Ke Aloha Aina, Volume II, Number 40, 3 October 1896 — Page 5

KE ALOHA AINA

 

 

@PA HOONOHONOHO O KA HOOLEWA.

            @e me ka mana i loaa @kauolelo o ka Ahahui @ Aina o ko Hawaii Pae- @ me Kalaiaina, ke ho- @ku n ka lohe ina hoa @o ka Ahahui Aloha Aina @ Kalaiaina, a me ka Aha- @oha Aina o na Wahine, @ Mokupuni o Oahu a me @ mokupuni e ae, e noho @ kulanakauhale o @lu e komo ae iloko o @ ka hoolewa hope loa o @ hak@hauoli o Hawaii, ka @ Hanohano Joseph Ka- @i Nawahiokalaniopuu, @ m@ele ana aku i kona @wailua mai kona home @aku ma Mauna Kamala @ i kahi o ka mokuahi @ e kii ana ma ka uapo @la @ ma Ainahou.

@ makemake ia na mea a @ akoakoa ae i ka hora 12 @ o keia la, no ka ma- @ana ke anaina haipule @ h@ 12:30 p. m. o keia @ Sept. 30.

@ka ana ka hoonoho- @a@ o ka huakai hoole- @ka @a 1 p. m., malalo @hooponopono ana a ke @ hoolewa.

@ malalo iho nei ka Papa @ohonoho o ka huakai @

Mea Hana Pahu

Puali Makai

Puali Puhi Ohe

@ Aloha Aina o na Wahine

Na Luna o ia Ahahui

@ Pukiki Manawalewa.

@ Luna o ka Hui Kalaiaina

@ Aloha Aina o na Kane

@ o na Ahahui Aloha Aina me Kalaiaina

@ Luna o ka Hui Aloha Aina

@oomalu o ke Komite Hooko

@alaiaina e huki ana i ke Kaa Kupapau

Na Hapai Pahu

Na Hapai Pahu

@ine Kanemake me na Keiki

@ Ohana me na Pilikana

Na Hoa'loha

Ka Lehulehu

Ma ke Kauoha,

            JAS. K. KAULIA,

@unahoomalu o ke Komite Hooko o ka Hui Aloha Aina

 

MAKAI NUI O KAUAI

@ na la i hala ae nei, o ka @o ia ana o ka hoonoho ia ana i @o ka Makai Nai o Kauai, a ma- @ o ka noonoo akahele ia ana, ua @o Baldwin, ka Hope Makai Nui o @okupuni o Maui ia kulana, a ma @ nei oia i kau aku ai ma ka @hal@ no kona kulana hou, a e @ ia aku ana kana huakai e Ilamuku @n.

Kapena W Scott o ka Oihana @ o Honolulu, ua loaa aku kona @ no ka Hope Makai Nui no @uku a me Maui E hoi aku ana @o ke kahua hou o kana hana.

o Lutanela Jack Fernandez, o ka elua o ka Oihana Makai, ua lilo @ oia i Kapena Makai no ka wati @.

 

Na Palapala

            Aole e ili maluna o makou ke koikoi o na ahewa ana no keia mau manao i hoopukaia malalo o keia poo, aka, e ili no ia maluna o na poe na lakou i kakau mai.

 

Mai ka Bana Lahui Hawaii Mai.

I KUU ALOHA AINA OIAIO

            Welina pu ka@

            O ka u leta mua ia oe, e hoike aku ana ia i kekahi mau wahi a makoa e kipa aku ai ma ko makou ala huli hoi aku i ka H@me, a he mea oiaio no ia, Oiai makou ma keia Park. (Washington Park.)

            He elua pule mamua ae o ka pau ana o ka makou hana ianei, ua hoouna e aku la makou ia John Aiu i mea nana e huli ka makou hana ma ke kulanakauhale o Denver, ma ke ano oia ka Agena, aia iaia ka loaa o ka makou hana me ka ole, o ka pono ana e imi ai, o ko makou pono like no ia, a o ke pakalaki no hoi ma o kana imi hana ana, o ko makou pakalaki like no hoi ia a pau, mamuli o keia lei hanohano i papahi a aku la maluna ona, ua apo mai la oia a auamo maluna o kona hokua.

            Kau aku la maluna o ke kaaahi no ke kulanakauhale o Denver i ka la 19 o Augate, hora 7 30, e hoomanawanui malihini ana i ka hana i haawi ia aku nana i hana, a he mea @aio, ma ka lokomaikai o @Malia @, ua loaa mai la ia makou he lono hoohauoli mai iaia mai, e hoike mai ana ua loaa ka han iaia ma ke kulanakauhale o Denver, no hookahi pule i paa ma ka aelike a ina lakou e makemake elua la hou aku, oia iho la no, ua kakauinoa aku la oia e like me ka mana i loaa iaia, a e hoomaka a a ka hana i ka la elima o Sepatemaba, oiai hoi, eia no makou i Washington Park nei i keia wa, a o ka Poaha la ekolu o Sepatemaba makou e haalele iho ai ia Kansas City nei no Denver, a iloko no hoi o kekahi Park oia kulanakauhale makou e paani ai.

            Ma keia, ke hoomaikai ae nei makou i na Mana Lani, no Kona haawi ana mai no i ka mea kupono no ko makou noho ana, aole no hoi oia i hoonele loa mai, aka, ua haawi mai no oia ia makou i kahi mea kupono, aole hoi o ka waiwai loa, aka, me kahi loaa uuku ua hoolewa like ae la no ia makou, no ko makou oia o ka noho ana o keia aina malihini, a na Kona ahonui no auanei e hoihoi hou aku ia makou no ka ainahanau, iloko o kekahi la o Okatoba ae nei, aia no hoi a hiki aku makou i Kapalakiko, hooiaio aku au ia oe i ko makou la e hiki aku ai i Honolulu ua lawa kaua i keia wa

            E oluolu mai hoi e ko makou lahui aloha, no ka oukou mau leo pule no makou, a no ka pono o ka aina, ka lahui a me ka nohoalii o Hawaii nui o Keawe, a oiai keia mau la makou e noho nei, ke puapuai mai nei na lono mai na kamaaina mai o keia kulankauhale, no ka hoihoi hou ia o ko kakou Moiwahine ma ka nohoalii o Hawaii.

            A me he mea la, oia paha ka Kaiulani hana hope loa mamua ae o kona waiho ana aku i ka Noho Peresidena o Amerika Huipuia, aka, o ke Akua wale no kai ike i ka oiaio o keia, nolaila, me ka manaolana maikai, ke nonoi pu aku nei no i ka oluolu o na haipule o kou io ponoi, e pule hooki ole no kou mau pono pili paa i pakaha ia, i nui ke aho, a e hoomanawanui ina popilikia, a oia mau popilikia i k@u iho maluna o kakou he mea hauoliia ia kakou, a oia no auanei ka mea nana e hoonui ae i ko kakou manaolana, a o ua manaolana a a e hooko ia ana no ia i ka la i kokoke loa mai ma na ipuka hale o ka Lahui Hawaii ponoi, a no oukou ko makou aloha pumehana.

            Owau me ka haahaa,

            SAM'L K. KAMAKAIA.

 

            He lono hoopilihua a hoomokumokuahua i ko makou puuwai, a e hoopuanuanu ana hoi i ka holopuni ana o ke koko i ko makou kino, kai loaa mai ia makou ma ke telegalapa o la ka 15 o Sepatemaba nei, mai Kapalakiko mai, e hoike mai ana, o Joseph Kahooluhi Nawahiokalaniopuu, ua huna na maka i ke aouli nalowale, ua niau kololani aku la i ke alakoi-ua a Kane Hala ia Pou-hana ou e ka Lahui Hawaii, Aloha.

            Ua loaa mua mai no he leta ia makou mai a Mrs. J. Campbell mai, o ka la 13 o Sepatemaba, e hoike mai ana ia makou i ko Nawahi nawaliwali loa, me ko makou manao ole nae e lawe aku ana ka Haku i kona uhane aka, o Kona makemake no ke hana ia.

            He kowa o umikumamaha haneri mile ke kaawale o ko makou wahi e noho nei mai ko lakou wahi mai e noho ala, a ina paha aole makou i kaohi hou ia iho nei i Denver nei, ina no ua loaa aku oia ia makou, a na makou no la e hoihoi aku i kona kino wailua i ka ainahanau, a no ka mea, o ka la 13 o Sept., nei makou e haalele iho ai ia Denver nei no Kapalakiko, a e hiki aku ana makou ilaila i ka la 15, ka la hoi ona i pauaho maila i keia ola ana, aka mamuli o ko makou kaua hou ia ana e na kamaaina o keia kulanakauhale no ka la nui, "Carnival," o ka mahina o Okatoba e hiki mai ana, ke ole nae he mau kuia, a he la no hoi ia e loaa ai he makana i ka Puali Puhi Ohe nana e ahai i ka hanohano o ka la, mai waena mai o ka huina nui o na Bana he 34 i manao wale ia no ia la, pela iho la makou i noho hou ai ia nei.

            A na ke telegarapa hoi i lawe mai la i ka lono kaumaha io makou nei, no ka haalele ana mai i keia ola ana o ka mea i poni aloha ia e ka puuwai o ka Lahui Hawaii, a waiho iho la i kana mau hana maikai, he kia hoomanao poina ole i na hanauna ma keia hope aku.

            Ae, ua hala, ua nalo aku la ke kanaka i molia iaia iho me kona ikaika a pau, no ka pono o kona ainahanau, kona lahui oiwi a me ka hanohano o ka nohoalii o kona Aupuni. Aloha wale!

            Pau kou ike ana e ka Paredaiso o ka Pakipika iaia. Aole hoi kona mau kapuai wawae e hehi hou ana i kou mau alahele e ke kulanakauhale o Honolulu. A e Kauakanilehua o Hilo Hanakahi, ua pau kou hooma'u ana i kona mau papalina. A e ke kai o Paikaka i ke One wali o Ohele, aole olua e kuikuilima hou ana me ia. A e ka bele kui-lua o Haili, ua hala, ua nalo kou hoa pili, hoa noho, hoa hele hoa kaana o na hana pono o ka Haku.

            Ua pau hoi kona maalo hou ana ma na paia eehia o ko Iehova S@b@o@ Heiau, kahi hou a kona leo walohia e pu-a mai ai i ka ai lani, a e hoohainu mai ai hoi i ka wai lani i na opio ka aina Uakanilehua, ka home i aloha ia e kou mau Haku i hala e aku, na malapua nani e hoopuni ana i na home aloha ala, aole oukou e kipehi hou ana iaia me ke onaona waianuhea o ko ouk ala like ole, ua hala, ua nalo, ua pa kona milimili ana ia oukou me kona mau lima aloha, a ke kulu ala ko oukou mau waimaka aloha kekahi me kekahi.

            A e Hamakua i ke ala Ulili, ua hala o Nawahiokalaniopuu, a na ka hau-oki o Kaleponi e pehi nei i kona kino wailua, a o ka lono walohia ke hoea aku ana i ou ala.

            E Kohala nui, Kohala iki, na puu Haelelua, Opili o Kalahikiola, a e ka makani he Apaapaa, ua kou ike ana ia Nawahiokalaniopuu, a o kona aka kino wailua ke halawai aku ana ma na makalae aloha o ua aina haaheo ala.

            E Kona kai maokioki i ka lai Opua Hinalo ua malie, ka makani kaulana o ka aina he Eka, ua hala o Nawahiokalaniopuu, ua nalo mai ia oe aku, a ua pau hoi kou hooluolu ana iaia me kou mau ea huihui.

            E Kau i ka makani Moae, nou ka nei leo hanehane a'u e lohe nei, he leo koi-kua-mauka ke aloha i ke kanaka, o Nawahiokalaniopuu ua hala, a na ke telepona e hoike aku i ka lono piliaiku i ou ala.

            E Puna paia ala i ka Hala, nou paha nei wohi kukahi i hele iho nei, i niau kololani aku la ka hele'na, huna na maka i ke aouli. He milimili, he hiialo nau e ka iliili nehe olelo i ke kai o Puna. No Puna ke keiki hakihaki kukuna La o Kumukahi, aole e pehi hou ana kou mau huna kai iaia, aole hoi ke ala onaona o na hala o Upeloa maluna o kona oiwi lahilahi, aole hoi ua lehua o Mokaulele e kilipohe hou ana maluna o kona mau poohiwi aloha.

            No ka mea, ua manawaino aku la oe i kou io a me kou koko, a hookuu aku la iaia e niau hookahi i ke ala me ka puolo waimaka o ke aloha, a waiho iho la i ke kino i ka aina malihini, a o kona aka kino wailua ke maalo aku ana ma na ipuka hale ou e ka lahui oiwi aloha.

            E na Honoapiilani i ka malie, na keiki kupa a kamaaina oia mau kaiaulu ka makani kaulana o ka Malu Ulu o Lele he Ma-aa, aole o Nawahiokalaniopuu me oe i keia la, aole hoi kou mau makalae aloha e halawai hou ana me kona mau kiionohi.

            E Lanai a ka Ululaau. E Molokai nui a Hina, o olua pu kekahi i awaiaulu ia i nei leo hooanoano e pa-e nei, e i mai ana, ua pau aku la, ua kuu ka luhi o ke kanaka moe i ka opu o ka makuahine honua. Aloha oia!

            E Kauaiomanokalanipo, ua poele oe ua nalowale ke alanui, ua pio ke kukui e malamalama ai o Hawaii a Keawe, ua kuu mai la o Nawahiokalaniopuu i keia ola ana, a hele hookahi aku la ma kela aoao o ka muliwai eleele o ka make, ua hala ka pou-hana, ka ipukukui uwila anapa i ka maka o ka lehulehu, ua nalo.

            A e ke Kapikala o Honolulu, ke kikowaena hoi o ko Hawaii Paeaina, nou ka panina hope loa o nei kanaenae aloha, aia iloko ou na Halepule o na hoomana like ole, o ko lakou mau paia oohia, he mau kamaaina pu lakou no Nawahiokalaniopuu, aka, i @ ano, ua malihini pu lakou a pau @

            O na Halepule o Kawaiahao @ Kaumakapili, he mau hoa pilialoha ia no Nawahiokalaniopuu, o ko laua mau Ogana, oia pu kekahi i laulima pu ma ia hana hoomaikai i ka Haku o na Haku, aka, ano aole laua e ike hou ana i na maka aloha o Nawahiokalaniopuu.

            A e Aliiolani Hale, ka Hale Kaukanawai o ko Hawaii Paeaina, ua pau kou kupikipikio ana nou iho, ua hala ka mea nana e hoonaueue i kou mau paia hoanoano. Ua kuu ka luhi o ke kamahele i ka aina malihini, a eia mai oia ke koihoi aka kino wailua ia aku la nau e kanikau hope iho iaia, a nau hoi ia e na kamaaina aloha o ke kulanakauhale o Honolulu e manele aku iaia no ka hale mau o ke kino, a e hoi ka lepo i ka lepo, a e hoi ka uhane i ka mea nana ia.

            A ia oe hoi e ka Lani a ka Lahui ua pau kou ike ana i nei huna lepo Au, ke koo hoi o kou nohoalii ua hala ia leo aloha o Kou Lahui, a owai la auanei ke pani ma kona kulana wahaolelo no ka pono o ka aina, kou lahui a me ka nohoalii o kou aupuni.

            Aka, e hoomaikai ia na Lani, no ka mea, e like me ke kanaka i lulu i ka hua palaoa iloko o ka lepo, a ulu mai he palaoa he mea e ola ai kanaka, pela no o Nawahiokalaniopuu i lulu iho ai i ka hua maikai iloko o ka puuwai o kona lahui ponoi, a e ulu mai no auanei ia he hua maikai, he mea e ola ai kona lahui oiwi, oia hoi ka pono o ka aina, ka lahui a me ka nohoalii o Hawaii.

            Ola ka ai o ka aina, ola ka i-a o ke kai, ola ka lahui kanaka mai Hawaii a Kauai, ina aku ua ola ala he mau la helu wale no koe a hoea iho.

            A nou hoi e ka makuahine a me na keiki hoi i hoonele ia i ka makua ole ka makou pule, e hoomama mai i kou mau u ana no kau mea aloha i hala aku la, a ke komo pu aku nei makou a pau me oe ma ia haawina hoomanao o ke kanikau pu ana no kau mea aloha i haalele mai ia oe. O ke aloha o ke Akua me oe a me na keiki i hoonele ia i ka makua ole Amene.

            O makou iho no,

            Na Opuu Rose a ka Lahui, ma o ko makou Peresidena ala;

            SAM'L K. KAMAKAIA.

            Denver, Colorado, 1633-1635, Market Street. Denver House.

 

HOOKAHI MAHINA HOOPAAHAO.

            Ua hoopai ia o George Clark, hookahi mahina hoopaahao ma ka hana oolea, imua o ka Aha Apana i ke kakahiaka Poaono nei, o ke kumu no ke komo ana i kahi o ka Bihopa Willis, i ka po me ke kue i ke kanawai.

            Ua hoohalahala ka mea i hoopiia imua o ka Aha Kaapuni, a e noho ana iloko o ke Kau Kiure o Novemaba ae nei, a ia wa e maopopo ai kona puka a me ka ole.

 

NA APANA AINA MA PUUNUI.

            HE $150 MA KA UKU LIILII NO KA Apana he 50 kapuai laula a he 100 kapuai loa, make dala kuike he $135.00 wale no no ka Apana hookahi.

            He emi launa ole; aohe kumu e hiki ole ai i na kanaka Hawaii ke loaa ka apana aina: e hoao e na Hawaii a pau i loaa i mau Home no oukou; ke hana io nei na Alanui; a ua loaa mai ia'u ka pane mai ke Kuhina Kalaiaina mai e hoomoe ia ana ka wai maluna o kela apana aina iloko o na paipu he 4 iniha ana w@

            Ma ke ano o ka malama ana i ke ola kino; ma na hoakaka a Kauka Rusel kekahi o na kauka akamai loaa iloko o keia kulanakauhale, o keia kekahi o na apana aina i kau ia ma ka Papa Helu Ekahi. No na mea i koe e ninau ia

            WILLIAM C. ACHI.

            Honolulu, Sept. 23, 1896.