Ke Aloha Aina, Volume II, Number 37, 12 September 1896 — Page 3

KE ALOHA AINA

 

POAONA, SEPATEMABA 13, 1896.

@uhou Hope Loa.

PEPEHI IA ANA O BILL DOOLIN

Oui@ O.T., Aug. 25.  O @ Nui o ke Aupuni @ Amerika Huipuia Thomas a @ kena Hope, us pepehi ia e @ a make loa o Bill Doolin, @ mea haihai kanawai, ma ka @ kaka maoli ana, ma kahi ko@  @ke i Clayton, Payne, i ka po @ @i. Ua hoeaha ia ka Hope Ila@ @uku. O Doolin, ua mahuka @ oia mai ka halepaahao hoo@ @a wehaia mai o ka lehulehu @ @a ia 4 o lulai.

  

@KI OIAIO NO KE KIPOKA @IA ANA O ZANZIBAR.

Zanzibar , Aug. 27.      O ka @ o ke Suletana o Zanzibar @ ua kipoka ia mai i keia @kahiaka, a me ke awakea ana @ ike ia, he popo ahi e hoo@  aia malama ana i ke kulana @.

 O ke alii nui, Said Khalid, a @ kona alihikaua nui, Said @ale, ua mahuka aku laua no @ hoopakele ana i ko laua ola, @a kahi o ke Kanikela Gere@ @nia no ka hoomalu ia mala@  o ka hae Geremania.

  Ua hoouna ia ae he telga@ @pa i ka Associated Press, e @ @ike ana, o Real-Adimarala @ Rawson, C.B., ka mea @ ana nui, ma ka Lae o Manao@ @na Maikai, a me na kapakai @ hana o Aferika, a me ke @ Kenerala Pelekane@ Harding, mahope @ malama ia ana he kuk@ ka la inehinei, ma @ ke ana aku ma ke telegarapa i ke aupuni o Beritania @ o Said Khalid, ua kaili ae @ i ka halealii, a kuahaua ae @ iaia iho i Suletana, ma o ka @ake ana la o ke Suletana opio @ Hamed Bin Thwain Bin Said, @ma o ka hanai ia ana ia me ka @ maopopo loa i ka laau make, ma @ kona kukulu ana he pakaua e @iki ai ke kue mai me ka hoole @ana aole e haawi pio mai.

  Aia me Said Khalid na ka @ak koa o 2,500 i lako me na @ mea kaua, a ua ao hoi i ka oiha@ koa, e komo pu ana hoi me @ 00 poe Askari, he poe ua ao @a malalo o ko Beritania oihana @ kaua he lehulehu wale o na @oka a me na pukuniahi a me @a mea kaua e ae.

  A aia no hoi malalo o ko na @ Beritania aoao na pukuniahi i @ hiki ke hoolele koke ia  iuka o  ka aina, na pukaupoohiwi, na @poka he lehulehu wale, mai na mokukaua mai o ka moku lawe hae o ka Real-Admiral, oia no @o Kini Keoki, na mokukaua o ka papa ekolu Philomel a me Racoon, na mokukaua o ka pa@ pa ekahi, ka Sparrow a me Thrush.

  O ke telegarapa hope ioa i hiki ae, mai Ladana ae, oia no ke kauoha e ao aku, me ka hai pu aku ia Said Khalid, e kauoha ana iaia, e huki i kona hae ilalo, a e haawi pio mai, me kona puali holookoa, aole e oi aku mamua o ka hora eiwa o keia kakahiaka.

  Mamua iho oia manawa, o na poe Pelekane a pau e noho ana maloko o ke kulanakauhale, ua pau lakou iluna o ka mokuka ua o ka Adimarala Rawson ma ka hora 8 ponoi.

  Ma ka ponei, ua ulu ae ka haunaele mawaena o na kanaka ponoi o ka aina, iloko ponoi o ke kulanakauhale, me na koa Marina Pelekane he 250 ko lakou nui, i hoopaeia iuka o ka aina, no ka malama ana i na waiwai, a me ke kiai ana i ka maluhia o ke Kanikela o Beritania Nui.

  He mea maopopo no hoi, o Said Khalid, he mea kokua oia i ka hookauwa kuapaa ana, ma ke ano he mea kuai aku, a hoopukapuka aku i na Nika, ke kumu hoi o kona hoao ana e kue aku i ke kau ana i ko Beritania.  Nui hae ma ka aina o Zanzibar, ma o ka loaa ana aku paha o ka lanakila i na kauwa kupaa iloko o keia Apana o Aferika Hikina.

  Ma ka hora 8 a.m. o keia kakahiaka, aia he 100 a oi poe Pelekane a me kekahi poe e ae o na lahui e iluna o na mokukaua Pelekane kahi i noho ai, o ka poe Italia no hoi, ua pau loa lakou iluna o ka mokukaua Italia Volsurno, a o na Geremania  no hoi, ua hoi ae lakou ma kahi i ke Kanikela Geremania no ka hoopakele i ko lakou mau ola malaila.

  Ua hoouna koke ia aku na pualikoa o na keiki o ke kai, me ka hoouna pu ia aku o kekahi elele no ke noi ana aku ia Said Khalid e haawi pio mai, mamua ae o ke kipoka ia ana o ka pa alii ma ka hora 9 ponoi o ke kakahiaka, ina aole oia e huki i kona hae ilalo.

  Ua pane koke mai o Said, ua oi aku ka pono no’u e kue aku a hiki i ko’u make ana, mamua o ko’u haawi pio ana aku.

  I ka wa i loaa mai ai o ka pane ia Adimarala Rawson ua liuliu koke ae la oia no ka hooko ana i ke kauoha a kona aupuni ana i haawi mai ai nana e hana, a ma ka hora 9 ponoi ua haawi ia aku la ka hoailona no ka hoomakaukau ana, mai ka moku aku o ka Adimarala i na mokukaua Racoon, Thrush a me Sparrow, no ka hoomaka ana e kipoka aku.

  He mau minute wale no mahope iho oia manawa, ua hoomaka kokeia ka wehe ia ana o na papa-pu o keia mau mokukaua ekolu no ka hoouna ana aku i ka elele o ka make iuka o ka aina me ka hookaulua ole.

  He 10 minute mahope iho o ka manawa i haawiia ai o ke kauoha, @ia hoi, ua ike ia aku la na poka pahu e kia pololei ia ana ko lakou alahele no ka pa alii me ka weliweli nui, aia hoi, ua ike koke ia aku la he puka nui e iu helelei ana hoi na poka pahu me he mau kulu pakaua la maluna o na heana o ka poe i make.

  O keia kipu ana mailuna mai o na mokukaua, ua pouli pu ia i ka uahi, me he ohu la e halii ana iluna o ka pa alii, a me he mau kolamu noe la hoi, ke kokolo i ka honua.

  Oiai keia manawa o ke kaua, ua malama ae la ke Kini Keoki a me ka Philomel, no ka hookuene pono ana i ko laua kulana no ke kipoka ana i kahi hoomoana o na enemi, me ka wawahi pu aku i ke kulana paa o ka poe hoohaunaele.

  O na mokukaua Racoon, Thrush a me ka Sparrow, ua hoomau aku lakou i ke kipoka ana a hiki i ka hora 9:05, ka wa hoi, a ka pa alii i ikeia aku ai ua hiolo, a he nui wale hoi o na pukapuka e waiho hamama mai ana mai ka pa alii mai, a o ka poe hoi e hahai ana mahope o Said, ua hoopuka ae lakou, mai na mokukaua mai ko lakou poino, a ina he kaua maoli ma ka aina pau loa lakou i ka make.

  Aole i hooki koke ia ke kaua ana a hiki i ka wa i loaa mai ai o ka hoailona mai ka moku mai o ka Adimarala, e hoopau i ke kipu ana, a o ka wa no ia i meha iho ai o ka lele ana o na poka pahu iuka o ka aina.

  O ka nui o ka poino ma ka aoao o na enemi, aole i maopopo, aka, ua koikoi no nae mawaena o ko na enemi aoao, e like me ka Pa’lii i anai ia aku la a neoneo.

  Hookahi wahi mea akaka loa ma keia kaua ana, oia hoi, i keia wa e kipoka ia nei iuka o ka aina, oia ka wa a ka moku kaua Glasgow o ke Suletana, he wahi mokuahi keia, a ua hoolako ia me na mea kaua, i wehe ae ai i kona mau papa pu, a kipoka aku la maluna o na mokukaua Pelekane.

  I kela wa koke no i hoolei ia aku ai na poka mai na pu mai o ka Racoon, no ka mua a me ka lua o ka manawa, a mai ka pu o 4 iniha ke anawaena ka Sparrow aku, i mahele pu ia ae ai ua wahi moku la mawaena, a ua hamau hoi ka leo o kona mau pu, oiai ke ahi e holapu ana ma kona kino,a ua ike ia aku hoi, aohe ona heluna i koe.

  Mahope iho o ka o ia ana o ka halealii e ke ahi, aia hoi na pa pohaku a me na kaupoku hale e lele liilii ana io a ia nei, mai na poka mai o na pukuniahi i ki ia ai, oia ka wa a Said Khalid a me Said Sales, kona pukaua nui, i mahuka aku ai no ko laua ola iho a me na poe a pau e haihai ana mahope o laua, mawaena aku o ka Paalii a ma ke kua aku hoi o ka halealii, me ka awiwi nui, no kahi o ke Kanikela Geremania, kahi a lakou i manao ai, o ko lakou puuhonua ia o keia wa kupilikii.

 

HAKAKA NO KO CUBA LANAKILA

Havana , Aug. 28.  E like me na olelo kuhikuhi i loaa mai maanei, e hooiaio ana, i ka moolelo pololei, i hoopuka ia ma ka Associated Press, no ka hoouka kaua o 56 hora, e hoapono ana i ka nana a na koa, e kiai ana i na pualikoa maluna mai o ke kaahi, i loaa mai hoi ka lono, ua nalowale mawaena o Taco Taco a me Bacaragua, he aina aupuni e waiho ana ma Del Rio.

  O ka na poe kipi kulana i keia wa, ua hoike ia ae, o ko lakou poe i make, aole i emi iho malalo o ka 500, a ua oi aku hoi mamua o ka 100 poe i hoeha ia, e komo pu ana me kekahi Generala o na kipi oia hoi o Bermudez.

  Ua ka ko Antonio lio i ka poka a make, oiai oia maloko o keia kaua ana, e kuhikuhi ana i kona mau koa, aka, ua pakele no nae kona ola, a ua lehulehu no hoi na aliikoa o ka aoao kipi i hoeha ia.

  Eia o Mekia Orozoo, ke paniku la i na pualikoa o ka poe kipi ma Cuxco.  He 11 o na enemi i make, a ma ka aoao hoi o ke aupuni, he 8 wale no poe i hoeaha ia.

  O na pualikoa aupuni malalo o Kapena Gomela, nona ka heluna he 125, ua lele kaua aku lakou maluna o ka poe kipi ma kahi kokoke i Manzanillo, ma ka aina aupuni o Santiago de Cuba.

  Ua make ke Kapena, a ua hoeha ia hoi o Lutanela Pena, o ka mahele mua, ma ke poha ana o kana pu, a pela i loaa ai kela ulia.

  O na puali i hookaawale ia ma Manzanillo, ua hoouna koke ia aku ia i ka hope o Kapena Gomela i make, no ke kue ana aku i na kipi, a ua make 26 o ko na kipi aoao, a o ko ke aupuni hoi he 7 i make, a he 22 i hoeha ia.

  Ua hoike ae ka Official Gazette, he mau olelo pokole i hana kanawai ia no ka hoolaha ana i bila baneko hou, mawaena o na mea a pau o Cuba, a na ka loio aupuni e nana pono i ka mea e kue ana i keia kanawai.

  Key West, Flo., Aug. 28.    Aia o Generala Roloff a me Konela Nunez, a me 14 poe e ae i nae mai i ka aina nei mai luna mai o kekahi waapa.

  Ua kolo ia mai lakou iloko o ke awa, i ka wa i loaa aku ai mahope iho o ko lakou pae ana mai i ka aina, ua hoouna hou ia aku he mau waapa @ o ka moana.

  Ua hoike ae o Generala Roloff i ka pae maalahi @ aku i Cuba o ekolu mau make me na lako laua o 1,500 pu rufela, 8,000,000 poka, 3 pukuniahi wili, a me kekahi mau lako laau lapaau, a me kekahi mau mea e ae e pono ai na koa

 

KA  PEPEHIKANAKA  A  ME  KE  KAAWE.

Lowela , Mich. , Aug. 25.  O Charles Church, he hoa opio, a he kakauolelo malu no ka hale banako o ka hui o C.J. Church, ua kipu a hoeha i ka wahine me ka mea make, a mahope o kona hana ana pela, ua kaawe iho la oia iaia iho a make loa i keia kakahiaka.

  Ua pani na puka o ka hale banako ma ka la inehinei no kekahi kumu hoohuoia no ko ka baneko kulana holomua me ke dala.

  Ma keia kakahiaka, ua hoea ae la ka Hope Ilamuku Cowan, no ke kipa ana ma ko Church nale, no ka lawe ana i kekahi hana no ka ninaninau ana uo na mea e pili ana i ka hale hana.

  Ua kiia ka puka a paa, a ua hoikeia mai he ekolu kani pu panapana i loheia mailoko mai o ka hale.  Ua wawahi kokeia ka puka, a ua loaa aku o Mr. Church a me kana wahine e waiho ana iluna o ka papahele, o ka mea mua ua make loa oia, a o ka hope ua loaa iaia ka eha kukonukonu.  Ua nalo aku ke keiki hiapo a Church ma o keia ulia pepehi kanaka la.

  Kinakinati, Aug. 15.    Ua hoike ae ka nupepa Manawa Hoku, mai kona mea kakau mai, mai Williamstown, Ky., wahi a ia hoike, he telegarapa kai loaa mai, mai ka Luna Nui mai o ke Alahao o Louisville a me Nashville, ua noi aku na limahana i na Luna Nui o ke Alahao, oiai lakou e holo ana no Eagle Funnel, e kokoke aku ana i Elliston, oia ka wa i ulu mahuahua ae ai ka haunaele, e hele loa aku ana hoi i ka nui.  E hoike ana kekahi lono, he hookahi kanaka i make loa, a me hookahi mea i hou ia i ka pahi.  A ua awiwi koke ae ka Hope Makai Nui e hoopau koke i kela haunaele ma ke Alahao, a he mea oiaio, iloko o kona kulana makaala, ua pau ka hapanui o ka poe hooulu haunaele i ka hopuhopu ia, a hoopaa ia iloko o ka halepaahao.

 

KE  DEMOKARATA  DALA   GULA.

San Lui, Aug. 27.   Ma ka noho ana o na Komite Kukakuka o ka poai dala gula, no

(E nana ma ka aoao eono.)