Ke Aloha Aina, Volume II, Number 47, 21 November 1896 — KA LA KOHO ELELE. [ARTICLE]

KA LA KOHO ELELE.

O ka Poaono, Novemaba 28, oia ka la kuokoa o ko kakou aina hanau, he la koho Peresidena ia no ka Ahahui Aloha Aina Kuwaena o ko Hawaii Paeaina, ma Aliona Hale, ma Honolulu nei. Eia kekahi mau Elele o na Mokupuni i Honolulu nei kahi i noho ai, ua hiki e mai lakou hookahi pule mamua ae o ka la e hoea mai ai o ka hana nui a ka lahui i makemake ai e hana ia ka pono a me ka pololei, a haule mai na lani. Eia mai ma ka lima o na Elele na kauoha a kela a me keia Apana, kahi hoi i kohoia mai ai lakou, me ka lakou mau inoa i kauoha ia, e hooikaika a hiki

i ka hopena no ka pono o ka mea a lakou i makemake ai. O kekahi mau Elele paha e @ mai ana i Honolulu nei, he mau wahine, aole ana hoi e @ mai ka Hui Kuwaena o na Wahine i keia poe Elele, a maluna aku iloko o ko lakou malu, ke holo mai hoi kekahi mau apana elike me ia e hauwawa mei i keia mau la. O ka KE ALOHA AINA e paleo e aku nei i na Elele a ka lahui e hoouna ia mai ana, e malama i ka inoa makamae o na apana, kahi nana lakou i hoohanohano mai, a i ka wa e pau ai o ka lakou mau hana, a akaka ke kanaka nana e pani ka makalua i hoohakahaka ia, e hoi aku lakou no ke kali ana mai i na hana e ike ia ai ka pono o ua kanaka la a oukou i koho ai i alakai no ka lahui mai Hawaii a Kauai, ina paha no ka hooko ana i ko ka lahui makemake, ma na alakai ana ma luna o ke kumuhana e pili ana i ke aloha oiaio i ka aina hanau ka mea hoi a kakou i akenui ai, e loaa i Kapena makaukau, wiwo ole, hol hope ole, hele imua me ka nana ole ae i na hoino ia mal e na enemi. I kanaka naauao a hoopono, a e ike ana hoi mai ke kiekie a ka haahaa, he eleu a mikimiki ma na hana e pono ai ka lehulehu, a ke loaa ia kanaka, ola ka aina, a ola no hoi ka lahui. O ka kakou ia e kali aku ai, o ka hoea mai oia Ia nui kamahao ma ke kulanakauhale nei, ka la hoi e akaka ai na ulu i paki kepau. Nolaila, nana pono ia ke kanaka kupono, lolelole la mai luna a lalo, a mailoko hoi a waho, i ole ai e hopu hewa i ka uala makika, a pa-papa i kakou he aa ko ka hale, wahi a kahiko.