Ke Aloha Aina, Volume II, Number 29, 18 July 1896 — Page 1
| This text was transcribed by: | Francene H Aarona |
| This work is dedicated to: | To all small churches who persevere to keep their doors open and provide a place to worship. |
KE ALOHA AINA
JOSEPH NAWAHI LUNAHOOPUKA A PUUKU
UA MAU KE EA O KA AINA I KA PONO
EDWARD L. LIKE HOPE PUUKU.
HOOKUMUIA I MEI 20, 1895
BUKE II. HONOLULU, POAONO, IULAI 18, 1896. HELU 29
KE ALOHA AINA
@puka @ipau ia aku ana mai ka @Poakahi a ka Poalima o na @p a pau a kela me keia maluna.
@Uk@ Pepa, he 20 @keneta o ka pule. No ke kope hookahi, he 5 @
@ loaa no ka pepa mai ke Keena aku o KE ALOHA AINA, a mau ka @aina aku o na Luna Lawe Pepa.
@ a no na Olelo Hoolana, na Kanikau me na Mele-Inoa, me ke Dala kuike. Aole nupepa ma ka @ pakahi e hoounaia ke ole e hookaa mua ia ka uku pepa.
@Hoouna pololei mai i na Nunou na Kumumanao, na Olelo Hoola @, na Kanikau a @hoouna Mele Inoa i ka Lunahooponopono o keia Pepa.
@He loa e hoopukaia a hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kona inoa ponoi.
Ka Nupepa Puka Pule
KE - ALOHA - AINA
Hookahi Makahiki. . . . . . . . . .$ 2 00
Eono Mahina. . . . . . . . . . . . . . . 1 00
Ekolu mahina. . . . . . . . . . . . . . . 50
Hookahi Mahina. . . . . . . . . . . . 20
JOSEPH NAWAHI
Lunahooponopono a Puuku o
KE - ALOHA - AINA
EDWARD L. LIKE Hope Puuku.
@ na kauoha Nupepa me na hookaa Dala, e hoouna pololei mai i ka Lunahooponopono ma Honolulu
KEENA HANA: Aia ma ke Keena Loio o Joseph Nawahi, maluna o ka Hale Uinihapa o Mr. Damon, ma ke kihi o na Alanui Moi me Betela ma Honolulu.
NUHOU KUWAHO
---
Ma ke ku ana mai o ka kuahi Gaelic ma ka auwina o ka Poaha, Iulai 9, ua loaa @ na mea hou a hiki i ka la Iulai nei. A no ka pomai- @o ko makou poe heluhelu, @aila, ke pahola aku nei ma a i na mea hou malalo iho penei :
LI HUNG CHANG.
O keia ka Pake Kuhina Nui Kina, a he Pake waiwai loa, no oia ma Europa kahi i ohala manawa ai, a penei olelo a ka nupepa nona : Berlin, Iune 27 :
Ua nana ia iho nei ka puniu poo o Li Hung Chang ma ka mea hoolele malamalama @X a Rongten he 20 minute, a o ka poka ona i kiia ai ma Iapana, aia no ia iloko o kona poo malalo iho o kona maka. Aole oia i manao e hoohemo i keia wa, a e kali ana oia aia a hiki aku ma Parisa, ilaila e wehe ia ai.
HOAOIA E LAWE I KE OLA O KA MOI HOU O PERESIA.
@Litlis, Iune 27. Ua hoikeia mai ua hoao ia e lawe i ke ola o ke Shah ( Moi ) ma Teheran.
O ka hoao ana e hooko ua holopono ole, a ua hopuia ka mea nana i hoao e powa ma kahi ana e ku ana. Ua hoike ae oia he lala oia no ka Hui Malu Babe Mohamedan.
KA HAUOLE O NA LOAA O AMERIKA HUIPUIA.
Wasinetona, Iulai 1. O ka hoike hoohalikelike o na loaa a me na hoolilo o ke Keena Waiwai i keia la, ua hoike mai ia i na loaa a pau loa mai na lala mai o na oihana loaa i ka makahiki i hala ae nei, he $ 326,180,226, a o na hoolilo hoi he $ 26,042,244.
Aia hoi he puu dala pakui no Iune $ 2,349,430, a he mau puu huahelu i manaoia no Iulai, e loaa ka huina o $ 10,000,000, a he nui aku no.
O ka haawina $ 5,000,000 no ka hoohoihoi kanu ko ana, eia no ia ke waiho nei, a ua manao ia e pau loa ana na koina a ia poe i ka ukuia mamua o ka pau ana o ka mahina.
Oiai, iloko o Iulai, o ka uku ana no na ukupanee, a no na uku hoomau, a me na uku no na puali aumoku kaua, ua oi nui loa aku ia, nolaila, o ka loaa o ka mahina, ua hoemiia he $ 10,000,000, oi aku a emi mai paha. O keia ma ʻ i mea na hoike no ka maikai ole o ke kulana waiwai o Amerika.
O na loaa mai na auhau aupuni mai i ka makahiki i hala iho la, he $ 146,503,246, kokoke he $ 11,300,000 ka emi iho mamua o ka mea a ke Kuhina Waiwai i koho ai.
O na loaa Hale Dute he $ 160,534,351, he $ 11,465,649 ke emi iho i ko ka mea i kohoia.
O na loaa a pau no ka makahiki holookoa ua oi aku ia he $ 12,800,000 mamua o ko ka 1895. Ua oi aku ko na Hale Dute he $ 8,250,000. O na loaa aupuni ua oi aku he $ 3,000,000, a o na loaa e ae mai na wahi okoa mai, ka mea nana i hoopiha aku i ke koena.
O na uku hoomau i ka makahiki i hala, he $ 130,434,046, he hoemi ana iho ia ia $ 2,000,000, mai ko ka makahiki i hala aku.
O na ukupanee i ka makahiki, ua oi ae ia he $ 4,250,000.
HE MA ʻ I PUUPUU LIILII MA CUBA.
wasinetona, Iune 29. He hoike pili oihana kai loaa mai ia Kauka Wyman o ka Halemai Marina, mai Santiago de Cuba mai o Iune 13, e olelo ana. Ua loaa i ka Lunanana Amerika he 1000 poe ma ʻ i puupuu liilii, maia kulanakauhale. Ke pahola la ka ma ʻ i fiva lenalena ma na wahi a pau o ka mokupuni holookoa.
KE MAKAU LA KO BULUWAYO.
Nu Ioka, Iulai 1. Ua hoike mai ka uwea olelo o ka World mai Cape Town mai, e olelo ana penei. Ke hoomauia la na pepehi hoomainoino ana a na poe Matabele. Ua hoohui ae la na poe Alii ikaika e kue mai. O ka lele kaua ana mai maluna o Buluwayo ke koho wale ia aku nei i keia mahina piha ae, Iulai 10. O na lako-ai malaila, ua uuku loa. O na poe koa kai wawae ua haalele iho la ia anei nei no Matabeland.
Ua hoike ae o Kuhina Nui Sprigg i ke ala like ana mai o na kamaaina e kue.
KA LEPERA MA PARISA.
---
UA LOAA IA KA MEA E HOOLA AI I KA MA ʻ I,
Ladana, Iulai 1. O ka loaa ia ana o kekahi ma ʻ i lepera auana home ole ma ke alanui o Parisa, ua hoomaopopoia mai no ia he aneane 100 poe auana poino i loaa i keia ma ʻ i mawaena o na poe ilihune loa ma na kulanakauhale nui o Farani.
Ua palua ia mai ka lono no keia mea, ua hoea mai la kekahi mea e hooiaio maoli ana, he hoike i ka Academy of Science ( ke kula nui a ʻ o ike ) inehinei na Kauka Ouffe, ua loaa maoli iaia ka mea e hoola maoli ai i na ma ʻ i lepera inoino loa.
Ua halawai mai oia me kekahi hookuiia, me na kumu i hoohana mau ia mamuli o ke kokua ana i ka hookomo ana i na laau iloko o ka ogena o ka mea ma ʻ i, ma na ano ma ʻ i eczema a psoriasis.
Ua loaa i ke kauka he mea e hoola hou ae ai i na aa maloo oni ole o ke kanaka mamua, a e hooikaika ae ai me ka pupuahulu ole, a pela i loaa ai iaia ka lanakila ana. Ke lawelawe nei oia ma ke ano lapaau ano hou loa, a me ka mea pili i ke koko o na ma ʻ i lepera, a ua holopono loa ma na mea a pau loa, a me ka huli ana i na anoano o keia ma ʻ i, ka mea i loaa ole ma na wahi a pau loa make ao nei.
NA IAPANA NO BERAZILA.
Victoria, B. B., Iulai 1. He kuikahi ke kukaia nei mawaena o Iapana a me Berazila, no ka hoouna ana aku i 20,000 poe limahana Iapana no na mahina kope o laila, e uku ia ana lakou he £ 1 10s., no ka mahina, ua like ia me $ 6.66 no ka mahina, me na loko noho ana, no 5 makahiki e kepa ai.
KOKUAIA KA POE O CRETE.
---
UA KOKUA O HELENE I NA POE CRETE.
Athens, Iulai 1. O ka oi aku o na hana ohohia nuiia, ua hoike maoli ia mai ia maanei nei, mamuli o ke kue ana o na Luna Aupuni i ka halawai akea ana o na makaainana, e hoole ana i ka ae ana mai e loaa ke kuokoa ma ka olelo ana, a ma ka akoakoa maoli ana ae.
He nui ka hauoli no ke kukala ana ae i ke Aupuni hou ma o na poe hookahuli aupuni ala, i akoakoa ae ma Vamosa, e hoakaka ana i na kanaka e hoouna i mau elele no ka lahui, e kukula i aupuni no na kamaaina. O keia kumuhana, he mea hoouluhua loa kela i ka Aha Kuhina o Tureke. He elua mau mokuahi e lawe mai ana i na lako kaua na lakou.
KA PERESIDENA HOU O CHILE
---
UA KOHO LOKAHIIA OIA E KA AOAO LIBERALA.
Wasinetona, Iune 29. Frederio Errajuriz, ka mea i koho ia mai nei i Peresidena no Chile, ua waihoia mai kona inoa e ka aoao Liberala, e kue ana i ka ʻ aoao Liberala, e kue ana i ka ʻ aoao o Balamaceda. Ua hanauia oia i ka 1849. O kona makuakane he Peresidena ia mamua no Chile, malalo o ko
Balamaceda au, he Kuhina Kaua oia. I keia wa, he Senetoa oia, a lilo ae la i Peresidena.
---
Ma ka Poakahi nei, i ku mai ai kamokuahi Kina mai Kina a me Iapana mai.
Mawaena o na hui Kamehameha a me ka " First Regiment " ka paani popo o keia Poaono ma ka pa paani " popo o Makiki.
He $ 70 ka huina nui i lilo aku i ke kolohe mai ka Hotele Hawaii aku, a eia ke hanu ia nei ka meheu o ke kolohe.
Ma ka Poakahi nei ua loaa iho, la kekahi ulia poino ia William, he paele, mamuli o kona haule ana iloko o ka lua waiho nanahu o ka mokuahi China ua lawe ia aku oia no ka haukipila.
O na poe keiki i hopuia ai no ka aihue i ke keleawe o ka moku Kaimiloa, he elua o lakou i hoopaiia, o @lope ka mea koikoi loa o ka hoopai, he elua makahiki hana paahau, a o kekahi @poe keiki, ua @hookuu ʻ ia aku lakou me ko lakou a ʻ o pu ia aku.
Mawaena o Kohe a me Yokohama ua loaa iho la kekahi ohua o ka mokuahi China i ka ma ʻ i @samela poki, a na hoolele ia aku ia i Yokohama, he 13 la mamua o kona hoea @lana mai i @ awa, aole hoi he mea i loaa hou ia @nae ma ʻ i hiki wale i kona ku ana mai i anei nei.