Ke Aloha Aina, Volume II, Number 8, 22 February 1896 — Page 6
| This text was transcribed by: | Paulette Pullar |
| This work is dedicated to: | Awaiaulu |
KE ALOHA AINA
KE ALOHA AINA, POAONO, FEBERUARI 22, 1896.
Na Palapapa
Aole e ili maluna o makou ke koikoi o no ahewa ana no keia mau manao i hoopukaia malalo o keia poo, aka, e ili no ia maluna a na poe na lakou i kakau mai.
Mai ka Bana Lahui Hawaii Mai.
Pittsburg, Pennsylvania,
Ianuari, 27, 1896.
I kuu ALOHA AINA OIAIO,
Aloha oe:-
Ke hoo@a aku nei au ia oe i keia eia me ka lono hauoli mai ko ke Akua lokomaikai mai. Oiai hoi, ma kela leta mua aku nei a'u ia oe, ua piha i na manao ehaeha i hana ia mai maluna o makou e ko makou hoaloha a io ponoi hoi mai ka lahui hookahi.
A, aia paha oia i Honolulu i keia la a'u e leta aku nei ia oe. A ke noho la paha me ka hauoli imua o kona ohana, eia hoi makou ke noho nei me na haawina kupilikii a kona uhane aloha ole i hana iho nei na makou malihini e auamo.
Aka, e kuu Aloha Aina Oiaio, e oluolu hoi oe e hai aku i kuu lahui oiwi ponoi, @a nui ko ke Akua aloha ia makou, a e like no me ka nui o na hoopilikia ana no makou, pela no ka nui o ko ke Akua aloha ia makou.
Ua loaa ka makou mau ohe hou, mai ka mea hanohano mai, C. G. Co@, o Elkhart, Worcester, Mass.. Ua loaa keia mau ohe ia makou i ka la 22 o Ianuari, ma ke kulanakauhale o Greensburg, mokuaina o Pensylvania, i hoao ai makou i kona hanohano, a @ na hoi he $1200.
He mau ohe dala o ka helu ekahi, a he kulana o ka hanohano oi kelakela ke hoea aku makou i ka aina hanau me keia mau ohe ho@.
Nani @ A kiekie palena ole ko ke Akua lokomaikai ia makou, aole wale no ka makou mau hana maikai ana, aka no Kona aloha wale, he oiao, aole no i kaawale aku na aweawea o ka hoopilikia wale ia mai maluna o makou i keia mau la, oiai no na opu ino i kuko ino ia, a i lia nui ia hoi e hoohiolo i ko makou lokahi pu ana ma ka hana no ka hanohano o kuu aina hanau a me kuu lahui aloha.
A oiai, makou e auamo pu ana me ka manao lokahi no ka hana a makou i hele mai ai me ka hoomanawanui ana hoi i na ehaeha a pau e halawai mai ana me makou, me ka moe ana iloko o na halekeaka me ka hoomanawanui o ke ao ae o ka po, iloko o na kipona a ke anuanu e houhou ana i na wahi kapuai wawae a me na wahi manamana lima.
Me keia haawina kupilikii a makou e auamo nei, ua kulu iho la ko'u waimaka no ka hoomanao ana ae i ko'u home a me ka'u wahine aloha. Ka home a'u i ike ole ai i ke kaniuhu a me ke kaumaha.
Aka, mamuli o na hana aloha ole i hana ia mai maluna o makou e ko makou hoaloha, pela i halawai ai makou me keia mau haawina kupilikii.
A e like me ka'u i hoike mua ae nei ia oe no ko makou @p@ia e hoohiolo e ka opu aloha ole o kahi keiki a Kale Wilikini a me ka hoahanau mua o ka pepehi lahui, pela au e hoike aku nei i ka oiao o keia ia oe e like me ka laua leta, pakahi penei:
Chicago, Ian. 9, 1896.
Ia Cain D. Wiliokai,
Aloha kaua:-
Ua loaa ka hana a Major Kealakai i ka "Park Theater." A ina makemake ia oe e hele mai me Dan Kaleikoa, Palikapu, Zakalia a me Kalani kakau koke mai oe, and I will hoouna i Tickets na oukou, I can get $15.00 no ka pule hookahi, Joe one man. Pane koke mai oe ia nei.
Owau iho no kou hoaloha iloko o ka hoomanao,
J. H. Wilson, Chicago, Ian. 10, 1896.
Ia Cain D. Wiliokai,
Aloha oe:-
E hai aku oe i na keiki o ke Quintette Club, ua makaukau ka hana na lakou, no na dala mahuahua o ka pule, ua makemake wale ia no i eha keiki, a o oe no hoi a lima; ua loaa na tickets o oukou, a i hakalia wale no ia oukou, e hana oe i keia me ka malu loa, a mai hoike wale aku i ka nui o na keiki.
Owau no,
L. JAMES AYLETT.
Ke kaikuaana o ka pepehi lahui Hawaii, me kela mau leta maluna ae i hoea mai imua o makou, me na manao hoowalewale o ke diabolo, a i hoikeia aku no hoi imua o nei poe i makemake ia, ua hoole lakou a pau me ka manao lokahi.
Oiai nae, ina lakou e ae ana i kela manao i kono ia mai la ia lakou, aohe mea nana e alalai, a he hooko ana no hoi ia o ka manao opu ino e hoohiolo i ko makou lokahi pu ana, a e auwana ana ke koena iho o na keiki e imi i kahi e loaa mai ai o ke ola o keia aina malihini, ke ko ka manao o kela mau leta.
Aka, aole pela ko ke Akua lokomaikai, e hookuu wale ia makou e auana malihini ma keia aina makamaka ole. A oia no hoi ka waiwai o ka oukou mau leo pule i ke Akua no makou, a'u no e noi pinepine aku nei ia oukou e kuu lahui aloha, no ka oukou mau leo pule no makou, a pela no auanei ke Akua e alakai ai ia makou, a hui hou no kakou i ka aina hanau, a e honi hoi i na ea oluolu o kona mau kualono.
A e kuu ALOHA AINA oiaio, i keia wa a'u e kakau nei ia oe i keia leta, eia me makou kekahi aelike hoopaa no eono mahina, e hoomaka ana i ka la mua o Mei ae nei a e pau ana i ka la hope o Okatoba ma Kikako.
Ua waiho ia mai ia makou e noonoo, aole no hoi makou i pulale koke aku i ka ae i keia manawa.
O ke ano nui o ka aelike, he elua manawa hana o ka la, a he elua hora o ka hana hookahi ana, a ia lakou ka uku ana i ko makou Hotele e moe ai, a e ai ai, a he umikumamalima dala ka uku o ka mea hookahi o ka pule.
Aole nae makou i ae koke aku i keia hoopaa aelike i keia manawa, a oiai hoi, malia o loaa hou mai he aelike hou i oi ae i keia, aka, na ke au o ka manawa e hoike hou aku ia oe.
O na wahi paiki lole o makou i paa ia ai no ka hoopii, ai@ a J. H. Wilson, ia makou i Cleveland, Ohio, ua uku aku makou i ka Aha, a ua loaa hou mai ia makou i keia wa, a o kekahi mau aahu kumukuai nui o kahi mau ke ki o makou, ua nalowale, a ua manao wale ia, aia no i kahi o keia mau inoa e hoike a aku la. Mekia Kealakai, J. Aylett, George Cooper, White House a me J. H. Wilson.
O keia poe inoa e hoike ia aku la, o lakou kai noho pu aku me na paiki o makou iloko o ke kaa, Cleveland, Ohio a hele mai la makou ma na kulanakauhale like ole me kahi kapa hookahi i ka ili, e malama ana i ka hana no ka hanohano o ka aina, a me ka lahui aloha o Hawaii.
Me ia wahi aahu hookahi i ka ili ka hoomanawanui ana iloko o na pule elima, a hiki i ka loaa ana mai la o ko makou wahi paiki lole, a pehea la ka hiki ia'u ke hoike aku ia oe i ka nui o ka lepo o ko makou wahi aahu, me na ea polopolena i ka ihu ke honi iho, aka, ua hala hoi ia.
O ke kaa moe hoi o makou i hoopii ia ai no ko makou ai@, aia i Kikako, a mamuli o ka loaa hou ana ia makou he mau haneri dala, ua hoouna hou makou i kekahi haole i Kikako, no ke kii ana i ua kaa la, a me na ohe pu hoi a W. Aylett a me ka lahui i lulu ai me ka lakou mau dala ponoi.
I ka hiki ana o keia haole ilaila, ua kukai olelo iho la oia me L. James Aylett, no na ohe, no ka hoolimalima o umi dala o ka pule, me ko James Aylett hele pu ana me makou.
Ua ae mai la oia, a ua hana ia iho la na ohe iloko o ka pahu a paa, a ua lawe ia i ke Depot, no ka lawe ana mai a loaa makou i kekahi City o ka mokuaina o Penslyvania.
Ua uku aku ka haole ia James Aylett he umi dala ia manawa, a ua kuai no hoi i tikiki nona e holo mai ai, a ua makaukau na mea a pau.
He elima minute i koe holo mai ke kaa ahi, ua hopu ia iho la ka haole a me James Aylett a hoopaa ia aku la i ka halepaahao ma ke kauoha a J. H. Wilson, no ka lawe kuleana ole i kela mau ohe.
A oiai hoi, he palapala ka kekahi mai ka lunakanawai mai o Cleveland e hoomana ana iaia oia ka mana malama i kela mau ohe a ka lahui i lulu ai, a pela iho la i hoi nele mai ai ko makou haole a nele pu no hoi me ke kaa o makou.
Ua loaa ka makouohe hou, he mea maopopo e pau io ana kela mau ohe i ke kukala ia e like no me ka'u leta mua aku nei ia oe, no na dala malalo mai o elua haneri.
O ko makou kaa i keia manawa aole i like loa me kela kaa mua o makou, aka, e aho nae ia no ka hoomanawanui ana i keia manawa, he hookahi mahin anu ino loa i koe o Feberuari, a oiai no hoi ko makou, hana e hele mau ana i kela a me keia kulanakauhale, o ka po ke moe ia a ao ae no kau maluna o ke kaa ahi no ia kulanakauhale hou aku. Pela iho la makou e alo nei i ke anu o Amerika nei iloko o ka hoomanawanui a me ke aloha o ke Akua.
E noho paa ana makou i ke kulanakauhale o Pittsburg, Pensylvania, he elua pule maopopo no ka uku paa o $1800, a ina e holopono ana ka makou hana ilaila, alaila, e piha ana ia makou ka mahina hookahi ilaila, e hoomaka ana i ka la 27 o Ianuari.
O ka makou hana nae, aia iloko o kekahi hale i hoomakaukau i ano na kane a me na wahine i paulehia i ka holohau ana, a na makou e puhi i na mele Polka a me Waltz no ko lakou hanohano ma ka hula ana ma ka hau pahee. O ka heluna nui o na poe i komo iloko o keia holo hau ana i ka manawa hookahi he ewalu haneri a oi.
A ma keia wahi e kuu ALOHA AINA OIAIO, aohe a'u mea @ kaena ae ai o ke aloha wale no o ke Akua ia makou, ina ua lilo wale makou i poe auwana wale ma keia aina malihini.
A i ka hoopau ana i keia, e hoopua iki wale ae no oe ia W. Aylett, ke lei nei au i ka hanohano o ka ohe gula i keia wa (gold comet).
A ke alakai pu nei no hoi i ka @ana i kekahi mau Hale Opera a makou i pani ai, oiai ka makou kumu ua hele aku i kekahi kulanakauhale ok@a i kekahi manawa.
He hanohano nui hoi a'u i upu ole ai e alakai imua o na tausani makaikai e ike mai ana, aka, ua hana iho la no me ka lokahi o ka manao no ka hanohano o ka aina a me kuu lahui. A ina ua kiekie loa keia hapai ana ae la pela, e oluolu no e kala mai.
HE MELE HOOMAIKAI I NA MANA LANI.
O na Kahikola kuu kokua,
Kuu paku ia kuu alakai
Hu puuhonua no ka wa poino,
He hoopakele no ka wa pilikia,
Na hana alunu he aloha ole,
Opu ino he makee waiwai,
Na ke aloha la i hanai mai,
O kuu la maka poniuniu,
E hoomanawanui ana i ke anu,
Me ka aahu hookahi i ka ili,
Me ka waimaka helelei i ke ala,
E imi ana i ka pono o ke kino,
A hala ae nei kipona anu,
A ka hau anu la e ko mai nei,
I anei au la i haupu ae ai,
I ka uluwehi o kuu aina,
Na kualono uliuli lipolipo,
Na kihene wai koieie,
Na kai lelehune i ka pue one,
Na ea oluolu waianuhea,
Me kuuhome e lualai ai,
Home a maua me kuu aloha,
Ko leo ka'u e malama nei,
Ko ka ua ana mai mai hele oe,
E imi i ka pono o ka aina,
A ka lahui la e kau nui nei,
O ka pono ka ia e maliu ia,
Ko leo walohia e kuu aloha,
Ole hoi e hihi ua puni au,
Punihei i ka pele he oiaio,
Na ka ike kumaka ana i ka hana,
A ua hoaluhi he aloha ole,
Hoa paahana pu o ka oihana,
Mai ka aina hanau hookahi mai,
Hoa hele, hoa noho, hoa kaana,
Onei aina makamaka ole,
E ole ke aloha la o na Lani,
Hala ae ia puu make mahope,
I lohe oukou e ka lahui,
I ka lono hoehaeha puuwai,
E ola o Hawaii nui o Keawe,
A kau i ke 'ao malamalama,
Haina ia mai ana ka puana,
Na opuu rose a ka Lahui,
Hakuia ma ke kulanakauhale o Pittsburg, Pensylvania.
SAMUEL K. KAMAKAIA.
HE PALAPALA HOALOHALOHA
"Aole o kakou kulanakauhale e mau ana ma keia ao, a ke waiho nei no he wahi maha na ko ke Akua poe kanaka."
Ia Rev. Samuel Kapu a me na keiki makuahine ole,
Walohia wale:-
Oiai, ua hiki mai ka lono kaumaha i o makou nei, ua oluolu i ka Makua Mana Loa, a mamuli hoi o ke kupanaha o Kana mau hana, ua lawe aku Oia i ka hanu makamae o kau wahine a makuahine i aloha nui ia, Mrs. Lidia Kapu, a ua wehe mai la i ka pili aloha ana mawaena o oukou ma ko oukou Home ma Wailuku i ka la 26 o Ianuari 1896, a
Oiai, o Mrs. Lidia Kapu, he hoahanau aloha ia no ka Ekalesia makua o Haili, a he hoa hoi no ka "Papa Himeni" i na wa i hala aku a he mea hooikaika pu i na hana pono iloko o keia Ekalesia i na makahiki i @ aku la, he kaikamahine kupa hoi no ka aina nona ka olelo ana:
"Po okoa Hilo poluluhi i ka ua,
He la ua no Hilo a po ka la,
He ua huki heenehu na@ ka lawaia."
Oiai, he wahine i aloha nu@ia o Mrs. Lidia Kapu, he haahaa a akahai kona ano, a na kana mau nana mai@ aku i ka manao i ka poe i ke@ mahalo a e hilinai hoi i kona @ kai io, a
Oiai, o kona ha@ ana @ a me kana mau keiki aloha @ maluna ou a me na keiki @ ole, na haawe kaumaha o ka @ me ka ehaeha ku@akena, a k@ la oe i na uka @a lihaliha o @ wahine. Ae @
"Aloha ka wahine,
Ka hoa pili o ka po anu,
Ke kokoolua oia wahi,
E pili ai i ka ua a ka Mala@
Po okoa i ka noe luna o @
Ala au kani aahia i ko aloha @
Ke hele ala oe e a,
Hele oe noho au."
U i ke aloha me na keiki @ nolaila;
E HOOHOLOIA: O makou o@lesia o Haili ma o ko makou @ mite la, ke ko@ pu aku nei @ me oe, a me na keiki makuahine @ ma ka u pu ana, ke komakena @ ka mea i hala aku, a nolaila.
E HOOHOLOIA: Ke uwalo a@ nei ka makou mau leo pule i@ Makua Nui Lokomaikai, e hoo@ mai i ko oukou mau @, na @ a me na kaumaha. A ke pule pu @ hoi makou, e haawi mai ka P@ oukou i na manaol@na maikai, @ loko mai o kona ola maikai ana, @ he mau haawina a o maikai @ kane i hoo@ele ia i ka wahine @ na keiki hoi i hoo@ele a i ka @ ne aloha: "Aole oia i nalowale @ ua hala e manina i ka Home @ noonoo." a nolaila;
E HOOHOLOIA: E hoopaa @ Olelo Hoaloha oha ma ka Buke @ lelo o keia Ekalesia, a e hoouna kahi kope, o keia Olelo Hoaloha @ ka ohana, a e hoouna pu hoi i @ mau nupepa ma Honolulu.
O makou iho n@ o ka E@ Haili ma o ko makou mau Ko@
STEPHEN I. DESHA,
MRS. MARY BROWN,
MRS. PUALINUI CONWAY,
KALILIKANE,
MRS. K. EWALIKO,
D. M. KUALII.
MAKE I ALOHA NUI IA.
Ma ke ahiahi o ka la o o Feb@ ua pauaho mai la i keia ola ana o @ G. W. Kahuaina, a hoi aku la @ ubane me ka mea nana oia i hana, @ hanau ia oia ma Kaumaha; H@ 7 o a oi makahiki i hala ae nei. @ kamaaina oia i na poe a pau, e @ ana ma Hilo, Hawaii, he oluolu i @ heahea hoi oia i na p@ o p@ aku ana ma kona home. He @ aina oiaio oia, a maluna oia ka@ i paa ai a hiki i kona hala ana aku@ auwe aloha wale oia. Ua haalele @ oia he mau kaikamahine, na mo@ a me ka ohana e paiauma aku @ na mahope nei. Ua pau, ua @ kuu aku la kona luhi, aka, o ka@ hana maikai, i hana mai ai i ko@ oia ana, eia no ia ke hoomanao i@ e kona mau makamaka he leh@ wale a me ka ohana. A @ la hoi ia keiki kupa @ Kanakana@ me ke aloha nui ia.
Ke komo pu aku nei makou @ ohana iloko o ka auana ana in@ luu a me na kaumaha @ ka mea @ aku, a ke nonoi ae nei hoi i ka @ Kiekie Loa, e hooluolu mai i @ kou mau kaumaha.
He mau wahi la Pamal@ loa @ ke kulanakauhale nei.