Ke Aloha Aina, Volume I, Number 30, 14 December 1895 — Page 4

KE ALOHA AINA, DEKEMABA 14, 1895.

 

KE ALOHA AINA

 

Hoopukaia no ka

 

Pomaikai o ka Lehulehu, a he Nupe@a na ka Lahui II @@@.

 

J. NAWAHI. Lunahooponopono a Puuku.

E. L. Like, Hope-puuku.

 

HONOLULU DEKEMABA 14, '95.

 

E Kakali no me ka Hoomanawanui!!

 

            He mea mau no ia i na poe kalaiaina, a i na poe kalai olelo nupepa, e hoopuka ana lakou i na manao a me na olelo e lilo ai ko oukou mau manao kupaa i mea helelei wale, a i mea pau wale, a pela aku; a ua hiki hoi ia lakou ke hoike aku i na mea hou oi ae wahi a lakou o ka pomaikai, aka, he mea nae i oi aku o ka poino loa mahope aku.

            Mamuli o na mea maa mau o ka manawa, ua alakaiia ka ka noonoo o kela a me keia mea, no ka pono oi loa aku o kona aina a o kona lahui hoi.

            He mea pono keia e nana pono ia me ke akahele loa, no ka mea, ina lilo ia mea, alaila, aole ou wahi kuleana i koe ma ia hope aku.

            Ke ike nei kakou i keia wa, eia na poe haole lauwili lolelua ke ike pono nei i ka hopena o ka lakou mea i hana ai.

            No keaha la? A heaha la ke kumu? Eia. ua ake nui keia poe haole i ka waiwai a me ka dala e loaa koke ae ana ia lakou, ma kela a me keia aina a lakau i noho ai.

            Nolaila, haalele ke kanaka Beritania i kona ano Beritania a haalele ka haole Amerika i kona ano Amerika, ka haole Geremania i kona ana Geremania, a lawe ae nei i ka hoohiki kupa Hawaii.

            A heaha ka hopena? Eia, hapalaia i ke ta a me ka hulumanu, ka haole Amerika i haalele i kona ano kupa Amerika ana, a ike i ka pilikia, holo hou aku nei e koi i ke Aupuni makua ana i haalele ai! e kokua iaia. A heaha la kana pane mai? Aole hiki ia'u ke kokua ia oe, e hele oe i na Aha Hookolokolo kuloko o Hawaii nei e hoopii ai no kou haaainoia!

            E nana e ka poe Hawaii i keia mau hoailona, a mai hoolike pela!

           

Ko Makou Hoomaopopo Aku.

 

            Mamuli o na mea e hoea mai nei mai na aina e mai, aia no he wa e hoea mai ai na mea pono e hana ia ai, i na pela ko ke Akua makemake.

            He olelo oiaio loa keia. "Ua lilo ka inaina o ke kanaka, i mea e hookoia ai ka makemake Akua.

            O ka manao o na kanaka a me na lahuikanaka a pau loa, o ko lakou makemake wale no ke hookola, aka, i ka hoea ana aku nae i ka hopena loa, aia hoi, he okoa loa ka mea i hookoia.

            Pela no ko makou hoomaopopo ana i keia wa, ina no e ulupuni ana ko ke ao e hana i na hana a lakou i manao ai, a iloko nae o ia mau manao ana, e loaa no ka hooko ia o ko Iehova makemake.

            Ke helu makehewa nei na mea a pau loa i na hua e hoea mai ana no na pono o keia mua aku. Aka, aole kakou i ike o ko wai helu ke hooko ia ana?

            Ua piha na aina i na ano lahui like ole hoole Akua, a puni waiwai a ma ia mea lawelaweia na hana aole no ka pono o na hoakanaka, aka, no ka pono waiwai no. Pomaikai ka aina e noho ana na keiki a ke Akua me lakou.

           

            Heaha la ke kumu Haohao o ke Kuokoa?

 

            Ma ke Kuokoa o Dekemaba 7 nei, ua ike iho makou i na olelo hoi hou, e hoakaka ana, na Haku George Paulet wale no ia hana hewa kaili ia Hawaii nei iloko o Feberuari 1843.

            Ua ike ke Kuokoa i kona pilikia, nolaila, ua hoao mai nei oia e alo ae, a e nihi mai, a puka laelae mai mawaho o kahi ana i komo ai, a paa kona kino holookoa.       

            Na ke Kuokoa no na ninau hoohuoi, a na KE ALOHA AINA i pane aku. A no ko ke Kuokoa ike, ua paa oia i ka hauhoa ia e kana ninau i hoopuka mai ai, nolaila keia alakai hou ana mai nei, e hoona ana i kahi e puka ai.

            E hoomanao iho o Kuokoa nana no ka ninau penei:

            I ke Aupuni no anei nona ke kanaka hewa e hoopii aku ai?

            O ka makou e olelo nei, aia o Kamehameha III., he alakai no keia manao kaulana, ua lawe aku i kana hoopii imua ponoi o Beritania, ke Aupuni nona ke kanaka hana hewa, oia o Haku Paulet.

            He mea ole ka hana hookahi ia, a me ka hana pualu ia o ka hana hewa, a he mea ole no hoi na mahelehele ana i na apana o ka hana hewa, mawaena o na mea he lehulehu, ke maopopo i ke kahua nui, kahi i kukuluia ai o ka hana hewa.

            Ua maopopo loa na mahele iloko o ka hana hewa, aole ia he mea pohihihi.

            Ma ka ninau i pili ia Hawaii nei, ua ikeia.

            1. No Amerika mai ke Kuhina John L. Stevens.

            2. Nana i ohumu pu me na poe hookahuli aupuni o Hawaii nei, a nana, mamuli o kana kauoha i lele mai ai na pualikoa o ka mokukaua Bosetona, a kokua ai i ka hana hewa hookahuli aupuni.

            Aole e hiki ke laweia mai he olelo hoike e olelo ana na Harirona a me kona Aha Kuhina i kauoha ia Stevens, e hana i ka hana hookahuli aupuni ma Hawaii nei.

            A oi loa aku hoi ka nele loa, ina paha ua kauoha mai o Cleveland ia Stevens e hana ia mea, no ka mea, ua hana e ia ka hookahuli aupuni i ka la 17 o Ianuari, 1893, he 46 la mamua ae o ko Peresidena Cleveland noho ana mai i Peresidena no Amerika Huipuia

            Alaila, nawai i kauoha ia Stevens e hana ia mea?

            Aole e hiki ia Kuokoa, ke olelo mai na Harrison! Aole no hoi ke pane mai na Cleveland!

            Alaila, na John L. Stevens iho no oia i hookomo iaia iho e huipu me ko Hawaii nei e hookahuli i ke Aupuni o ka Moiwahine Liliuokalani.

            Alaila, ua like a like loa keia John L. Stevens me kela Haku George Paulet. No ka mea, na laua iho no laua i hookikina iho, e hana i ka hana hewa anolike loa.

            He kaili i ke kuokoa a lawe ae i keia paeaina no beritania, ka ka Haku George Paulet i hana ai.

            He kaili aupuni no hoi ka Kuhina J. L. Stevens i hana ai, a kokua aku la e lilo no kona poe hoaloha i hui pu ai, a mahope noho hoomalu iho la maluna o lakou.

            Nolaila, ua koiia ka hoopono o ke Aupuni o Enelani, a ua laaa kana pane, e hoihoi hou ana i ke Aupuni ia Kamehameha III.

            Ua koi ia ka hoopono o ke Aupuni Amerika, a aneane 3 makahiki e piha ana, aole i hookoia ka hoopono e hana ia.

            Nolaila, he makehewa ka ninau hoonalonalo a ke Kuokoa no ka mea, ua hooko ia ka waiho like ana i na ano hoopii like loa a elua, imua o na aupuni o Beritania a me Amerika, nona na kanaka hana hewa elua, oia o Haku Paulet, a me Kuhina Stevens.

            Ua loaa ka pane o ka hoopono ia Kamehameha III a aole nae i loaa mai ia Liliuokalani ia kulana o ka hoopono.

            Nolaila, o ka olelo o ke Kuokoa, no na wehewehe ana i na apana hana hewa, he mea ole loa ia; no ka mea, ua lawa ka pane no ka hana hewa ano like loa no.

 

He Kupanaha Keia Noho Ana?

 

            Ma ko makou hoomaopopo ana i ke ano e noho ia nei o keia wa ke olelo ae nei makou: He kupanaha keia noho ana?

            He kupaianaha ma kona ano maoli iho no! Ma o kona kulana iho no. a ma o kona mau ano hana iho no. He okoa loa keia mai na au i hala loihi loa aku mamua.

            He okoa loa ae nei ma na ano a pau loa.

            He emi loa na Hawaii e noho hana Aupuni ana i keia wa. He oki loa na poe Hawaii ma na hana alanui. He ole loa iloko o na hana pili uapo. Ke hoemi loa ia aku nei iloko o ka oinana kiai-awa a Hale Dute. A ke emi nui nei ka noho ia ana o na hana e na Hawaii! No ke aha la? E loaa mau mai ana no na poe haole, e pani ai i na hakahaka ma ko lakou mau wahi.

            Aole he wa hou aku ma ia ano e hiki ai i na poe Hawaii e noho malaila, e like me mamua aole loa!

            E hoomanao i ka olelo a kekahi o na poe e noho nei ma ke kulana o keia aupuni i keia wa, alaila, e ike pono kakou i ke kupanaha loa o keia noho ana a kakou e koho nei.

            He aneane 3 makahiki i keia Ianuari ae o 1896. Ehia o na poe Hawaii maoli i hoohiki iho nei, i hoonoho ia ae nei maluna o kekahi o na oihana ano kiekie?

            E ku kakou a nana aku iloko o na oihana Lala o ke Aupuni! Aole loa hookahi! Aole loa!

            Eia ka makou e ike aku nei, ke hoemiia iho la ke kulana o kekahi poe Hawaii maoli ilalo loa, mai ko lakou kulana mua i ku ai, i ko lakou wa e noho ana i ka oihana, a i ka wa o ke Aupuni Moi.

            O ke koena aku na @-unreadable

lawe loa aku i ka @-uneadable

waiho@a na ka poe @-unreadable

kuai aku. A pau ka @-unreadable

hele na dala loaa no @-unreadable

ana o kela kanaka.

            Pehea? He $60 @-unreadable

i'a a paa loa i hooliloia @-unreadable

pule. Lawe na lilo @-unreadable

he $15, koe he $45 @-unreadable

Poaono, ua hoi keia @-unreadable

ke $45 a i ka wahine @-unreadable

aku, eia na wahi dala i @-unreadable

            Lawe na lilo i ka @-unreadable

Pake he $3.00, a no @-unreadable

lole no na keiki he $7.00 @-unreadable

ka makuakane he $5.00 @-unreadable

ka makuahine hoi he @-unreadable

huina lilo he $26, koe @-unreadable

i ka pule mua. Holo @-unreadable

i ka lawaia ma ka pule @-unreadable

aole lilo hou, koe nae @-unreadable

A pela no ma ia hope @-unreadable

            A hala he mau pule @- unreadable

lakou he puu dala nui @-unreadable

            He mea oiaio, o ka ika mau i ka hana he ia e pomaikai @;

 

            KA HOIKE A KE KUHINA @-unreadable

            Ma ka nupepa Star o @-unreadable

maba 5 nei, i ike ia @-unreadable

hoike piha a ke Kuhina @-unreadable

wai Samuel M. Damon @-unreadable

lawe mai nei makou mai @-unreadable

ahelu i hoike ia e pili ana @-unreadable

a penei na hoakaka ana.

 

Na Koena Helu

 

aie i Nov. 1st.

Helu o na koena Loaa

Nov. 1st

Huina koena i ka waihona Nov. 1 $

 

NA LOAA

 

Huina o na Loaa

 

            a pau ……………………………$170@-unreadable

Loaa mai no na

            Bona Aupuni                                     18@-unreadable

 

Huina o na loaa                                          $233@-unreadable

 

NA HOOLILO

 

Na hoolilo like

            ole …………………………… ..$161@-unreadable

Na lilo malala o

            ke kanawai aie                                 29@-unreadable

 

Huina o na hoo

            lilo………………………………$191@-unreadable

Na koena Helu

            Nov.30…………………………..     9@-unreadable

Na Koena Dala

            Loaa Nov. 30                                   33@-unreadable

 

Huina o na Lilo

            Nov. 30………………………… $238@-unreadable

 

NA AIE

 

Na Bona Aie e

            ku nei…………………………$2,987@-unreadable

Na Nota Keena

            Waiwai………………………..      65@-unreadable

Na Aie Dala Ha

            le Leta………………………..     715@-unreadable

 

Huina Aie……………………….      .$3,770@-unreadable

Lawe na koena

            dala hoaie…………………….      38@-unreadable

Huina koena aie

            Lahui…………………………$3,732@-unreadable