Ke Aloha Aina, Volume I, Number 29, 7 December 1895 — Page 1

KE ALOHA AINA

 

Ke Aloha Aina

"UA MAU KE EA O KA AINA I KA PONO."

 

HONOLULU, POAONO, DEKEMABA 7, 1895.   HELU 29

 

@ NUPEPA

@OHA AINA

@ mau ia aku ana mai ka @ ka Poalima o na pule a @ keia mahina.

@ he 20 keneta o ka @ ke k@ hookahi, he 5

@ ka pepa mai ke Keena @ ALOHA AINA, a mai @ aku o na Luna Lawe

@ na Olelo Hoolaha, na @ na Mele Inoa, me ke @ Aole nupepa ma ka @ ho@naia ke ole e @ ia ka uku pepa.

@ i na Nuhou @ Olelo Hoola@ @ na Mele @ @hooponopono o @

@ hoolahaia @ kolamu o @ kekahi moa @ mai i ka @ kona inoa @

@

@OHA AINA

@………$2.00

@………1.00

@……… . 50

@………. . 20

@WAHI

@ a Puuku o

@OHA AINA

@ L. LIKE.

@

@ me na hookaa @ pololei mai i ka @ ma Honolulu

@ HANA: Aia ma ke @ o Joseph Nawahi, @ ka Hale Uinihapa o @ ma ke kihi o na Ala@ Betela, ma Honolulu.

 

@ANA LAHUI MAI.

 

@ce City, Kansas,

@ Nov. 11, 1895.

@aka maikai a hoa;-@ oseph Nawahi,

            Aloha oe-

@ pono mai kau leta o @ nei o Okatoba, @ ulanakauhale nona @una ae, ma ka la 9 @ he mau haneri @ amao o kona huli @ ai nei mai Kikako @ iho la au i anei nei. @ pa nae, aole i hoea @ malia paha, eia aku @ ai la i ka loa o na @hi (ua hiki io aku @ nupepa KE ALOHA @ ma ka la 13 ae o @)

@makauhale aku nei @allas, ma ka Moku@ as he State Fair ko @ tausani ka nui o na @ hele mau ana i kela @ a la. He elua mau Bana e paani ana ma keia wahi, o makou a me ka Bana kauiana, helu ekahi o Amerika Huipuia nona na lala he 50 ka nui, a i kapaia hoi, "Sousa Band."

            Maluna ae o na mea a pau loa a'u e ike nei ma keia fair, hookahi mea nui, oia hoi: "Ua lilo ia makou ka makana o keia Fair." Mahope o ko makou paani hookuku ana me ka Sousa Band, ua hooholo mai ke Komite, na ka Hawaiian National Band ka makana.

            Ua hoomaopopo au, ma ka lokomaikai mai o ke Akua keia ulia laki o ka lilo ana ia makou o ka makana. Aole no ko makou ike a me ko makou akamai. Ke lei nei makou i ka hanohano o ke "Dallas State Fair" o Texas.

            O kekahi o na mea ano ku paianaha a'u i ike iho nei ma keia fair; he kanaka ua hanau pu ia mai la me kona kaukuahine, a ke ola nei keia kanaka me kona kaikuahine no e lewalewa ana mamua o kona alo, a penei na hiohiona:

            O ke poo o ke kaikuahineaia iloko o ka opu o kona kaikunane, a o ke kino holookoa mai ka ai mai ke lewalewa mai ana iwaho; he wahi ano uuku no kela kaikuahine o elua paha kapuai kona loihi.

            Kupaianaha ka ke Akua mau hana. Ke ola like nei keia mau kino a elua, o ke kaikuahine i hana ia aku kona poo iloko o ka opu o kona kaikuahine i hana ia aku kona poo iloko o ka opu o kona kaikunane. A ke lawe pu nei keia kaikunane i keia puolo mamua ona, ua huna ia mai nae i ke koloka mawaho. Aia a makemake ia e ikeia me ke dala, alaila, wehe oia a nana ia.

            Imua keia o Kuini Vitoria ma Enelani, a he wahi makana opuu daimana kai haawi a he $1000 a me hookahi pine lei a-i daimana, he $500 ka waiwai io.

            He kulana ano kaukaualii ke nana aku. O Lalu ka inoa o ke kaikunane a o Lala ka inoa o ke kaikunane, a o Lala ka inoa o kona wahi kaikuahine ano e.

            Eia ia anei kekahi kanaka ahiu, i loaa ma ke kuahiwi o Mekiko, i lawe ia mai i mea makaikai.

            Na ka poe uhai holoholona, (Cowboys), i hopu a lawe mai. He 5 iniha ka loloa o na manamana lima a me na manamana wawae, loloa kona lauoha, leleiona kona mau helehelena, he hoopaa mau ia oia i ke kaula hao ke pau ka hoikeike ana.

            He paiakuli na pepeiao i na ano Bana like ole, a me na leo kahea o kela a me keia kanaka, a'u e lohe mau ana mai kela a me keia aoao mai o ke alanui hele. E kahea ana kela a me keia, e like me ka ikaika hoolele o ko lakou mau leo pakahi.

            Ke hana nei kela a me keia, i mea e hele ia aku ai i ka lakou mau mea hoikeike e nana ia, a loaa ke dala.

            E hoanapuu ana na wahine haole @ o na pakaukau i kukulu ia @kie, i wahi e ike pono ia aku ai e na maka o ka lehulehu e nana aku ana. O keia mau hoanapuu ana i na kino, oia no ke ano hula pakaawili me ka hoolewa ana i ko lakou mau pauku kino i o a i anei, a e kikoo ana na wawae iluna o ka lani me Hiiaka ma. He Hula Can Can keia.

            He mau hana pahenehene loa ia keia ma Hawaii, aka, i ko Amerika nei poe o ia ku hula lealea loa ia; no ka mea, ua ahuwale ka hene o na kuahiwi, ke olepelua mai o Pele.

            Nui no ka pouli o keia aina e noho nei! He malamalama kekahi, a he pouli no hoi kekahi.

            He olelo  na haole o Hawaii i ko kakou hupo a pela aku, aka, o ka hua o ko kakou hoomalamalama ia, ke ike nei ko Amerika nei poe, a ua hooholo mau lakou, e haawi mau ia makou i na makana o na fairs, me ka hoonele ana iho i ko Amerika mau Bana ponoi.

            He mea oiaio aole e lilo ka makana i ka mea hupo, aole hoi i ka poe i hoonaauao ole ia. Nolaila, ua hamani loa na olelo hoino a lakou nei, no ka hupo a me ka pegana o ka lahui Hawaii, no ka mea, eia ponoi makou i Amerika nei, kahi i hoike aku ai ua ao o Hawaii, a ua malamalama o Hawaii, a oi loa aku no mamua o na pegana e noho nei ma Amerika nei.

Na Hiohiona ma Amerika a Makou i Ike Ai.

            O na lahui iliulaula o Amerika ponoi, na poe nona ponoi ka aina o Amerika mamua, ua pau aku la lakou i ka anaiia, a i ka lukuia, a koe kakaikahi wale iho no o lakou e ola mai nei ma na wao nahele, a ma na wao-akua oneanea e noho, ole ia ai e na lahui haole.

            O na poe hapa-paniolo hoi a me ka lakou mau mamo, na ohana i hanau mai me na wahine kupa o ka aina, ua hookeia, a ua onouia, a ua pili pu lakou i kahi haiki loa.

            He hookae loa ia na poe iliulaula e ko onei nei poe. Pela no ia e noho hoopu mai nei.

            Ma ke alahele o na kaaahi mai Los Angeles mai a i Kansas nei, ua ike makou he wahi kauhale o na poe Inikini i kapaia, o Needle Town, O keia iho la kahi kauhale o na Inikini i halawai mai me ko makou mau maka, mawaena o keia @na palahalaha akea loa o Amerika Huipuia.

            I ko makou a e ana aku maluna o na piko o na Mauna Pohaku a iho ma kela aoao Hikina, aia ma na wahi hoolulu kaa e hele mai ana na poe ilikini wahine, me na kii ano pailolo i hanalimaia e lakou, e kuai mai i ka poe e makemake aku ana. He lahui laka keia, aole ahiu.

            He nui ka wela o keia alanui hele. He wela ka makani ke pa mai i ka ili, he makehewa ke peahi ae. A oiai makou iloko o ko makou kaa, he wehe kahi palule a koe kahi pale-ili, pela ke ano o ka hoomanawanui ana ma keia mau aina o Amerika nei.

            I keia wa hoi, ua hoi mai ne ke anu, a eia makou iwaena o keia mau kulanakauhale liilii, aole nae he anuanu loa. Aka nae, ke pa mai kahi makani oaheahe, auwe, hui au i ke anu, keu ka maeele! O na lima a me na wawae kahi oi loa aku o ke anu. A oiai, ua lako mua makou me na aahu mehana, ua lilo ia anu he wai auau na makou ma Amerika nei.

            Ma ko'u hookuku ana ae i ka nani o na kulanakauhale a makou i ike ai, ua haawi au i ko'u mahalo no Kapalakiko, a me Millwaukee, ma ka maemae o na alanui hele, ma ka maka-ala i na maka ke nana aku, a pela no hoi me kahi kulanakauhale o Los Angeles he ano like hoi ia me ko Honolulu.

            O ka lokowai o Michigan, ua hiki ke hoohuihui ia ae na poe mokupuni a pau loa o Hawaii, a hookomo iho iloko olaila, a waiho wale aku no ka loko, aole e piha. O ka wai hoi o ka muliwai o Arkansas a'u i ike ai, me kona wai olepolepo loa e kahe ana, he like ole me na wai kahe aliali o ka aina hanau!

            P. S.- Ua nui ka mahalo mai o Souza ia makou me kona olelo mai, ina nana makou e alakai, e puni ana o Europa ia makou, a ke hiki makou i New York, e loaa ana he lei o ka hanohano ia makou.

            Ke ole pela, a ke loaa aku oia ia makou ma kahi e loaa ai, e pa'i aku o Libornio i kona mau maka. O keia ka panina o ka'u leta ia oe, a no kekahi wa hou aku.

            E haawi i ke aloha i ka Lahui mai Hawaii a Kauai, a mai poina hoi lakou i ka pule ana no makou.

            Kou Oiaio,

            SAM K. KAMAKAIA.

 

            [Ua hoouna ia mai ko lakou kii ia makou ma ke Keena o KE ALOHA AINA. L. H.]

 

            Ma keia Poaono e ulele mua ae ai ma ke kahua kinipopo ma Makiki na hui liilii, oia ka Hart kue i ka Maile maewale o ke kuahiwi.

            E hiki hou mai ana o Ovide Musin i o kakou nei, kela haole kaulana i ka hookani vaiolina, e hoea mai ana oia maanei me kana wahine ma ka Monowai mai o ka la 19 o keia mahina, e haawi ana oia he ahamele ma Honolulu nei.

            Eia ma kekahi wahi okoa ae o keia pepa o keia la, e ikeia iho ai kekah manao i lawela mai, mai ke Kuokoa namu mai o ka Poakahi nei, he $500 uku makana i ka mea nana e hooia mai no kela hamoia ana o Frank Godfrey i ke ta.

            HUI KAA PIO O KAOPUAUA- Kihi o na Alanui Nuuanu a me Beritania. E loaa no na Kaa i na hora a pau o ka po a me ke ao. He oluolu ka auhau ke kuka like nae. E hookani mai i ke Telepona, Helu 705, o na kauoha a pau e hookoia no i ka wa pokole loa.           137-@m dly*

            Ma ke ku ana mai o Miowera i ke kakahiakai Poakahi nei, ua lawe mai oia i kekahi hui keaka lio no onei nei, ua paa i ke kukulu ia ko lakou halepea ma ke kihi o alanui Papu, me Beritania. He 23 ko lakou nui, he 7 lio a me hookahi ilio. Ina e holomua ana ka lakou hana, alaila, e noho ana lakou ianei iloko o ekolu mahina me ko lakou holo ana ma na kuaaina.

 

HOOLAHA PAPA.

            E ike auanei na kanaka a pau loa ke nana mai lakou i keia. O makou o ka poe nona ke kuleana kupono maloko o ka aina o Wai mea ma ka apana o Waialua, Mokupuni o Oahu, ko Hawaii Pae Aina. Ma keia, ke papa loa ia aku nei, aole loa e hele maluna iho o ua aina la o Waimea, me ka loaa ole aku he ae ia mai ia makou aku.

            D. NAOIWI,

            Peresidena o ka Hui,

            LEVI KAUALU,

            Kakauolelo o ka Hui Aina

nov 13 @m-dlu wkly  @o Waimea.