Ke Aloha Aina, Volume II, Number 41, 10 October 1896 — Page 1
| This text was transcribed by: | Josie Apo |
| This work is dedicated to: | Mahalo Ke Akua |
KE ALOHA AINA
HOOKUMUIA I MEI 20, 1895
Buke II. HONOLULU, POAONO, OKATOBA 10, 1896 4@
KE ALOHA AINA
@ hoopuka mau ia aku ana mai ka @ Poakahi a ka Poalima o na pule a @pau o kela me keia mahina.
@ Uku Pepa, he ao keneta o ka @ No ke kope hookahi, he 4 @eneta.
@ loaa no ka pepa mai ke Keena @ ku a KE ALOHA AINA, a mai @ @ aku o na Luna Lawe @ Pepa.
@ no @ na Olelo Hoolaha, na @anikau me na Mele Inoa, me ke @ala kuike. Aole nupepa ma ka @wili pakahi e hoo@na@ ke ole e @okaa mua ia ka uku pepa.
@ouna pololei mai i na Nuhou @ Kumumanao, na Olelo Hoola@, na Kanikau a me na Mele @oa i ka Lunahooponopono o @eia Pepa.
@ loa e hoopukaia a hoolahaia @ekahi manao ma na ko@amu o @a Pepa, malalo o kekahi inoa @apakapa ke ole e hoike mai i ka @nahooponopono i kona inoa @aoi.
Ka Nupepa Puka Pule
KE ALOHA AINA
@kahi Makahiki $@.00
@ Mahina 1.00
@ mahina .50
@kahi Mahina .@0
EDWARD L. LIKE
@ooponopono a Hope Puuku o
KE ALOHA AINA
@MMA A. NAWAHI
Puuku
@ ka@a Nupepa me na hookaa @a, e hoouna pololei mai i ka @ponopono ma H@@lulu @ KEENA HANA: Aia ma ke @eena @ o Joseph Nawahi, @una@o ka Hale Uipihapa o @ Damon, ina ke kihi o @a Ala @ M@ Betela, ma Honolulu .
@HU HALEMAO I KA LAU LEHUA
@ ke ku ana mai o ka Ma@i ke kakahiaka nui wale @ Poalima nei ua loaa mai @o no na hoohiwahiwa a @pa o ka Malu Ulu o @me na waapa pua, no ka @ kupapau o Joseph Na@kalaniopuu, he mea ia ia @e ia mai kinohi mai a @o la i ke kanaka kalai@ku e paa i ka inoa hano@ o kona Alii Aimoku, ka @o kona aina hanau, a me @a i kona mau hoa ka@ ka pupuu hookahi.
@ahaina ke awa mua a ka @hi Hawaii i kipa aku ai @na ukana lihaliha iloko @uwai o kona mau hoa @mana e noho ana ma ia apana, a ua holo mai lakou me ka pahola ana mai ina olelo ohaoha maluna o ka wahine kanemake, a me na keiki makua ole.
Nani ka haule ana o ka Pohakuhauoli o Hawaii iloko o ka umauma o na kanaka Hawaii a pau, me he pohaku makamae la no ke daimana.
Ae! oia ka hua o kona hoomanawanui ana e kupaa mahope o ke aloha i ka aina, ka makee i ka inoa ihiihi o kona haku alii, a me ka lul@ ole mahope o na pahele a kona mau enemi.
Eia na mea a pau ma ka aoao o ka lahui, ke makana mai la iaia me ka hiipoi pu mai i kona kino wailua, no ka haawi ana iho i ka lakou mau makana hoohiwahiwa me na kuluwaimaka o ka ehaeha.
Aole loa hookahi kanaka Hawaii ma keia mua aku e hiki ke uhai aku mahope o kona meheu, oiai, he hoike na hana o na la i hala aku la, no ka oiaio o ka makou mea e kamailio nei. Eleu no na kupa, o ka Malu Ulu o Lele.
I ka wa i haalele iho ai o ka mokuahi Hawaii ia Lahaina, ua hele oia a ohuohu i na pua like ole o kela a me keia ano e hiki ole ai i kekahi mokuahi ma keia hope aku ke uhai aku i kona meheu.
Ua eo ka hanohano maluna o keia waa aumoana hookahi wale iho no, aohe lua e like ai me ia ma keia hope aku.
UA HULI HOI MAI
Ma ke Kinau o ke awakea Poalua i huli hoi mai ai ka huakai kaahele aku nei a ka wahine kanemake, Mrs. Emma Aima Nawahi, na keiki a me ka lehulehu i ukali aku nei i ka huakai manewanewa hope loa a kana kane, no ko laua home oiwi ma Hilo Hanakahi.
Ua ku aku ka mokuahi Hawaii i ka hora 1:20 a.m. o ke kakahiaka Poaha aku nei i Lahaina, a haalele ia laila, i ka hora 9:30 a.m., oia kakahiaka no Mahukona, a ku ilaila, i ka hora 4 o ia ahiahi no, haalele ia laila hora 11 o ka po a ku i Hilo i ka hora 8 a oi o ke kakahiaka Poalima, a na na waa, he eha ka nui, i kii mai ai i kona kino wailua a me ka ohana pu, e like me ka makemake o ko laila, a ua kaa hoi ke alakai ana o ka huakai hoole4wa i ka waa o ka mea make a mahope aku hoi ka wahine kanemake, na keiki, ka ohana, a me na hoaloha, a me he mea la he hookani hora a oi o keia ne malie ana o ka huakai hoolewa i ka moana, ua pae aku la lakou i ka aina.
Ua uhipuia o Kanukuokamanu, e na kanaka o keia a me keia ano lahui like ole, e ake ana e ike aku i ke kino wailua o Joseph Nawahiokalaniopuu, ua hoihoi ia oia no ka luakini o Haili, a ma ka la Sabati nei hora 2 p.m. i hoolewaia aku ai oia. Aloha no.
UA HALA O S. L. AUSTIN
Ma ke ku ana mai o ka mokuahi Ke Au Hou, i ke kakahiaka Poaono nei, ua hiki mai la i o makou nei ka lono no ka make ana o ka Lunakanawai Kaapuni o ka mokupuni o Hawaii, Stafford L. Austin (Aukina) mamuli o ka make emool ana, ma ka hora 10 a.m. o ke kakahiaka Poalima nei ma Waimea, mokupuni o Hawaii.
Ua loaa mai no hoi he mau leta malu i na makamaka e hooia ana i keia lono kaumaha i hiki mai.
O ka mea i make, e hele ana oia no ke Kau Kiure e malama ia ana ma Kohala i kela Poalua iho, Okatoba 6, ua ukali ia kana huakaihele e kana kaikamakahine Hattie, oiai oia ina hora hope loa o kona makuakane ma keia ao. He 71 ka nui o kona mau makahiki i ka malama aku nei o Aperila i hala, a o bufalo Nu Ioka kona one hanau ma ke kino.
Ua niki mai oia i Hawaii nei ina la opiopio o kona kino oia hoi ka makahiki 1850, a ua lilo i hoa no ka Papa Loio i ka la 8 o Sepatemaba 1852.
Ua hookohu ia oia i Lunakanawai Kaapuni no na Apana o Kohala, Hamakua, a me na Kona i ka malama o Mei 1, 1887, a hiki i Mei 1, 189, ka wa i hui pau ia ai na apana a pau o ka Mokupuni o Hawaii i hookahi Lunakanawai Kaapuni Ua hookohu hou ia aku no hoi oia malalo o ke Aupuni Repubalika e ku nei.
Ua haalele iho o Lunakanawai Aukina he wahine a me na keiki eono e o@a nei. Aia o Mrs. Aukina i Kaleponi i keia mau la, no ka hele ana e ike i ka laua mau keiki malaila, maluna o kekani mokupea he mau pule ae nei i hala.
Ua hoihoi ia aku no kona kino make mai Waimea aku no Hilo a ua malama kona huakai hoolewa maka Poaono nei. Okatoba la 6.
KE KUHINA KALAIAINA HOU O AMERIKA HUIPUIA
O David R. Francis, Kuhina Kalaiaina o Amerika Huipuia i keia manawa, ua hanauia oia ma ka mokuaina o Kenetuke.
I kona wa he 14 wale no ona mau makahiki, ua komo mai la oia iloko o ka poai o ka poe kilo aupuni, no kona aina makuahine.
O ka nui o kona mau makahiki i keia wa, he 46 no ia, a ua noho Kiaaina no ka mokuaina o Misouri.
Ua kohoia he elua manawa no ke kulana Meia no ke kulanakauhale o St. Louis, mamuli o ke ohohia nui o ko laila ku@anakauhale iaia.
Mamuli o ka waiho ana aku o ke Kuhina Kalaiaina mua i kona kulana Kuhia, nolaila, ua wae a koho koke aku kona haku Peresidena iaia i hoa no kona Aha Kuhina, a ua apo koke ia mai ia hookohu ana e kona kanaka, me na leo mahalo mai ka waha mai o ka lehulehu, e noho ana a puni o Amerika.
He kanaka akahele loa oia ma kana mau hana a pau e lawelawe ai, a malia, o kona kau ana ae la ma ke poo o ka oihana o ka lehulehe, e hookele aku ai oia ina hana o ka lehulehu me ka hilinai nui @@.
Lehulehu na kanaka koikoi o ka aina e pau aku nei i ka make, e like me ka olelo, he mahu ke ola o ke kanaka @ pu-a ae a nalo koke aku no, a he oiaio ia mau olelo a hiki i keia la.
HE WAHI OLELO ANO NUI
I ka Malulani e n@e ana mai ka pili ana ma kona uano i keia kakahiaka Poalua, Okatoba 6, ua hoopuka mai la kekahi ohua wahine i kekahi wahi huaolelo ano nui:
“Aloha oukou a pau loa, o ko’u hele ana no keia a make aku i Kona.”
He ano nui no ko keia mau wahi huaolelo i hoopuka ia mai, mai ka le@ mai o kela wahine, aka, @@ hiki no n@e ke hoomaopopo ia ma kekahi ano, oia hoi, o kona hoi ana aku ia no ia ia Kona, pau kona ike hou ana i ka uluwehi o ke Kaona nei, a ina paha, aia he mea e hoano e ana i kona noonoo mahope nei, ua ulu mai kela mau mea a hanini mawaho o kona puuwai, a o ka hana kupono wale no iaia o ka hoopuka mai pe@a.
He nui a lehulehu na mea e pili ana i keia mau huaolelo, aka, na kela a me keia e koho nona iho i ke kaona o keia mau olelo hookalakupua a keia wahine maluna o ka oneki o ka Malulani.
UA HOLO AKU LA NO MAUI
Ua @a mai nei ka Hui Kinipopo o Maui, i ka Hui Kinipopo Hoku o Honolulu nei, ma o F. W. Carter @a, ka Luna Nui o ke laila Hui Kinipopo, no ka paani ana i keia Po@ono nei, Okatoba 10. Ua hoou@ia aku @ ka Hui Kinipopo Hoku ka lakou papa m@ ka Malulani, a ua kau aku lakou ma ke Kinau o ka Poalima nei, a hoi mai ma ke Kalaudine o ka @a Sabati ae nei. Owai ana @a o laua ke ahai ana i ka lanakila, aole i maopopo, aka, i na e kalele kela poe o Maui, maluna o keia huaolelo mo@o, o Maui no ka oi, alaila e hau@e ana ka Hoku.