aku ana meia ma keia mua iho, ua pono, wahi a ke kaikamahine.

            I ka pau ana o ka lakou mau kuka olelo ana.

            Ua liuliu ae la lakou a hele aku la no kahi kauhale liilii e kuku mai ana ma kahi mamao.

            I ko lakou hiki ana aku ma na kau bale liilii, ua kipa aku la lakou no kekahi o ia mau hale.

            Kahea mai la na kamaaina, a kipa aku la no hoi lakou.

            Hoomakaukau mai la na kamaaina i wahi no lakou e hooluolu ai no ia koena ia po, a haule aku la lakou e hooipo me Niolopua i ka aina pahaohao o ka moeuhane.

            I ka wehewehe ana mai o kaiao, ua ala ae la ka Makai Kiu, a o ka hora 5 ia o ke kakahiaka.

            Hele hooluolu aku la oia ma ia mau wahi aku.

            O ke ano mau no o na Makai Kiu o ka noii ma na ano a pau, ina paha he mau hewa kekahi i nana ia ma ia mau wahi aku.

            O kekahi no hoi ua komo iho la no ka manao hoohuoi iloko o Saliuka, ela no paha kekahi o na ohana o Mado ke noho kokoke mai nei ma kekahi o keia mau wahi.

            I ka hiki ana aku o Saliuka i kauhale e noho mai ana ke kaikamahine, a haawi aku la oia i kona aloha kakahiaka, a pela no hoi ke kaikamahi i panai mai.

            I ke ala ana mai o kona mau hoa o ka alo ana mai i ka ehuehu o na meheu o Mado.

            Ua hoomakaukau mai la na kamaaina i mau wahi mea paina mama na ua kamahele.

            Mahope iho o ka pau ana o ka lakou paina ana.

            Ua hoomakakau iho lakou i ko lakou mau wahi puolo no ka huli hoi ana i ka home.

            Haawi na aloha mawaena o lakou a me na kamaaina, a iho aku la lakou no kahi hoolulu o na kaaahi.

            Aole i liuliu ka lakou kali ana, ua hoea mai la ke kaaahi.

            Kau aku la ka Makai Kiu, ke kai kamahine a me kona mau hoa, a no Nu Ioka ka pahuhopu o ka lakou hua kai.

            I ka hiki ana o ka Makai Kiu a me kona mau hoa no Nu Ioka, ua noho iho la laua ma kekahi hale hotele e kali ai no ka manawa.

            Hele loa aku la oia a halawai me ke Kapena o na Makai.

            I ka ike ana mai o ke Kapena iaia ua puiwa ae la oia a olelo mai ia Saliuka.

            Nani ka nui o kuu hauoli i kou hoi hou ana mai la.

            Nolaila, e hoike mai oe ia'u i na mea a pau loa ma kau huakai i hana ai i keia mau mahina loihi, e kuu Saliuka Opio.

            E kali oe a pau ka hihia o Kale Halinetona, wahi a Saliuka Opio i pane aku ai.

            Pela ea?

            Ae.

            Ina pela ea.

            E hele aku kaua imua o ka Loio Kuhina Kamiko e hai aku iaia no keia mau mea.

            Ua makaukau ka hihia o Kale Halinetona, i ka la apopo no ka hoolohe ia ana.

            Ua pono.

            Ku ae la laua a hele aku la imua o ka Loio Kuhina.

            I ko laua hiki ana aku i kahi noho o ka Loio Kuhina.

            Ua-hoopuiwa loa ia oia mamuli o kona ike ana mai i ke Kapena o na makai a me Saliuka Opio ka iho hanu meheu.

            Komo aku la laua maloko o ka rumi hookipa a hooluana iho la no kekahi mau minute.

            Hoike aku la ke Kapena o na makai i ke ano o ka laua huakai i hiki aku ai imua ona.

            Haawi aku la ka Loie Kuhina i kona ae no ka noho ana o ka hihia o Kale Halinetona.

            I ka pau ana o ka lakou mau olelo ana.

            Ua huli hoi aku la o Saliuka no ka hotele ana i hoonoho ai i ke kaikamahine Mauda.

            I kona hoea ana aku i ka hotele e noho mai ana no kela, a hooluana pu iho la laua.

            Ia laua no e nanea ana, kani ana ka bele aina, a naue aku la laua no ka papaaina i heie a luluu i na mea ai hoomakaukauia.

            I ka pau ana o ka laua ai ana, ua hoi aku la laua po ko laua rumi i hoomakaukau mua la a he hiolani wale aku no.

            Ma ka hora 9 o ke kakahiaka o kekahi la ae, halihali ia mai la o Kale Halinekona imua o ka aha hookolokolo ua piha a hookeke o loko o ua rumi la i na poe makaikai, e ahewa ana hoi kekahi e apono ana hoi kekahi.

            Kii aku la ka makai kiu ia Maud a hookomo ae la maloko o kekahi keena okoa.

            I ka hiki ana i ka hora 10, aole he wahi i koe ua hele mai la o loko o ua rumi la a le-i Kohala i ka nuku na kanaka.

            I ka wa i kini mai ai o ka hora 10, aia hoi, ua komo mai la ka lunakanawai kiekie a hookuene pono iho la maluna o koohinoho.

            Kahea ia aku la na jure, me ka eino ole ua hoea mai la lakou.

            Hoomaka mai la ka Loio Kuhina e heluhelu i ke kumu hoopii no ka newa pepkhi kanaka o Kale Halinekona.

            I ka pau ana o kana heluhelu ana, ua hoomaka mai la oia e hoakaka i ka pili o ka hewa i manaoia nona.

            Kahea ia aka la ka makaikiu Saliuka@ipio e hoike mai imua o ka aha.

            I keia manawa e hekau ana ka pihoihoi iloko o ke anaina makaikai e ake ana e lohe i ka moolelo e pili ana i u hihia pepehi kanaka pohihihi la.

            Me ka leo moakaka ka Makai Kiu i hoike piha aku ai i ka moolelo o kela pepehi kanaka.

            I ka pau ana o kana mau olelo hoike imua o ka aha.

            Ua kiiia aku la o Mauda a kukulu ia imua o ka aha.

            Hoike aku aku la oia i kana mau olelo ike, mai kona wa i hoopalau ai me Kale Halinelona, kona lawe maluia ana e Mado maluna o ka moku a me kona noho ana maluna o kekahi mokupuni i maopopo ole iaia o ka inoa o ia mokupuili.

            Oiai no hoi ka'u kane hoopalau hewa ole Halinetona e noho ana iloko o ka halepaahao.

            Mamuli hoi o na hana a na poe puu wai Iokoino o ka lapuwale a me ka pepehi kanaka.

            I kuhiia hoi na kuu Halinetona maikai i pephi i kuu makuakane hala ole.

            Ke hoole loa nei au, aole! aole loa kuu Halinetona maikai i paumaele iloko o kela mau hana ma kela po poina ole.

            Aka, e like me ka Makai Kiu i hoike iho nei imua o keia aha hanohano, ola no ka mea pololei.

            I ka pau ana o kana hoike ana imua o ka alia.

            Ua kahea ia aku la o Halinetona e ku ae ilona, a i ka wa hoi o ke kaika mahine i ike aku ai ia Halinetona kona pili aoao o keia mua aku, nona keia wahi hooheno:

Aloha ka uluna me ka moena

Kahi hoi a maua e hiolani aku ai,

I ka moena Pwehe la,

A o Mokuleia.

            Ua holo aku la oia a hopu ia Kale Halinetona, a pela no hoi o Halinetona i hopu iho ai i ke poo o Mauda a hoohuli ae la, a muki iho la oia i na papalina o ke kaikamahine, me ka hele o na helehelena o ua kaikamahine ia a

            Lamalama Puna,

            I ke ahi a ka wahine.

 

            Ina ui no e lulumi ana, ua hoopuka mai la ka aha i kana olelo hooholo, e hookuu ana ia Kale Halinetona, mamuli o na olelo hoike, aole hoi wahi e hoahewa ana i ka lawehala ma keia hihia.

            Nolaila, ua noonoo iho nei aia a ke hoopuka aku nei au i ka'u olelo hooholo e hookuu ana ia Kale Halinetona, oiai aole i pili iaia ka hewa pepehi kanaka, e like me kumu hoopii i hanaia ma ko ke Aupuni o Amerika aoao.

            I ka pau ana o ka aha, ua kuikui lima pu aku la o Halinetona a me ke kaikamahine, me ka ukali pu aku o ka Makai Kiu Saliuka Opio a me kona mau hoa a me ka lehulehu no ka home o Keoki Kilamana, ka home hoi o ke kaikamahine e lualai aku ai me kana eha ma keia mua aku.

            Iwaena hoi o keia mau hoa o ka Makai Kiu, o Masela kekahi, kela kanaka nana ka aelike naeu ole ma na pali kahakai o kela mokupuni o Mauo i hopupioia ai e na mana kaua hao wale o ka alapana Mado ke kaeaea o aehana karaima.

            I ka hiki ana i ke kakela nani o Kilimana, a hele aku la na makamaka a pau i hiki aku e lulu lima pu me laua he alo a he alo.

            A o ka hope loa i hoolauna aku me laua, oia no ka Makai Kiu Saliuka Opio, ka ilio hookolo meheu e lulu lima pu me laua.

            I ka ike ana mai o Halinetona i ka Makai Kiu, ua hooho ae la oia me ka leo aloha:

            O ka la o ka make, ua moniia ia e kou ahonui a paupauaho ole o ka hoomanawanui.

            O na la iloko o ka noho na kupilikia, me he aka la ia i maalo aku a ku hou mai.

            O na haawina kiekie a ka Mea Mana Loa i haawi mai ai ia oe, he anoano ia i kanuia ma kahi momona o ka lepo.

            I ole oe nia ke alanui o ka oiaio a me ka pololei, alaila, he kanaka make eu i keia hora, aole hoi kaua e halawai he alo a he alo.

            Ke haawi aku nei au i ko'u mahalo palena ole ia oe e kuu hoopakele o na ia o ka poino.

            I ka pau ana o ka Ha@@ kakiana, ua hoona akel@@ olelo aelike nase ole @@

            Ua ae mai ia o Hai@@ iku la he elima musani@@ Kpe poihona i ka Maki@@ kahi wati gula nani loa, @@ ana hoi ke gula me ka m@@ me ka noeau loa, nona m@@ 500 dala.

            Mahope iho o keia @@ mawaena o lakou a me @@ i ha pihipihi.

            Ua mareia iho la la@@ hano nui, i ike ole ia @@ wale ho.

            Liweia aku la laua @@ mokuahi holoholo m@@ hoemakaukaoia o kekahi @@ no laha.

            Ua malamaia ino la @@ nula Europa, a ua malw@@ ia ia a ko a hiki i ka @@ mai o kaiao.

            Ua hookuuia na nana @@ hauoli o na hoai mai a@@ Iealea.

            Ma ia hope he ua a@@ hauoli iloko o na lualai @@ ho'na oluolu a hiki i ka@@ pena.

            Nolaila, e na hoa he@@ mai la kakou i ka hopena @@ lelo hoonaueueu puewale @@ a holo o ka kakou kae@@ mea pohihihi e like me @@ ae pei.

            Nolaila, ua pau kona @@ aku ma ko oukou mau m@@ mua aku.

            A pau hoi ko oukou @@ kana mau hana, laia e @@mauka.

            Aka, e hoao ana @@ huli hou aku i kekahi @@ puumai i oi ako @@ ka hanu meheu.      

            A o ka aola mau enemi puowai @@ karaima o kela Aupuni @@ aupuni i hohoia @@ weliweli ino loa a @@ i o kakou nei.

 

                                    KA H@@

 

 

            E lawe i Ki Au@@ ike i na mea hou.

 

            D. K. Waile@@

            He mea ohi a Koi @@ @@ moolelo Aina, a wanea e ae @@ pula guli Kanawai.  Mea kana@@ no ka uku Komisina haahaa @@

            Mea hana Palapala Hooli@@ @ki, Aelike a pela aku @@@ avai Pali nia ke kuai mora@@ heno e aa.

            @ E kipa mai e na makama@ olu ka auhau ana.

            @ Waema Hana. M@@ A ka Halpains mauka iho @@

[New Model Lunch Ro@@ hookoo.

 

            W. C. AK@@

                        (KALUII@@

 

            He Maheleolehu @@

            Hawaii a kue na k@@ Pua.  He makaukau no @@ aina i ha palapala hoa@@ pala kuai, etc. etc. H@@ na kokakuka ana.

            HORA HANA  Mai i@@ 4@ @ o na a noa a @@

            Keena hana a@@ ke alanui Nuuanu a @@ me kekahi keena o ka @@

Mr. Di@oot