Ke Aloha Aina, Volume I, Number 30, 14 December 1895 — Page 7
| This text was transcribed by: | Mae Takeda |
| This work is dedicated to: | Awaiaulu |
KE ALOHA AINA, POAONO, DEKEMABA 14, 1895.
ohana a pau, e noho u aku me ka luuluu nona. Auwe! Aloha wale.
He makuahine maemae oia no ka home, he mikiala, he heahea, he hookipa, a he malama maemae i na puolo o na poe malihini e kipa mai ana ma ka hale.
Oia no hoi kekahi lala kamahele o ke Kula Sabati o Kalapana, a pela no hoi i na hana pono a pau o ka Ekalesia e hapaiila ana. Aka, ua waiho mai la oia na ko ke ao ia mau hana e hana aku Ua kuu kona luhi, ua hiolo na kaumaha a ua helelei na luuluu a me na auwe ana, a ua maha ma ke ao nani ma o Auwe! Aloha wale!
Owau no me ka luuluu,
J. M. Kauwila
Kaimu Puna Hawaii, Nov. 23, 1895.
He Moolelo
NO
ANADAREA,
A ME
TIDORA
A I OLEIA, NO
HIRALIA
KA UI NOHEA.
NA IPO ELUA I KE ALOHA HOOKAIII
MOKUNA XI
KA LOAA ANA O KA MOAKI NANA @ ALAI
MAWAENA O TIDORA ME ANADAREA.
Ano e Silaka, ina ua minamina oe i kou oia makamae, alaila e hai mai oe i ka'u mea e ninau aku ai, e ae ana anei oe e hai mai? wahi a Tidora.
Ua makaukau e pane aku, ina ua maopopo ia'u ia mea wahi a ka elemakule.
Ua ike anei oe, a i ole ua lohe mahi wale paha oe, no kekahi wahine e a ko haku i aloha ai mawaho ae o'u?
Kulou iho la ka elemakule ilalo a haupu ae la oia he hookahi no wahine ana i ike oia no ka ui Hilaria, aka no kona aloha iaia o hoomaewaewa e Tidora, nolaila, pane aku la oia:
E Tidora aohe a'u wahine i ike a i mawaho ae ou e hele mau nei ma ka home o kuu haku.
Mai hoike hoopanpuni mai e Silaka, ua maopopo ia'u eia he wahine okoa ke alai nei mawaena o maua me Anadarea, a i na aole oe e hoike mai ana i ka mea oiaio, alaila, e hookomo aku no au ia oe iloko o kela pahu umii kanaka a malaila oe e hoehaeha ia ai a hiki i ko'u make ana, pehea ua aloha anei o Anadarea i kekahi wahine?
Aole au i maopopo.
Kahea aku la oia me ka leo kakana o ka mea i piha i ka inaina: E Ebala e hookomo aku i keia elemakole iloko o ka holowaa umii kanaka, a na'u e hoehaeha aku iaia.
Hapai ia ae la o Silaka me kona mau kuli e naka haalulu ana, a hoo ia aku la iloko o ka holowaa, hopu aku la o Tikora i ka laau kaomi a paa iho la.
Ano e hai mai me ka oiaio, a i ole, e make no oe i keia manawa, ua aloha a nei ko haku i kekahi wahine?
Aole au i i ike, wahi a Salika me ka leo haalulu.
Kaomi iho la oia i ke kuau o ua holowaa la, ia wa i upiki ia ae ai o Silaka, a no ka nui o kona eha ua uwa ae la oia me ka leo nui.
Ae, ae, ua aloha paha oia ia oe, e hookuu ae ia'u mai loko ae o keia hoowaa.
Hookuu ae la oia i ke kaomi ana ke kuau o ka holowaa, a ninau aku la
Owai ka inoa o ua wahine la?
Aole i kamailio hou kuu haku me ia mahope o kona hui hou ana me oe.
Ia wa hohola ae la na helehelena hauoli maluna ona, a ninau aku la me ka leo olu waipahe:
E hahai mai owai ka inoa o ia wahina?
O Hilaria. E na lani e kala mai ia'u.
O Hilaria, ke kaikamahine anei a Rebino?
Ae oia no ka ui hookahi a'u i ike ole he lua ma keia ilihonua.
Pehea ka ui o kona mau helehelena ma kau hoohalike ea?
Aohe mea ma ka honua nei i like me ka ui o na anela paha o ka lani kona hoa like.
Na keia mau olelo kaena a ka elemakule i hoopiha iho iaia me ka lili nui no Hilaria.
Alaila, ua aloha o Anadarea iaia?
Aole, ua ano makemake no iaia mamua, aka, mahope o kona ike ana ia oe, ua hoohilahila aku oia iaia i kekahi kakahiaka ana i kipa mai ai ma ka home o kuu haku.
Pehea ka loihi o ko laua hui ana?
He ekolu paha makahiki ka loihi.
He hele mau anei oia e ike i ko ha ku?
Ae, me kona makuakane pu no nae oia e hele mau mai ai.
Ua manao no anei oe ua aloha loa no o Hilaria iaia?
Pela no ko'u manao.
A pehea hoi o Anadarea, ua aloha no anei oia iaia?
O ko'u manao no ia.
He mau mea anei kekahi a'u i lohe ole? E hoike mai, a i ole, e kau aku no au i ka hoopai maluna ou?
Aohe a'u mea i koe e hoike aku ai hookuu ae, no ka mea, ua hele au a eha.
Aole au e hookuu aku ana ia oe, aka, e hoopaa aku ana ia oe ma kekahi o na rumi pouli. E Ebala e lawe aku i keia elemakule e hoopaa ma kekahi rumi pouli i kupono iaia.
Aole anei oe e hookuu mai ana ia'u e hoi no ko maua home?
E noho malie oe, no ka mea, ua lak oe ua hoopakele au i kou ola. E Ebala e komo hou mai iloko nei ke paa aku oia.
Ia wa ike iho la o Tidora na ke kaikamahine ponoi no ka a Rebino, kona enemi. E lawe ani au i ke ola o Hila laria mai ka poho ponoi ae o ko'u mau no ka mea, ua hoao oia e kaili i ka'u mea i aloha ai mai ia'u aku.
Ua holopono aku nei anei kau apana hana?
Ae, wahi a Ebala.
Ua maopopo anei ia oe e Ebala ka home o Rebino, ka alihikaua nui i ho ala kipi iho nei i make?
Aole au i maopopo i kona home, aka e hoao no au e huli aku.
He kaikamahine kana, ua kamaaina anei oe iaia?
Aole, aka, ua ike lihi no nae au iaia.
Ua makemake au e hopu oe iaia me ka malu loa a lawe mai iaia imua o'u.
E hana me ka maalea loa i holopono ai kau hana.
Ae.
O Anadarea oia kana ipo, he kanaka kalaikii, e hoike hoopunipuni aku oe ma kona inoa i kii aku ai oe iaia.
Ae, e hooko no au i kou makemake i keia po.
MOKUNA XII.
KE ALOHA A ME KE ALOHA OLE.
Mahope o ka make ana o Rebino ua loaa koke mai la ka lohe ia Ipita, ua loaa ke kino make o Rebino e lana hele ana iloko o ka muliwai i kekahi poe kanaka lawaia.
A na ka pahi i kinohinohi ia me na pohaku kumkuai kiekie me na hoa ilona alii e kau ana maluna ona, i ho ike okoa mai no aohe mea e ae nana i hana i keia hana, aka, na Tidora no ia ka moiwahine i kanlana no ka limakoko ua lawe ia aku kona kino make no ka hale o kekahi alakai Hileneta malaila i loaa ai ka pahi ia Anadarea.
Ua hona iho o Ipita i keia nu hou manaonao i kona haku wahine opio, a i kona manawa e ninau aku i ka hoi ole mai o kona papa e hai mau aku ana oia eia no kona makuakane ke ola mai nei aia nae iloka o ke kulana kupilikii.
Ua hookaumaha ia oia no kona ma kuakane a me kana aloha, a o laua wa le no iloko o kona puuwai i na manawa a pau ana e kuko mau ana, e hiolo mau ana kona niau waimaka i kela a me keia manawa, me ka hiki ole ia @pi ta ke hoomama ae i ke kaumaha o ko na haku wahine.
Ia Hilaria no e noho me ka naau kaumaha ma kekahi ipuka aniani, e kali ana me ka uluhua no ka hele ole mai o Anadarea kana ipo i aloha ai e ike, ma keia po i hoouna ia mai ai o Ebala e imi iaia.
Ua lohe aku la o Hiralia i kekahi leo hawanawana, na puiwa koke ae la oia a lele koke ae la kona oili.
Owai kela? wahi a Hilaria i ninau aku ai.
Eia anei ia nei ia nei o Hilaria ke kaikamahine a Rebino? paa hou mai ai ka leo.
(Aole i pau)
I ka Poaha nei ka mokuahi Alameda i ku mai, a hala aku la no Kapalaki ko ia auina la no.
Ua hoi mai nei ma ka mokuahi Alameda o ka Poaha nei ka Loio Kuhina W. O. Kamika nie Keoki Wilikoki, mai ka Hema mai nei.
Eia ke hoolohe ia nei ka hihia o keia ma haole i hopu ia ai no ka ohumu kipi e Lunakanawai Perry.
I ka la 15 o keia mahina e ku mai ai ka moku kaua Amerika Balitimoa mai na kapakai mai o Kina.
Mahope iho o ka hora 8 p. m. o ka po Poakahi nei, oia no ka manawa i ku mai ai ka mokuahi Australia, mai Kapalakiko mai, no ka ino o ka moana kona kumu i ulolobi loa ai
Chas B. Dwight
KE KANAKA AKAMAI
Oia nei ka oi o ke kanaka Hawaii akamai a loea i ka hana ana, kukulu na, me ka plaina ana ma na a anui pili aoao o ke kapitala nei o Honolulu. Pela no ma na ano kukulu pohaku hale, pohaku kupapau etc.
E ike ia kakou Hawaii ke loaa ka oukou hana e haawi ae i kou oiwi o ka aina. E loaa mau no oia ia oukou ma Honolulu nei, a i ole, e waiho mai i ka oukou mau kauoha ma ke Keena o
"KE ALOHA AINA."
Ka Laauhoola a Kamalena.
He ni na poe kalepa i ike pono, o ko la kou mau hoa kuai mai, oia ko lakou mau hoaloha maikai loa, a ua Ioaa ka oluolu ma ka hoolako ana aku ia lakou me na waiwai maikai e loaa aku ana. Ma keia ke hoike aku nei makou ia Perry & Cameron, he mau mea hana laau akamai no Flushing Michigan. Ua olelo: Aole maua e mahaoi aku ana ma ka ho ke ana aku, i ka Laauhoola Kunu a Chamberlain i ko makou poe kuai mai, oia no ka Laau Kunu maikai loa a makou e kuai nei, a ua nui na poe i ola. Ke kuai ia nei ma kahi kuai laau o
Benson Smith & Co., Agena Nui, Honolulu, H. I.
Ka Laauhoola a Kamalena,
No ka eha ma ka umauma, e hoomau iho i apana lole me ka Chamberlain Pain Balm, a e kau iho malunao kahi e eha ana, a o kekahi e kau ma ke kua, ma waena o na poohiwi, oia ka mea e loaa ai ka oluolu ana. He nui loa ka waiwai o keia laau ma na mai i loaa ku eha mamuli o ke anu, a oia ke kumu e loaa ai i ka pnuemonia. Kuaila e
Benson Smith & Co., Agena Nui, Honolulu, H. I.
Ka Laauhoola a Kamalena.
Aole he kakaikahi na poe i heluhelu i ka mea a Robert Rowls o Hollansd, Va., olelo ai ma lalo iho nei, e hoomanao ae ana lakou i ko lakou ike maa ma ia ano ne: He la grippe ko'u i ka Hooilo aku nei, a ua ano nawaliwali loa ko'u kulana oia. Ua hoao nui au i kekahi mau laau, aole he wahi pono iki i loaa mai ia lakou mai, aia wale no e onou ia mai au e hoao i ka omole Laau Kunu a Kamalena. O ka omole mua; ua hoo kuu ia mai ia'u aole e hiki ia'u ke hana i ka'u hana, aka, i ka elua o na omole ua hoola mai oia ia'u. He 50 keneta o ka Omole e kuai ia nei ma kahi o
Benson Smith & Co., Agena Nui, ma Honolulu, H.I.
Ka Laauhoola a Kamalena.
He mea pahaohao like i na poe i loaa ia na mai lena ma ka naau, ka ike ana, he hiki pono loa ke hoolaia ma ka hoao ana i ka Chamberlain Colio me na Laau hoola no ka Hi Kolera, (Cholera Diarrhoee Remedy.) Ma na h@ ao pinepine ana, au pau ka loaa ana ia mau pilikia, ma ka hoao ana i keia laau, i ka wa mua o ka hookau ana iho o ka mai. He 25 a he 50 keneta no ka Omole e kuai ia nei e
Benson Smith & Co., Agena Nui, Honolulu, H. I.
PEPA HOONANI HALE.
A no mai nei i hiki mai ai na Pepa Hoonani Hale ano hou loa ma ka Hale Kuai o Waila ma, ma ke kihi o na alanui Papu me Moiwahine. He oluolu loa ke kumukuai no ka mea, he nani maoli no na Pepa o na ano waihooluu like ole.
E kipa nui ae, a e kuai makepono @ na Pepa i mea Hoonani no ko oukou mau home. WAILA MA. my 20 – 3 ms
Ka Mikini Humuhumu Kaulana Helu Ekahi a Singer.
O keia kekahi o na Mikini puahi holo loa ma na hana humuhumu lole i hookukuia ma ka Pea o Kikako, ma Ilinoi, a loaa ka Makana Helu 54 o ka Papa Ekahi o na Palapala Hookuleana.
No na ano hana a pau e pili ana i ka humuhumu o ka oi loa keia ano Mekini. Ka numu pihapiha, na lihilihi, na lole uhi hoonani hale a me ia mea aku ia mea aku. Aole he poloke mau o ka Mekini, a he paa a maikai loa no ka manawa loihi loa. E kipa mai a loaa no na Mekini Helu Ekahi no ko oukou Home.
KEENA OIHANA: Helu 113, Alani Betela, Honolulu.
B. Bergersen.
dec 2--tf