Ke Aloha Aina, Volume II, Number 52, 26 December 1896 — Page 4
| This text was transcribed by: | Lynne Minamishin |
| This work is dedicated to: | MINAMISHIN 'Ohana |
KE ALOHA AINA, POAONO, DEKEMABA @@, @@@@
KE ALOHA AINA
Hoopukaia no ka Pomaikai o ka Lehulehu, a he Nupepa na @@ Lahui Hawaii.
EDWARD L. LIKE, Lunahooponopono.
E. A. NAWAHI, Puuku KE ALOHA AINA.
HONOLULU, DEC. 16, 1896.
HE LAU OLIVIA MAI KE KAI MAI.
Elike me ka Uhiwai o Mana, e kahiko iho ana ma ke alo o Waimea, pela na nune olelo @ ko makou mau hoaloha a me na makamaka i kipa mai ai ma ko makou nei Keena Hana, no ka ninau ana mai, no na mea e pili ana i ka huakai aumoana a ke Alii Aimoku o Hawaii, a hiki i Kona pae ana aku iuka o ka aina maloo.
Ua hoike aku makou ma ke kakahiaka Poaha nei, ua hoike aku no makou i na mea e pili ana Nona, koe ka loaa ana mai o kekahi leta e hooia ana i ka oiaio oia mau lono.
Aka, mahope iho o ko makou puka ana aku ia ahiahi, ua loaa mai la kekahi leta, e hoike ana i ke ano o ko lakou holo ana me Kona mau hoahele, a no ka pomaikai o na makamaka heluhelu o KE ALOHA AINA, a puni ka Paeaina, e heluhelu ia iho kekahi leta malalo iho penei:
CALIFORNIA HOTEL,
Kapalakiko, Dec. 10, 1896
Aloha oe:
Eia ke ike nei i ka houhou a ke anu i ka ili, a ke ho manao ae ne, no i ke aloha o ka aina.
I ka hora 7 o keia kakahiaka @ ku ai ka moku o makou iwaho, a no ka piha loa i na moku, ua hiki koke ole ia makou ke lele koke aku iuka o ka aina, a na ka mokuahi liilii i alo-alo ia makoiu a @@@ @@@@.
He oluolu maikai Ko'u ola kino a me Ko'u mau hoa.
Aia a pau ae kahi luhi a po@@ea moku o keia hele ana mai nei o keia loa, alaila, hele aku e makaikai i ke Golden Gate Park a me ke Califf House, a malia, i kahi o keia mau @a, e kamoe loa aku ai ka makou kua ai no ka hikina, a malia no hoi o loaa wahi leta hou aku nau.
Na ka Haku e hoohalawai hou ia kakou.
Me ke aloha nui.
KA HAKU O KA I.
O keia ae la ka leta pololei i loaa mai ia mak@u ma ka Alameda o ka Poaha nei, a he ku no hoi i ka eehia a anoano na olelo o ka palapala, a ma ko KE ALOHA AINA aoao, ke kakoo mau nei kana mau leo pule i ka paepae kapu o ka noho alii o ka Mea Mana Loa, e kiai a malama Iaia, oiai Oia he mau tausani mile ka ma@@@@ mai kona aina na@a@ aku. Aloha Oe e Kalani
HE LEO NO KE ALOHA.
Mai ke Kama'@@@ Kalulani Mai.
La Chaire,
Rozel Jersey.
Mrs. Nawahi,
Aloha oe:
He mau wahi laina pokole keia A'u e hoouna aku nei, a malia, ua lohi paha ia no ka hoike ana aku ia oe no ka ehaeha i loaa Ia'u, mamuli o Ko'u lohe ana mai no kou kaumaha.
O Hawaii a me kona lahui, he mea maopopo aia iloko o ke kanikau ana no kau kane, kekahi o na hoaloha oiaio i hilinai nui ia, a he kakaikahi hoi o na kanaka i like me kona ano.
Aole Au ilaila, aka nae, o ka ehaeha i loaa, i Ko'u puuwai, ua like @oia me he mea'la aia no Au i Hawaii a e hui pu ana me Ko'u lahui iloko o ko lakou mau kaumaha a me ka luuluu, no ka haule ana o kekahi kanaka i hilinai nui ia e ka lahui.
Ma keia wahi kanaenae, e oluolu e komo pu aku Au me oe a me kou ohana iloko oia kaumaha a me ke aloha.
KAIULANI.
Novemaba, 1896.
UA manao makou, he mea no ka lahui e hauoli ai ka ike ana iho, aia no ka @e Kama'lii wahine opio, a hooilina Alii hoi o Hawaii, ke noho maila i ka aina mamao mai kona aina hanau aku. Aka nae, ke hoike maila no Kona puuwai Alii i ke aloha kanaka, i ke aloha lahui ame ke aloha aina, ma o Kona hoomanao ana mai, e komo pu me Kona lahui iloko o ke kaumaha no ke kanaka i ku a kakoo mahope o ka aina, ka luhi hoi a kona mau kupaa i eha ai ka ili i ka ihe laumeki.
Aloha no ka wohi o Hawaii o ka hoomanao ana mai.
O ka makou e kalokalo ae nei. E ola mau loa ke Kamaliiwahine Victoria Kaiulani Kawekiulani Lunalilo Kalaninuiahilapala@a i ke Akua, a hiki i ka hehi hou ana a Kona mau kapuai Alii i ka aina hanau.
HE lalau loa keia mau olelo a ke Kuokoa a e kamailio aku ana makou i ko makou manao no na mea e pili ana no ia mea. No ka mea, oia hoohiki ana, he hoohiki ia no ka la o ka make, mamuli o keia mau manao hookonokono o kela palapala i kakau ia ai, a lakou hoi e olelo nei, aohe wahi e kolo hou aku ai.
HE KANAENAE NO LILIUOKALANI.
O Liliu, o Loloku i ke kapu,
O ka lamaku o ka noeau,
O ka waihona o ke akamai,
O ke aniani o ka pololei,
E imi ana i ka makemake,
I ke ola nui o ka lahui,
Ola Hawaii nui o Keawe,
A kau i ka pua aneane,
E ola ka pua i poniia,
O Liliuokalani he inoa,
Aia o Loloku i Maleka,
I ka piko la i Wakinekoaa,
Haku ia, kui ia ka wehi,
Ko Hae Kalaunu e Kalani.
I kahiko nou e Liliu,
No ko la nui hanohano,
I ola na Makaainana,
A kau i ka pua aneane,
E ola ka pu i poniia,
O Liliuokalani he inoa,
Ei ae o ka Lanikiekie,
Me ka pono @@i o ka lahui,
Pono Hawaii nui o Keawe,
Ola Molokai nui a Hina,
Oia pu o Maui o Kama,
Oahu o Kakuhihewa,
Kaui o Mano o Kalani,
Niihau i ka mole o Lehua,
E ola ka pua i poniia,
A kau i ka pua aneane,
Ko wehi Kalaunu i ke kapu,
O Liliuokalani he inoa.
Hakuia e ke
KILO A KA LAHUI.
E HOOLANA I KO KAKOU MANAO.
Ina aole i ikeia na hopena i loaa mua i ka poe noho hoomanawanui, a ina aole he Akua e ola nei e hooko ana i ka haawina pomaikai no ka poe hohmanawanui, a ina o ka uku o ka h@na hewa, he pomaikai ia, alaila ua makehewa loa ka makou a'o ana aku i ka lahui Hawaii, e noho me ka hoomanawanui.
Aka, aole kakou e hookuu i ka manaolana a ke Akua e hoa-a mau nei iloko o ko kakou mau puuwai aloha aina.
Ua ike ko makou uhane i ka hopena o ka pono a mo ka hoomanawanui; aole no e hoolo@iia ae ko makou kaulono ana iluna oia kiko hoailona. E hiki mai auanei ka pono no Hawaii! E ike maka auanei o Hawaii i ko ke Akua hoihoi hou ana mai iaia iloko o kona noho ana lanakila!
EIA ke Kuokoa, ke lolelole hou mai nei i ka palapala kakoo Aupuni Repubalika a ka Moiwahine Liliuokalani i hana ai a makou no hoi i hoike aku ai mamua aku nei, e lilo ana kela palapala i hana ia ai e ka Loio akamai a lakou i kaena ai. "aohe ona puka e kolo hou aku ai," a ua hiki ole iaia ke lawe aku a waiho aku i Kana hoohalaha i kekahi mana aupuni e aku, elike paha me Amerika, Enelani. Farani a me kekahi mau mana aupuni e ae, malalo ka o kona hoohalahala ole ana i keia aupuni e ku nei, i kona wa i kala piha ia aku ai e lakou nei.
@-unreadable
I ko makou @-unreadable
nana, @-unreadable
maoli ana uku, @-unreadable
@-unreadable
ka Lahui Hawaii @-unreadable
o ko lakou uhune @-unreadable
la nana e alakai ana, oia ke Akua.
A o @e @upaa ana o ke kanaka, a o ka lahui paha iloko o ka wa popilikia, @@ ka h@l@wai pu ana me na poino na huoe o ka nele a @@ ka make maoli, he hoike oi aku ia o ka maopopo, aole na ko ke kanaka ike i ao, a i alakai i ka manao kupaa o ke kanaka, a o ka lahui paha e hoomau i ke kupaa ana @o ke aloha ana i kona aina hanau iho.
Ua nui no na olelo ao i hoike ia aku iwaena o ka lahui, e hoohuli ana, a e olelo aku ana, eia ka pono, ke ola, ka lako, a me ka pomaikai no oukou e ka Lahui Hawaii ahonui, aka, ua ku no nae ka lahui a nana, a makaikai, a hoole loa aku la.
Ina keia mau ao ana @a ke kanaka, he kuhikuhi, a he alakai ana hoi mamuli o ka mana o ka ike kanaka, alaila, i keia la, ua hiki no ke hoohiolo, a hoopau loa ia me ka palanehe loa.
No ke aha i kupaa mau ai keia Lahui Hawaii pela? No ke aha lakoiu i puni ole aku ai i na olelo ao, e loaa ai ka lako a me ke kuonoona? No keaha hoi i hoomau loa ai lakou i ke kupaa ana me he mea la, oia ko lakou pono nui loa. No ka mea, ua oi ko lakou paulele a me ke aloha i ko lakou aina hanau mamua o na momi makamae o keia noho kino ana.
Pela no makou e ike nei i keia mea kamahao loa iwaena o ka lahui Hawaii. Ua hoole mai no lakou i na pono a me pomaikai o keia noho kino ana ke onou ia aku, e panai i uku no ka haalele i ke aloha i ka aina.
E haalele io anei kakou i ke aloha o ka aina hanau? E hoomaewaew oku nei kakou i kona pipili ana iloko o ka kakou puuwai?
Aole loa, e hoomau i ke kupaa ana, no a mea, ke hooko oke mai nei ke kiai puka ma kona wahi, no ka hoomalamalama ana i na mea pohihihi a pau o na la i @ala.
NOKEAHA? No ka mea, ua loaa iaia kea palekana, a heaha ke kumu e hiki ole ai ke hoohalahala, oiai, o ka hoike e pa-i ia mai nei e ke Kuokoa, aole ia naka Moiwahine i makemake, aka, na Kuokoa ma no, malalo o ko lakou poai, aohe na ka poe okoa aku.
UA KIPA AKU E IKE IA O@NE @-unreadable
O KUHINA HAKI A ME KUPA@-unreadable
Wasinetona, Dec. @. A@-unreadable
@@ elua mau Luna Aupun@-unreadable
kulana kiekie o Hawaii @-unreadable
@@@@ ae i koonei Keena Aupu@-unreadable
@@ i keia la. O Mr. Haki @-unreadable
Kuhina Hawaii e noho @-unreadable
maanei, a me Mr. Kupa, Ku@-unreadable
hi@a o ko na Aina E o Ha@-unreadable
waii. He mau kukai olelo po@-unreadable
kole loa ka laua me Kuhin@-unreadable
Nui Olney, a ua hoike ia @-unreadable
hoi, o keia launa ana, aohe @-unreadable
he mau mea pili Aupuni an@-unreadable
nui i kuka ia mawaho aku @-unreadable
ke ano ike pili Aupuni ma@-unreadable
mau, a pela i ake ai ke Kuhina Nui o Hawaii e kipa ak@-unreadable
e p@hola i kona mau hoomaikai i ka mea e noho ana m@ke poo o ke Keena o ka @-unreadable
Aina E oia Aupuni, a e hoomaopopo pu hoi ina e hiki ana he wa kupono e loaa ai on@-unreadable
anaina ike me ka Peresidena Kalivalana, a ua hoike pu ia a@-unreadable
no hoi, aohe mea i noonooia @-unreadable
ka Ninau Hoohuiaina, a he kumuhana hoi ia i kapae loa ia aku la ma kulakula no kahi @-unreadable
ai no paha la na na mana hooponopono Aupuni o keia mu@-unreadable
aku e hiki mai ana, e noonoo @-unreadable
akahele aku noia mea, oiai @-unreadable
ia, he kumuhana moewaa @-unreadable
nei kau.
UA HALA MA KEIA AO.
Me ka luuluu a lihaliha makou i lohe mai ai, ua kipa @-unreadable
la ka Anela o ka make @-unreadable
ka home noho o George Kamaa o Kapuukolo ae nei, mamuli o ka hoomailo loihi ana @-unreadable
ka mai maluna o kona kino @-unreadable
me ka hoomau no i ka hana @-unreadable
ma ka hora 11 o ke aumoe Poaha nei, Dec 17.
He mea lawe pepa kahiko @-unreadable
no oia no KE ALOHA AINA @-unreadable
a he makuakane ALOHA AINA @-unreadable
oiaio hoi no kana mau keiki @-unreadable
me kona ohana a pua, a @-unreadable
kakoo ikaika hoi oia mahop@-unreadable
oia haawina makamae a hiki @-unreadable
kona hooluolu ana aku la @-unreadable
ke ala koiula a Kane.
Aia paha kona mau m ka @-unreadable
hiki mawaena o ke 50 a me @-unreadable
60. Ua noho hana loihi @-unreadable
me ka Hui o Poka Ma, ma @-unreadable
ano he me kau paona nanah@-unreadable
no ia Hui a hiki aku la i kona @-unreadable
make ana.
Ke komo pu aku nei K@-unreadable
ALOHA AINA i na manewanew@-unreadable
pu ana me ka ohana o ka @-unreadable
i make. Aloha wale.
HE HOOMAIKAI.
K@ haawi aku nei au i ko'u hooma@-unreadable
kai a me ko'u mahalo piha i na hoa@-unreadable
ka Hui Hana Lanahu o Poka@@ma, @-unreadable
ke kokua p@ ana mai ma ka hu@-unreadable
hoolewa o ka'u kane i aloha nui @-unreadable
George Kamaa.
MRS. MARIA GEORGE KAMAA.